26/07/2025
الأميبا آكلة المخ، نيجليريا فاوليري، كائن مجهري نادر بس خطير جدًا. بدأ يصيب بعض الافراد الفترة اللي فاتت أمريكا من خلال مياه الحنفية، خاصة لو استخدمت في غسيل الأنف من غير غلي أو تعقيم.
الأميبا دي بتدخل الجسم من الأنف (مش الفم)، وغالبًا بيحصل ده وقت السباحة في مياه دافية أو لما حد يستخدم أجهزة غسيل الأنف بمية ملوثة. أول ما تدخل، بتطلع على المخ عن طريق العصب الشمي وتسبب مرض اسمه التهاب سحايا أميبي أولي (PAM)، وده للأسف مرض سريع ومميت في أغلب الحالات.
مهم تعرف إن شرب المية الملوثة مش خطر، المشكلة بس لو دخلت عن طريق الأنف.
نصيحة: لو هتستخدم مياه لغسيل الأنف، لازم تكون مياه مغلية ومتسابة تبرد، أو مياه معقمة.
