عيادة دكتورة ديانا حنا لطب الاطفال وحديثي الولادة

08/09/2022

ربنا يصبر أهله 😞
لينك التعامل مع عضه الكلب أول كومنت⛔️

16/08/2021

برد المروحة بدا يزيد تاني😉😉😉 ناخد بالنا ونلتزم بالكمامة وتجنبوا الزحام في المصايف وربنا يستر

18/07/2021

العمل مستمر بالعيادة طوال ايام عيد الاضحى من 7.5 ل 10.5 م يوميا وكل عام وانتم بالف خير ..اضحى مبارك

12/05/2021

عيد فطر مبارك كل عام والجميع بالف خير 🎉🎉🎉
ان شاء الله سيتم العمل بالعيادة من 7.5 الى 10.5 طوال ايام عيد الفطر المبارك عدا الجمعة وكل عام وانتم بخير❤️

11/05/2021

مهم جدا جدا جدا جدا

07/05/2021

لما تجيلي ام ابنها عنده 50 يوم عنده مغص حامد وعمال يصوت وانا عمالة افكر ايه اللي ممكن يكون اتغير في الرضاعة
واذ بالام بتقولي معلومة عاااابرة وهي خلاص كشفت وهتمشي
هو جدته اكلته بطيخ كتير 😳😳😳😳بس المشكلة انها شربته بعديها ميه ممكن تكون هي اللي تعبته كدة 🤐🤐🤐
انا 👇

04/05/2021

13/04/2021

كل سنة والجميع بالف خير

06/04/2021

لما الامهات تقلع ال 20 قطعة هدوم اللي الواد مستور بيهم 🙈🙈

22/02/2021

حملة التطعيم ضد شلل الاطفال هتبدا ان شاء الله من 28 فبراير حتى 3 مارس من عمر يوم وحتى 5 سنوات

05/01/2021

الفول الاخضر ظهر 🥺🥺🥺

بمناسبة انتشار الفول الاخضر بالاسواق وده حدث سعيد بالنسبة لمحبيه بس ده بالنسبة لينا حدث غير سعيد على الاطلاق 😭😭
لان ده معناه ان المستشفى هتتملي بحالات انيميا الفول التكسيرية الحادة ⁦☹️⁩⁦☹️⁩
ايه هي انيميا الفول وايه سببها 🤔🤔
انا عندي بنت ممكن يجيلها انيميا الفول ولا بتيجي للولاد بس👧
الاب مريض بانيميا الفول ابنه هيورثها ولا لا؟؟؟
ايه الاعراض اللي اول ما تظهر على ابني اشك انه عنده انيميا تكسيرية واجري عالمستشفى🏃🏃🏃
ازاي اتاكد ان ابني مريض بانيميا الفول ؟؟؟؟؟؟
هي خطيرة ولا ممكن ابني يعيش طبيعي🙄🙄🙄
ايه الاكل اللي لاااازم امنع طفلي عنه عشان دمه مش يتكسر🤔🤔
هل في ادوية ممنوعة ولا لا .....
هل ابني هيفضل كدة طول عمره ولا ممكن يخف 🥺🥺
كل دي اسئلة مهمة جدا هنرد عليها كلها فالبوست ده ان شاء الله..
تاابعووونااااا🙂🙂
اول حاجة انيميا الفول سببها وراثي بيبقى في انزيم ناقص بيخلي الدم عرضة للتكسير .....بيجي للولاد لكن ممكن يحصل للبنات كاستثناء في حالات معينة ....
لو الاب مريض بانيميا الفول والام سليمة تماما اولاده مش هيتاثرو خاااالص😍😍 لكن بناته ممكن يبقوا حاملين للمرض في جيناتهم لكن بدون اي اعراض
اهم حاجة ايه الاعراض اللي تخليني اجري بالولد عالمستشفى ...
انيميا تكسيرية حادة...وشه يبهت مرة واحدة وعينه تصفر ولون البول يبقى احمر او غامق وممكن الطفل يدروخ وضربات قلبه سريعة ⁦🥺🥺🥺 وده غالبا بيحصل بعد ما الطفل ياكل اكل معين اهمه الفول وخصوصا الفول الاخضر..او خد دوا معين او جتله عدوى او ميكروب...
ساعتها بتطلعي فورا عالمستشفى لان الطفل بيحتاج نقل دم في معظم الحالات...الطفل بيعمل تحليل نسبة الانزيم G6PD تقريبا شهر ونص من التكسير او نقل الدم عشان ناكد التشخيص⁦✅✅
ابنك ممكن يعيش طبيعي جدا بس تلتزمي بشوية حاجات....
لو في حد فالعيلة عنده انيميا الفول(خاله...ابن خالته. اخوه الكبير) ياريت نعمله تحليل انزيم الفول قبل ما ندخله اي اكل قبل عمر 6 شهور 🙄🙄
واهم حاجة نمنع عنه تماما الاكل اللي ممكن يكسر الدم زي ايه....
اخر توصيات بمنع الفول والطعمية والبصارة والفول الاخضر وفول الصويا ومشتقاته فقط لاغير......لكن في بعض حالات قليلة حصلها تكسير من بقوليات تانية زي الحمص والعدس والمكسرات والبسلة.
ولازم نعرف انه ممكن يحصل باستنشاق ريحة الفول الاخضر حتى من غير ما ياكله يعني الطفل ما يمشيش في غيط مزروع فول ❎
الادوية اهم حاجة نمنع خوافض الحرارة زي الاسبرين ونوفالجين والديكلوفيناك (زي لبوس الدولفين والكاتافلاي ) وبعض ادوية الاسهال وبعض المضادات الحيوية⁦ وفيتامين سي وفيتامين ك☹️⁩⁦☹️⁩⁦☹️⁩⁦☹️⁩⁦☹️⁩عشان كدة مينفعش ادي ابني اللي عنده انيميا فول اي دوا من الصيدلية ....ولازم وانتي داخلة عالدكتور كل مرة تفكريه ان ابنك عنده انيميا الفول عشان يظبطلك العلاج..
لازم نعرف ان العدوى نفسها ممكن تكسر الدم ..اول ما يتعب تكشفي عليه فوراااا
اخر حاجة هل الانيميا دي ممكن تخف.......الحقيقة شفنا حالات مع السن كبرت واتحسنت تماما ورجعو ياكلو فول تاني......والسبب عير معروف ..ودي حاجة كويسة جدا 👍👍
ربنا يعافي كل ولادنا 🙏🙏
د ديانا حنا

