Xanela aberta á familia

Casa
España
Santiago de Compostela
Xanela aberta á familia

Información e recursos sobre hábitos de vida saudables para toda a familia | Consellería de Sanidade Subscríbete ao boletín!

Embarazo e parto, crianza, infancia, adolescencia, alimentación, actividade física, benestar emocional, prevención de adiccións… En Xanela Aberta á Familia atoparás unha morea de información e recursos sobre vida saudable para toda a familia, avalada pola Dirección Xeral de Saúde Pública da Consellería de Sanidade.

01/12/2025

Xa está dispoñible a Axenda Saudable de decembro!

Consulta todas as actividades e recursos que preparamos este mes para seguir coidando de ti 💚

Podes acceder a través da seguinte ligazón 📲 bit.ly/4pbcPHj

28/11/2025

Moverse cada día é unha das mellores formas de coidar corpo e mente. Non fai falta ir ao ximnasio nin seguir rutinas intensas: pequenos movementos suman saúde. 💚

Este calendario propón mini-retos diarios adaptados a todas as idades e condicións físicas, con variedade semanal, andar, forza lixeira, estiramentos, xogo, natureza e movemento consciente.

O obxectivo é manter o corpo activo de forma sinxela, segura e motivadora.

🗓️ Semana 1
Luns → 15 minutos de paseo despois de xantar.
Martes → 10 sentadas e levantadas dunha cadeira, en 2 series.
Mércores → Estiramentos de pescozo e ombreiros (3 minutos).
Xoves → Bailar unha canción enteira na casa.
Venres → Subir 2 andares polas escaleiras en lugar de coller o ascensor.
Sábado → Paseo pola natureza (parque, praia ou monte).
Domingo → 5 minutos de camiñar prestando atención á respiración.

🗓️ Semana 2
Luns → 20 minutos de paseo con paraugas se chove.
Martes → 15 flexións suaves contra a parede (adaptadas a cada nivel).
Mércores → Estiramentos de pernas e costas (5 minutos).
Xoves → Xogo activo en familia (bola, corda, corro).
Venres → Aparcar máis lonxe ou baixar unha parada antes do bus.
Sábado → Paseo tranquilo con alguén (compañeiro/a, familia, amigo/a).
Domingo → 10 minutos de camiñar en silencio, prestando atención ao entorno.

🗓️ Semana 3
Luns → 15 minutos de paseo rápido (máis áxil do habitual).
Martes → 10 levantamentos de brazos cunha botella de auga en cada man.
Mércores → Estiramentos antes de durmir para mellorar o sono.
Xoves → Bailar dúas cancións favoritas.
Venres → Levantarse da cadeira cada hora e camiñar 1-2 minutos.
Sábado → Paseo polos soutos ou fragas para ver as cores do outono.
Domingo → 5 minutos de camiñar con atención plena: sentir a pisada no chan.

🗓️ Semana 4
Luns → 20 minutos de paseo en grupo (familia ou amigos).
Martes → 12-15 repeticións de abdominais isométricos sinxelos (manter barriga dura 10 seg).
Mércores → Estiramentos de brazos e mans (para quen traballa con ordenador).
Xoves → Pequeno reto: subir e baixar escaleiras durante 5 minutos.
Venres → Xogo de movemento en interiores: lanzar unha pelota, bailar ou facer mímica activa.
Sábado → Paseo cultural: visita a un mercado, museo ou casco histórico camiñando.
Domingo → 10 minutos de paseo lento, centrado en observar o entorno (árbores, edificios, xente).

💡 Lembra: cada paso conta. O importante non é a intensidade, senón a constancia.

Fai do movemento parte da túa rutina diaria. 🌞

27/11/2025

🍐 Cociñar coa froita da tempada tamén é saudable e delicioso!

A pera é doce, lixeira e combina á perfección tanto con pratos salgados como con opcións máis frescas e creativas.
Proba estas ideas sinxelas, equilibradas e cheas de sabor: 👩‍🍳✨

🥗 Wrap vexetal con pera e queixo fresco
• Follas grandes de leituga ou tortilla integral.
• Pera en tiras.
• Queixo fresco baixo en graxa ou requeixo.
• Cenoria relada.
• Sementes de liño ou sésamo.

