SocietyProblems

29/03/2026

جوزي اكتشفت انه بيكلم بنات ميعرفهاش ويبعتوله صور ليهم مش كويسه ويكلمهم كلام مش كويس وكان مهملني في العلاقه ويتهرب من انه يقعد معايا ومع اولاده الصغيرين عشان يفضل علي التليفون وكان مفهمني انه بيجي تعبان من الشغل اتاريه بيعكل كدا عشان نسيبه يتكلم براحته وانا اكتشفته وكنت هاخد ولادي وامشي وفضل يبوس في ايدي وراسي ويعيط وقال نزوه وجاب المصحف حلف عليه وبقا يصلي الوقت بوقته واتغير معانا انا والولاد وبقا يهتم بينا ياتري هل فعلا ممكن راجل خاين زي كدا يتوب ويتعدل ولا ده مؤقتا بس وهيرجع تاني يعمل ال بيعمله هو في الطبيعي طيب ومحترم وبيحبنا انا والاولاد جدا مقهوره وقلبي وجعني والحياه سودا في وشي

17/03/2026

انا عندي 26 سنه مطلقة وعندي بنت.. طليقي حب صحبتي وسابني وعاب فيا في حاجات عيب وخرج سري وانا كنت بحبه اوي وقعد يقولي عمري ما حبيتك.. اتطلقنا من اكتر من سنه.. وانا دخل في حياتي شخص حبيته وهو بيموت فيا وبيتمنالي الرضا ارضى وهو لسه بيبدأ حياته بس انا جمبه وفي ضهره.. دلوقتي طليقي عايز يرجع بعد ما حواره باظ وبيقول ندمان وفكري في بنتنا وتتربى بنا وانتي كده بتبعيها وكلام كبير.. حقيقي انا مبقتش حساه وم ش شايفه نفسي ست معاه.. اعمل ايه ارجوكم ساعدوني هل انا لو مش قادرة ارجع اقسم بالله ابقي كده ام وحشه؟
ملحوظة: لو اتجوزت غير طليقي بنتي هتعيش مع امي وأبويا لان طليقي رافض فكرة انها تعيش مع راجل غريب

Send a message to learn more

16/03/2026

السلام عليكم
انا كنت عرضت مشكلتي قبل كدا ملخصها الآتي :
اني متزوجة من شخص متعدد علاقات شات ومكالمات ومقابلات بدون الوصول لعلاقة زنا
استمرت في جوازي ١٦ سنة عشان كنت بحبه بشكل مبالغ فيه وكنت برجع في قرار الطلاق عشان مكنش قادرة ابعد عنه للاسف حالة ضعف شديدة
بس الحمد لله أنا تخلصت من حالة التعلق المرضي اللي عندي بسبب خيانة اخيرة وحاليا قرار الانفصال بقي واضح ليا ومش متنازلة عنه مش نتيجة غضب نتيجة تفكير وحسابات عقلية
سؤالي أنا معايا اولاد في سن مراهقة وفعلا مش قادرة اكمل نهائي عشانهم
هل انفصالي وهن في سن ده بيعمل مشاكل ليهم واني ممكن بعد ما هما ماشاء الله ادب واخلاق ونجاح وتفوق يتحولوا العكس
انا حاولت سنة ونص اكمل عشانهم بس النتيجة أني بتبتهدل نفسيا بمعني كلمة وبقيت ام مع ايقاف التنفيذ
عشان ارجع لنفسي وأكمل مهمتي كام ناجحة لازم انفصل
الولاد هما نقطة الوحيدة اللي خايفة أني اظلمهم بسبب قراري
توضيح هو مرتبط باولاده جدا وصعب أنه ببساطة يسيبهم وهو عارف اني لا يمكن اقدر اسيب ولادي عشان محدش يقولي ولادك كبار سبيهم له أنا أم مشاعري قوية ناحية الولاد مقدرش ابتعد عنهم. أو ااتحرم منهم لانهم دول حاليا هما سبب اللي بيخلوني اقف علي رجلي تاني
انا مش ملاك اكيد عملت تصرفات غلط كزوجة في كل سنين فاتت بس تكرار خيانة ايا كان سببها بشكل متواصل بثهد اي ست مهما كانت عظيمة ودي نصيحة لاي راجل لو ناوي تخون انت بتقتل مراتك اللي كل ذنبها أنها بقت مراتك
ياريت ردود عملية ومن تجارب ناس انفصلت معها اولاد