03/01/2021

الكورونا والأطفال في الموجة الثانية ...ايه هي الاعراض ؟؟؟؟؟لاحظنا من بداية تزايد الحالات فالموجة التانية للكورونا زيادة عدد الاطفال المصابين وباعراض مختلفة اهمها...
ارتفاع درجة الحرارة والسعال واحتقان الانف والتهاب الحلق ..اعراض شبيهه بالانفلونزا🤒🤧
صداع والم بالجسم كله وفقدان حاستي الشم والتذوق في الاطفال اللي اعمارهم كبيرة شوية ويقدروا يعبرو عن الشكوى بوضوح🤕🤕🤕🤕
شكوى منتشرة جدا ...ابني مش على طبيعته الم فالبطن ..غثيان ..فقدان شهية ..همدان ونوم كتير 🥱🥱😴😴
اعراض شبيهة بالنزلة المعوية ...ترجيع واسهال وتقلصات وحرارة ..🤮🤮🤒🤒
ظهور طفح جلدي على الجسم او تورم في الاصابع ...🥵🥵
اعراض تنفسية ..صعوبة فالتنفس نهجان وانخفاض تشبع الاكسجين والتهابات رئوية.....😓😓
للاسف احيانا الاعراض بتبقى خطيرة جدا ويحصل MISC ..وده
التهاب شديد بياثر على اعضاء الجسم زي الرءة والقلب والعين والجلد والكلى والمخ والجهاز الهضمي والاوعية الدموية ...
وللاسف شفنا حالات لاطفال مصابين بجلطات بالاوعية الدموية بعد التعرض للعدوى بالكورونا ....
على الرغم من ان معظم الاطفال الحمد لله اعراضهم بسيطة وبيتحسنوا لكن للاسف بيعدو اللي حواليهم من كبار السن والاهل بعدوى شديدة .....
في اصابات شديدة باعراض خطيرة خصوصا في اطفال امراض نقص المناعة والاورام و الامراض المزمنة والحساسية ....
في اصابات في الرضع وللاسف بعضهم خطير يؤثر على القلب والتنفس .....
الوقاية خير من العلاج
التزموا بالاجراءات الوقاءية 😷😷😷😷
النزول من البيت للضرورة فقط
حافظوا على ولادكم
ربنا يحمينا ويحفظ اولادنا 🙏

03/01/2021

الموجة التانية للكورونا تصيب الاطفال بكثرة.. بعضهم باعراض خطيرة ..واللي اعراضهم بسيطة قنابل موقوتة تنقل العدوى بشدة للمحيطين

03/01/2021

تاجيل الامتحانات واغلاق المدارس يعني نقعد عيالنا فالبيت ونحافظ عليهم مش نخرج بيهم ونعرضهم للخطر

08/12/2020

التزموا بالاجراءات الوقائية الوضع سيء جدا والحالات كتييييير والتدهور سريع ونسب الوفاة بتزيد #كورونا

29/11/2020

مرض نقص الصفائح الدموية المناعي 🤔🤔🤔

27/11/2020

تطعيم المكورات الرءوية 🤔🤔🤔
ناس كتير سالتني ينفع يتاخد للاطفال فوق عمر السنة او السنتين ولا لا....
ده تطعيم اضافي غير تابع لوزارة الصحة بيحمي ضد الامراض اللي بتسببها بكتيريا المكورات الرءوية زي..
الالتهاب الرئوي
التهاب الاذن الوسطى
الالتهاب السحائي
تسمم الدم
لو بدانا اول جرعة قبل عمر ال 6 شهور ..الطفل بياخد 3 جرعات الفرق بينهم شهرين مثلا 2.4.6 او 4.6.8 وجرعة تنشيطية عند 15شهر ..وممكن لحد سنة ونص
طيب لو بدانا الجرعة الاولى بعد عمر 6 شهور ....الطفل هياخد جرعتين بس بينهم شهر واحد وبعد كدة الجرعة التنشيطية عند 15شهر.
طيب لو اول جرعة بعد عمر السنة ....يبقى حرعتين بس بينهم شهرين ومفيش جرعة تنشيطية.
طيب بعد السنتين لحد. 5 سنوات ....جرعة واحدة فقط.
https://m.facebook.com/story.php?story_fbid=151611486364569&id=104409511084767
وده لينك بوست باقي التطعيمات الاضافية
د ديانا حنا

