15/04/2026
🕔 Ás 17:00
📍 Local Social de O Alto do Castiñeiro
Rúa Manuel Antonio, 9. Narón
OMS e UNICEF insisten dende hai moitos anos na importancia de manter a lactación materna e de facela renacer onde tende a desaparecer, como medio para mellorar a saúde e a nutrición das crianzas
En 1974, a 27ª Asemblea Mundial da Saúde advertiu do descenso xeral da lactación en moitas rexións mundiais, debido á influencia de factores socioculturais e doutro tipo, entre eles a promoción de substitutos manufacturados do leite materno, e instou «aos Estados Membros a revisar as actividades de propaganda comercial dos alimentos para lactantes e a adoptar as oportunas medidas correctoras, entre elas a promulgación de leis e regulamentos se fose necesario»
A 33ª Asemblea Mundial da Saúde (maio, 1980), fixo a declaración e as recomendacións aprobadas por consenso na reunión conxunta OMS/UNICEF, facendo especial mención da recomendación segundo a cal «debe establecerse un código internacional de comercialización das preparacións para lactantes e doutros produtos utilizados como substitutos do leite materno»
En maio de 1981, a Asemblea Mundial da Saúde debateu a cuestión, logo de ser presentada polo representante do Consello Executivo. O 21 de maio, a Asemblea aprobouno, nacendo así, o Código Internacional de Comercialización dos Sucedáneos do Leite Materno
O obxectivo do código é protexer a lactación materna fronte a prácticas comerciais pouco éticas por parte da industria dos sucedáneos. A pesar de cumprir 45 anos, este día de concienciación é máis necesario ca nunca: en 2022, a OMS denunciou o marketing abusivo da industria farmacéutica para promover a venda de fórmula infantil. Icluindo: pagos a plataformas de RRSS, colaboracións con influencers, aplicacións móbiles propias, grupos de apoio "patrocinados" e promocións e concursos
🔗 Fonte: PAHO/OMS - Comercialización abusiva chega a niveis Alarmantes
#2026
