Concello de Monforte de Lemos

Casa
España
Monforte de Lemos
Concello de Monforte de Lemos

Monforte, cidade monumental e de servizos ¿Sabía que o chamado Escorial de Galicia está en Monforte?

Esta é unha das moitas sorpresas que lle agardan aquí, porque Monforte é unha cidade con importantes monumentos, museos e centros de interese, ademáis de hoteis, restaurantes, taperías, tendas e lugares para relaxarse despois dun día de excursións. Aquí encontrará tamén con facilidade, servizos que pode precisar durante as súas vacacións: bancos, hospital, farmacias, librarías, cine, tren, autobuses, etc. Ademais Monforte é a capital da Ribeira Sacra, un paraíso no interior de Galicia que merece a pena descubrir.

23/02/2026

🗓️ O Alcalde informa da apertura do prazo para solicitar as axudas para sufragar o gasto enerxético nos fogares de persoas vulnerables.

🏠 A convocatoria, á que se destina unha partida de 25.000€, está dirixida a paliar situacións de necesidade social relacionadas co pago de subministracións básicas de enerxía eléctrica, gas, gasoil, calefacción e outras fontes de enerxía das persoas en situación de risco e/ou exclusión social.

👨‍👩‍👦‍👦 O Alcalde lembra que o obxectivo destas axudas "é que a ningunha familia do noso Concello lle falte o calor no seu fogar".

👉 Consulta toda a información sobre a convocatoria e as bases, na páxina web do Concello.

https://www.monfortedelemos.es/gl/novas/2026/alcalde-informa-apertura-prazo-solicitar-axudas-sufragar-gasto-enerxetico-fogares-persoas-vulnerables

21/02/2026

O Concello de Monforte vai renovar todo o saneamento do Polígono Industrial do Reboredo.

-O Alcalde negociou coa Confederación Hidrográfica Miño-Sil unha modificación do convenio de colaboración para a construción da nova depuradora, incrementando a inversión en preto de 1M€. O montante total ascende así a 5,6M€.

-As obras consistirán en separar as augas pluviais e as augas residuais para mellorar o saneamento mediante dúas tubaxes paralelas en cada rúa do Polígono, producindo así unha maior eficiencia da depuradora.

-O Alcalde, José Tomé, recalca a "importancia desta inversión, que suporá unha mellora aínda máis significativa no saneamento e depuración do Polígono do Reboredo, xa que o sistema separativo de pluviais e residuais é fundamental para optimizar o tratamento das augas e previr a contaminación".

👉 Nova completa na páxina web do Concello.

https://www.monfortedelemos.es/gl/novas/2026/concello-monforte-renovar-saneamento-poligono-industrial-reboredo

20/02/2026

O Alcalde de Monforte asistiu este xoves a representación da obra de teatro “Memorias dun neno labrego”, que encheu a sala de butacas do Edificio Multiusos.

O espectáculo, organizado polo Concello de Monforte a través do circuíto da Rede Galega de Teatros e Auditorios, acadou unha excelente acollida por parte do público.

A obra, coproducida polo Centro Dramático Galego e Contraproducións, e dirixida por Cándido Pazó, rende homenaxe á figura de Neira Vilas no décimo aniversario do seu pasamento e no 65º aniversario da publicación da novela.

O elenco artístico estivo formado por Xúlio Abonjo, Manuel Cortés, Iris Darriba, Mónica García, Federico Pérez Rey, Santi Romay e Ana Santos.

Próxima cita co teatro no Edificio Multiusos:
• 26 de febreiro: “As desterradas”, da compañía Producións Teatrais Excéntricas. Escrita por Carme Varela e dirixida por Quico Cadaval.

👉Consulta a programación teatral dos próximos meses na web do Concello.

https://www.monfortedelemos.es/gl/novas/2026/alcalde-asiste-memorias-neno-labrego-encheu-multiusos

19/02/2026

O Alcalde de Monforte, José Tomé Roca, participou hoxe na ###IV Asamblea Xeral ordinaria do Eixo Atlántico, celebrada na Casa do Concello da Coruña, e que reuniu ás 41 entidades integradas nesta asociación de municipios de Galicia e do Norte de Portugal, entre elas o Concello de Monforte.

