Sergas Ourense, Rúa Ramón Puga 52-54, Orense (2026)

29/03/2026

🎹 Hoxe celebramos o Día Mundial do Piano no Hospital Universitario de Ourense enchendo de música e emoción os espazos asistenciais.

No marco do programa Música é Saúde, vivimos unha xornada moi especial nas unidades de críticos e na Unidade de obstetricia onde a música volveu ser unha ponte de coidado e humanización.

Queremos agradecer a participación de Antón Otero, médico de Medicina Interna; de Luis Humberto Cao, pianista voluntario; e tamén de Alejandro Aguiar, TCAE das unidades de críticos, que se sumaron a esta iniciativa facendo da música unha ferramenta de acompañamento para pacientes e profesionais.

Porque a música tamén coida. 💙🎶

28/03/2026

💙 Grazas por tanto, María José

Onte o Servizo de Nefroloxía viviu un deses momentos que quedan para sempre na memoria.

Tras 42 anos de dedicación, despedimos a María José Remigio Lorenzo, unha enfermeira que non só coidou pacientes, senón que tamén acompañou vidas, formou xeracións de profesionais e deixou unha pegada imborrable no noso hospital.

Durante máis de catro décadas foi testemuña da evolución da diálise, pero, sobre todo, foi protagonista do máis importante: o coidado humano, a empatía e a entrega diaria.

👩‍⚕️ Referente en diálise en Ourense e en Galicia
📚 Mestra de moitas das enfermeiras que hoxe continúan o seu camiño
🤝 Compañeira querida por todos

O mellor reflexo do que significa María José viviuse onte: compañeiros, profesionais doutros servizos e pacientes quixeron acompañala nun emotivo corredor de despedida.

Un aplauso longo, sincero e cheo de gratitude porque hai profesionais que fan historia… e persoas que deixan pegada para sempre.

Grazas, María José. Desexámosche o mellor nesta nova etapa 💐

26/03/2026

🏆 O programa das Escolas de Saúde de Atención Primaria ven de ser recoñecido a nivel estatal nos Premios NAOS da Axencia Española de Seguridade Alimentaria e Nutrición.

Un premio que pon en valor o compromiso dos equipos dos nosos centros coa promoción da saúde, a prevención e o traballo coa comunidade. 💚

👏 Parabéns a todas as profesionais e á cidadanía participante por facer posible este éxito colectivo.

25/03/2026

🌍 No Día Mundial da Tuberculose lembramos que se trata dunha enfermidade prevenible e curable que pode afectar a calquera persoa.

Na Área Sanitaria de Ourense, Verín e Valdeorras rexistráronse 27 casos novos en 2024, mantendo a tendencia descendente das últimas décadas grazas ao diagnóstico precoz, o seguimento dos contactos e o tratamento axeitado.

A tuberculose non discrimina e o estigma pode atrasar a consulta médica, polo que é fundamental informar e actuar a tempo para frear a súa transmisión. 🫁💙

19/03/2026

✨ Orgullo ourensán na loita contra o cancro

A nosa oncóloga do Hospital Universitario de Ourense, a doutora Ana Fernández Montes, vén de coordinar a nova guía nacional para o diagnóstico e tratamento do cancro de esófago, un documento clave que recolle os últimos avances científicos.

🩺 Esta actualización incorpora novidades como:
✔️ Inmunoterapia e tratamentos personalizados
✔️ Melloras no diagnóstico precoz
✔️ Novos enfoques multidisciplinares

O cancro de esófago segue a ser unha enfermidade complexa, polo que iniciativas como esta son fundamentais para mellorar a supervivencia e a calidade de vida dos pacientes.

💙 Desde Ourense, contribuíndo a unha medicina máis avanzada, precisa e humana.

https://www.laregion.es/ourense/ana-fernandez-oncologa-allariz-chuo_1_20260319-4205201.html

17/03/2026

🩺🖋️ Son as tatuaxes seguras para a saúde?

