Lunes 09:00 - 15:00 Martes 09:00 - 15:00 Miércoles 09:00 - 15:00 Jueves 09:00 - 15:00 Viernes 09:00 - 15:00

Andaina Pro Saúde Mental

Casa
España
Ordes
Andaina Pro Saúde Mental

Asociación sen ánimo de lucro adicada á atención e apoio no ámbito rural de persoas con problemas de saúde mental e ao seu entorno familiar.

ANDAINA é unha asociación sen ánimo de lucro que nace no 2010 ante a necesidade de cubrir o baleiro existente na atención profesional ás persoas con trastornos mentais. O noso ámbito de actuación abrangue as áreas sanitarias rurais de Santiago de Compostela. Os nosos principios son:
“A persoa como eixe”.
“A inserción social e laboral”. O principal obxectivo é a mellora da asistencia e calidade de vida das persoas que padecen trastornos mentais e a dos seus familiares e amigos/as. Recuperar a integración social e laboral, mediante a creación de emprego adaptado, a defensa dos intereses e dereitos das persoas con trastornos mentais, a preservación do medio ambiente e a estimulación creativa e cognitiva mediante talleres de diversa índole, son algunhas das actividades que desenvolvemos cos nosos usuarios.

12/02/2026

👉🏻 Dende Andaina PSM queremos agradecer a colaboración da Librería ULA (.librariasocial) na cal tivemos a presentación do noso Recetario Solidario o pasado venres 6 de Febrero.

29/01/2026

O pasado Domingo celebrouse en Pontecesures a XXV CARREIRA POPULAR e todo o diñeiro recaudado foi doado polo concello a nosa entidade.

Dende Andaina queremos agradecer este acto de xenerosidade xa que grazas a este tipo de doazóns podemos seguir desenvolvendo a nosa labor.

08/01/2026

O noso equipo, reforzado! 💪

Grazas aos programas de cooperación con entidades sen ánimo de lucro da Consellería de Emprego, Comercio e Emigración, puidemos incorporar a dúas persoas profesionais da psicoloxía para que nos acompañen ao longo do 2026, fortalecendo o apoio multidisciplinar que ofrecemos nos nosos CRPL.💚

02/01/2026

💚 Queremos agradecer a Muebles Jogafan Mobelrias a doazón de 2 sofás para o noso CRPL de Ordes, un xesto que mellora o noso espazo común e o fai máis acolledor para todas as persoas que o compartimos.🤗

Grazas pola vosa solidariedade e por seguir sumando apoio á saúde mental no rural!

31/12/2025

Coñeces os Puntos de Lectura FALAMOS?📚

👉As cifras de suicidio baixan por 2º ano consecutivo no 2024, pero segue sendo unha realidade tabú.

Por iso, dende Andaina PSM desenvolvemos actuacións para achegar información e sensibilizar á poboación sobre esta realidade 👥, como son os puntos de lectura en colaboración coas Bibliotecas municipais da contorna.

30/12/2025

Ante momentos e situacións difíciles, aprender a poñer en práctica estratexias de afrontamento é un acto de coidado. Desenvolver habilidades persoais, fortalecer a resiliencia e alimentar a nosa capacidade de adaptación pode contribuír a sosternos mellor, transitar a dor e reducir o sufrimento.❤️‍🩹

👉Cada ferramenta que incorporamos suma ao noso benestar e á nosa capacidade para seguir.

Se precisas axuda, contacta, non estás só/a.

FALAMOS? Programa Integral bo ámbito rural para a mellora na detección e intervención en risco de suicidio.

23/12/2025

➡️O Concello de Rianxo vén de apoiar a Andaina Pro Saúde Mental no desenvolvemento de accións para a mellor da empregabilidade e o mantemento no emprego de persoas con trastorno mental no rural.

👉No marco deste proxecto puidemos acompañar ás persoas participantes no desenvolvemento dos seus itinerarios formativo-laborais, ofrecer capacitación en habilidades e competencias básicas, e informar e asesorar sobre o tecido formativo-laboral da contorna, incrementando así a súa autonomía na procura de emprego.

19/12/2025

👉Este mércores presentamos o noso recetario solidario na Biblioteca de Ordes💚

🤗Grazas a todas as persoas que vos achegastes a acompañarnos e, de xeito especial, á Biblioteca Municipal de Ordes , sempre disposta a sumar, propoñer e abrir as portas a iniciativas que fortalecen a comunidade e axudan a que este proxecto siga medrando día a día.

