Asociación Galega de Enfermaría Familiar e Comunitaria

03/12/2025

⬆️ ⬆️ Ao longo do día de hoxe os socios e socias recibiredes un correo con máis información ao respecto.

A AGEFEC é necesaria, somos necesarios e necesarias.

27/11/2025

🥳 Dende a AGEFEC estamos de noraboa. Onte, Día Mundial da Enfermaría Familiar e Comunitaria, acadamos os 1.000 seguidores/as na nosa conta de Instagram!

Queremos darvos as grazas a todos/as, tanto a quenes nos seguides dende os nosos inicios como aos últimos/as en incorporarvos.

Desexamos seguir crecendo convosco para continuar axudando a medrar tanto á nosa profesión como a vós, os e as profesionais.

O IX Congreso da AGEFEC, a muda da nosa páxina web, materiais dos grupos de traballo...son moitas as novidades que se achegan. Pero tamén seguiremos reivindicando o noso espazo, o noso papel e a nosa voz, como levamos facendo dende o noso nacemento.

A AGEFEC é necesaria, somos necesarios e necesarias.

26/11/2025

26 de novembro. Día Mundial da Enfermaría Familiar e Comunitaria.

Hoxe é un día para celebrar, pero tamén para facer ruído.
As enfermeiras de familiar e comunitaria somos moito máis que un elo do sistema sanitario: somos a súa base.

Estamos preto das persoas, acompañando, educando, coidando e defendendo a saúde nas casas, nos centros de saúde e nas comunidades.
Somos as profesionais que coñecemos os nomes, as historias e as necesidades de cada persoa e familia.

Mais tamén somos un colectivo invisibilizado, sobrecargado e infrautilizado.
Reivindicamos o noso espazo, o noso papel e a nosa voz.
Porque sen enfermaría familiar e comunitaria, non hai atención primaria nin saúde pública que funcione.

📢 Queremos políticas que aposten de verdade polos coidados.
📢 Queremos equipos estables, recoñecemento profesional e tempo para acompañar.
📢 Queremos que se escoite o noso saber e se respecte o noso labor.

Cada día, desde o primeiro nivel de atención, tecemos saúde e comunidade.
Facémolo con ciencia, compromiso e humanidade.
E seguiremos facéndoo, porque coidar é tamén un acto de resistencia e de amor á vida.

Hoxe celebramos, visibilizamos e loitamos.
Por nós, polas persoas e por un sistema sanitario que poña os coidados no centro.

18/11/2025

18 de novembro. Día Europeo para o Uso Prudente dos Antibióticos.

A enfermaría de familia: clave no uso responsable dos antibióticos
⚠️ A resistencia antimicrobiana é un problema global.
A enfermaría de familia está en primeira liña para frear as resistencias:
✨ Educación sanitaria á poboación.
✨ Seguimento de tratamentos.
✨ Comunicación accesible e próxima coas familias

Antibióticos

14/11/2025

14/11/2025

A diabetes mellitus é moito máis que unha cifra no glicómetro. É un desafío diario que se vence con acompañamento, información e empatía.

Desde a AGEFEC e as enfermeiras e enfermeiros de familia e comunitaria, traballamos para que cada persoa teña o apoio que precisa:
🩺 educación en saúde,
🍎 orientación sobre alimentación equilibrada,
🚶♀️ promoción da actividade física,
💬 e sobre todo, escoita e presenza.

Este 14 de novembro, Día Mundial da Diabetes, lembramos que o cambio comeza en ti.
Que pequeno xesto vas facer hoxe pola túa saúde?
💙 Pequenos xestos que cambian vidas.

03/11/2025

Prezadas/os compañeiras/os:

O pasado venres 31/10 os sindicatos con representación en mesa sectorial de Galicia emitían un comunicado conxunto de convocatoria de folga de Atención Primaria para o vindeiro 26 de novembro, e no que se fai mención expresa á especialidade de enfermaría familiar e comunitaria.

Aínda que o puntos clave da AGEFEC xa foron definidos en Asemblea de Socios e son públicos no noso posicionamento (recollido na web), queremos saber como estás a vivir a folga e que é o que máis che preocupa.

