عيادة دكتور سامى مغاورى لأمراض الباطنة والكبد والجهاز الهضمي

02/05/2026

استكمالا للبوست الأخير
ف دايماً بنقول للحالات، التزامك أهم من العلاج الدوائي ، بمعني أبسط ،، انت طبيب نفسك ،
أغلب الأمراض والأعراض بتتحسن مبدئياً بتغيير نمط الحياة . واتباع نظام غذائي صحي ،
ودا إلي جانب العلاج الدوائي ، واللي مهما كان ماينفعش ف أغلب الوقت بدون التزام المريض
يعني مريض السكري علي سبيل المثال لو أخد أقوي نوع انسولين او علاج دوائي بالفم، ،،، من غير التزامه بالتغذيه المناسبة لمريض سكري ، عمره ما هيتحسن،،،، وهيبقي عرضة لنوبات ارتفاع السكر بل وارد يدخل ف غيبوبة سكريه ، وكمان مشكلات السكري ، زي قصور الشرايين التاجية والتهاب الأعصاب الطرفية واعتلال الشبكيه والكلي وغيرها
وكما قال المصطفي عليه الصلاة والسلام "اعقلها وتوكل"
ف التزم واطلب الشفاء من الله
الطبيب يبذل جهده في علاجك، ابذل جهدا في التزامك


#اسأل #طبيبك #الزقازيق

02/05/2026

الطب والأهواء
لما “الطيبات” تبقى أقوى من العلم
بقى طبيعي جدًا تلاقي أي حد عنده وصفة سحرية لأي مرض.
واحد يقولك:
“بلاش الأدوية دي كلها… خد الوصفة دي وهتخف”
وواحد تاني يقول:
“أنا أعرف حد كان عنده نفس حالتك وخف بالأعشاب”
وثالث مقتنع إن أي دواء كيميائي مؤامرة… وإن “الطبيعي” عمره ما يضر.
ومع الوقت، بقينا أحيانًا نتعامل مع الطب كأنه آراء وتجارب شخصية… مش علم ليه قواعد ودراسات وتجارب واضحة.
المشكلة مش في النصيحة… المشكلة لما تبقى بديل للعلم
مفيش مشكلة إن الناس تساعد بعض أو تنقل تجاربها.
لكن الكارثة بتحصل لما مريض يسيب التشخيص والعلاج الحقيقي، ويمشي ورا “الطيبات” بس.
لأن الطب مش بيتبني على:
“أصل ناس كتير جربته”
“دا طبيعي”
“خالتي خفت عليه”
“الدواء ده بيخوف”
الطب بيتبني على حاجة اسمها
Evidence-Based Medicine
يعني “الطب المبني على الدليل”.
بمعنى إن أي علاج محترم لازم يكون:
اتجرب على أعداد كبيرة
واتقارن بغيره
واتعرفت فايدته الحقيقية
وأضراره كمان
مش مجرد قصة اتنين اتحكت على القهوة أو بوست متشارك ألف مرة.
التجارب الشخصية مش دايمًا حقيقة
ممكن واحد ياخد حاجة ملهاش أي تأثير ويتحسن… لأن المرض أصلًا كان هيخف.
وممكن الأعراض تهدى شوية بينما المرض نفسه بيزيد من جوه.
كام مريض أخّر تشخيص:
سرطان
قرحة نازفة
التهاب قولون مزمن
تليف كبد
أو حتى جلطة بالقلب
عشان فضل شهور يجرب “الوصفات المضمونة”.
“طبيعي” مش معناها آمن
دي من أخطر الجمل المنتشرة.
في ناس فاكرة إن طالما الحاجة عشبية أو طبيعية يبقى مستحيل تضر.
بينما الحقيقة إن في أعشاب ومركبات ممكن تعمل:
التهاب كبد
نزيف بالمعدة
مشاكل بالكلى
أو تتعارض مع أدوية مهمة زي السيولة والقلب
السم الطبيعي موجود… والثعبان طبيعي برضه.
الفرق بين الطب الحقيقي والكلام المريح
الطب الحقيقي بيقول:
“دي أفضل معلومة وصلنا لها لحد دلوقتي… ولو ظهر دليل أقوى هنغيّر رأينا”
أما الطب القائم على الأهواء بيقول:
“أنا مقتنع… وخلاص”
وده فرق كبير بين العلم… وبين الرأي الشخصي.
مش كل قديم غلط… ومش كل جديد صح
العلم مش ضد الأعشاب ولا ضد أي حاجة قديمة.
بس لازم نسأل:
هل فعلًا بتفيد؟
لمين؟
بجرعة كام؟
وإيه أضرارها؟
لو ثبت ده بالدليل… تبقى جزء من الطب.
لكن مينفعش تتحول لبديل عن التشخيص والعلاج العلمي.
في النهاية
الطب مش تريند…
ومش فيديو ريلز مدته دقيقة.
الطب مسؤولية.
وأحيانًا قرار غلط أو تأخير بسيط بسبب “الطيبات” ممكن يكلّف المريض صحته أو عمره.
اسمع النصايح براحتك…
لكن خليك دايمًا واقف في صف العلم، مش صف الأهواء.