Send a message to learn more

16/12/2025

انا محتاجه النصيحه انا كنت بعت مشكلتى قبل كده أن زوجى خانى مع واحدة متجوزة وبعد ما اكتشفت بجح وانا قولتلوا يسيب البيت وحصل بينا غلط والمشكلة كبرت فضلت فى بيتى 9شهور فى محاولات من القريب والغريب انوا يرجع وانحنا منخربش البيت وانا نفسى كلمتوا وقولتلوا ارجع عشان اولادك رفض وقالى اعتبرينى موت مشيت من البيت وجيت بيت اهلى رحبوا بيا وبى اولادى ووالدى مش مخليهم محتاجين اى حاجه ودفع لى ابنى كل مصاريف مدرستوا ومهتمين بيهم فضلت عند اهلى 7شهور مكنش بيسال علينا حتى مكالمه تلفون ووالدى رفع عليه قواضى ومن شهرين بعتلنا ناس وهو اتكلم انوا عايزنا وانوا فاق وانوا محتاجلنا وانوا بيحبنا وكلام كتير انا مصدقتوش ولا حسيتوا دلؤتى جاه عليه أحكام يا دفع يا الحبس وهو بيقول انا مش معايا ادفع وانا متأكدة انوا فعلا مش معاه بس انا فعلا مش مسمحاه ولا عايزا ارجعلوا بس انا مش عايزة يتحبس عشان ولادى ومستقبلهم واهلى مصممين يتحبس عشان إلى عملوا فيا وانوا بهدلنى وخانى ومكنش بيسال على عيالوا دلؤتى اهلى فاكرين لما بقول كده انى عايزة الموضوع يتحل بعيد عن الحبس بيتهمونى انى مليش كرامه وبيقولولى امشى وسيبى البيت ومتعرفناش تانى انا بحلف ليهم كتير انى والله كرهتوا بس خايفه اوووى يمكن اكون تعبانه نفسيا وكلامى مش مترتب بس انا بكتب بدموع عنيا انى عايزة اوصل لى اهلى انى بحبهم وهما فعلا عندهم حق وهو يستاهل كل ده بس انا خايفه من ولادى لما يكبروا يكرهونى