Non buscamos respostas curtas nin “correctas”, senón opinións sinceras sobre o traballo, o futuro, o ambiente no equipo ou o que consideres importante.
Estas complementarán o proceso de análise e contacto deliberativo cos axentes implicados que estamos a levar a cabo. Así poderemos darlles voz e construír xuntas e xuntos unha visión compartida e con sentido.

Podedes achegarnos a vosa opinión mediante a seguinte ligazón(https://form.jotform.com/253053309844053). As respostas serán recompiladas ata o 5 de novembro ás 23:59h.

A AGEFEC É NECESARIA, SOMOS NECESARIOS E NECESARIAS.

Xunta Directiva da AGEFEC.

29/10/2025

📝 Documento de Instrucións Previas

Hoxe traémosvos unha nova minipílula informativa do noso Grupo de Coidados Paliativos. Desta volta, fálannos sobre o Documento de Instrucións Previas ou DIP, ao cal podemos acceder dende IANUS (se o/a paciente dispón del).

Desexamos que sexa do voso interese, achegádenos as vosas impresións a través dos comentarios!

A AGEFEC é necesaria, somos necesarios e necesarias.

22/10/2025

💭 Sabes o que son os coidados paliativos?

Hoxe achegámosvos unha mini pílula informativa elaborada polo noso Grupo de Traballo de beneficios Paliativos. Nela, fannos unha breve definición destes coidados, así como dos seus beneficios tanto para o/a paciente coma para o seu entrono.

Ao ano, unhas 40 millóns de persoas precisan coidados paliativos a nivel mundial, aínda que só o 12% os acaban recibindo. Por ende, cabe por de relevancia a figura das/os EFeC, porta de entrada aos mesmos a través da valoración integral do doente e da detección das necesidades paliativas.

Agardamos que sexa do voso interese, podedes deixarnos as vosas impresións nos comentarios. Así mesmo, adxuntámosvos a ligazón da infografía sobre Identificación de necesidades paliativas, elaborada tamén por este Grupo de Traballo, como complemento á pírula: https://www.agefec.org/web/2023/06/08/infografia-identificacion-de-necesidades-paliativas-en-atencion-primaria/

A AGEFEC é necesaria, somos necesarios e necesarias.

15/10/2025

❗ Só quedan 2 semanas para a "Xornada de Prevención do Ictus", organizada en colaboración coa Asociación .

📆 Agardámosvos o vindeiro 29 de outubro ás 17h no Salón de Actos da Consellería de

📄 Se desexades inscribirvos, accedede á seguinte ligazón: https://forms.office.com/pages/responsepage.aspx?id=LsPziCMoG0iHZfkWp43HASWd12h9Y-tHsYeX88lwTnZUM01JQ1RZV05XNjdINjdKM0ozWFY0SU9RTSQlQCN0PWcu&origin=lprLink&route=shorturl

10/10/2025

"A neveira de vacinas"

O pasado luns 29 de setembro comezou a Campaña de Vacinación fronte á Gripe e a Covid-19, iniciándose polas persoas institucionalizadas en residencias de maiores e centros de discapacidade e traballadores/as destas institucións.

A partir da vindeira semana, levarase a cabo a vacinación, dende os centros de saúde, tanto da poboación pediátrica como das persoas inmobilizadas de calquera idade e coidador/a principal destas.

Dende a AGEFEC, como enfermeiras/os de familia, sabemos a carga asistencial e loxística que esta campaña implica cada ano, por elo, compartimos con vós a seguinte infografía.

Tomando como referencia a Instrución de Manexo da Rede de Frío, da Dirección Xeral de Saúde Pública, recompilamos os aspectos esenciais respecto á manipulación das neveiras dos vosos centros de saúde nas que se almacenen vacinas, así como a colocación e manexo das mesmas en caso de existir algunha incidencia (rotura da cadea de frío, caducidade, etc.). Agardamos que sexa do voso interese e utilidade, podedes deixarnos as vosas opinións nos comentarios.

A AGEFEC é necesaria, somos necesarios e necesarias.