A Asamblea Xeral ratificou a reintegración do municipio luso de Macedo de Cavaleiros no Eixo e deu conta dos informes de xestión e contas correspondente ao ano 2025. A sesión aprobou tamén o programa de actividades para 2026, así como o orzamento para este exercicio, que ascende a 5.538.900 euros.

No referente ás prioridades, a reunión puxo o foco en cuestións como o acceso á vivenda, os fluxos migratorios e a loita contra a pobreza e a exclusión social, establecéndose estes ámbitos como eixos centrais da axenda de traballo para 2026.

O Alcalde pon en valor o peso de Monforte nesta entidade e “a implicación do noso territorio na construción dun espazo común en ámbitos tan relevantes como o desenvolvemento económico, o turismo, a mobilidade, a cultura ou a sustentabilidade”, valorou.

https://www.monfortedelemos.es/gl/novas/2026/alcalde-participa-asamblea-xeral-eixo-atlantico-coru%C3%B1a-implicacion-monforte-espazo-comun

19/02/2026

O Alcalde de Monforte, José Tomé Roca, informa da posta en marcha, por primeira vez na Aula UNED de Monforte de Lemos, do Programa Sénior, unha iniciativa dirixida a persoas maiores de 55 anos interesadas en enriquecer os seus coñecementos, independentemente da súa formación académica.

A iniciativa estréase co curso “Unha aproximación ao patrimonio histórico-artístico na Ribeira Sacra”, impartido por Ruth Díaz Amor, que se desenvolverá do 24 de febreiro ao 9 de xuño de 2026. As clases serán presenciais, na Aula UNED de Monforte, todos os martes, de 17.00 a 19.00 horas, o que supón un total de 15 sesións de dúas horas.

O prezo da matrícula é de 50€ e o prazo de inscrición está aberto desde hoxe e ata o 19 de marzo, a través do correo electrónico monforte@lugo.uned.es, no que tamén se ofrecerá máis información sobre o curso.

👉 Máis información na páxina web municipal.

https://www.monfortedelemos.es/gl/novas/2026/aula-uned-monforte-estrea-programa-senior-curso-patrimonio-historico-artistico-ribeira-sacra

19/02/2026

O Enterro da Sardiña despediu con bágoas e coplas o Entroido de Monforte, un dos máis participativos dos últimos anos.

A Cofradía do Santo Enterro da Sardiña arrancou ás 20.00 horas na Praza de España e percorreu entre bágoas e cánticos o treito peonil da rúa Cardenal, Avenida de Galicia ata o cruce da Rúa Ourense e Campo de San Antonio ata chegar á Praza do Concello, onde a comitiva foi recibida polo Equipo de Goberno, e tivo lugar a lectura de coplas e rogativas.

Unha vez rematado o acto, a procesión continuou ata a Ponte Medieval, lugar desde o que foi lanzada a sardiña ao río. Con este rito, o Concello de Monforte de Lemos pon o punto e final á programación do Entroido 2026, un dos máis exitosos e participativos dos últimos anos.

https://www.monfortedelemos.es/gl/novas/2026/enterro-sardina-despediu-bagoas-coplas-entroido-monforte-participativo

18/02/2026

⛳ O Alcalde e o presidente do Club de Golf Río Cabe presentan o I Campeonato de Europa IPPA de Pitch&Putt individual, que reunirá arredor de 160 xogadores internacionais en Monforte.

🗓️ A Asociación Internacional de Pitch&Putt (IPPA), encargada de promover o crecemento desta modalidade de golf en todo o mundo, escolleu Monforte para a celebración deste evento deportivo, que terá a súa sede en Ribas Altas, nas instalacións do Club de Golf, os días 3, 4 e 5 de xullo deste 2026.

