دكتور احمد غبن .Dr.Ahmed Ghabn

25/10/2025

أن تنام محتضنا طفلك الصغير فتسمع أنفاسه بالقرب منك وتشمّ رائحته وتتأمل تفاصيله الدقيقة ، كيف يكون لهذا الكف أن يكون بهذا الحجم ؟ وهل يستطيع هذا الأنف التنفس حقا ؟ يالجمال هذا الوجه الصغير وتلك الوجنتين تود ان تلتهمهما لتنسى شقاوة النهار والجرى واللعب والتعب وأن تراه كالملاك مغمضا عينيه وملامحه البريئة فى سكون ، تعلم شعوره بالأمان فى وجودك بجانبه ، تشد عليه بذراعيك لتتلمس انت منه الأمان بقربه منك !
دامت الأطفال بريئة نقية لا تعرف سوى الحب 🤍

16/10/2025

21/09/2025

رددوا
"اللَّهُمَّ إِنِّي أَسْتَوْدِعُكَ أَوْلَادِي فِي مَكَانٍ غَابَتْ عَنْهُمْ عَيْنِي وَعَيْنُكَ لَمْ تَغِبْ فَاحْفَظْهُمْ بِحِفْظِكَ، وَارْعَهُمْ بِعَيْنِكَ الَّتِي لَا تَنَامُ. اللَّهُمَّ يَسِّرْ لَهُمْ كُلَّ عَسِيرٍ وَوَفِّقْهُمْ وَاجْعَلْ التَّوْفِيقَ حَلِيفَهُمْ إِنَّكَ عَلَى كُلِّ شَيْءٍ قَدِيرٌ. اللَّهُمَّ إِنِّي أَسْأَلُكَ أَنْ تُعَافِيَهُمْ فِي أَبْدَانِهِمْ وَأَسْمَاعِهِمْ وَأَبْصَارِهِمْ وَأَنْفُسِهِمْ وَجَوَارِحِهِمْ، وَاجْعَلْهُمْ مِنْ الْمُعَافَيْنَ مِنْ الْبَلَاءِ بِرَحْمَتِكَ يَا اللَّهُ".
اللهم امين 🌹🌹🌹

17/09/2025

اقتربت الدراسه كل عام وحضراتكم بخير
عايز اقول شوية حاجات لازم نكون مستعدين ليها وعاملين حسابها
اطفالنا كلهم نومهم ويومهم مقلوب لازم نبدأ نعودهم من اول الاسبوع القادم ع مواعيد المدرسه يناموا ويصحوا بدري علشان ميتعبوش نفسيا وجسديا فترة الدراسه
اهتمي بتقديم الوجبات المفيده الي بتحتوي ع الحديد لان الطفل الي عنده انيميا عنده ضعف تركيز 🛑
لو طفلك عنده انيميا لازم يتعالج منها ده اهم حاجه 👌
كلمي طفلك عن المدرسه بكل حب وأملي عقله وتركيزه طاقه ايجابيه خليه يستني المدرسه وهو فرحان ده هيأثر جدا ع المستوي الدراسي وهيملاه حيويه وطاقه
بلاش تقولي أن السنه دي صعبه وان المنهج مليان بلاش الطاقه السلبيه ده طفل وانتي كده بتضغطي عليه بطريقه سيئه جدا 🛑
بسطي الأمور وهوني عليه ❤️
اعمل كل الي عليكي وادعي ربنا يوفقه ويسدد خطاه
ومن جواكي لازم تكوني عارفه أن كل طفل له قدراته الخاصه بيه وان الشطاره مش بالعافيه احترمي قدرات طفلك وحبيها ونميها
بلاش مقارانات مبتعملش حاجه غير أنها بتدمر الحاله النفسيه وبتحبط الطفل وبتضعف قدراته فقط
الطفل السوي نفسيا طفل معاصر قادر يواجه ...
أعانكم الله وايانا ع تربيتهم ❤️
دمتم بخير وعافية 🌹🌹🌹

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

14/09/2025

أول ما اشتغلت دكتور اطفال كان كل همى أكون دكتور شاطر
أكتب علاج كويس للطفل عشان يتحسن عليه .
و مع الوقت إبتدى إحساس المسؤلية عندى يكبر و ابتديت أحس إنى مش مسؤل بس عن علاج الطفل ، لاء ، انا مسؤل إنى اكون جنب الاهل فى أى حاجة تخص الطفل .
اساعدهم بنصايح ازاى الطفل يكون احسن فى كل حاجة
ازاى يتربى كويس ، يتعلم كويس ، نبنى شخصيته ، الرياضة اللى تناسبه .
حسيت ان العيال دى كلها ولادى انا مسؤل عنهم
و ان الاهل دول اخواتى اللى لسة ممكن تكون الخبرة عندهم مش احسن حاجة و محتاجين حد أمين يكون واقف جنبهم .
احساس ان العيال بتكبر و هما متابعين عندى فى العيادة و بشوفهم كل شوية بيكبروا و بيكونوا أحسن و أجمل دى حاجة بتفرحنى .
ربنا يقدرنى و افضل جنبكم .
و ان شاء الله تفضل الصفحة دى و العيادات مكان نتقابل فيه و نتكلم فيه عن اى حاجة ممكن تخلى ولادنا أحسن ان شاء الله 🤍