04/10/2020

عااااادة مص الإبهام عند الاطفال مشكلة بتقلق الاهل جدا 🥺🥺
امتى اقلق ....ايه خطورة مص الابهام .....ايه الحلول 🤔🤔🤔
تااااابعونا
د ديانا حنا
مدرس طب الاطفال كلية الطب جامعة الزقازيق

20/09/2020

مع اقتراااب فصل الشتاء ⁦🌧️⁩⁦🌧️⁩⁦🌧️⁩ ازااااي ارفع مناعة ابني واحميه ضد العدوى 🤕🤕🤒🤒😷😷

انا قربت اكره فصل الشتااااااا😢😢😢😢
ابني مبيلحقش يخف😩😩 بيتعب كل اسبوعين .....
ابني اتهرى مضادات حيوية وادوية .....
ابني علطول عيان فالشتا مع اني مقصرتش ده انا مش باحميه خالص طول الشتا عشان ميبردش 🤔🤔🤔🤔🤔🤔
ابني معندووووووووش مناااااااعة 😭😭😭😭😭
ازاي اقوي مناعته؟؟؟؟؟
طيب في اكل بيزود المناعة ؟؟؟؟؟؟
ممكن اساعده بادوية تحسن مناعته شوية ؟؟؟؟؟؟؟؟
طيب في تطعيم ممكن يحميه من ادوار البرد فالشتا؟؟؟؟؟؟؟؟؟؟
اسئلة بتتكرر يوميا هنرد عليها كلها ان شاء الله ...تابعونا🙂🙂
نبدا من الاول ونقووول رضعي طبيعي عشان الرضاعة الطبيعية دي نعمة وخير ربنا مديهولك مليان اجسام مضادة وخلايا مناعية بتقوي مناعة الطفل وتحميه من كتير من الامراض.
نقدر نزود مناعة الطفل بالغذاء المتوازن واهم الاطعمة اللي بتحسن وتقوي جهاز المناعة :
الثوم
الكرنب والقرنبيط والبروكلي
الفواكه اللي فيها كاروتين زي الجزر والفلفل الملون
منتجات الالبان والبروتينات
عسل النحل والمكسرات
وياريت نصحح المفاهيم الغلط ان الطفل السخن مياكلش بيض ولبن وسمك وزبادي ....ده ملوش اساس من الصحة لان جهازه المناعي محتاج تغذية سليمة
زي ما في اكل بيحسن المناعة في اكلات بتقلل المناعة وتضعف الطفل زي السكريات الكتير والحلويات والشيبسي والبيبسي والمواد الحافظة والاطعمة الجاهزة ياريت الاطفال متتعودش عليها ابدا
طيب بالنسبة للأدوية🤔🤔🤔🤔
بلاااااااش مضاد حيوي عمال على بطال ينوبكم ثواب 🙏🙏🙏
مفيش حاجة اسمها ابني مبيخفش غير بالحقن ..ومفيش حاجة اسمها المضاد في باب التلاجة كل ما يسخن اديله ...كدة بتضعفي مناعته 🤕🤕🤕ومش بتدي الجسم فرصة يدافع ويقوي جهاز المناعة
المضاد الحيوي لا يعطى الا بامر الطبيب👌👌
في فيتامينات ممكن تساعد على تقوية المناعة :
اوميجا ٣...فيتامين D,C,A,E....الحديد ...الزنك....السلينيوم.. .فيتامين ب١٢
كمان مهم جدا تطعيم الانفلونزا الموسمية 🤧🤧🤧خصوصا لاطفال حساسية الصدر وده هيحمي ضد فيروس الانفلونزا اللي له مضاعفات خطيرة
اخيرا لازم نحافظ على نظافتهم الشخصية وغسيل ايديهم قبل وبعد الاكل ...وياريت لو يمارسوا رياضة مفيدة تحفز وتنشط جهازهم المناعي .وربنا يحفظهم من كل سوء🙏🙏🙏🙏
د ديانا حنا

18/09/2020

علمو ولادكم ان التنمر غلط و مؤذي ومدمر 😓😓😓 منقولش اطفال وبيهزرو مع بعض لااااا في فرق بين الهزار و التنمر ....
الموضوع زاد جدا ومع دخول المدارس ياريت كلنا نفهم ولادنا عيب تتريق على صاحبك انه تخين او رفيع او قصير او ان شكله مش حلو لاااااازم نحترم بعض وان ربنا خلقنا مختلفين عن بعض فالشكل والصفات ......
التنمر نتايجه مدمرة مش بس نفسيا لا كمان جسديا 😭😭
شفنا طفل في اعدادي زمايله تنمرو عليه انه تخين ...الولد اتاثر جدا ومنع الاكل واصيب باضطراب اسمه فقدان الشهية العصبي
الولد فعليا مبياكلش خااااالص بقاله كذا شهر ومحجوز فالمستشفى على محاليل وتغذية بالوريد وعلاج نفسي عشان مش يموت 😢😢😢😢😢
وغير الولد ده اطفال كتير اتعرضت للتنمر من اصحابهم ....
بايدينا نوقف ده ونعلم ولادنا ونربيهم يحترمو غيرهم
#لاللتنمر