Ademais dos riscos xa coñecidos para a pel —como infeccións 🦠, reaccións alérxicas ou problemas de cicatrización—, que poden aumentar canto maior é a superficie tatuada, novas investigacións advirten tamén o seu posible impacto no sistema inmunitario 🛡️. A tinta non queda só na pel: pequenas partículas poden desprazarse ata os ganglios linfáticos, órganos clave das nosas defensas.

Este é o tema da reportaxe emitida nos informativos de Antena 3 📺, no que participaron profesionais do Hospital Universitario de Ourense 🏥o xefe de Dermatoloxía, Ignacio Suárez, e a hematóloga Carmen Pastoriza

12/03/2026

Hoxe, no 🌎 Día Mundial do Ril, lembramos a importancia de coidar a saúde renal e de detectar a enfermidade a tempo.

O Servizo de Nefroloxía do 🏥 Hospital Universitario de Ourense traballa coordinadamente con Atención Primaria e outros servizos hospitalarios -como cardioloxía 🫀- para promover a detección precoz e atender a cada paciente de xeito personalizado, anticipándose ás complicacións.

Porque detrás de cada diagnóstico hai unha persoa, e o noso obxectivo é coidala en todas as etapas da enfermidade. 💙🩺

09/03/2026

Porque o Día da Muller non é só o 8M, é todos os días. No traballo diario, no compromiso e na vocación de tantas profesionais que, co voso exemplo, inspirades e abrides camiño cada día. 💜 parabéns a todas.

08/03/2026

💜 Os hospitais públicos de Ourense, Verín e Valdeorras acolleron esta semana actos conmemorativos do Día da Muller 👩‍⚕️👩‍🔬👩‍🏫.

Neles, mulleres de diferentes profesións e responsabilidades compartiron as súas experiencias co alumnado de 2º da ESO 📚 dos IES Otero Pedrayo (Ourense), Taboada Chivite (Verín) e Olmo (O Barco de Valdeorras).

Esta iniciativa nace como unha vía de colaboración entre os centros sanitarios 🏥 e educativos 🏫 públicos, para achegar referentes profesionais ás novas xeracións 👩‍🎓, romper estereotipos 🚫 e poñer en valor o papel das mulleres na sanidade 💜.

👏 Grazas ao profesorado e á comunidade educativa pola súa implicación.

💜 E parabéns a todas as mulleres que cada día coidades, acompañades e axudades ás persoas nos momentos máis difíciles, facendo posible un sistema sanitario máis humano e forte.

Grazas 💜

▶️ Algúns momentos do acto de Ourense 📸👇

06/03/2026

O Hospital Universitario de Ourense celebrou está mañá o acto 💜 8M | “Mulleres da sanidade, exemplos que inspiran” con motivo do Día da Muller, no que profesionais de diferentes ámbitos da sanidade compartiron as súas experiencias e reflexionaron sobre o papel das mulleres no sistema sanitario.

A xornada, presentada por Myriam Sierra, xefa do Servizo de Comunicación da Área Sanitaria de Ourense, Verín e Valdeorras, contou coa asistencia dos alumnos e alumnas da 2º da ESO do IES Otero Pedrayo, que puideron coñecer de primeira man diferentes traxectorias profesionais dentro da sanidade pública.

Moitas grazas as participantes:

🏥 Silvia Álvarez Paradelo – Doutora en medicina e especialista en Neurofisioloxía Clínica, ña actualidad directora de procesos de soporte na Área Sanitaria.
💊 Lucía Cid Conde – Farmacéutica Hospitalaria, ágora subdirectora de Prestación Farmacéutica
📊 Loli Durán Oreiro – Licenciada en Farmacia e directora de Recursos Económicos
👩‍⚕️ Esther Pérez Álvarez – Enferneira e Supervisora responsable da Área de Formación
🩺 María Montserrat Seijas Rodríguez – Técnica de Coidados Auxiliares de Enfermería e Técnica de Laboratorio, agora tamén en Formación
📋 Monserrat González Iglesias – Técnico Superior de Documentación y Administración Sanitaria e Coordinadora de Apoio Administrativo
🔬 Cristina Regueiro Expósito – Doutora en Bioloxía e Investigadora do grupo de Investigación en Oncoloxía Dixestiva de Ourense (GIODO)