🏌️José Tomé: “É un pracer para o noso Concello acoller este evento internacional en Monforte, xa que, sen dúbida, virá acompañado dun importante impacto económico e turístico na nosa cidade e no conxunto da Ribeira Sacra, territorio do que somos capital”.

🏨 Ademais, o evento coincidirá coa celebración do Festival de Viño da Ribeira Sacra, “o que vai complementar a promoción de Monforte nos países de procedencia dos xogadores participantes”, destacou.

👉Máis información sobre o evento, na páxina web do Concello.

https://www.monfortedelemos.es/gl/novas/2026/alcalde-club-golf-rio-cabe-presentan-campeonato-europeo-ippa-pitch-putt-xullo-monforte

18/02/2026

O Concello de Monforte de Lemos súmase á conmemoración do Día Mundial do Colangiocarcinoma, este xoves 19 de febreiro.

🟢 Como xesto simbólico, e coa finalidade de sensibilizar á poboación acerca deste tipo de cancro, a Torre da Homenaxe iluminarase coa cor verde.

🟩 Deste xeito, o Concello colabora coa iniciativa da Asociación de Tumores de Vías Biliares en España, (ATUVIBI), que promove a campaña para representar con esta cor a esperanza e a concienciación en torno ao colangiocarcinoma e os tumores da vía biliar.

O Alcalde de Monforte, José Tomé, apunta que con este xesto, “o Concello de Monforte quere facer extensiva a toda a cidadanía a conmemoración desta data e brindar apoio ás persoas diagnosticadas con esta enfermidade e ás súas familias, ademais de dar visibilidade e sensibilizar á sociedade sobre este tipo de cancro, o tumor das vías biliares máis frecuente pero aínda pouco coñecido”.

https://www.monfortedelemos.es/gl/novas/2026/torre-homenaxe-iluminarase-verde-xoves-dia-mundial-colangiocarcinoma

17/02/2026

O Alcalde celebra o “rotundo éxito de animación e creatividade” dun Martes de Entroido con rúas ateigadas e máis de 1.300 participantes no desfile de comparsas e disfraces.

🎭 O desfile arrancou ás 17.00 horas do barrio da Estación e finalizou na Praza da Compañía, onde se deron a coñecer os ganadores e gañadoras do concurso, que repartiu 21.000€ entre as mellores propostas tanto de Monforte como de fóra do municipio.

🎤 Trala comunicación dos gañadores e gañadoras por parte da Concelleira de Cultura, Marina Doutón, a xornada concluíu coa actuación da Orquestra Súper Top na Explanada da Compañía.

👏🏻 O Alcalde felicita aos gañadores e agradece a todos os participantes “a ilusión e as horas de traballo dedicadas á elaboración das estupendas propostas que desfilaron nesta edición”.

🙌 Neste senso, o rexedor destaca “o impulso económico que supón esta celebración capaz de reunir na cidade a un número importantísimo de persoas tanto de aquí como de fóra, que visitan Monforte para desfrutar dunha posta en escena divertida e colorista, e na que non pode faltar a crítica e o bo humor”.

📍 Nas diversas categorías de comparsas de máis de 4 compoñentes participaron 21 colectivos de Monforte e 13 de fóra de municipio, con representación das catro provincias: Sarria, Bolmente, Sober, Oural, Cereixa, Bóveda, A Pobra do Brollón, Paradela e Chantada (Lugo), Vilamarín (Ourense), Ferrol (A Coruña) e Vigo (Pontevedra).

🏆Máis información e lista de premiados, na web do Concello.

https://www.monfortedelemos.es/gl/novas/2026/alcalde-celebra-rotundo-exito-animacion-creatividade-martes-entroido-desfile-comparsas-disfraces

17/02/2026

🎭 Nova cita co teatro este xoves, 19 de febreiro ás 20.15 horas, no Edificio Multiusos, coa obra "Memorias dun neno labrego", unha nova adaptación teatral da emblemática novela do escritor Xosé Neira Vilas.