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

09/09/2025

إن شاء الله ، اليوم هو اخر ايام عمل لهذا الاسبوع
وذلك لحضوري مؤتمر طبي يضم مجموعه من أكبر الأطباء
من الاربعاء ٩/١٠ الي الجمعه ٩/١٢
وعليه سيكون الاربعاء والخميس اجازة عمل ف العياده
الي أن نلتقي السبت ٩/١٣ بامر الله ف المواعيد العاديه
عيادة ابوحماد من ١ ظهرا إلى ٥ عصرا
وعيادة الصوه من ٥ ونص إلى ١٠ مساءا
هستقبل الرسايل من خلال البيدچ لأي استفسارات او اي طوارئ إن شاء الله
🌹

01/09/2025

الإسراف في حماية ولادك والحذر الشديد في التعامل معاهم ومحاولة عزلهم عن المشاكل والضغوطات بيخليهم عيال طرية هشة متدلعين…

ومتستغربش ساعتها إن ابنك أناني قليل الصبر متقلب المزاج بيتعامل مع الحياة إنها المفروض تديله كل اللي هو عايزه وبيتعامل مع والديه إنهم بيدوله كل اللي هو عايزه ، فلما بيكبروا بيترجم في عقله إن قيمتهم قلت… وده المسار الطبيعي للعقوق…

مش بقولك تقسو عليه وتقهره…

وازن بين دورك كأب أو أم حنونين وبين دورك كأب أو أم بيعلموا ولادهم الاستقلالية والقوة والخشونة والتحمل اللي هيواجهوا بيها الحياة….

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

18/08/2025

كل أم لازم تركز أوى مع كلامى

مفيش حد هيلقط تأخر ابنك العلقى والحركى احسن منك

*طب آخد بالى من إيه ،؟؟

*لو عند شهرين ابنك لسه مش بيتابعك بعنيه او بيتابع اي شئ بيتحرك ،، أو لو مش بينتبه للصوت العالى(قفل باب ، تليفزيون، زعيق) أو مبيضحكش للناس ،.. اكشفى فوراً..!

* لوعند ٤ شهور ابنك مش بيثبت راسه كويس ،، مش بيلاغى) ،، مش بيزق الأرض برجليه لما تتحط على سطح صلب(ترابيزة مثلاً).

*لو عند ٦ اشهر مش بيحاول يوصل للحاجه اللى ف متناول ايده (لعبه مثلا) ،، مش بيهتم باللي حواليه ،، مش بيستجيب للصوت ،، مش بيطلع صوت واضح ،، مش بيعرف يتقلب ،، مش بيضحك ،، مش بيحرك عينه في جميع الاتجاهات ..!

* او عند ٩ شهور
* ⁠مش بيقعد حتى لو سندته بيقع !
مش بيعرف الاشخاص القريبين (بابا-ماما-تيته)
مش بيبدأ يقول اي كلمه حتى لو مقطع (دا-دا،،ماما)
مش بيعرف ينقل الحاجة من إيد لإيد(لعبه مثلاً)..!

لو طفلك وصل للعمر ده ومش بيعمل الحاجات دى اكشفى فوراً والدكتور هيحدد اذا كان في تأخر ويطمنك 👍

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

10/08/2025

ادعوا لولادكم دعوات تكفيهم العمر كله
متخلوش دعواتكم تقتصر على نجاح المدرسه ، ويبطل شقاوه ، ويقعد مؤدب
ادعولهم بالهِدايه ، والصُحبه الصالحه ، وحفظ القرآن
وانهم يكونوا هادين مُهتدين
وإن ربنا يقيهم شر الفتن ما ظهر منها وما بطن
و يرزقهم الصلاح في الدنيا و الآخرة

ادعوا ربنا يوفقكم و يعينكم علي تربيتهم
ادعوا محدش يربيهم غيركم وإن ربنا يبارك في أعماركم لحد ما يقدروا يقفوا على رجليهم
وإنهم ميحتاجوش حنيّة ولا رعاية ولا حضن من حد غيركم
وإن ربنا يتولاهم دايما ويبعد عنهم أي أذى
استودعوا الله فيهم.
ربنا هب لنا من أزواجنا و ذرياتنا قرة أعين واجعلنا للمتقين اماما ً

31/07/2025

إزاي تقوّي شخصية ابنك وتخليه واثق في نفسه؟

1. اسمعله بجد

لما ابنك يتكلم اسمعه للآخر… متقاطعهوش متحكمش عليه خليه يحس إن كلامه مهم وإن ليه قيمة.

