¿Qué es el sitio web?

https://www.facebook.com/1055737340945918/

Humanización Oncoloxía Lugo

Casa
España
Lugo
Humanización Oncoloxía Lugo

Este é o espazo de Humanización do Servizo de Oncoloxía de Lugo.

Ao longo do ano compartimos charlas, obradoiros e encontros pensados para acompañar ás persoas durante o proceso oncolóxico.

16/04/2026

Páxinas de benestar: almorzo saudable e nutritivo ✨é un obradoiro pensado para descubrir como comezar o día con enerxía e coidado a través da alimentación, da man de

📚No marco do Día do Libro, abrimos un espazo onde a saúde e o coñecemento se atopan para aprender ideas de almorzos equilibrados e adaptados a pacientes oncolóxicos.

✨A través de recomendacións sinxelas e nutritivas, exploraremos opcións que axuden a mellorar o benestar diario. Porque cada pequeno hábito saudable tamén pode ser unha páxina máis no camiño cara ao coidado persoal.

Vén aprender e compartir esta tarde connosco. Haberá un pequeno detalle polo Día do Libro 😊

📅 23 de abril
🕔 17:00 h
📍 La Ferreteria Eventos - Rúa San Froilán 11,
✔️Actividade presencial

📲 Inscricións: 629 322 159
✉️ humanizacion.eoxil@sergas.es

Agardámoste💛

16/04/2026

Sesión “Vida plena: perspectivas humanizadoras en coidados paliativos”, impartida por Arantza García, coordinadora de Hospitalización a Domicilio do HULA.

Durante a charla reflexionamos sobre o que significa ter unha vida plena, sobre o medo e a vulnerabilidade que xera un diagnóstico grave, e sobre como os coidados paliativos ofrecen un modelo de atención integral —físico, emocional, social e espiritual— centrado na persoa e na súa familia. Falamos tamén do valor do acompañamento compasivo, da importancia de non vivir de costas á morte e de como o sufrimento compartido pesa menos.

Se non puidestes acompañarnos, podedes ver a charla completa neste enlace:

https://youtube.com/live/fZZ1JWRzjo8?feature=share

07/04/2026

✨ Vida plena: perspectivas humanizadas en coidados paliativos

Nesta sesión contaremos con Arantza García, coordinadora de Hospitalización a Domicilio do HULA, que nos falará sobre a importancia da humanización nos coidados paliativos.

Unha charla para achegarnos a diferentes enfoques e perspectivas que axudan a mellorar a calidade de vida das persoas, poñendo o foco no acompañamento, o respecto e o coidado en cada etapa do proceso.

📅 14 de abril · 17:00 h
📍 San Froilán 11,bajo
💻 Presencial e tamén en formato online

Seguir en directo:
https://youtube.com/.oncolugo

17/03/2026

Grazas a todas as persoas que nos acompañastes na sesión “Resiliencia: coidar, coidarse, rexurdir”, impartida polo Dr. Luis A. León, dentro do Programa de Humanización oncolóxica de Lugo.

Durante a charla falamos da resiliencia como capacidade de adaptación ante momentos difíciles, da importancia de aceptar a vulnerabilidade, de compartir o que sentimos e de buscar espazos que nos axuden a que a enfermidade non o ocupe todo.

Reflexionamos tamén sobre a humanización da sanidade, o valor da empatía, da continuidade asistencial e do traballo en equipo, así como sobre a importancia do apoio emocional, da familia e dos pequenos obxectivos para afrontar procesos longos.

Na sesión interveu tamén Laura Ferreira, oncóloga do HULA, achegando a súa experiencia e reflexións durante o encontro.

Seguimos sumando encontros para informar, acompañar e coidar.

💛

09/03/2026

1️⃣6️⃣ MARZO 👉🏼Nova sesión do Programa de Humanización da Oncoloxía de Lugo.

O oncólogo Luis Ángel León Mateos (CHUS) impartirá a charla “Resiliencia: coidar, coidarse, rexurdir”, unha reflexión sobre como afrontar o proceso oncolóxico desde o coidado persoal e a capacidade de adaptación.

📅 16 de marzo
🕕 18:30 h
📍 Presencial e tamén en formato online

💻 Seguir en directo:
https://youtube.com/live/_5DJfmYLCdQ?feature=share

08/03/2026

Sesións de exercicio físico 👟Cada 15 días ás 18:30 levamos a cabo sesións de exercicio físico dirixido, adaptado ás necesidades das persoas en proceso oncolóxico.

As sesións están impartidas por Patricia Pontón, de , e están enfocadas a mellorar a mobilidade, a forza e o benestar xeral, sempre desde o respecto polos tempos de cada persoa.

📅 Consulta o calendario nas imaxes
🕕 Cada 15 días · 18:30 h
📍San Froilán, 11 - Lugo

Un espazo para moverse, coidarse e sentirse mellor.

05/03/2026

📅 Programa Formativo 2026 para Pacientes Oncolóxicos e Coidadores

Presentamos a programación anual de Humanización Oncoloxía Lugo.

Ao longo do ano desenvolveremos charlas e obradoiros centrados na información, o autocuidado e o acompañamento: ioga terapéutico, resiliencia, coidados paliativos, abordaxe do linfedema, oncoestética, explicación clara do proceso oncolóxico, información práctica para pacientes e coidadores, mindfulness, saúde bucodental, apoio social e masterclass de nutrición.

Un programa pensado para comprender mellor o proceso, resolver dúbidas e sentirse acompañado en cada etapa.

📍 As actividades serán presenciais e algunhas tamén en formato online.

Síguenos para coñecer cada actividade en detalle e manterte ao día de todo o que temos preparado este ano.

26/02/2026

Grazas a todas as persoas que nos acompañastes hoxe na primeira sesión do Programa formativo de Humanización oncolóxica.

Grazas a Miguel Rodríguez, de , por compartir coñecemento e ferramentas para comprender como o ioga pode acompañar durante o proceso oncolóxico.

E grazas tamén a María José Cortés, de , por sumar pequenas claves prácticas que tamén marcan a diferenza no día a día.

Seguimos camiñando xuntos

Compartimos algunhas imaxes da sesión 💛

25/02/2026

🧘‍♂️ Miguel Rodríguez, de , será o encargado de impartir esta charla sobre ioga terapéutico e proceso oncolóxico.

Explicará como o ioga pode acompañar durante os distintos tratamentos, axudando a xestionar o cansazo, aliviar tensións, mellorar a mobilidade e traballar a respiración para reducir a ansiedade e favorecer o descanso.

Un enfoque adaptado a cada momento, sempre desde o respecto polos tempos do corpo.

Contaremos tamén coa participación de María José Cortés, de , que achegará pequenas claves prácticas para o día a día.

📅 26 febreiro · 17:00 h
📍 San Froilán, 11 - Lugo
Actividade gratuíta · Presencial

Dirección

Lugo
27001

Teléfono

+34629322159

Página web

facebook.com

Notificaciones

Sé el primero en enterarse y déjanos enviarle un correo electrónico cuando Humanización Oncoloxía Lugo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.