09/05/2022
Bo día, xentiña! temos o pracer de contarvos algo ...😃.
Así se presenta Rocío, a nosa compañeira psicóloga, que xa pasa consulta en Arzúa desde hai tempo e que colaborará tamén con Crismar Ordes.
"A día de hoxe manexamos cada vez máis termos que teñen que ver coa identificación do noso estado de saúde a nivel físico, mental e tamén social. Cando algún destes aspectos non está completo, acostumamos a procurar apoio profesional, nuns antes que noutros, non cres?
Así, palabras como aceptar, permitir, xestionar ou afrontar posiblemente aínda non formen parte das nosas expresións e/ou accións. En relación a isto, a busca de acompañamento psicolóxico pode converterse en toda unha aventura que garanta contar con máis recursos para coñecer as nosas realidades individuais, ás que nos afrontamos día a día.
Unha aventura...Si! Pero que persegue a mesma? Pretende ofertar un crecemento persoal e tamén emocional ademais de construír un sistema propio de valores.
Na busca deste proceso integral Crismar amplía o servizo de psicoloxía ó centro de Ordes que estará dispoñible para todas aquelas persoas interesadas chamando ao número 619534468.
Será previa cita os mércores pola tarde 😊"
Moitas grazas , Rocío Vázquez. Psicóloga.