15/09/2020

التطعيم المنتظر 😍😍 تطعيم الانفلونزا الموسمية 2020
التطعيم هيتوفر امتى ؟؟؟؟؟؟؟
ايه الاختلاف في تطعيم السنة دي عن السنوات السابقة ؟؟؟؟؟
مين ياخد التطعيم ومين مينفعش ياخده ؟؟؟؟؟؟
هل له مضاعفات ؟؟؟؟ وهل له علاقة بفيروس الكورونا ؟؟؟؟؟
تابعوووونا هنرد عالاسءلة كلها فالبوست ده
احنا منتظرين التطعيم الاسبوع ده او القادم باذن الله ربنا ييسر
اولا التطعيم 2020 مختلف تماما عن السنوات السابقة واول مرة ينزل مصر وهو تطعيم رباعي التكافؤ 😎😎 اللي كان قبل كدة كان ثلاثي التكافؤ يعني ببساطة في حماية ضد فصيلة رابعة من فيروس الانفلونزا فالتطعيم الجديد 👍👍
ده هيخلي التطعيم اقوى واكثر فاعلية وحماية ...ولكن نخلي بالنا كويس جدااااااا🧐🧐🧐🧐 ان التطعيم الرباعي ممنووووع يتاخد اقل من 3 سنوات 😳😳( السنين اللي فاتت كنا بنطعم بداية من ٦ شهور) ....وكمان هينزل اغلى من السعر المتعارف عليه فالسنين اللي فاتت 😒😒
ننصح مين ياخد التطعيم ....كل الناس فوق عمر ٣ سنوات حتى البالغين وكبار السن خصوصا الاطفال اللي عندهم حساسية مزمنة او امراض مزمنة وكمان كبار السن ....امان للحوامل والمرضعات👍
ممنوع التطعيم اقل من ٣ سنوات و كمان اللي عندهم حساسية بيض لان التطعيم egg based فيه بروتين بيض🥚🥚
التطعيم حقنة عضل فالذراع جرعة 0.5 مل ..للاطفال من 3 ل 9 سنوات مخادوش التطعيم قبل كدة هياخدو جرعتين فرق بينهم شهر 👍👍
ممكن يعمل اثار جانبية خفيفة زي احمرار مكان الحقن او اعراض برد خفيفة ....
التطعيم ملوش اي علاقة بالكورونا ..لكن اعراض الانفلونزا شبيهة بالكورونا ومش هنعرف نفرقهم بسهولة فناخد تطعيم المتاح لحد ما ربنا يفرجها 🙏🙏
ربنا يحفظ ولادنا ويبقى شتاء لطيف ويعدي على خير⁦❤️⁩⁦❤️⁩
د ديانا حنا
مدرس طب الاطفال جامعة الزقازيق

27/08/2020

التبول اللاارادي فالاطفال 🤔🤔🤔

مشكلة كبيرة بتواجهني يا دكتورة ابني مش بيتحكم في نفسه وبالاقي السرير مبلول 😭😭😭😭
ابني مش بيتحكم فالبول وكتير بيرجع من المدرسة هدومه مبلولة 😩😩😩
انا زهقت من ابني بقى كبير ولسة بيعمل على نفسه وهو نايم مع اني انا وباباه بنزعقله ونضربه بس مفيش فايدة 😞😞😞
هما هيفضلو كدة لحد امتى 🤔🤔🤔🤔
مشكلة التبول اللاارادي فالاطفال اسبابها وازاي نعالجها ..
Nocturnal enuresis : how old is tooooo old ????
تابعووونا 🙂🙂
هنتكلم عن المشكلة الاشهر وهي التبول الليلي ...انا هافضل لحد امتى اشتري بامبرز للنوم 😩😩😭😭😭😭
لازم نفهم ان ده بيختلف من طفل للتاني ...المعظم بيبقى ناشف تماما بالليل على عمر خمس سنوات⁦5️⃣⁩ وفي اطفال مبيبقاش عندها اي مشكلة والموضوع يطول ل سبع سنوات ⁦7️⃣⁩ ونعتبره طبيعي جدا طبعا بعد مالدكتور يطمنك ان مفيش اي سبب تاني 😍😍😍
طيب لو طولنا عن كدة او الموضوع زيادة جدا ايه السبب🤔🤔
اشهر واهم سبب ان الطفل ببساطة نومه عمييق جدا😴😴😴
الطفل اللي عنده تضخم فاللوز واللحمية من اشهر الاسباب اللي بتخلى الطفل ميحسش بامتلاء المثانة والرغبة بالليل😲😲
كمان شرب مية وسوايل كتير قبل النوم 🍹🥛🥤
وطبعا في اسباب عضوية لازم نستبعدها زي التهاب مجرى البول
كمان الطفل اللي عنده "فرط الحركة ونقص الانتباه" بيتاخر شوية
وممكن يكون وراثي 🙄🙄 يعني الاب او الام كان كدة وهو صغير واتحكم مثلا على 9 سنين يبقى غالبا الطفل كمان هيتحكم على نفس العمر 👌👌👌
اهم حاجة لااااااااازم نعرف انها مش غلطة الطفل😞😞وان الموضوع غصب عنه ..ممنووووووووع تماما نلومه او نحرجه او نقارنه باخواته او نفضحه قدام صحابه او نضربه ...كل ده بيجيب تاثير عكسي تماما ....الموضوع محتاج صبر وهدوء 🙏🙏🙏
طيب ايه الحل 🤔🤔🤔🤔
اولا ممنوع سوايل وبيبسي وشاي وسكريات قبل النوم بساعتين❎❎❎
دخول الحمام قبل النوم علطول⁦☑️⁩⁦☑️⁩⁦☑️⁩⁦☑️⁩⁦☑️⁩
ثانيا استخدم منبه ⏰⏰⏰يصحي الطفل بعد ساعتين من النوم عشان يدخل الحمام ولازم يصحى ويتعود يروح بنفسه☑️☑️.. مش اشيله وهو نايم وادخله انا ❎❎
استخدم اسلوب المكافاة في الليالي الناشفة🎁🏆🏆🎁
ثالثا ممكن الجا لادوية تساعد لو مفيش استجابة ودي طبعا تحت اشراف الطبيب 👌 👌👌
ربنا يحمي ولادنا ويبقوا في احسن حال⁦❤️⁩⁦❤️⁩⁦❤️⁩
د ديانا حنا