2. اديله فرصة يختار

سيبه يختار هدومه أكله أو حتى اللعبة اللي عايز يلعبها. كل مرة يختار فيها شخصيته بتقوى وبيتعلم يتحمّل المسؤولية.

3. شجّعه لما يغلط

متزعقشله لما يغلط… شجّعه إنه يتعلّم من غلطه. قولّه: “كلنا بنغلط المهم تتعلم وتصلح”.

4. حمّله مسؤوليات بسيطة

زي إنه يرتب سريره يشارك في تحضير الأكل أو يهتم بلعبه. لما يحس إنه ليه دور هيحس بقيمته.

5. مدح أفعاله مش بس صفاته

بدل ما تقول “أنت شاطر” قول “عجبني إنك خلصت الواجب لوحدك”. كده هيربط الثقة بالنفس بالأفعال.

6. علمه يقول لأ بأدب

علّمه إنه ليه حق يقول “لأ” لأي حاجة تضايقه أو مش مرتاح فيها… بس بأدب واحترام.

7. خليه يتعامل مع ناس مختلفة

خروجه، احتكاكه بأطفال وكبار كلامه مع ناس جديدة… ده كله بيعزز ثقته في نفسه وبيفكّه من الخجل.

8. كُن أنت قدوته

لو عايز ابنك يبقى قوي الشخصية لازم يشوفك إنت واثق من نفسك بتسمع بتحترم وبتتكلم بوضوح

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

22/06/2025

بصراحة لما بشوف شباب وبنات عمر ١٠ أو ١٥ سنه
بيشربوا سجاير اليكترونية أو فيب ،
ببقي عايز اقلهم ده موووووت بطئ
الايكوس والفيب يا شباب ويا بنات مش آمن ،
ولا بيساعد علي انك تبطل تدخين ،
في بحث علمي اتعمل ٢٠٢٤ قال انه لا فرق في الضرر بين الايكوس والفيب والسجاير العادية ،
بل كانت جواه مفاجأة ان النكهات اللي بتتحط علي الحاجات دي للأسف بتتحد مع الحامض النووي للإنسان وتخليه اكتر عرضه للإصابة بالسرطان،
ده مع الأضرار بتاعه التدخين عموما بقي انه بيشتمل علي ٧٠ مادة مسرطنة ، ومتورط( في الاطفااااااال ) في تسريع تصلب الشرايين في الشريان التاجي والشرايين الطرفية و زيادة احتمالية التجلط و رفع ضغط الدم ، ورفع معدل ضربات القلب، ويزيد من استهلاك الأكسجين في عضلة القلب و اخيرا الموت المفاجئ 🥹
اللي بيحب ابنه أو بنته يساعده انه يبطل ويكون قدوة قصاده 👌
#نبضات/طبيب_قلب _ اطفال ❤️
#السجاير/ قاتل _ بطئ 😔

17/06/2025

اطفالك مقضيينها خناق مع بعض🛑
تعبتي من كتر م انتي مش لاقيه حل للموضوع ده🤫
تعالي اقولك تتعاملي ازاي🌹
هتركزي مع أطفالك هتلاقي فيهم واحد عنيف دايما بيبدأ المشكله
هو ده الي هنبدأ بيه الطفل ده محتاج جرعة حنان زياده حبتين بس اوعي تبيني كده قدام اخواته حاولي تقربي منه بس من غير م هما يحسوا انك بتعملي كده
يعني حاولي تقربي منه وانتوا لوحدكم بس وهما مش موجودين
لكن قدامهم لازم ومهم جدا جدا نوزع كل حاجه بالتساوي حتي نظرات العين
يعني لما تحضني حد لازم تحضنيهم كلهم
ولما تقولي لحد كلمه حلوه لازم تعدي ع الكل
مينفعش يبقي معانا حاجه حلوه ونديها لواحد بس لازم الكل يدوق منها صح
يبقي حنانك وعطفك يتوزع بالتساوي
ممنوع نقارن واحد بالتاني ممنوع ممنوع ممنوع 🛑
كل طفل مميز ف حاجه معينه وكل وطفل وقدراته👌
لو بتعاقبي حد فيهم ممنوع عقابه قدام اخواته لان انتي هتخلصي عقاب وهو هيلف يطلع خناقه فيهم ومن هنا هتبدا المشكله من جديد عاقبيه لوحده وبالراحه بدون عنف وعرفيه انك مش هتقولي لحد
نحاول دائما مع ولادنا نوزن العدل اوعوا تفضلوا طفل ع التاني حتي لو بتميلي لحد ذكر او انثي ممنوع اخواته يحسوا بكده لأن الموضوع ده بيولد فيهم حقد لبعض وده مرفوض نهائي حتي لو الاحساس خارج عن إرادتك فحاولي توزني الأمور
أعانكم الله وايانا ع تربيتهم ❤️🌹🌹