30/07/2020
نتائج مبهرة مؤقته وبعدين البشره بتدمر
1- السكر واي حبيبات صغيره : بيسبب جروح ف البشره مش بنشوفها بعيونا وبتسبب حفر ع المدى البعيد وبتضعف الكولاجين ف البشرة والكولاجين اما بيقل بيؤدي للشيخوخه المبكرة و تحسس البشرة من أقل حاجه
________
2- البيكنج باودر والبيكنج صودا : بيأذوا حاجز البشره أو الطبقه السطحية للبشرة وبيسبب ظهور الحبوب و كمان بيغير معدل الحموضه بتاع البشرة ال PH
________
3- الليمون والبرتقال : احماض وفيهم سورالين واللي ممكن يسببوا حروق للبشره ويخلوهم أكثر حساسيه للشمس
_________
4- زيت جنسون : مصنوع من مشتقات البترول
زيت جوز الهند، زيت الزيتون، زيت الخروع : زيوت تقيله جداَ جداَ ع البشرة
البشرة الجافه ممكن تستخدم زيت الارجان و الجوجوبا بيبقوا اخف
___________
5- معجون السنان : في مواد بتدمر البشرة
زي
-الصوديوم لوريل سلفات : ده اساساََ بيدخل ف صناعه شامبوهات الشعر الرديئة ف وجوده ع الوش بيسبب الحكه والحساسية والجفاف
-الأكسجين : ماء الأكسجين بيسبب حروق البشره ع المدى البعيد وببسببلها التهيج
- صودا الخبز : استخدامها المستمر بيؤدي لاسمرار البشرة بدل تفتيحها ع المدى البعيد
____________
6- كبسولات فيتامين E : بتبقي تقيله جداََ جداََ جداََ أظن بتحسوا ده وانتم بتحطوها ع وشكم فيتامين E ممكن يدخل ف كريم أو صن بلوك أو أي بروداكت للبشرة.. لكن مينفعش يتباع خام كدا يتحط بنسبه كبيره ع البشرة لأ فيتامين E بيدوب ف الدهون ومن اقوة مضادات الأكسدة واللي بتحارب نمو وانتشار الجذور الحرة ف البشرة
_____________
7- البيض : ليه أضرار كتير منها أنه بيزود الحساسيه، وبيعمل تهيج للبشره حتى لو البشره مش بتتحسس منه وبيسبب نتوئات و كمان بيسبب التهابات جلديه
_____________
8 _ بودرة التلك : الاتحاد الأوروبي اصدر أوامر تمنع استخدام بودرة التلك ف مستحضرات التجميل مش هقول اكتر من كدا
___________
9 - كريمات نيفيا متنفعش الوش نهائي حلوة جداََ للجسم بس تقيله اوي ع الوش بالذات البشرة الدهنيه بتدمر منها
__________.
10 - البانثينول والكارباميد من اتقل المرطبات مش بعيد يكونوا اتقلهم.. استخدامهم لتشققات القدم والكوع اما بيبقوا ناشفين جداََ ، تخيلوا حاجه المفروض بتتحط ع الرجل تخطوها ع وشكم.. بيسبب حبوب كتير اوي تحت الجلد و فوق الجلد..
__________
11- القرفه : مشاكلها قد كدا بتعمل حساسية في الجلد.. وحكة و حبوب وتورم