17/08/2020

يعني ايه الجوووع الخفي 🤔 ايه اسبابه وازاي احمي ابني منه 👇👇👇

بتيجي شكوى من كتير من الامهات ..ابني كان ذكي جدا وهو صغير وانتباهه كويس جدا ولما دخل المدرسة تركيزه اقل ومجهوده كمان اقل وتحصيله كل مدى بيضعف عن الاول😞😞😞
تعرفي ان ده ممكن يكون سببه 😲😲😲الجوع الخفي😲😲😲
يعني ايه الجوع الخفي🤔🤔🤔 وايه اخطاره 😈😈😈
وازاي نمنع حدوثه وازاي نعالجه 👌👌
هنعرف اكتر مع بعض عن الجووووع الخفي او hidden hunger
تابعونا 🙂🙂
عشان نعرف مع بعض اد ايه الموضوع ده مهم نبدا بايه هي اضرار الجوع الخفي ولييييه هو خطير جدا
اولا خطورته انه خفي او مستتر ممكن متلاحظيهوش وبعد كدة تحصل منه اضرار خطيرة زي ضعف المناعة والعدوى المتكررة🤧🤧...قصر القامة وتاخر فالنمو 😞😞....تاخر الادراك وضعف التركيز ويوثر على تطور النمو العقلي وممكن يسببلي صعوبات فالتعلم وتاخر في مستوى الطفل على الرغم من انه طبيعي جدا 😲😲😲😲كمان ممكن يعملي انيميا او فقر دم وضعف مجهود الطفل 🤕🤕
ايه هو الجوع الخفي 🤔🤔🤔 هو ان طفلي بياكل اكل غير متوازن فبيسبب نقص في بعض الفيتامينات والمعادن اهمها ..الحديد ..فيتامين A..الزنك ..حمض الفوليك...اليود iodine
ودول ليهم دور مهم جدا في نمو المخ والشبكية وتقوية المناعة
يعني ايه اكل غير متوازن يعني الامهات اللي بتقول ابني بياكل كويس وممكن كمان يكون بياكل كتير بس معظم اكله رز ومكرونة وبطاطس...او الام اللي بتقول ابني شهيته ضعيفة للاكل لكن ممكن ياكل حلويات وشيبسي بس فبقول احسن من مفيش😩😩😩
طبعا ده غلط جدا ...
طيب ايه الاكل اللي يحمي ابني من ظاهرة الجوع الخفي 🤔🤔
لازم تعرفي ان بداية الموضوع عندك انتي واهم فترة هي فترة ال 1000 يوم 😲😲بنحسبهم من بداية الحمل لحد السنة التانية من عمر الطفل ....
لازم الاكل يحتوي على ...خضروات وفواكه🥬🥒🥝🍎🥕
بقوليات وحبوب
اللحوم الحمرا والاسماك 🐠🐠🍖🍖
منتجات الالبان🥛🥛
ولان الموضوع ابتدى يشكل خطر على مستوى العالم ..بقى في اطعمة مضاف ليها او fortified بفيتامينات ومعادن كمساعدة لمنع الظاهرة دي
وطبعا الاطفال اللي بقالهم فترة اكلهم مش متوازن لازم يمشو على نظام غذائي متوازن ....وهيحتاجوا ادوية فيتامينات ومعادن تعوض النقص في مخزون الجسم
ياريت ناخد بالنا من صحة ولادنا ...ربنا يحفظهم جميعا 🙏🙏🙏
د ديانا حنا

14/08/2020

ادم حبيبي الصغنن😍😍 بعد ما اتحسنت كل اعراض حساسية اللبن الحمد لله 🙏🙏
خلاص مفيش التهابات فالحفاض مكانتش مستجيبة لاي علاج ..
الاكزيما والطفح الجلدي اتحسنو تماما ...الوزن اللي مكانش بيزيد الحمد لله كل مرة الوزن احسن وفي زيادة ....صعوبة التنفس والجلسات والحجز كل شوية الحمد لله انتهى ....
حساسية الالبان في الرضع في اللينك ده 👇👇
https://m.facebook.com/story.php?story_fbid=129346591924392&id=104409511084767
د ديانا حنا
مدرس طب الاطفال كلية الطب جامعة الزقازيق

02/08/2020

ميرضيناش الانسة هولي تقضي عيد ميلادها تعبانة ...كل سنة وانتي طيبة يا احلى هولي ⁦⁩⁦❤️⁩⁦❤️⁩😘😘

01/08/2020

ان شاء الله شغالين في العيادة طوال ايام عيد الاضحى المبارك من ٦ ل ٩ م
كل سنة والجميع بخير