Trátase dunha coprodución do Centro Dramático Galego e Contraproducións, dirixida por Cándido Pazó.

Os prezos das entradas son os habituais: 5€ para o público xeral e 3€ para estudantes, desempregados e xubilados.

A taquilla estará aberta no propio Multiusos dende ás 19.00 horas.

👉Máis información, na web do Concello.

https://www.monfortedelemos.es/gl/novas/2026/memorias-neno-labrego-teatro-edificio-multiusos-concello-monforte

16/02/2026

O Alcalde informa da apertura dunha nova convocatoria de axudas para sufragar o gasto enerxético nos fogares de persoas vulnerables.

-A Xunta de Goberno Local aprobou este luns as bases reguladoras da convocatoria, á que se destina unha partida de 25.000€ para paliar situacións de necesidade social relacionadas co pago de subministracións básicas de enerxía eléctrica, gas, gasoil, calefacción e outras fontes de enerxía das persoas en situación de risco e/ou exclusión social.

-José Tomé: “Este Alcalde, e este Equipo de Goberno, non quere que a ningunha familia do noso Concello lle falte o calor no seu fogar”.

-Poderán solicitar esta axudas as persoas ou unidades de convivencia residentes no Concello de Monforte de Lemos que os Servizos Sociais valoren que se atopan en situación ou risco de exclusión social.

-O prazo de presentación de solicitudes abrirase ao día seguinte da publicación do extracto da convocatoria no Boletín Oficial da Provincia de Lugo e estará aberta ata o 18 de decembro de 2026.

👉 Consulta as bases na páxina web do Concello.

https://www.monfortedelemos.es/gl/novas/2026/alcalde-informa-apertura-convocatoria-axudas-gasto-enerxetico-fogares-vulnerables

14/02/2026

🎭 O Desfile do Martes de Entroido encherá as rúas de Monforte de animación con 1.296 inscritos, a cifra de participación máis alta dos últimos anos

✍️ Nas diversas categorías de comparsas participarán un total de 21 colectivos de Monforte e 13 de fóra de municipio, con representación das catro provincias: Sarria, Bolmente, Sober, Oural, Cereixa, Bóveda, Pobra de Brollón, Paradela e Chantada (Lugo), Vilamarín (Ourense), Ferrol (A Coruña) e Vigo (Pontevedra).

🏆 Para este concurso, o Concello establece dúas modalidades: unha para as comparsas e disfraces de Monforte, e outra para disfraces e comparsas de fóra do municipio. A partida destinada aos premios ascende a un máximo de 21.000€, dos que 17.850€ corresponden aos participantes locais, e 3.150€ aos de fóra de Monforte.

🕔 O desfile comezará ás 17.00 horas na praza da Estación e percorrerá as rúas Calvo Sotelo, Roberto Baamonde, Praza Ponte Fontecha e Compañía.

🌤️ O Alcalde, José Tomé, destaca que “é a cifra máis alta dos últimos anos, polo que xa podemos adiantar que será un Martes de Entroido moi participativo; soamente nos queda agardar unha boa xornada no que se refire á situación meteorolóxica”.

👉 Consulta toda a información deste Entroido na páxina web do Concello.

https://www.monfortedelemos.es/gl/novas/2026/desfile-martes-entroido-enchera-ruas-monforte-animacion-1.296-inscritos-cifra-mais-alta-ultimos-anos

Dirección

Campo De Santo Antonio S/n
Monforte De Lemos
27400

Página web

http://www.monfortedelemos.es/

Notificaciones

Sé el primero en enterarse y déjanos enviarle un correo electrónico cuando Concello de Monforte de Lemos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu consultorio sea el Clínica mas cotizado en Monforte de Lemos?

23/02/2026

21/02/2026

20/02/2026

19/02/2026

19/02/2026

19/02/2026

18/02/2026

18/02/2026

17/02/2026

17/02/2026

16/02/2026

14/02/2026

Dirección

Página web

Notificaciones

Atajos

Compartir