12/07/2025
كتير من أولياء الأمور بيوصلولي وهم قلقانين جدًا عشان ولادهم بيتكلموا عن وجع في الركبة
الموضوع فعلاً منتشر، وفي أغلب الحالات مش خطير، بس مهم نعرف نفرق بين اللي عادي واللي محتاج لفت نظر الدكتور!
✅ الوجع اللي (غالبًا) ميخوفش :
وجع النمو ("Growing Pains"):
امتي بييجي؟
بالليل أو بعد ما يلعب شوية.
لمين؟
الأطفال من سن 3-5 سنين و 8-12 سنة.
الوجع عامل إزاي؟
وجع "ساحب" أو نبض في الفخدين، السمانة، ورا الركبة. مش في مفصل الركبة نفسه. بيديهم لما تدلكهم أو تمسكهم.
مش بيصحبه:
سخونة، ورم، احمرار، عرج.
الخلاصة: *مشكلة عضلات مش عظام. بتتحسن بالتدليك الخفيف والكمادات الدافئة والراحة*
بس لازم نستبعد أي حاجة تانية!
التهاب الوتر الرضفي "):
لمين بييجي؟
في الأولاد والبنات اللي بيمارسوا رياضات فيها قفز وجري كتير (كرة قدم، كرة سلة، باليه).
سن كام؟
المراهقين (10-15 سنة).
الوجع عامل إزاي؟
وجع وتورم تحت الركبة مباشرة (عظمة القصبة). بيزيد مع القفز والجري.
الخلاصة:
التهاب في مكان اتصال الوتر بالعظمة بسبب الشد. العلاج راحة وتقليل النشاط، تمارين مط، وكمادات باردة بعد المجهود. بيختفي لما يكبروا.
مشاكل في صابونة الركبة ):
امتي بييجي؟
لما يلعبوا رياضة، يطلعوا وينزلوا السلم، أو حتى لما يفضوا قاعدين فترة.
الوجع عامل إزاي؟
وجع غامض حول أو ورا الصابونة. ممكن يبقى فيه صوت "طقطقة".
الخلاصة: غالبًا بسبب ضعف عضلات الفخذ أو مش في طريقة حركة الصابونة. العلاج تمارين تقوية (خصوصًا عضلة الفخذ الأمامية) وتمارين مط.
🚩 الوجع اللي محتاج تشاور الطبيب على طول (علامات خطر - Red Flags):
الوجع قوي ومستمر: وبيصحي الطفل من النوم.
ورم أو احمرار واضح في الركبة أو المفصل.
سخونة (حرارة) في الركبة أو حرارة عامة في الجسم (حمى).
عرج ملحوظ، أو الطفل مش عايز يتحرك رجله خالص.
إصابة واضحة:
وقع عليها أو اتلوى في اللعب.
وجع في أماكن تانية كمان:
في الظهر، مفاصل تانية، أو مع تعب وإرهاق عام.
طفل صغير جدًا (تحت 4 سنين) بيشتكي من وجع مستمر.
أهم حاجة:
متنسوش التاريخ الطبي! أي أمراض عند الطفل؟ أي أدوية بيلاقيها؟ أي إصابات قديمة؟
الفحص عند الدكتور هيكون إيه؟
هنسأل كتير،
وهنفحص الركبة وحركتها،
ويمكن نطلب أشعة (X-ray) لو في شك في إصابة أو مشكلة في العظم. في حالات نادرة، ممكن نحتاج رنين مغناطيسي (MRI)
أو تحاليل دم (لو في شك في التهاب أو روماتيزم)
🩺 العلاج؟
على حسب السبب! غالبًا:
راحة من النشاط اللي بيزيد الوجع.
كمادات (باردة للالتهاب الحاد، دافئة للشد العضلي المزمن).
مسكنات بسيطة (تحت إشراف الدكتور).
تمارين علاج طبيعي مهمة جدًا لتقوية العضلات وتصحيح الحركة.
في حالات نادرة جدًا، ممكن نحتاج تدخل بسيط أو جبس.
💡 الخلاصة اللي تهمك:
وجع الركبة عند الأطفال غالبًا حميد وسببه النشاط أو النمو.
لكن خلي بالك من العلامات الخطيرة اللي ذكرناها فوق (🚩).
دي محتاجة تستشير الطبيب فورًا.
متشخصوش ابنكم بأنه "وجع نمو" وخلاص من نفسكم! دا قرار الدكتور بعد الفحص.
الرياضة مهمة، بس الراحة وقت الوجع أهم.
