03/07/2025
أوقات بيكون أصعب احساس عند المريض… هو إن الأيام بتعدي، والخطة ماشية، لكن التحسن مش باين… ولا حاسس إنه ماشي في الاتجاه الصح.
❓دايمًا جواه علامات استفهام مش بتروح:
"ليه مش حاسس بفرق"
" ليه الألم لسه زي ما هو"
"ليه الأعراض لسه زي ما كانت؟"
"هو الطبيعي إن العلاج ياخد وقت؟ ولا أنا ماشي غلط؟"
التحاليل و الأشعات كويسة،لكن إحساس "أنا مش بتحسن" ممكن يكون بالنسبة للمريض أقوى من أي حاجة.
📊 في الطب، الأرقام والتقارير مهمة…
لكن الموضوع مش أرقام وتقارير بس.
لازم كمان نسمع المريض.
🩺 لأن فيه تفاصيل مش بتبان في التحاليل،
وفيه إحساس مايتكتبش في تقرير…
لكن بيكون حقيقي، وبيوجّهنا لمعلومة مهمّة.
ومش كل خطة علاج بتشتغل مع كل الناس بنفس الطريقة.
،ممكن ما تكونش مناسبة للجسم ده… أو للمرحلة دي… أو للمريض ده تحديدًا او أو فيها جزء ناقص هو اللي كان هيخلي المريض يحس بالتحسّن فعلاً.
علشان كده، من وقت للتاني… لازم نقف ونراجع:
هل اللي بنمشي عليه لسه مناسب؟
هل فيه استجابة حقيقية؟
هل المريض حاسس بفرق فعلاً؟
👂 لأن تعب المريض مش دايمًا معناه إن العلاج ضعيف،
بس دايمًا معناه إنه يستحق يُتسمّع له كويس.
🔁 مراجعة خطة العلاج ، مسئولية، وحرص، واحترام لرحلة صعبة ماينفعش نمشيها واحنا مش شايفين المريض كويس
وفي النهاية…
التحسّن الحقيقي مش استجابة على الورق بس.
التحسّن الحقيقي… إن المريض يحس إن جسمه بيتغير،
وإن الرحلة ليها نتيجة، مش بس خطوات محفوظة، لكن احيانا النتيجة بتاخد وقت.
-------------------------------------------------------------
د_أحمد_بركات_والى
مواعيد العمل كل ايام الاسبوع عدا الخميس و الجمعه
من الساعة 3 ظهرا" إلى الساعة 5 عصرا"
و من الساعة 8 مساءا" إلى الساعة 10 مساءا"
العنوان:
الزقازيق - شارع الجلاء (الجناين سابقا) - برج الجلاء - الدور الثالث - أمام أجزخانة مصر / عمر أفندي - بجوار عالم ماركت
--
تليفون ☎️ :
٠١٠٦٢٠٦٣٥٥٩