Send a message to learn more

14/12/2025

انا متجوزة عن حب متجوزة بقالى حوالى ٤ سنين وزيهم أرتباط ومعايا طفل
جوزى شخص الى حد ما ناجح ومجتهد فى شغله جدا ومن الشخصيات اللى الشغل عندها رقم ١ جدا هو كان جارى وكنت انا بحبه جدا وهو مكنش يعرف بدأت انا اللى اقرب من نحيته وهو كان صريح معايا أنه مش بيفكر يرتبط ولا بيفكر فى جواز او كدا هو دماغه شغل وسفر بس بس انا اللى كنت لحوحه شويه وكنت أنا اللى بهتم جدا وانا اللى بحب وكل حاجه كان نظامنا فى الارتباط ميردش على اتصالاتى شهر مثلا ويرجع يقول اصل كنت مشغول يغيب ويرجع لا سورى مكنش بيرجع كنت أنا بردو اللى بتصل وبسأل ويحاول أوصله كنت أنا الطرف اللى بيحب بجنون يعنى ومكنتش محكمه عقلى خالص ٤ سنين وانا بحاول وكدا لحد ما قولت استوب بقى خلاص ومبقتش اسال خالص وهو عرف انى تعبت رجع يطمن وصارحته انى تعبانه فى بعدو لحد ما اقنعته انه يجى يتقدم ايوة انا من غير كرامه ورخصت نفسى عارفه
وفعلا جيه اتقدم ورغم رفض اهلى ليه صممت عليه سنتين وكنا متجوزين مخرجتش معاه فى الخطوبه تقريبا الا قليل جدا يتعدو على صوابع الأيد الواحدة يعنى مكنش فى مكالمات بليل خالص تقريبا كان ممكن يغيب بالاسبوع ويرجع اصل الشغل اصل الدنيا اصل الظروف هو شغله صعب جدا
المهم كنت بصبر نفسى أنه بعد الجواز اكيد الحياه هتتعدل وكفايه عليا الساعتين بتوع اخر اليوم اللى هشوفو فيهم
وطلع بردو الموضوع غير كدا خالص لا بشوفو ولا اعرف عنه حاجه بردو هى هى نفس الحياه بقالها ٤ سنين ممكن يبات برا البيت بليومين ويرجع يغير هدومه وينزل ونفس الحال هو مش بيقعد مع صحابه هو طول الوقت فى الشغل
مفيش تواصل خالص بينى وبينو لا بيتغدا ولا بيتعشا فى البيت رمضان مش موجود العيد كذالك اى مناسبات فى العيله بروحها لوحدى بتبقى كل واحدة مع جوزها وانا بطولى لو اخد إجازة بيروح لوالدته طول اليوم يعوضها عن غيابه لانه وحيد مفيش اهتمام خالص عمرى ما سمعت منه كلام حلو الا قليل اوى هو محسوب عليا زوج فقط كلمه مش فاضى ومشغول دى على لسانه دائما خرجنا مشغول قسما بالله ما خرجت من يوم ما اتجوزت معاه طلعنا مصيف طيب مشغول بقيت طول اليوم قاعدة لوحدى بأبنى حاسه بوحدة اوى اوى بخاف بخاف جدا اتكلم مع اى حد راجل عشان متشدلهوش ولسه فى دماغه السفر بردو هو كأنه مسافر اصلا مش موجود وكل ما أكلمه احاول اخطف دقيقه كدا أكلمه واقوله انى تعبت كان يقولى انا قولتلك من الاول أن شغلى صعب وانى مليش فى الجواز وانى هظلمك معايا وانتى اللى صممتى حتى وقت كروونا كان يقوم يشتغل من النوم يقفل عليه اوضه من الاوض اقسم بالله يفضل قاعد فيها لحد ما نهار تانى يوم يطلع ولما البس وادخل اخبط عليه عشان اقعد معاه يقولى مشغول ومش هينفع ويقولى اصلى بشتغل من البيت طب دور على شغل تانى مواعيدو تكون مناسبه وتكون معانا يقولى لا طبعا انا بحب شغلى طب حبنى قد ما بتحب شغلك يقولى انا مخدعتكيش انا من الاول معرفك حياتى هتبقى ازاى حتى العلاقه بيغيب فيها اوى اوى فين وفين لما الاقيه عاوزنى انا بحس انى مش عجباه أنه مش حاببنى انا نفسى اسيب البيت واخيرو بينى وبين شغله بس حاسه ان مش هنجح انا بيصعب عليا اوى بجد انى مليش معاه مواقف حلوة مثلا لا خروجات ولا صور ولا اى حاجه بجد وبيصعب عليا نفسى والعمر اللى بيضيع انا صغيرة نفسى اسمع كلام حلو انتو متخيلين أن جوزى نزل الشغل بعد ٣ ايام من الجواز ارجوكم انا تعبانه قولولى ممكن اعمل معاه اى
حاجه كمان هو مكنش فاضى يعمل شقه عشان يتجوز ومن كتر ما هو مش فاضى كل حاجه اتركبست على دماغنا واخويا اللى كان واقف فى كل حاجه نزلت انا ومامته بس نختار العفش حتى لما العفش راح الشقه اخويا اللى كان واقف يوم الخطوبه أتأخر عشان كان فى الشغل يوم ما روحنا نودى حاجتى مكنش موجود اساسا جيه فى الاخر التنجيد يوم الحنه ويوم الفرح اخدهم إجازة وبعدهم ب٣ ايام وخلاص على كدا يوم ولادتى اول ما اطمن عليا مشى بردو راح الشغل ومقدرش يجى ياخودنى تانى يوم من المستشفى بعتلى صاحبه بلعربيه ووالدته
ابنى لسه صغير مش مدرك عدم وجودة
خايفه لما يكبر يأثر فيه عدم وجودة

