27/10/2025
حالة مهمه جدا 🩸🩸
طفل 13 سنه جالنا المعمل مطلوب منة عمل تحاليل :
✅️ ALT ✅️ AST
✅ ️bilirubin total and direct ✅ ️pt
- الحقيقة الطفل جاى بملف تحاليل كتير جدا عامل فيها تقريبا نفس الفحوصات دى قبل كدة 🙃
وبسؤال والدة الطفل عرفنا انة اتشخص virus A وبالفعل بقالة اسبوعين بياخد علاج ولكن بدون أى تحسن بل بالعكس الصفراء بتعلى بشكل مخيف 🙄
وبسؤال الطفل عن وجود اعراض فيروس A زى
(ارهاق او همدان ترجيع او تكسير ف الجسم )
للاسف مفيش أى أعراض من دى الولد صحتة كويسة جدا جدا ولكن الصفرا ف عينة باينة بشكل مخيف
قبل م أعمل التحليل وانا بقول دى مش أقل من 20 وقد كان
طبعا ملحوظة قوية جدا ولازم نسأل عنها الطفل ؟بتهرش ياحييبى
قالى اه جدا وماشى على ادوية حساسية
بدأت بعمل الفحوصات
وكانت النتايج غير مطابقة اطلاقا لحالة فيروس A
على الرغم ان الولد معاه تحليل مثبت فية virus A igm +ve ايجابي
والى واضح ان المعمل اعتمد على نتيجة كارت ولم يتم عمل تحليل ElISA
والولد اتشخص خطأً وترتب علية علاج غير مناسب للحالة ف جاء بدون أى تحسن ملحوظ بالعكس الصفراء رقمها بيتضاعف
جائت التحاليل زى ما طالع ف التقرير تحت
ال bilirubin total 24
direct 22
والرقم دة طبعا ً كفيل انة يعمل تحسس شديد جدا لجلد الطفل والى بسببة انا سألتة بتهرش ياحبيبى ؟
تراكم الصفراء ف الدم بينتج عنها تراكم لل bile salts الى بتعمل حساسية شديدة جدا
وبم ان الصفرا direct مرتفعة جدا جدا
ده لا يرجح وجود فيروس A اطلاقا
ولكن يرجح وجود obstruction اى انسداد ف القنوات المرارية.
ودة وضحناة للطبيب المعالج ف الكومنت وطلبنا نذود
تحليل ALP
كمان من اهم الاسئلة الى ترجح وجود انسداد هو
وجود بول غامق جدا وبراز فاتح جدا
وبسؤال والدة الطفل اكدت دة
ثانيا تحاليل انزيمات الكبد لاتتماشى اطلاقا برضو مع وجود فيروسA ده مجرد ارتفاع طفيف وكمان ال AST هو ال مرتفع وده يرجح اكثر وجود مشكلة اخرى غير كبدية
على عكس انزيمات الكبد ف وجود فيروس A من الممكن توصل الى
ألاااافات مؤلفة
وطبعاً الانزيمات تمت بعمل كل التخفيفات المحتملة لتجنب حدوث انخفاض كاذب بسبب ارتفاع الصفرا الى ممكن تعمل block لل absorbance ... ................ ................... .......................
دايما بنقول إن التحاليل مش مجرد أرقام بتتكتب جنب بعض احنا عين الطبيب اللي بتساعدة ف الوصل للتشخيص المناسب .
اللهم جنبنا الخطأ وارزقنا الصواب دائماً
🤝تم التواصل مع الطبيب وطلب سونار عالبطن والحوض لمعرفة نوع الانسداد والتعامل المناسب مع الطفل .
شفاه الله وعافاه ❤️
بس كدة