#اسأل #طبيبك #الزقازيق

01/05/2026

يادكتور أنا مطلوب مني أعمل منظار معدة وأخد عينة بالمنظار، وحد قال لي بلاش العينه عشان هتنزفي بعدها وخطر عليكي ..
دا سؤال جالنا من حالة بتعاني من قيء دموي وتاريخ مرضي سابق بوجود قرحة بالمعدة

الحقيقة إن ف الأحوال العادية ف أخد عينة من الجهاز الهضمي عموماً بالمنظار إجراء بسيط وآمن طول م المريض ماعندوش مشكله ف السيوله او الصفائح الدموية ومابياخدش ادويه للسيوله وموانع الجلطات
دا غير ان العينه صغيرة جدا و تكاد لا تري بالعين المجردة
ففرص حدوث نزيف يشكل قلق او مخاطر بعدها يكاد يكون نادر طالما بناخد الاحتياطيات اللازم قبل وأثناء الإجراء
دا غير أهميتها ف التشخيص والعلاج واللي لا غني عنها ف حالات كتير جداً
رجاءا كفايه تضليل وفتي بلا علم وبلا هدف


#اسأل #طبيبك #الزقازيق

30/04/2026

حالتنا النهاردة تحذير لناس كتير جداً ، مدمنة للمسكنات(خاصة الحباية الصفرا ف بيضا)
رجل ف العقد الخامس من العمر ويعمل مساعد صيدلي (يعني عايش ف وسط الأدوية وعايم ف بحر المسكنات)
مدخن للشيشة للأسف ، يعاني من وزن زائد يرتقي الي السمنة ، أصيب مؤخراً بالساق ، سكره التراكمي علي حافة
السكري ، وطبعا مع إصابة ساقه أصبح شره للمسكنات ،
طب جالنا بيشتكي من ايه؟.
قيء شبه مستمر وشبع أيضا مستمر وألم أثناء وبعد الأكل
لحسن حظه جايلنا صايم يوم اللسته
ودخل المناظير وعملنا المنظار وهنا تفاجئنا بحلقات من قرح المعدة والاثني عشر ، والادهي ان قرحة الاثني عشر سببت ضيق بالاثني عشر مسبب صعوبه لمرور حتي المنظار .
طبعا كانت نصايحنا ليه كتيرة جدا بعد المنظار.
وتحذيرات اكتر له ولينا كلنا.
ف رجااااااء وتحذير
لا تكن مثل حالتنا المسكينة
حافظ علي جهازك الهضمي ، حافظ على كليتك