Send a message to learn more

13/12/2025

انا اكتشفت ان جوزى واختى على علاقه من خمس سنوات معرفش علاقه كامله ولا لاء بس انا عرفت لما فتحت موبايله من وراه وهو نايم انا متوقعتش اللى شوفته اختى دى كانت اقرب واحده ليا مكنش بيعدى يوم من غير ما نتكلم لاقيت الشات بينها وبين جوزى كلام وسخ وصور عريانه لاختى وفيديوهات رقص ليها وألفاظ بذيئه ونكت مش محترمه وكلامهم مع بعض حب فبعض وفيديوهات مقاطع من افلام س*س وشتايم فيا وقصص عنى محصلتش وكل محادثاتى وفضفضتى معاها طلعت بتبعتهمله اسكرينات انا قلبى كان هيقف من الصدمه ومسحت من تليفونه كل صور اختى والستات التانيه مع العلم اختى اكبر منى ومتجوزه ومعاها عيال ليه عملت فيا كده وهو اول حب فحياتى كنت بحبه ومقصرتش معاه حتى لو قصرت معاه ميبصش لاختى ميبصش لستات تانيه متجوزه وزوجات اصحابه وبينه وبينهم شات قذر برده انا ابتلائى شديد ف اقرب اتنين ليا وجعوني وكسروا قلبى انا متجوزه من 14 سنه عمرى ما غضبت عند اهلى وبينا اولاد وفرق سن بينى وبينه 16 سنه جوازنا صالونات اهلى اللى اختاروه لانه ابن اصل وغنى وللعلم كان زوج كويس صلاه وصوم نوافل كمان ومقصرش ابدا فبيته وشغله متوفق فيه ودائما عينه فالارض وشكله محترم اللى خلانى افتش موبايله ان كل يوم يجيله تليفونات بالليل ويعمل نفسه رايح الحمام وياخد تليفونه معاه واجهتهم بخيانتهم كل واحد قال ان التانى اللى كان بيجرى وراه واتكلموا ببجاحه ومفيش ذرة ندم عملتلها بلوك وهو مجتنباه عايشين تحت سقف واحد بس كل واحد ف أوضه المهم انها اما عرفت انى مسحت الصور من تليفونه راحت تسبق وقالت لامى انى بقول ان الدهب بتاعى اللى كان عند والدتى ناقص منه سلسله والكلام ده محصلش ووقعت ما بينا وامى زعلانه منى وانا معنديش لا صورة ولا دليل على انها بتكدب عشان اكتشفت علاقتها بجوزى انا سترت عليها ومسحت كل حاجه ومحكتش لحد عشان الكلام ميوصلش لجوزها وبيتها يتخرب وعيالها ملهمش ذنب يتفضحوا بأمهم طول العمر ولا عيالى ليهم ذنب فالفضيحة دى ولا اكسر رقبة ابويا وامى واخواتى وولادهم وسط الناس واحنا ارياف والناس عارفه بعضها انا قررت متطلقش وهقعد فبيتى وهو ملزوم يصرف على عياله وهيفضلوا متعلقين فرقبته يجرى عليهم عالدكاتره ويوصلهم مدارسهم وياكل ويشرب ويودى تمارين مش هاكون ام واب واشيل الهم لوحدى واجرى فالمحاكم وهو يجرى ورا شوية ستات مريضه زيه انا اهلى على قدهم وعندهم ديون جوازات اخواتى مش عارفين يسدوها مش حملى بعيالى ولا حمل الفضيحه دى انا قلبى موجوع حاسه بالكسره موجوعه من اختى اللى من دمى تعمل فيا كده ليه كانت تيجى تاكل معايا وتروح بيتها تقلع وتتصور وتبعتله وتشتم فيا وهو ازاى كان بيروح بيت اهلى ويقعد مع ابويا واخواتى الرجاله وجوزها ازاى عرف يحط عينه فعينهم وياكل معاهم من طبق واحد وهو هاتك عرضهم ازاى ده لو عرفوا هايقتلوهم الاتنين انا تعبت من التفكير حاسه انى هاتشل وخايفه اخد اى خطوه

Send a message to learn more

30/11/2025

إن شاء الله حد يساعدني عشان بجد انا قلبي وخاطري متفتفتين
اولا انا متجوزه عن حب 13-14 سنه حب خطوبه سبنا بعض كتيييير عشان كنا عيال بس كنا دايما بنرجع عشان بنحب بعض اتجوزنا من 5سنين وكان حياتنا حلوه الحمدلله في العلاقه حرفياً بنتسابق مين يبسط التاني اكتر وبجد بجد بنعملها بحب وتجديد وكل حاجه لحد لماسافر العلاقه بقت احلى كمان عشان بنبقي واحشين بعض كريييم جدا معايا ومع اهلي وأهله بيحب أولاده وحنين عليهم جدا هو أكبر مني بسنه عمره ماخاني ابداااااااااااااا ولا عرف وحده حتى صداقه كان مكتفي بيا بس لما سافر مسكت موبايله لما رجع لقيته بيكلم وحده صحاب عادي الكلام عادي جدا بس بكلمها فيديو طب ليه كدا وعيطت وزعلت وصالحني وعملها بلوك وعديتها ووعدني مش هتتكرر وسافر هو مبيتأخرش آخره شهرين تلاته اكتر مره غاب كانت 6شهور واسفه يعني مش بسيبه بكلمه فيديو وببسطه مش بسيبه دماغه تسوحه لحظه وحده الحمدلله بشهاده الناس حلوه نضيفه ولادي كويسين وهو نفسه يشهد اني شايله المسؤوليه فوق طاقتي ومستحمله عادي عشانه وعشان أولادي وبحبه برضوا
المهم كان أجازه واليوم ال ماشي فيه مسكت موبايله بالصدفه والله مش قصدي لقيته مكلم وحده تانيه وباعتلها صورو وبعتاله صورها انا واتصدمت صور عاديه وهما في الشغل بس برضوا لييييه وكلام عادي مفيهوش حاجه بيحكلها تفاصيل يومه وهي كمان مع اني والله مابسيبهوش كل شويه اكلمه مش ناقصه إهتمام بالعكس
كل ال انا عملته سألته لييه كدا بس والله العظيم مقولتش حاجة تانيه قلب الدنيا وزعقلي خد موبايله مسح الشات وبهدلني قالي دي خصوصيات ملكيش دعوه اعمل ال انا عايزه هو انا كدا إذا كان عاجبك اتخضيت من رد فعله سبت البيت ونزلت الشارع وعيطت لحد مااغم عليا وناس لقيتني ودوني المستشفى مكنش معايا اي إثبات شخصية وهو مفكرش يدور عليا لا بالعكس راح سافر وأهلي قعدوا فوق ال 5ساعات يدورو عليا لحد مافوقت وكلمتهم جم خدوني دلوقتي مسافر بقاله اسبوع معبرنيش ولا أولاده وكمان عملي بلوك انا مش قادره والله استوعب ال حصل مش عارفه انا معقول غلطانه طب منا شوفت حجات قبل كدا وعديتها بس المره دي اتخنقت بقى من كتر مابعدي
اعمل اي اتصرف إزاي قولولي اعمل اي اهون على نفسي واولادي ال هيموتو عليه إزاي ومحدش يعرف من اهلي ولا حد انا مقهوره عشان شايله كل دا وساكته لوحدي

