Sergas Ourense

Casa
España
Orense
Sergas Ourense

Canle de Comunicación da Área Sanitaria do de , e Servizo Galego de Saúde Ourense

06/11/2025

Os celadores e celadoras son a primeira man que se adianta á chegada ao hospital, o brazo que levanta e transmite seguridade, pero tamén a línea que une os puntos desta maquinaria complexa 🏥e a axuda que sempre chega cando máis se precisa.

O voso traballo, moitas veces discreto, é imprescindible. Grazas por estar aí, con dedicación, forza e humanidade, acompañando desde a chegada á partida.

💙 Parabéns no voso día!

05/11/2025

👉 Nos tres hospitais públicos e nos centros de Atención Primaria da Área Sanitaria de Ourense, Verín e Valdeorras traballan 522 celadores e celadoras que hoxe celebran o seu día. Parabéns!

💙 Neste Día Mundial do Celador, queremos dar visibilidade a multifuncionalidade e profesionalización deste colectivo esencial, cuxo labor abrangue a práctica totalidade dos procesos que permiten a asistencia nos centros sanitarios públicos.

🔹 O seu papel, vai moito máis lonxe do traslado e mobilización de pacientes e son esenciais no funcionamento diario do sistema sanitario. Grazas!

01/11/2025

Coincidindo coa celebración do Día Galego sen Tabaco 🚭, o Centro de Saúde da Ponte instalou unha mesa informativa ℹ️ co obxectivo de concienciar sobre os riscos do consumo de tabaco 🚬 e dos novos dispositivos de 💨vapeo, así como para promover hábitos de vida saudables 🌿🍏

Os beneficios de deixar o tabaco podense notar dende o primeiro momento:

👉 “En só 20 minutos mellora a tensión arterial e a frecuencia cardíaca.”
👉 “Tras un ano sen fumar, o risco de infarto redúcese á metade.”

📍 Na consulta de enfermaría ou medicina do teu 🏥Centro de Saúde podes contar con apoio na túa decisión de deixalo: Consello, tratamento farmacolóxico, 💊que ademais pode estar financiado, e acompañamento no proceso.

31/10/2025

🎗 I Gala Solidaria de 💋Bicos de Papel en Ourense

A asociación Bicos de Papel, que apoia a nenos 🧒🏼👧🏻con cancro e ás súas familias, presentou no Hospital Universitario de Ourense a súa primeira Gala Solidaria, que se celebrará o 7 de novembro no 🎭Teatro Principal.

O evento contará co humor de Peter Punk, a música de Besbellos e Os Tres Porquiños, e as actuacións de Catro Pasos e Estudio Repenica. A presentación correrá a cargo do xornalista 🎙️Juan Maceiras.

🎟 As entradas custan 8 euros e o importe íntegro destinarase á obra social da asociación, dispoñibles en 👉 www.bicosdepapel.org.

Bicos de Papel ofrece apoio psicolóxico, económico e unha 🏠casa de acollida para familias con nenos en tratamento oncolóxico no 🏥Hospital Álvaro Cunqueiro.

💛 Unha gala para sumar apoio, esperanza e solidariedade coas familias que loitan contra o cancro infantil.

30/10/2025

O Servizo de Urxencias despedíu con emoción a doutora 🧑🏼‍⚕️Julia Mera no seu último día de traballo, tras unha etapa profesional de case catro décadas.

Comezou medicina naquel ano 77 no que os boomers enchían as rúas de Compostela, con máis de 1.500 estudantes en primeiro, que rebentaron os recén implantados “numerus clausus” e as costuras da vella facultade da rúa San Francisco, invadindo as aulas de Económicas no Pazo de Fonseca.

Rematou a carreira no 1983 e, tras un tempo de substitucións por diversos centros, iniciou a súa traxectoria en 🚑Urxencias no 89, na daquela 🏥Residencia Sanitaria Nosa Señora do Cristal do INSALUD.

36 años anos intensos que viviron a transformación do Hospital Universitario de Ourense, do Sergas e da especialidade, que sigue defendendo, despois de participar na creación da Asociación de Médicos de Urxencias de Galicia, en prol da dignificación e recoñecemento daqueles “médicos de porta” como especialistas.

Grazas, Julia, por todos estes anos de dedicación e compromiso. 🍀Sorte na nova etapa!

29/10/2025

🩺 Hoxe, 29 de outubro, conmemórase o Día Mundial da Psoriase, data destinada a visibilizar esta enfermidade 🎈inflamatoria crónica da pel, que en Ourense o Servizo de Dermatoloxía estima afecta ao redor de 7.500 ourensáns, a maioría de carácter leve e boa resposta a un tratamento local 🧴, non si, en preto do 30% dos casos esta pode ser moderada ou grave, con afectación articular 💪🦵, velaí a importancia do 🔍diagnóstico precoz e a instauración temperá de tratamento.

A dermatóloga María Pousa lembra que “unha de cada corenta persoas ten psoriase, aínda que na maioría cursa dunha forma leve” é unha enfermidade crónica, non contaxiosa, que as veces pode condicionar a vida dos pacientes. Nalgúns casos ademais da pel, pode afectar ás articulacións e relacionarse con outras doenzas como a artrite, obesidade, depresión ou diabete.