#الزقازيق
#اسأل #طبيبك

28/04/2026

مواعيد العيادة
السبت - الثلاثاء - الأربعاء- الخميس
من ٧ ل ١٠ مساءاً
بعيادة العصلوجي

الخميس أسبوعياً
بحجز مسبق
من ٢ ل ٤ مساءاً
عيادات قصر الحياة بالزقازيق

خدمات العيادة:
√ تشخيص وعلاج أمراض الجهاز الهضمي.
√ أمراض المعدة والبنكرياس،أحدث بروتوكولات علاج الجرثومة الحلزونية
√ علاج القولون العصبي وارتجاع المرئ المزمن
√ تشخيص وعلاج أمراض الكبد والمرارة
√ تشخيص وعلاج الكبد الدهني
√ علاج التهابات الكبد الفيروسية والمناعية
√ مناظير المعدة والقولون. بالون المعدة بالمنظار
√ تشخيص وعلاج حالات الأنيميا وسوء التغذية
√ متابعة حالات الضغط والسكر
√ الكشف بأحدث أجهزة الآشعه التلفزيونية.

عيادة دكتور سامى مغاورى لأمراض الباطنة والكبد والجهاز الهضمي
أخصائي أمراض الباطنة والكبد ومناظير الجهاز الهضمي
ماجستير أمراض الكبد والجهاز الهضمي والأمراض المعدية
كلية الطب - جامعة الأزهر الشريف -القاهرة
د .البورد المصري لأمراض الجهاز الهضمي والكبد

العنوان
🏢 الزقازيق ، العصلوجي ،أمام محطة السكة الحديد ، بجوار صيدليه د. أحمد السهيلي ، طريق الزقازيق بلبيس

🏢 عيادات قصر الحياة
الزقازيق ، مفارق المنصورة ، أمام السجل المدني
#رمضان #الزقازيق
#اسأل #طبيبك

28/04/2026

"السرطان مش خرافة… وعلاجه مش وصفة!"
إعادة نشر بوست عن المعهد القومي للاورام

في الفترة الأخيرة انتشرت مفاهيم خطيرة بتقول إن: ❌ الأعشاب ممكن تعالج السرطان
❌ الأنظمة الغذائية القاسية تغني عن العلاج
❌ منع أكلات مفيدة يساعد في الشفاء
⚠️ الحقيقة العلمية: ✔️ الأكل الصحي بيدعم الجسم… لكنه مش بديل للعلاج
✔️ علاج السرطان بيكون بخطة طبية متكاملة (دوائي – جراحي – إشعاعي – مناعي)
✔️ كل حالة ليها خطة علاجية خاصة بيها تحت إشراف فريق طبي متخصص
⛔ تأخير العلاج الصحيح بسبب معلومات غير دقيقة ممكن يقلل فرص الشفاء.
💛 رسالتنا لكل مريض وأهله: خدوا معلوماتكم من مصادر موثوقة… واسألوا الفريق الطبي دايمًا.
✨ العلاج الصح يمكن يكون صعب… لكنه الطريق الحقيقي للشفاء.
📍 المعهد القومي للأورام
معاك في كل خطوة… بالعلاج الصح والمعلومة الصح.

#فريقـالتوعية

28/04/2026

25/04/2026

عودة للعيادة اليوم السبت
من ٧ ل ١٠ مساءاً
بعيادة العصلوجي ، أمام محطة السكة الحديد ، بجوار صيدليه د احمد السهيلي ، ناصية حلواني بيروت


#الزقازيق

24/04/2026

من المشاركة بفعاليات اليوم التاني من
ACINO MOTILITY EVENT

23/04/2026

بنعتذر عن التواجد في العيادة اليوم لحضور فعاليات
ACINO Motility Event
والمقام علي مدار يومين
ومناقشة واستعراض كل ما يخص حركية الجهاز الهضمي
وأحدث طرق التشخيص والعلاج


#الزقازيق