25/12/2025
Papá Noel leva a maxia do Nadal a todas as áreas do CHUO
O Hospital Universitario de Ourense recibiu hoxe, día de Nadal, unha visita moi especial coa chegada de Papá Noel que, acompañado polos seus elfos, percorreu todas as áreas do centro hospitalario levando ilusión, emoción e espírito do Nadal aos arredor de 550 pacientes ingresados, así como aos seus familiares e aos profesionais sanitarios e non sanitarios.
Durante a xornada, Papá Noel e os seus axudantes visitaron as distintas unidades de hospitalización, as áreas de críticos, reanimación, Unidade de Coidados Intensivos, UCI pediátrica e o servizo de urxencias. Precisamente na UCI pediátrica viviuse un dos momentos máis emotivos da visita, cando un neno ingresado recibiu con enorme ilusión a chegada de Papá Noel.
A comitiva percorreu tamén servizos esenciais do hospital como laboratorio, cociña, banco de sangue, centraliña, esterilización, lanzaría, farmacia, Radioloxia , seguridade, celadores ou servizo de limpeza, compartindo momentos de proximidade e recoñecendo o labor diario de todos os profesionais que fan posible o funcionamento do centro.
Papá Noel estivo acompañado en todo momento por unha parella de gardas civís da Comandancia da Garda Civil de Ourense, que colaboran como cada ano no desenvolvemento da visita e contribuíron a crear un ambiente seguro e festivo.
A visita incluíu igualmente as unidades de partos, onde Papá Noel puido saudar ás nais que acababan de dar a luz, achegando palabras de ánimo e bos desexos nun momento tan especial.
Esta iniciativa organizada polo servizo de humanización e atención al paciente do CHUO permitiu achegar o Nadal a todos os recunchos do hospital, repartindo ilusión e emoción nun día sinalado, e reforzando o compromiso do Hospital Universitario de Ourense coa humanización da atención sanitaria.