29/10/2025

A residente de segundo ano de Enfermería Obstétrico-Xinecolóxica 🏥do Hospital Universitario de Ourense, Carla García Fernández, foi recoñecida no congreso da Federación de Asociacións de Matronas de España polo seu traballo Implementación dunha intervención 👨‍🏫 educativa sobre saúde menstrual en persoas con síndrome de Down.

A conclusión á que no seu traballo é que falta información. Explica que aínda que ℹ️ se fan moitas charlas sobre saúde menstrual a nivel comunitario, en 🏫 colexios e institutos, non se aborda especificamente para persoas con síndrome de Down. A residente cre que debería avanzarse nesa liña. «Proxectos como este contribúen a derrubar barreiras e a garantir que todas as persoas teñan acceso á educación sanitaria e á información que lles corresponde por dereito».

28/10/2025

🧩 Onte celebramos o Día Mundial da Terapia Ocupacional!

Baixo o lema deste ano, “Terapia ocupacional en acción”, recoñecemos o traballo imprescindible que realizan estes profesionais para mellorar a autonomía, o benestar e a calidade de vida das persoas.

No Hospital Universitario de Ourense, a terapeuta ocupacional Cristina Pérez explíca que “o noso obxectivo final é que cada persoa teña a máxima autonomía posible e unha boa calidade de vida”.

Os terapeutas ocupacionais traballan con nenos e nenas con problemas de desenvolvemento, con persoas en rehabilitación física e tamén no eido da saúde mental, tanto en servizos de agudos coma no hospital de día. “Temos que traballar en toda a esfera da persoa —a nivel físico, emocional e cognitivo— a través das actividades significativas que dan sentido á súa vida”, engade Cristina.

A terapia ocupacional é tamén un labor en equipo: “Sen o equipo non seríamos nada”, destaca, lembrando a coordinación con fisioterapeutas, enfermeiros, psiquiatras, auxiliares e psicólogos.

💪 Hoxe poñemos en valor a súa entrega e compromiso para que cada persoa poida retomar os seus roles, rutinas e participar activamente na comunidade.

27/10/2025

Maribel Mangana formou parte dun reducido grupo de mulleres pioneiras 🙋🏼‍♀️que, na década dos 90, abriron camiño nun ámbito ata entón case exclusivamente masculino: o das celadoras 🏥hospitalarias.

Chegou ao “Cristal- Piñor” despois de aprobar a primeira 📝oposición convocada, marcando así o inicio dunha nova etapa de 🟣igualdade e profesionalidade, na que tamén se estreou como a primeira encargada de quenda.🫡

Á súa xubilación, Maribel deixa unha profesión na que a muller representa o 58% do cadro de persoal de celadores e ata tres 👩🏻‍💼👩‍💼👩🏻‍🦳 encargadas de quenda no Hospital Universitario. Parabéns e 🍀sorte Maribel!

🔗 https://www.lavozdegalicia.es/amp/noticia/ourense/2022/11/05/primera-celadora-espana-luchamos-mujer-tuviera-sitio-hospital/0003_202211O5C5992.htm?utm_campaign=amp

24/10/2025

📅 Cada xoves, un grupo de especialistas de 👨‍⚕👩‍⚕Cirurxía de Mama, Oncoloxía Médica, Oncoloxía Radioterápica, Radioloxía, Anatomía Patolóxica e Medicina Nuclear reúnese para revisar cada caso e decidir, de forma conxunta, o mellor itinerario terapéutico para cada paciente diagnósticada de cancro de mama.

Durante 2024 o Comité de Tumores de Mama avaliou 950 casos mama, e estímase que ao remate de 2025 superarán os 1.000.

🔍 Cal é a función do comité?
Valorar cada diagnóstico, definir o tratamento máis axeitado para cada paciente en cada momento do seu proceso asistencial.

💪 Vantaxes deste modelo:

Decisións baseadas no consenso entre especialidades.

Tratamentos personalizados e coordinados.

Seguimento continuo de cada caso.

Maior seguridade e calidade asistencial.

Como explica a doutora María Dolores López, membro do comité desde hai máis de 25 anos: “A forza do comité está na visión multidisciplinar. Cada profesional achega o seu coñecemento e a súa experiencia, e iso permítenos decidir o mellor camiño para cada paciente.”

🔗https://saladecomunicacion.sergas.gal/Paginas/DetalleNova.aspx?idioma=ga&idNova=16607

24/10/2025

As voluntarias do Espazo +60 de fixeron entrega dos seus corazóns solidarios no Hospital Universitario de Ourense 🏥.

🪡🧵Realizados artesanalmente de xeito solidario, os ❤️corazóns de algodón ☁️entréganse ás pacientes que se someten a unha operación de mama, co obxectivo aliviar e protexer e tamén trasladar unha mensaxe moi especial: non estás soa 🤝✨.

🧑🏼‍⚕️👩🏻‍⚕️Na entrega estivo presente parte do persoal dos distintos servizos implicados na atención as pacientes de cancro de mama, que comproban diariamente a positiva reacción das pacientes que o reciben, nun encontro cheo de emocións. Grazas!!!

Dirección

Rúa Ramón Puga 52-54
Orense
32005

Teléfono

+34988385500

Página web

http://www.sergas.es/

Notificaciones

Sé el primero en enterarse y déjanos enviarle un correo electrónico cuando Sergas Ourense publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.