مركز السيف للاستشارات النفسية والتدريب والتاهيل

22/10/2025

ورشة عمل مهمة ومميزة عن ( برنامج اللوفاس )
مقدمة من د / سيف الطيب
صاحب مركز السيف للاستشارات النفسية والتدريب والتاهيل
وبالتعاون مع مركز هيفين للاستشارات والتدريب
يوم السبت الساعه 10 ص

التواصل على الرقم الخاص بالاعلان

@أبرز المعجبين

21/10/2025

جانب من تسليم شهادات كورس المقاييس النفسية للاطفال
بالتعاون مع مركز هيفين للاستشارات والتدريب

غداً إن شاء الله هيتم الاعلان عن ورش عمل البرامج العلاجية

@أبرز المعجبين

18/10/2025

جانب من جلسات تنمية المهارات ( مهارات الادراك )
بحضانة Teach me to narsry 2 بالتعاون مع مركز السيف للاستشارات النفسية والتدريب
@أبرز المعجبين

12/10/2025

جانب من جلسات تنمية المهارات المقدمة بحضانه
Teach me to nursery 2
بالتعاون مع مركز السيف للاستشارات النفسية والتدريب
@أبرز المعجبين

12/10/2025

جزء من محاضرة د - سيف الطيب
شرح مقياس الينوي من مقاييس صعوبات التعلم المقدمة بمركز ( هيفين للاستشارات والتدريب ) فيصل
موعدنا السبت القادم شرح مقياس الفرز العصبي السريع
@أبرز المعجبين

10/10/2025

المقال الاسبوعي
اولادنا في وقت الاجازه مش بيكون عندهم الالتزام زاي ما بيكون في وقت الدراسة
لان ده وقت الصحيان بدري والالتزام بمواعيد الدروس ومش ينفع نراكم الواجبات وضروري ننام بدري ونذاكر كويس
كلها إلتزامات كتير ومع الالتزامات دي بتظهر المشاكل من اولادنا
( الي مش عايز يلتزم بالمذاكره - والي مش حابه تروح المدرسة بسبب انها بتصحى بدري - والي مش حابب يذاكر علشان المذاكره رخمة وواجبات كتير بيعملها )
وهكذااااااااا من المشاكل بالنواع ده

علشان كده احنا ( كأباء ) لازم ناخد بالنا كويس من شوية حاجه مهمة

1- ياترا ابني او بنتي : عندهم مشاكل اصلاً في الانتباه
يعني هما بيعانو مش الالتزام بتفاصيل كتير وبينسو كتير ومش بيركزو وبيتجنبو اي حاجه فيا مجهود ذهني ( تشغيل دماغ يعني )
وده بنعرفه اننا بنتوجه لمتخصص ( اخصائي نفسي ) يعمل مقياس للانتباه علشان يحدد المشكلة جايه من هنا ولا لأ

2- المعاملة النفسية : النفسية اقصد بيها هنا ( التشجيع - الصبر - التعديل للخطأ - التعزيز - المدح - الثقة - تكرار
الكلمات دي كلها بسيطة بس تعبيراتها وفهمها مهم جداً جداً
فممكن الاولاد مش بيحسو بكل الكلمات دي وبالتالي على طول زهقانين ومحبطين وتصرفاتهم عكس كلامهم

3- هما نفسهم عندهم مشاكل : زاي
القلق المفرط - ضعف الذكاء - صعوبات تعلم - وغيرة
والمشاكل من النوع ده مش بتظهر بس في الدراسة دي بتكون في الحياه العامة ليهم

علشان كده لازم الاول نعرف السبب علشان نعرف ازاي نعمل التدخل المناسب ونلاقي نتيجة مُرضية

ولازم نتجنب ❌❌❌❌

1- كلام الناس مهما قالو المتخصص يفيدك اكثر

2- المقارنات ( ليه ابني كده وغيره مش كده ) التفكير بالشكل ده بيهد مش بيبني

3- السكوت على امل انه بكره هيتحسن " طلاما لحظتي حاجه الاولى تطمني مش تسكتي

4- مش اي متخصص تروحي ليه ( اعرفي انتي رايحة لمين )

متنسوش تعملو شير علشان غيرنا يستفاد أكثر وأكثر

دُمتم بخير 😊

@أبرز المعجبين


ُسري

08/10/2025

جانب من جلسات تنمية المهارات بحضانة Teach me nursery 2
دور المشاركة بين الحضانه والمركز بيأكد أن الهدف العام هو مصلحة الطفل وبفضل الله الاقبال على الجلسات مستمر
هدفنا هو( حياة أفضل لينا - ولأولادنا )

متنسوش تتابعو صفحة الحضانه وجروب الوتس
هيكون في فيديوهات للتوعية هيقدمها
الدكتور / سيف الطيب
@أبرز المعجبين


ُسري

07/10/2025

شوية ملاحظات واحنا بنطبق مقياس الذكاء

1- ضروري تكون عارف كأخصائي الوقت المسموح للمفحوص وانت بتطبق فقرات المقياس ولا ينفع يقل ولا ينفع يزيد