Send a message to learn more

30/11/2025

انا منفصله من ١٠ سنين ومعايا ولدين اتعرفت بالصدفه على حد وعرفت أنه جارى ساكن قريب منى وكان بيجمعنا ببعض جروب أولياء أمور مدرسة وسؤال عن مدرسين وكدا واحدة واحدة كنا بنتكلم عادى مكنش فى بينا اى مشاعر وبالتدريج قربنا من بعض فى المشاعر فقط اتقابلنا وقعدنا مع بعض واتكلمنا وأما مشاعرنا زادت بداءنا نقلل من كلامنا وقربنا خوفا من أن يحصل تجاوز بينا وقتها طلبنى للجواز وانا وافقت مع العلم أنه متجوز ولكن كان له شروط أن جوازنا يكون فى السر عشان بيته مايتخربش لحد ما يقدر يشهر وقالى أنه بيلمح لمراته أنه هايتجوز وكل حاجة هاتيجى بالتدريج وهاتعرف وقتها هانشهر جوازنا فابالتالى اهلى كمان مش هايعرفوا لكن هايعرف أصحاب له مقربين أنه اتجوز وانا كمان هعرف أصحاب ليا مقربين انى اتجوزت
هو من يوم ما بقينا مع بعض وانا كويسه معاه جدا وطوع له وحاسس بفرق كبير ف حياته بوجودى مش هانكر أن هو كمان كويس معايا جدا وعمره مازعلنى ولا انا عمرى زعلته
قلتله دلوقتى هاتجيب شبكة بسيطه اوى خاتم صغير مش كبير وقسيمة الجواز كدا كدا بيتكتب فيه مؤخر الخاتم عامل ٢٠ الف والمؤخر هايكتب ١٠ لكنه رفض قالى هم ٢٠ بس عشره ف ايدك وعشرة مؤخر قلتله انا قبلت اكون زوجه ثانيه وقبلت اكون ف السر وانا مابعرفش اعمل حاجة من ورا اهلى وولادى وبخرج معاك قدام الناس ودا غلط عليا وانت عاوزنى ماشيه جنبك كأننا اشهرنا جوازنا ومش مراعى أن حد يشوفنى ويبلغ اهلى اقل تقدير ليا كازوجة تجيب خاتم وتكتب مؤخر عشان ماحسش انك خدتنى ببلاش وعلى الأقل يوم مانشهر جوازنا واهلى يعرفوا مايقولوش انتى بعتى نفسك وسلمتى نفسك له بالرخيص على الأقل يحسوا انك عملت حاجة عشانى لان اما يعرفوا الدنيا هاتتقلب عليا يبقي ع الأقل اقدر اهديهم شويه انك جبتلى شبكة بسيطة وكتبتلى مؤخر زى اى واحدة بتتجوز وبعدين المؤخر مضايقك ليه طالما جوازنا هايستمر مش جواز فترة وينتهى يعنى كدا كدا ع الورق بس مش هاتدفعه ومع ذلك هو رافض وهاينهى الموضوع بسبب كدا وحسيت انى قليله عنده وبيقولى لو بتحبينى هاتقبلى باى حاجة قلتله وانت لو بتحبنى هاتجبلى كنوز الدنيا من غير ماطلب وكمان انا ماطلبتش حاجة كل الموضوع خاتم ذهب صغير الخاتم عامل ٤ جرام مع العلم انا كل ذهبي مش اقل من ٧ جرام ف الخواتم واختارت واحد صغير عشانه وعشان ماكلفهوش وفى نفس الوقت احس انى اتقدرت كزوجة مش سلمتله نفسى ببلاش ....
هو انا كدا غلطانه ووحشه وجايه عليه مع العلم هو شغال ف مكان كويس جدا وبردو مايخصنيش هو شغال ايه ولا فين لكن يخصنى انى اتقدر كزوجة هو رفض
انا بس زعلانه أنه عمل معايا كدا وهاينهى علاقتنا عشان خاتم أو مؤخر للدرجة دى أنا رخيصه وقليله عنده عاوز يستحلنى من غير ما يحس أنه عمل حاجة عشانى يعنى مش كفايه انى ضحيت بانى زوجة تانيه وفى السر عشان خاطر بيته كمان عاوز يجى عليا فى دى
انا بجد زعلانه من جوايا اوى لا بنطق ولا بتكلم ولا حتى دموعى بتنزل من شدة زعلى جوايا
لو انا غلطانه ومكبره الدنيا وبغالى فى طلبي قولولي
على فكرة هو معانا ع الجروب وهايشوف الكومنتات