30/07/2020

كل عام وحضراتكم بالف خير وصحة وسعادة 🌷🌷🌷

28/07/2020

ناخد بالنا....اطفال وانا بعملها فحص شامل اول مرة بلاقي عندهم خصية معلقة وممكن الاتنين وللاسف منهم اطفال عمرهم كبير 8 و 9 سنوات ودى مشكلة كبيرة 👇👇👇

يعني ايه الخصية المعلقة او undescended te**is 🤔🤔
ايه اسبابها؟؟ وازاي اعرف ان ابني عنده خصية معلقة ؟؟؟؟؟؟
ايه الفحوصات اللازمة؟؟؟
هو دي مشكلة خطيرة يعني ولا عادي ان الخصية متبقاش في مكانها في كيس الصفن🙄🙄🙄
ايه هو علاج الخصية المعلقة؟؟؟؟
هنرد على أسئلتكم عالبوست ده تاااابعووونا🙂🙂
اول حاجة الطبيعي اني الاقي الخصيتين نازلين في كيس الصفن ..لو لقيت واحدة بس ومش حاسة التانية او مش لاقية الاتنين يبقى دي خصية معلقة 😲😲
طيب نكتشفها ازاي ...كيس الصفن فاضي وده الدكتور او الام هيلاحظوة اول ما الطفل يتولد وكتير من حالات الخصية المعلقة بتبقى معاها فتق اربي نلاقي في انتفاخ كدة بيزيد مع العياط....
طيب نعمل ايه لو شكينا ان الخصية معلقة؟؟؟؟
هنحتاج نعمل اشعة تلفزيونية عشان نعرف مكان الخصية 🙄🙄
وفي بعض الأحيان تحاليل هرمونات 😲😲
وفي فرق بين الخصية المعلقة والخصية النطاطة او الارتدادية اللي بتطلع وتنزل والدكتور يقدر يفرقهم بالفحص ..
طيب ابني عنده خصية معلقة دي حاجة خطيرة ولا عادي 🤔🤔
طبعا ليها مضاعفات خطيرة زي مشاكل فالخصوبة بعد كدة لان ربنا خلق الخصية في مكان مميز في كيس الصفن في درجة حرارة اقل من الجسم ولو فضلت معلقة فوق درجة الحرارة العالية هتاثر عالحيوانات المنوية والخصوبة ⁦☹️⁩⁦☹️⁩⁦☹️⁩ وممكن الخصية نفسها تتلف 😔😔 وكمان الخصية اللي فالبطن عرضة اكتر للاصابة بالسرطان 😲😲😲
طيب لو الدكتور فحص ابني ولقى خصية او الاتنين مش موجودين ايه الحل ؟؟؟؟؟؟؟
لو الطفل لسة مولود خصوصا لو مولود بدري عن معاده بنديله فرصة من 3ل 6 شهور وممكن الخصية تنزل لوحدها بدون اي تدخل 😃😃😃 طيب لو منزلتش يبقى لازم زيارة للدكتور لان الطفل غالبا هيحتاج تدخل جراحي عشان ينزل الخصية في مكانها والعملية دي يفضل تتعمل قبل عمر السنة عشان متكونش الخصية ابدت تتلف من حرارة الجسم العالية ......
ربنا يحمي ولادنا ويبقوا في احسن حال
د ديانا حنا

25/07/2020

لين الجميلة ⁦❤️⁩⁦❤️⁩
كان عندها نقص صفايح دموية مناعي ...
عملت التحاليل اللازمة وخدت العلاج فالمستشفى واتحسنت الحمد لله ... واحنا في مرحلة المتابعة ...
ربنا يعافيكي دايما يا احلى لين🥰🥰
https://www.facebook.com/104409511084767/posts/173054027553648/
نقص الصفاءح الدموية المناعي ITP

25/07/2020

ابني ظهر على جلده نقط حمرا شبه قرص الناموس 🤔🤔
بعدها اتخبط ورجله ازرقت عملت كدمة كبيرة اوي مع ان الخبطة بسيطة 😩😩
وبعدين لقيت دم بسيط من لثته وسنانه بينزل لوحده او لما يغسل سنانه بالفرشاه🙄🙄
الولد مناخيره بتجيب دم ...
كل دي ممكن تكون اعراض لنقص الصفائح المناعي
وده مرض بيبقى فيه تكسير فالصفايح الدموية خط الدفاع الاول ضد النزيف ...لما بتتكسر وتقل فالعدد جدا بيبقى الطفل عرضة للنزيف .....فالجلد في صورة النقط الحمرا 👇 او كدمات زرقا او لما الطفل يتعور او يسحب عينة دم نلاقي الدم مش راضي يقف.....
او نزيف فالاغشية المخاطية زي اللثة والانف ...
او نزيف داخلي فالبول ..فالبراز...نزيف فالبطن ...نزيف فالمخ 😢
اي طفل يظهر عليه اي من الاعراض دي لازم ناخده عالدكتور بسرعة لطلب التحاليل وبدء العلاج ....
ربنا يحفظ اولادنا ويحميهم
#طواريء د ديانا حنا

