09/11/2025
🏋️♂️ Historia do Centro de Adestramento DaFit
1️⃣ Onde todo comezou (2013)
Unha pequena sala de 15 m² na piscina municipal de Cee. Alí naceu DaFit, con moita ilusión, poucos medios e un obxectivo claro: axudar á xente a adestrar mellor e sentirse máis forte cada día.
2️⃣ Primeiro salto: 70 m² no Cruce de Roget
Dende aí demos o primeiro paso a un local de 70 m² no Cruce de Roget, cun espazo máis privado e cómodo, que compaxinabamos coa piscina municipal. Tiñamos tenda, solárium e cabina de depilación láser, ofrecendo un servizo máis completo. Co peche da piscina durante case tres anos, este local converteuse no noso único punto de adestramento, con grupos reducidos e un trato aínda máis próximo.
3️⃣ Medrando ó lado do Hotel Insua: 250 m²
O seguinte nivel chegou cun local de 250 m² ó lado do Hotel Insua, xa con dúas salas de adestramento, unha oficina e vestiarios máis amplos. Isto permitiunos abrir máis grupos, ampliar horarios e seguir profesionalizando o proxecto, mantendo sempre a esencia familiar que nos caracteriza.
4️⃣ O gran salto: 1.200 m² na antiga discoteca Slava (desde 2019)
En 2019 chegamos ó que hoxe é a nosa casa: un espazo de 1.200 m² na antiga discoteca Slava. Un salto enorme que nos permitiu multiplicar instalacións, material e actividades, converténdonos nun centro de referencia en toda a Costa da Morte.
Nesa mesma etapa tamén ampliamos a DaFit Carballo, buscando levar o noso modelo de adestramento a máis xente. Porén, coa chegada da pandemia, non puidemos facer fronte a esa expansión e tivemos que pechar ese centro. Unha experiencia que tamén formou parte da nosa aprendizaxe e da historia que nos fixo máis fortes.
💥 12 anos de moita experiencia, ilusión e traballo continuo.
En 2026 seguiremos dando máis saltos, con novas ideas, novos retos e a mesma paixón do primeiro día.
Grazas a todos os que formades parte desta historia 💪
(Nun próximo post contaremos con máis detalle as actividades, as diferentes localidades e o noso currículo deportivo e profesional 😉)
⸻