Send a message to learn more

30/11/2025

انا أطلقت من مده من زوجي بعد ما كان مغترب وانا هنا وواحده بعتتلي أنهم متجوزين عرفي وبعتتلي صوره الورقه واسكرينات بينهم فيها كلام يبين اد ايه أن هو بيعشقها
وكان بيتحايل عليها انها متسبوش
طلبت الطلاق وأقسم بالله ما فكر يكلمني مره واحده حتى يقولي فيها متزعليش حتى
لا تمام عاوزه تطلقي مع السلامه لدرجه اني كلمته مره بقولوا انت عملت فيا كدا ليه قالي انا اخدت من العلاقه دي ايه
ست سنين جواز وبينا عيلين ومحدش وقف معاه ف الدنيا غيري ومخدش من علاقتي حاجه
مع أن ست سنين جواز عمر ما كان في بينا قله قيمه ولا اي حاجه مش كويسه ولا شتيمه ولا ضرب وحتى خناقاتنا قصاد ال بشوفوا حواليا يعتبر مبنتخانقش
وقفت معاه من قبل حتى ما نتجوز ف كل حاجه ف حياته وبقا هو ف الغربه وانا ام واب هنا لعيلين
ومسؤله عن كل حاجه في الدنيا
امي ماتت بقيت انا ال شايله كل حاجه عن اخواتي الصغيرين كمان وجيت قعدت معاهم
يعني الكسره والحمل بقوا الضعف
تخنت جدا بعد الحمل وكنت عارفه أن جسمي من عاجبه خالص
روحت عملت عمليه عشان اخس واتفقت معاه مينزلش غير أما اخس وارجع زي ما كنت
يعني كنت بحاول اعمل ال اقدر عليه عشان ابقى حلوه ف نظره مع اني كنت رفيعه قبل الجواز وكنت عجباه اوي وكان نفسه يتجوزني
المهم يعني عملت جمعيه ع اساس ان هو يدفعها كل شهر
وفضلت المشاكل شهرين قبل ما نطلق مرضاش يدفع فيهم حاجه مع أنه عارف اني وانا عايشه معاه مكنتش بحوش جنيه كل ال معايا كنت بصرفه ع البيت
بعتلي مع أخته انا مش صارف ع حد هو انا هادفعلها كمان فلوس عمليتها
انا قعدت معاهم ست سنين جواز وتلاته خطوبه مكلمتش راجل غيره ف حياتي كلمه واحده
هو نفسه كان بيقولي انا لو متجوز واحده غيرك عمري ما كنت امنت ع بيتي وعيالي وسافرت وسبتها
انا مش عارفه كرهه ليا دا جابه منين وليه اصلا
مع اني كنت بعشق التراب ال بيمشي عليه وعمري ما عملتله اي حاجه تكرهه فيا بالطريقه دي
ال محتاجه رايكم فيه
انا حاليا متقدملي شخص كويس جدا جدا
هو عايش ف دوله عربيه وقال إنه هو هياخدني انا وولادي معاه
أما قولت لطليقي قالي انا مش هخلي ولادي يعيشوا مع راجل غريب والمصاريف هناك غاليه بعت بالرفض وان كل شئ قسمه ونصيب بعتلنا الشخص دا قال هيدفع مصاريف الاولاد لان هو ربنا رازقه ودنيته كويسه
ابو الاولاد قال سيبيني افكر في الموضوع دا
انا لو سافرت هيكون ليا فرصه ف الشغل كويسه جدا وللعلم انا سني لسه صغير جدا مش كبيره قولولي حل اعمل ايه
انا للاسف بعت بالرفض النهائي بس من جوايا بقيت شيفاه اكتر انسان اناني ع وجه الارض
انت شوفت حياتي واتجوزت واحده هناك وبقيت سايبني عايشه مقهوره هنا وكمان محتاجه وعارف اني عليا ديون العمليه ال هي داخله ف 50 الف
وصعبان عليا ولادي ال الكبير فيهم مكملش ست سنين والصغير مكملش سنتين
اسيبهم لواحده كانت السبب في خراب بيتي و ابوهم شخصيا ممكن يكلمهم مرتين تلاته ف الشهر هو بيبعتلهم مصاريفهم بس مبيكلمهمش
الصغير دا شويه وهينسى أن عنده اب اصلا
قولولي المفروض اعمل ايه
للعلم أما كنا بنطلق وراحه الم العفش اتصلت بيه وانا منهاره من العياط قالي انتي السبب في خراب البيت
ايه المشكله كل الرجاله عندها نزوات وقفل حتى مقلش متزعليش
كلمته تاني قبل الطلاق قالي ربنا يرزقك بشخص كويس انتي كويسه و تستاهلي حد كويس
كلمته تالت بقولوا انت عملت فيا كدا ليه قالي الجمله بتاعه انا اخدت ايه من العلاقه دي
يوميها قولتلوا انت انهارده كتبت شهاده وفاتك ف حياتي
كل مره انا ال كنت بتصل وبعيط وبنقهر
ولما أطلقنا قال لاخويا انا عارف انها منهارة دلوقتي وشويه هتبقى كويسه
وقاله تاني انا اكتر حاجه كنت خايف منها اني اخسرك
كان خايف من خساره اخويا انما الست ال البلد كلها زعلانه عليها وبتقول دا وقفت ف ضهره وسندته مكنتش فارقه معاه بجنيه ولغيه انهارده بيحلف بالله أنه مظلمنيش ومقتنع جدا بكدا