2- خلي بالك وأعرف المفحوص ليه اختار الاجابه الصح
ده بيعرفك ان هو فاهم السؤال مش اجابته عشوائية

3- بسط السؤال بس لازم يكون في مضمون التعليمات علشان مش تجود بتعليمات من عندك

4- احرص دائماً ان الطفل مش يمل منك وخليك دائما. مبتسم

5- مش تعدي سؤال وتقول هو كده كده هيعرف يجاوبة بلاش تعمل كده

6- اوعى تعرف المفحوص وتقوله انت جاوبت صح او غلط
والافضل تتفق معاه قبل الاختبار 👇🏻👇🏻👇🏻👇🏻👇🏻

مثلاً : احنا دلوقتي هنعمل ( اختبار مش امتحان ) في حاجات كتير منها سؤال ومنها العاب انت مطلوب منك تفكر وتجاوب بس انا مش هقولك انت جاوبت صح ولا غلط

7- بلاش تحضر مامت الولد في الاختبار وفهمها ليه

05/10/2025

كُل التوفيق للدكتور سيف
جانب مش شرح محاضرة بمركز ( هيفين ) للاستشارات والتدريب ( شرح مقياس بينية 5 )

متنسوش الثلاثاء الساعه 2 شرح كارز 3 للمرة الثانية
@أبرز المعجبين

02/10/2025

مقال الاسبوع 3
فكرت قبل كده ك بابا وك ماما كلامنا لاولادنا هما بيستقبلوه إزاي 🤔🤔🤔🤔🤔
انتو تعرفو إن 30 ‎%‎ من تعاملاتنا مع اولادنا من كلام وتواصل بيفهموه باللسان و 70 ‎%‎ نظرات وإشارات
نضرب مثال بسيط

ماما بتكلم ابنها وتقوله متخفش انا مش عايزاك جبان
هنا الولد مش بيركز اكثر في الكلام قد ما بيركز في تعبيرات وش ماما وهيا بتقول كده
وبناء عليه يبدأ يقول لنفسه من خلال التعبيرات الي كلها غضب وإنفعال وعصبية انا وحش وجبان علشان ماما قالت كده وهنا بقا نستغرب
( ماما كان قصدها تشجعه بس تعبيراتها الي وصلت ليه إنها بتهينه )
وهكذا في كل موقف يحصل من الطفل وماما تاخد رد الفعل او بابا وهو او هيا ( الطفل ) تبدأ تترجم ده بناء على التعبيرات لانها بتكون اقوى واصدق وبتوصل اسرع

مش بس كده ده ممكن كمان من غير ما ماما تتكلم الولد او البنت يفهمو التعبيرات هيا ماما فرحانه مننا او متضايقة او مش طيقانا

نتخيل ده لمين لماما او بابا الي بيحفزو اولادهم بس مش قادرين يتحكمو في تعبيراتهم وردرد افعالهم

نتخيل بقا الاصعب والاشد إن الكلام والتعبير يكون سلبي ومحبط ومؤلم ( زاي )
إنت مش تستاهل
انتي فاشله
هتفضل كده قاعد مش ليك لزمة
صدقت لما قلتلك إنك غبي
متبقيش هبلة كده على طول
انت حيوان ومش ليك لزمة
مهما عملتي فلانه احسن منك
غور في داهيه ربنا ياخدك
انتي هتفضحينا بتصرفاتك دي
ايه الدرجات الزفت دي
ازاي تجيبي 58 من 60 راحو فين الدرجتين دول
انت هتطلع صايع وملكش اي قيمة
وهكذاااااااااااااااااااااااااااااااااااااااااا
نتخيل بقا التعبيرات الي بتطلع مع الكلام ده بيكون شكلها ايه والاولاد بيستقبلوها ازاي

ونتخيل بقا مدى الصراع النفسي الي الاولاد بيعيشو فيه
من خوف من الفشل - غيرة من الغير - تجنب الاذى
توتر في الكلام - عنف في المعاملة - كذب في المواجهه
عِند - عصبية - كسل - ومفيش حتى إهتمام بالمظهر ولا بالتعليم ولا بأي حاجه مهمة

فلازم نخلي بالنا كويس من ردود افعالنا وتصرفاتنا وطريقة كلامنا
سمع ابنك الكلام المخلوط بالمشاعر الايجابية من خلال تعبيرات الحب والاعجاب والصبر

سمعي بنتك كلام مخلوط بالمشاعر الايجابية من خلال الدعم والدلال والتفاخر بيها

عرفوهم كل لحظة إن حبكم ليهم مش مشروط ولا مرهون ولا هيقل ولا هيتغير ولا هيتبدل

متنسوش تعملو شير للغير علشان يستفاد اكثر واكثر

@أبرز المعجبين


ُسري

24/09/2025

البداية يوم السبت القادم
مركز هيفين للاستشارات والتدريب
فرصه كويسه جداً لكل الي عايز يحصل على محتوى مميز للمقاييس النفسية للاطفال
@أبرز المعجبين

14/09/2025