19/07/2020

#طواريء
النزلات المعوية فالاطفال منتشرة اليومين دول وخصوصا النزلات الفيروسية ودي بنخاف فيها من الجفاف ..
ايه هي علامات الخطر فالنزلة المعوية 👹👹👹
ترجيع مستمر مش بيقف 🤮🤮
الاسهال عدد مراته كتير جدا مش قادرة اعوضه بالسوايل ...
حرارة عالية توصل ل 40🥵
الاسهال فيه دم 😳😳
ابتدت تظهر علامات جفاف زي ان الولد نحس ان عينه دخلت لجوة وكمية البول بقت قليلة ولسانه ناشف وملهوف على المية...
الولد مدروخ وهبطان ضربات قلبه سريعة واطرافه ساقعة😩😩
لازم نجري بالولد عالدكتور او المستشفى من غير تاخير ....
ربنا يحمي اولادنا
د ديانا حنا

17/07/2020

# طواريء
ابنك وشه اصفر فجاه ..بياض عنيه اصفر ..لون البول احمر...همدان وضربات قلبه سريعة وبينهج 😳😳 اجري بيه حالا عالمستشفى دي انيميا تكسيرية حادة وبنسبة كبيرة الولد هيحتاج نقل دم
ممنووووع التاخير ❌❌
د ديانا حنا

15/07/2020

طبعا في ظل الكورونا والحجر المنزلي وتجنب النزول والمتابعة مع الطبيب بقى اكتر عن طريق وسائل التواصل الاجتماعي ....وكمان بنتزنق لو حصل لاولادنا حاجة وندخل نسال عالجروبات يمكن حد يفيدنا ....ده ممكن نقبله في الحالات البسيطة لكنه مرفوض تماما في بعض الحالات الطارئة ❌❌❌
لان في حالات الطوارئ ممكن نعرض حياتهم للخطر لو اتاخرنا عليهم فالكشف والعلاج ...ايه اهم الاعراض اللي لو ظهرت على ابني اجري عالدكتور او حتى عالمستشفى 😳😳
تااابعونا في بوستات الطواريء
د ديانا حنا

14/07/2020

فاااااتح شهية للاطفال 🙄🙄

ابني مبياكلش خاااااالص ....نفسه مسدودة علطول🙊🙊
لو سبته طول اليوم مش هيطلب الاكل ☹️☹️
انا عاوزة فاااااتح شهية ....هاتولي فاتح شهية 😬😬😬
ايه افضل فاتح شهية للاطفال🙄🙄 تاااابعووونا
فالاول كدة نتفق على اتفاق ان كلمة فاتح شهية فالاطفال دي خرافة وان مفيش دوا هيتاخد ندوس عالزرار الطفل ياكل 😳😳
وان الادوية اللي بتشتغل فاتح شهية زي بعض الهرمونات وغيرها ليها مضاعفات خطيرة جدا واشهرهم دوا كان موجود فالسوق من سنين واتمنع لاضراره 🤕🤕
طيب ايه الحل ؟؟؟؟؟؟؟؟؟؟؟
الحل اولا اننا ندور عالسبب اللي مسبب للطفل فقدان الشهية ونعالجه يعني مثلا انيميا نقص الحديد بتسد نفس الطفل جدا واول ما ياخد جرعات حديد علاجية شهيته تتفتح واكله يتظبط
تاني حاجة لازم اظبط النوم مينفعش الطفل يقلب يومه ويسهر طول اليوم ده بيلخبط الدنيا لازم ننظم النوم 😴😴
ولازم نفرق بين الطفل اللي عنده فقدان شهية لكل الاكل وبين الطفل اللي بينقي اكلات معينة ياكلها والباقي لا اللي بنسميه
Picky eater 🙆🙆
طيب في محورين هنتكلم فيهم الاكل اللي بيفتح الشهية ودي مصادر طبيعية والمكملات الغذاءية او الفيتامينات
الاكل......السكريات والحلويات والعصاير المعلبة قلليها خالص وياريت نمنعها بتسد النفس جدا وتخلي الجسم عاوز سكريات علطول اكبر غلط ✖️✖️✖️ خلينا نبدل السكريات البسيطة المضرة بالسكريات المركبة زي اللي فالفاكهة 🍓🍒🍎🍊🥭
من اكتر الحاجات اللي بتفتح النفس الخضروات بتنظم الهضم وتخلي الطفل يجوع ....زبدة الفول السوداني ...العصاير الطبيعية والزبادي 🥦🥒🥬🍋🥝
المكملات الغذاءية او الفيتامينات زي الحديد والزنك وفيتامين ب وفيتامين دال دووول مش فاتح شهية ...دي فيتامينات ومعادن بتعوض النقص فالطفل اللي بقاله فترة تغذيته مش كويسة فتحسن الحالة العامة للطفل 💪💪
نعود ولادنا يعيشو بطريقة صحية ويلعبو رياضة حتى فالبيت ده كله يخليهم ياكلو كويس وصحتهم تبقى تماااااام
د ديانا حنا
مدرس طب الاطفال كلية الطب جامعة الزقازيق