Send a message to learn more

22/11/2025

دلوقتي صاحبتي متجوزه ابن عمها وفي بيت عيله يعني ال٦ اخوات اللي هما اخوات جوزها اللي هما ولاد عمها عايشين ف بيت واحد عمها راجل زهايمر وشلل وجلطات يعني راجل لا حول له ولا قوه كل واحد من عياله بياخد اسبوع وهي كمان بس هي ظروفها خاصه شويه اللي هو ايه جوزها مسافر فهي اللي بتراعي الراجل اكل وشرب وادويه وساعات تغيير بامبرز وف أغلب الأوقات اخو جوزها بيطلع يغير هو لابوه بس اخر فتره دي من ساعت معرف أن ف مشاكل بينها وبين جوزها وجوزها مخلي اخوه ده يتوله مصروف البيت يعني لو احتاجت حاجه تطلب من اخوه جوزها ده لو جوزها هيحول فلوس يبعتها لأخوه جوزها ابتداء بقا هو يدخلها من ناحيه انا مش عارف اخويه بيعمل معاكي كدا ليه يا بنتي هو مش مقدرك بخيل تعالي انا هديكي اللي انتي عايزه انا هفسخك بعربيتي من غير العيال وهروق عليكي وبحكم أن مراته صاحبتها فبتحكلها عن مشاكلها مع جوزها وان داخلين ف فتره المشاكل بينهم مبتخلص وان حوار العلاقه جوزها قصر فيها معها المهم أن سلفتها دي حكت لجوزها وابداء التاني يستغل الموقف وقالها انا عرفت أنه مقصر معاكي وأنه وان وأنه مع العلم ابن عمها ده قريب جدا ليها لانه اكبر منه بحوالي ٨ سنين امبارح بقا الفجر صليت وقرأت صوره البقره وكانت بتكلمني وقالت لي قلبي وجعني وحاسه أن ف حاجه هتحصل قفلت معها وبعدها بساعتين كلمتني وهي منهاره اخو جوزها خبط عليها الصبح والطبيعي أن هي بتفتحله لأن هو بيراعي أبوه نزل بحجه عايز اغير لابويا عشان انا مسافر دلوقتي ومعرفش هاجي ف اي وقت قالتله طبعاً اتفضل قالها وهي واقفه معه والتغير لابوه قالها تعرفي أن مراتي بتغير منك وصممت اني اعملك بلوكات من حاجه اوعي تعرف اني نزلت عندك اوعي تقعي بالكلام قدامها معلومه بس هو بيترعب من مراته انا معرفش غيره النسوان دي هتخلص امته انا اي حاجه بتحصل أو هتحصل اوعي اخويا يعرفها انتي عارفه هي راحت قالت له انت كلامك بقاله فتره مش مظبوط ليه عموما انا مبخبيش حاجه عن جوزي قالها ايه لا وبطلي عبط مش عايزين مشاكل قاتله عادي جوزي عارف اني بنسبالك زاي اختك واكتر وانت كمان اخويا ايه الجديد ولا ايه اللي حصل فضل يقولها انا ضهري وجعني اوي وفضل يقرب منها وهي قاعده شد المخده من وراها وحاول يتهجم عليها وحسيت باحتكاك عضوه اوي ومن تنشيف نفسه عليها وأنه ليدخل ايدك من تحت الاسدال من ناحيه الطرحه عملت نفسها أغمي عليها وهو قاعد يترعش ويفوق فيها وبقولها فوقي وبعدين لما لقيته بيحك تاني قاعدت تصوت وتقوله ابعد عندي حسبنا الله ونعم الوكيل فيك وهو قاعد يقولها اوعي تقولي لحد بالله عليكي وسامحيني وانا سخنت فاجأه منك وضعفت وفتح باب الشقه ونزل ع شقته وهي مش عارفه اعمل ايه وجوزها خرا شكك وأهله صعب تنصحوها بايه مع العلم تاني يوم البجح لما قبلته هو مراته بيتعامل معها عادي وبقولها ها اوي تانسي اللي بيتنا أن محدش يعرف حاجه حاسه ان هو اللي كاسر عليها ومش هي تعمل ايه تسجله ولا تعمل ايه

