13/01/2026
😏 Perdoade a espera… pero xa chegou o momento 😏
Este domingo celebramos o último Festival ADISBISMUR deste ano.
Si, si… o terceiro e final, e rematamos en Outes, como ben merece 💥
Outes é deses lugares onde sempre se nos trata ben,
un lugar especial onde os haxa,
dos que deixan ganas de volver cada vez que imos.
⚠️ Iso si… xa o sabedes: en Outes custa atopar sitio 😂
Así que ide con tempo, a unha hora prudente, que logo non queremos carreiras.
🎭🎶 Teatro, música e humor
Unha tarde para pasalo ben, rir sen complexos e deixarse sorprender polo
talento dos nosos usuarios e usuarias, que sempre dan moito que falar.
📍 Casa da Cultura de Outes
🗓 Domingo, 18 de xaneiro
⏰ 17:00 h
💶 Donativo: 5 €
🎁 Con esa entrada participas nun sorteo que terá lugar durante o festival.
Se che apetece un domingo distinto,
se buscas risas aseguradas
e se queres saír pensando “non esperaba isto”…
👉 este é o teu plan.
🙏 Queremos agradecer a colaboración do
Concello de Outes, Eroski Gadis H. Peña Cárnicas e Os Jaitas Blue
E ollo… 👀
Rematamos os festivais si…
pero xa estamos traballando en cousiñas para o próximo mes...
Xa nos coñecedes:
cando estamos calados/as… algo estamos tramando 😉
Vémonos en Outes ❤️🔥
