19/10/2025
من حوالي شهر ونص، دخل عيادتي مريض شاب عنده ٤٤ سنة.
كان ماسك بطنه من شدة الألم وبيقول:
> "دكتور، كل الدكاترة قالولي عندي جرثومة معدة، والتحليل طلع إيجابي… بس الألم مش بيخفّ أبداََ رغم اني أخدت كل علاجات جرثومة المعده مع أكتر من دكتور"
المنطقي إننا نقول فعلاً: آه، جرثومة المعدة هي السبب طالما التحليل بتاعها طالع إيجابي!
وفعلاً الألم اللي بيشتكي منه بالفعل في نفس منطقة فم المعدة ...
لكن الحقيقة؟ الطب مش دايمًا بالمنطق البسيط…
كنت حاسس إن فيه حاجة مش راكبة في القصة .... إزاي الألم ده كله من جرثومة المعده ؟ مستحيل.
بدأت أفحصه بهدوء.
كل حاجة شكلها طبيعية... لحد ما لفت نظري تورم بسيط جدًا في رجله .... سألته فقالي فعلاً رجلي بقالها أسبوعين حسيت إنها ورمت شويه بسيط،
وكمان بالسونار لاحظت تضخُّم خفيف في الكبد .
تفاصيل صغيرة ممكن أي حد يعدّيها، لكنها كانت عندي "جرس إنذار".
وهنا بدأت أفكر في احتمال نادر…
متلازمة بود-كياري (Budd–Chiari Syndrome) —
حالة بتحصل لما الأوردة اللي بتصرف الدم من الكبد تتسد ، فالكبد يحتقن، والدم يتجمع في الكبد، والمريض يحس بألم في منطقة فم المعدة، وتورم، ودوخة، وتعب مش مفهوم.
طلبت له أشعة مقطعية بالصبغة لتأكيد التشخيص، وكانت المفاجأة:
النتيجة أكدت كل اللي كنت شاكك فيه فعلاً!
الانسداد موجود، والكبد فعلاً متأثر…
يعني التشخيص كان بود-كياري فعلاً.
هنا كانت لحظة الانتصار الإكلينيكي الحقيقي ..
مش لأن التشخيص صعب…
لكن لأن الأعراض كانت مضللة.
ألم فم المعدة وتحليل جرثومة إيجابي كانوا بيغطّوا على مرض نادر ممكن يعدّي على أي حد بسهولة.
لكن الربط بين الألم + التورم + تضخم الكبد كان المفتاح.
ده اللي بيسموه في الطب:
> Clinical Sense — الحس الإكلينيكي.
هو اللي يخليك تشوف "الصورة الكاملة" ورا التفاصيل الصغيرة.
هو اللي يفرّق بين طبيب بيعالج عرض… وطبيب بيحاول يفهم الحكاية كلها .
بدأنا فورًا على أدوية سيولة قوية.
ومع كل أسبوع، المريض كان بيتغيّر للأحسن فعلياً ..
الألم بيخف، التورم بيقل، ونظرة الارتياح بتزيد.
وبعد حوالي شهر وأسبوع جالي المريض من ٣ أيام … الدورة الدموية رجعت لطبيعتها تماماً، والكبد اتحسّن وماعادش محتقن، والمريض بقى زي الفل وماعادش فيه أي ألم في بطنه.
ده مش توفيق طبّي بس… ده توفيق من ربنا، ونتيجة تشخيص دقيق مبني على فكر وتحليل مش حفظ وروتين.
الأعراض المألوفة ممكن تكون غطاء لمرض أعمق وأخطر.
والطبيب البارع هو اللي يقدر "يقرأ ما وراء التحاليل والأشعات".
تشخيص بود-كياري في مريض كان الكل شايفه "جرثومة معدة" مش صدفة ده نتيجة إصرار على إنك متعالجش العرض… بل تعالج السبب.
الطب الحقيقي مش في إنك تكتب علاج...
الطب الحقيقي في إنك "تفهم الحكاية".
د/ أحمد عبد الجواد
منقول
دمتم سالمين
لو عندك اي استفسار طبي تواصل معانا عن طريق رسائل الصفحه
وسيقوم مجموعة من الاطباء المتخصصين بالرد علي استفسارتكم
نحن نخدمك بكل أمانه
يوجد لدينا زيارات منزلية
010 03325786
:٥٩ شارع الزهراء الرئيسي اول برج بعد المسجد الكويتي
تقدر تشرفنا في معامل السلام كلينكال لاب ونعملك كل التحاليل اللازمه
لأي استفسار عن اسعار اي تحاليل برجاء التواصل عن طريق رسائل الصفحه او من خلال الواتساب
ابعت الروشته وهنرد عليك بكل التفاصيل
لو انت مهتم وحابب تعرف اكتر متنساش تعملنا لايك عشان يوصلك كل جديد وكل حاجه هنزلها
يوجد لدينا زيارات منزلية
إمكانية استلام النتائج عن طريق الواتساب
01003325786
٥٩ ش الزهراء الرئيسي اول برج بعد المسجد الكويتي
نحن نخدمك بكل أمانه
،صحه جيدة لحياه افضل
https://www.facebook.com/share/16hpiYRLN4/