Durante o encontro, as participantes coincidiron en sinalar a importancia de seguir traballando para manter e avanzar nos dereitos das mulleres, así como o papel fundamental que desempeñan na sanidade pública. Tamén destacaron que a constancia, o esforzo e a formación están a facer posible unha presenza cada vez maior de mulleres nos centros sanitarios públicos.

Un espazo para compartir experiencias, inspirar ás novas xeracións e poñer en valor o talento feminino na sanidade.

06/03/2026

Con motivo do 8M – Día Internacional da Muller 💜♀️, o Hospital Público de Valdeorras acolleu o acto “Mulleres da sanidade: exemplos que inspiran”, un encontro para poñer en valor o papel fundamental das mulleres na sanidade pública, cuxo traballo diario sostén e fortalece o noso sistema sanitario. 🏥👩‍⚕️

O acto foi presentado por María Isabel Campos Rodríguez, secretaria de Dirección, e contou coas intervencións de:

• Noelia Estévez Romero, técnico en Emerxencias Sanitarias (Ambulancias SIL) 🚑
• Elena Mindora Popa, persoal de limpeza (SAMAIN-CLECE) 🧹
• Manuela Paradelo Torres, técnico superior de Laboratorio de Diagnóstico Clínico 🔬
• Margarita Sandiás Arias, fisioterapeuta 💪

Durante a xornada compartiron as súas experiencias profesionais e persoais, reivindicando o valor imprescindible das mulleres que cada día coidan, investigan, acompañan e fan posible a sanidade pública 👩‍⚕️💜. As súas historias puxeron de relevo que sen o talento, a dedicación e o compromiso das mulleres, o sistema sanitario non sería o mesmo.

Ao acto asistiron tamén alumnos e alumnas de 2º da ESO do IES Lauro Olmo 🎓, que puideron coñecer de primeira man diferentes profesións sanitarias e participar neste espazo de reflexión arredor da igualdade, a vocación e o papel transformador das mulleres na sociedade. 💜✨

05/03/2026

Esta mañá celebramos no Hospital Público de Verín un acto conmemorativo do Día da Muller, no que diferentes profesionais compartiron as súas experiencias e puxeron en valor o papel das mulleres na sanidade.

A xornada, 💜 “8M | Mulleres da sanidade, exemplos que inspiran”,
foi presentada por Mª Jesús Fernández Cotado, subdirectora de enfermería, e contou coa participación de profesionais de distintos ámbitos, que ofreceron a súa visión sobre o traballo diario, os retos e a vocación de servizo que caracteriza á sanidade pública.

Moitas grazas por participar a:

👩‍⚕️ Manuela López Pérez – Encargada de Celadores
👩‍⚕️ Mónica González Dacosta – Supervisora de Urxencias
👩‍⚕️ Lidia Cumplido Vieitez – Enfermeira Diabetolóxica
👩‍💼 Ángeles Airabella Boo – Aux. Administrativo de Recursos Humanos
💻 Araceli Martínez Fernández – Soporte Informático
💊 Laura López Bouzo – Farmacéutica Hospitalaria

Un encontro para recoñecer, visibilizar e agradecer o compromiso das mulleres que coidan da saúde da nosa comunidade.

Sergas Ourense

29/03/2026

28/03/2026

26/03/2026

25/03/2026

19/03/2026

17/03/2026

12/03/2026

09/03/2026

08/03/2026

06/03/2026

06/03/2026

05/03/2026

Dirección

Teléfono

Página web

Notificaciones

Atajos

Compartir

Categoría