13/07/2020

مرض كاواساكي 👽👽 بنسمع عنه كتير اليومين دول
هل ده مرض جديد ؟؟؟؟؟
وايه علاقته بفيروس كورونا 🤔🤔
هل ده مرض مميت 🥺🥺 ايه هي اعراضه وهل له علاج ولا لا....
تابعونا
اول حاجة عشان نفهم مرض كاواساكي مش مرض جديد ده ظهر من سنة 1967 لاول مرة فاليابان وهو مرض ناااادر مش منتشر ...
وهو عبارة عن التهاب حاد فالاوعية الدموية في كل الجسم وخطورته انه ممكن ياثر على الشرايين التاجية للقلب 😳😳
عشان كدة مهم نكتشف اعراضه ونعالجه بدري منتاخرش .....
طيب سببه ايه ...مش معروف بالظبط بس في نظرية انه رد فعل مناعي من الجسم لعدوى في شخص عنده استعداد جيني .....
يعني هو مش فيروس 🤔🤔 لاااااااااا خالص
طيب معدي ؟؟؟؟؟؟ لااااااااااا برضه
بيحصل فالاطفال خصوصا اقل من ٥ سنوات وفي حالات قليلة في اعمار اكبر ....
طيب ايه اعراضه ....
حرارة عالية اكتر من ٥ ايام 🥵🥵
التهاب واحمرار فالعين من غير افرازات ⁦👁️⁩⁦👁️⁩
التهاب فالشفتين والفم واللسان بيبقى احمر شبه الفراولة🍓🍓
تورم الغدد الليمفاوية فالرقبة على ناحية واحدة غالبا ....
طفح جلدي على الجسم بيقعد من اسبوع لاسبوعين وبعد كدة يقشر 😲😲
تورم فالايدين والرجلين واحمرار وممكن تقشير من عند الصوابع ...
لو ظهرت اي حاجة من الاعراض دي لازم نروح للدكتور يفحص الولد ويشوف محتاج حجز فالمستشفى وتحاليل واشعة عالقلب ...
وبيبدا العلاج وحالات كتير بتتشخص بدري وبتتحسن تماما الحمد لله بدون اي مضاعفات ....
طيب ليه بدانا نسمع كتير اليومين دول عن المرض ده وايه علاقته بالكورونا 🤔🤔🤔🤔
القصة ان في اطفال اكتشفو عندهم كورونا وكاواساكي في نفس الوقت فتم الربط منهم وفي نظريات ان الفيروس زي اي عدوى او ميكروب هيجت جهاز المناعة سبب التهاب الاوعية الدموية بس الحقيقة ده لسة مش مثبت علميا ولسة تحت البحث والدراسة 🧐🧐🧐 والحقيقة ان في اعراض بدات تظهر على اطفال مصابين بالكورونا او مخالطين بتاثر على اعضاء الجسم زي القلب والكلى والمخ والجلد والعين ما يسمى ب MIS-C
Multisystem inflammatory syndrome in children
و دي اعراض خطيرة وليها مضاعفات خطيرة جدا
عشان كدة لازم عند ظهور اي اعراض سرعة استشارة الطبيب ....
ربنا يحفظ كل اولادنا
د ديانا حنا
مدرس طب الاطفال كلية الطب جامعة الزقازيق

12/07/2020

ربنا يشفي كل الأطفال ويبارك فيهم♥️♥️♥️

09/07/2020

الصفرااااا في حديثي الولادة 🧐🧐
ام بتقول لاحظت ان ابني وشه اصفر ...او لما رحت اثبته واطعمه فالصحة قالولي الولد عنده الصفرا ...
انا سمعت ان الصفرا بتاثر عالمخ وممكن تعمل تشنجات 😲😲
نصحوني احط ابني تحت اللمبة النيون عشان الصفرا تروح 🤔
ايه اسباب الصفرا في حديثي الولادة ...ايه علاقتها بالرضاعة ...هل الصفرا خطيرة وممكن تعمل مضاعفات .....والاهم ايه هي علامات الخطر اللي معاها اجري عالدكتور عشان الصفرا 💥💥💥
ازاي ابني يتعالج من الصفرا وهي ممكن تطول معاه لحد امتى ؟؟
هنجاوب على الاسءلة دي هنا فالبوست .. ولو في اي تساؤلات اكتبوها فالكومنتات
الصفرا فالمواليد بتحصل بنسبة كبيرة جدا وفالاغلب بتبقى فسيولوجية يعني مفيش منها مشاكل وبتظهر غالبا عاليوم التاني او التالت للولادة وتختفي على ١٠ ايام لاسبوعين ..وفي الحالة دي يفضل دكتور اطفال يفحص الطفل عشان نحدد محتاج تحليل صفرا ولا لا..
طيب امتى نقلق ونجري عالدكتور او ايه هي مؤشرات الخطر فالصفرا ونخاف تبقى النوع التاني اللي هي الصفرا المرضية ...
نقلق لو الصفرا ظهرت في اول ٢٤ س 😲😲
او ان الطفل عنده خمول ومبيرضعش مع ظهور الصفرا
او الطفل له اخ او اخت اتحجز قبل كدة بسبب صفرا تكسيرية
او ظهور الصفرا في طفل مبتسر( مولود بدري عن معاده)
فالحالات دي الطفل عاوز يتقيم كويس جدا وهيحتاج تحاليل
طيب ايه اهم حاجة فالعلاج للصفرا الفسيولوجية اللي بتحصل في معظم الاطفال...الرضاعة ثم الرضاعة مهمة جدا ولو الصفرا عالية عن حد معين الدكتور بيحدده على منحنيات خاصة بالصفرا وقتها الطفل بيتحجز ويتعرض للضوء فالحضانة ....
طيب نسيبه فالبيت ونعرضه للنيون ...ملوووووش اي دور ❌❌
الصفرا المرضية بنحتاج علاج خاص على حسب السبب
ياريت نركز مع ولادنا وناخد راي الدكتور لو لاحظنا الصفرا عشان ميحصلش اي مضاعفات لا قدر الله
د ديانا حنا

07/07/2020

دخول العيادة بالماسكات حرصا على سلامة الجميع