Send a message to learn more

30/10/2025

انا متزوجه وعندي ولدين ولد 21 سنه والثانيه 17 سنه ابني الكبير ليه بنت زميلته يعرفها من صحابه وللاسف عرف ان اهلها رمينها في الشارع وهي كانت بتقعد عند زمايلها زاتخانقت مع زمايلها كتير وكل ما تروح عند حد من زمايلها وصحابها يتخانقوا معاها ويرموها في الشارع فهو صعبت عليه ان هما يسيبوها في الشارع فجابها انا اعترضت في الاول طبعا قلت له انت واخوك شباب ازاي تيجي تقعد معاكم قال لي يعني اسيبها في الشارع وتتبهدل واصحابها مش عايزين ياخدوها او تقعد عندهم فجت كنت الفتره دى انا تعبانه وبعمل عمليه في المستشفى فهي جت وسلمت عليا واهتمت بيه فانا قلت لها يا بنتي انا ما ينفعش ان انت تقعدي عندي دلوقتي حاليا من شهر اربعه وهي قاعده عندي ومعايا في كل حته وبقت معايا حتى دلوقتي لان انا بقيت بغسل كده فبقت تيجي معايا وتروح معايا وتعمل لي كل طلباتي ومش سايباني يعني ابني حاليا بيحبها جدا وهي بتحبه ومش عايزني ان انا امشيها حاولت ان انا امشيها كذا مره كثير واتخانقت مع ابني وقلت له ما ينفعش ان هي تقعد هنا اهلها فين انا عرفت ان اهلها طردينها ومامتها مطلقه من باباها وباباها طلقها بسبب ان اكتشف خيانتها تمام باباها معتقد ان بنته السبب في الخيانه بسبب ان هي كانت بتنزل وتروح التدريب وتروح الدروس وكانت هي معاها على طول فكانت بتسيب بنتها في مكان التدريب طول اليوم وكانت تروح زي ما هي عايزه فهو رمى الذنب كله على بنته ومشاها من البيت طبعا انا اتكلمت معاها وقلت لها طب انا عايز اتكلم مع اهلك وكده ابني عاوز يتجوزها بس طبعا مش عاوز حاجة غصب عنى قلت له طب انتم دلوقتي لسه صغيرين وهتتحسب عليكم جوازه ومش عارفين اي حاجه ولا اي شيء ولا معكم اي شيء ولا حتى انت بتشتغل قال لي انا هنزل اشتغل وابقى مسؤول ما تقلقيش هى حاليا بتكلم مامتها تمام بتضغط عليها ان هو يعني ليها موقف او صوره واضحه من قاعدتها هنا ان هي عايزه تكتب كتابها عشان باباها يرضى عنها انا اللي فهمته ان هي مش هترجعها البيت ثاني هي كده مستريحه ومش عايزاها ترجع تاني عشان بنتها كانت دايما بتحاسبها انت بتسبينا انا واخواتى انتى بتنزلي انتى بتعملي الغلط فهي مش عايزه حد يحاسبها او يمسك عليها اي حاجه فهي مش عايزه بنتها تمسكها من ايديها اللي بتوجعها البنت المفروض في ثالثه ثانوي وهي في مدرسة انترناشونال ومستواها في التعليم ما شاء الله يعني بتطلع من الاوائل على المدرسه فهي قالت لها انا مش هعمل اي حاجه في دراستك الا لما يكتب عليكى ويبقى في حاجه رسميه بينك وبينه عشان تقدر ان هي تكلم باباها وان هو يبقى راضي عنها يعني فانا مش عارفه اخد خطوه في الموضوع ده هل انا اوافق علي الجوازةعشان ابنى بيحبها و عشان هي تكمل تعليمها ويعني واحاول ارجعها البيت ولا الخطوه دى غلط اساسا وممكن تتحسب على ابني

Send a message to learn more

18/10/2025

تفسير الأحلام حيكون يوم السبت والأحد من كل أسبوع، ترسل الرؤية بشكل متكامل.
وشكرا

Send a message to learn more