Este recetario 🍝🥕🍴 é unha pequena mostra do traballo que realizamos en Andaina e do valor de facer as cousas en rede, aínda non tes o teu?😉 Contáctanos ou faite con el nos establecementos colaboradores!!

18/12/2025

As persoas con trastorno mental persistente poden precisar apoios que lles axuden a reforzar a súa estabilidade emocional e a súa autonomía, especialmente no medio rural 🌿.

💡 En Andaina PSM contamos cun programa que ofrece apoios personalizados na contorna máis próxima, favorecendo a participación activa na comunidade e impulsando que cada persoa teña un papel protagonista nas decisións que afectan á súa vida.

💻 Dentro deste programa, unha das áreas clave é a Área Persoal, onde, entre outros, se acompaña no desenvolvemento de habilidades para o manexo das novas tecnoloxías, un recurso fundamental para fortalecer a autonomía, mellorar a comunicación e facilitar unha vida máis conectada e independente.

ℹ️Programa financiado pola Consellería de Sanidade no marco da convocatoria de subvencións destinadas á realización de programas de interese xeral para fins de carácter sociosanitario no ámbito dos trastornos mentais, na súa Liña II. Programas de intervención comunitaria en persoas con trastorno mental.

17/12/2025

❗️A finais de novembro estivemos participando na formación PROSPECT Estatal organizada pola Confederación Saúde Mental España en Madrid.👩‍🎓

Dende Andaina Pro Saúde Mental queremos agradecer a Confederación Salud Mental España a excelente organización da formación PROSPECT 💚. Foi unha experiencia moi enriquecedora, na que participamos unha representación de persoas familiares, profesionais e persoas con experiencia propia na entidade.

👉Esta formación ofrécenos a oportunidade de revisarnos dende o lugar que ocupa cada quen, cuestionar miradas e aprender xuntas, recoñecendo o valor de todos os roles implicados e fortalecendo os piares fundamentais da recuperación en saúde mental. 👥

👉Volvemos con máis ferramentas, máis confianza e a certeza de que a formación compartida empodera e transforma 💪. Grazas por crear espazos que poñen no centro ás persoas e os seus dereitos.

15/12/2025

O noso programa de Información e Asesoramento ℹ️🗣 ten como principal finalidade ofrecer información, orientación e asesoramento personalizado a persoas con problemas de saúde mental, ás súas familias e achegados/as, a profesionais da contorna e á sociedade en xeral para a prevención e apoio en materia de saúde mental. 👥

👉O acceso a recursos e a dispersión demógrafica presente nas zonas rurais fan que sexa clave achegarnos á poboación e profesionais do eido sociosanitario para ofrecer os nosos servizos e así, contribuír á mellora da situación das persoas con problemas de saúde mental.

ℹTes algunha dúbida? Precisas asesoramento? Contáctanos!

📞CRPL DODRO: 981 802 078
📞CRPL ORDES: 981 076 405
📧 andainapsm@andainapsm.org

10/12/2025

O programa de intervención familiar ten como finalidade contribuír ao incremento da corresponsabilidade na realización de actividades básicas e instrumentais no ámbito familiar 🏠 das persoas con Trastorno Mental Crónico.

👉Lévanse a cabo sesións de intervención familiar 👥co fin de abordar a adquisición ou delegación de tarefas e responsabilidades no núcleo familiar para a procura de dinámicas equilibradas en base á corresponsabilidade e aas súas necesidades. É preciso implicar a toda a familia no intercambio de funcións, tentando acadar un maior axuste nos roles que desempeñan.

👉A través deste programa, a cargo da liña (FOAXE-P/2025) de subvencións a entidades sen ánimo de lucro para o mantemento de programas e servizos en materia de servizos sociais no ano 2025, esta sendo posible apoiar a máis de 20 familias 💚

Dirección

Rúa Emilia Pardo Bazán Nº14
Ordes
15680

Horario de Apertura

Lunes	09:00 - 15:00
Martes	09:00 - 15:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Página web

https://www.andainapsm.org/

Notificaciones

Sé el primero en enterarse y déjanos enviarle un correo electrónico cuando Andaina Pro Saúde Mental publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Dirección
Horario de Apertura
Notificaciones
Contacto El Consultorio
Reclamar la propiedad
o informar el listado

¿Quieres que tu consultorio sea el Clínica mas cotizado en Ordes?