🍛Curry suave de polo con pera
• Peituga de polo en tacos.
• Pera en dados.
• Cebola
• Allo
• Xenxibre.
• Curry en po.
• Leite de coco lixeiro.
• Aceite de oliva.

🥖Tostas integrais con pera, crema de garavanzos e pementa
• Pan integral de centeo ou espelta
• Pera en láminas finas
• Hummus (crema de garavanzos)
• Pementa negra
• Aceite de oliva virxe extra

Sabores de outono, sinxelos, económicos e cheos de nutrientes. 💚

26/11/2025

🍐 A pera, a froita da tempada 🌿

Outono é tempo de peras: doces, refrescantes e cheas de beneficios para a saúde. É unha das froitas máis completas e versátiles, perfecta para hidratarse, coidar o corazón e manter unha boa dixestión. 💚

• Moi rica en auga, polo que é refrescante e axuda á hidratación.
• Fonte de fibra soluble (pectina) → mellora o tránsito intestinal e axuda a regular o colesterol.
• Contén vitamina C e antioxidantes, que fortalecen as defensas.
• Boa achega de minerais como potasio e pequenas cantidades de ferro e calcio.
• Ten un baixo índice glicémico → a súa absorción é lenta, o que a fai apta tamén para persoas con diabetes.

💚 Beneficios para a saúde:
• Saúde dixestiva → a fibra favorece o tránsito intestinal e prevén o estrinximento.
• Corazón → a pectina e o potasio presentan efectos beneficiosos sobre a tensión arterial e a saúde cardiovascular.
• Control de peso → é lixeira e moi saciante.
• Defensas máis fortes → a vitamina C contribúe ao mantemento do sistema inmune.
• Boa para nenos e maiores → suave, fácil de mastigar e dixerir, ideal para estómagos delicados.

Unha froita natural, accesible e chea de sabor galego. 🍂

25/11/2025

A saúde mental é tan importante como a física, pero aínda existen moitos mitos que dificultan pedir axuda ou entender certas emocións. Coñecer a realidade é o primeiro paso para coidarse mellor. 🌿

🚫 Mito: Se buscas axuda psicolóxica é porque es débil.
✅ Realidade: Todas as persoas poden atravesar momentos difíciles. Pedir apoio é un acto de valentía e de responsabilidade coa propia saúde.

🚫 Mito: Só os psicólogos e psiquiatras teñen responsabilidade na saúde mental.
✅ Realidade: Todos podemos coidala no día a día con rutinas, descanso, actividade física, alimentación equilibrada e apoio social. O profesional é necesario cando a situación supera as nosas ferramentas persoais.

🚫 Mito: A ansiedade é un estado pasaxeiro de nervios.
✅ Realidade: Pode manifestarse con síntomas físicos (taquicardias, falta de aire, mareos), afectar o sono e limitar a vida diaria. Entendela como unha enfermidade permite afrontala sen estigmas.

Coidar a mente é un acto de saúde e de autoconsciencia. 💚

24/11/2025

🌧️ O son da chuvia tamén relaxa a mente.

Os sons rítmicos e constantes, como o da chuvia, teñen un efecto calmante no cerebro. Este fenómeno coñécese como “efecto ruído branco”: un son continuo e uniforme que axuda a tapar outros ruídos do entorno (tráfico, voces, música…) e facilita que o corpo entre nun estado de relaxación. 🌿

💤Consellos prácticos para aplicar o “efecto ruído branco”

• Se chove… aprovéitao! Abre un pouco a fiestra (se a temperatura o permite) e deixa que o son da chuvia acompañe o teu descanso.
• Sons ambientais: se non chove, pódese recorrer a aplicacións ou gravacións de choiva, do mar ou ríos galegos.
• Ritual de sono: combina este recurso con luces baixas e unha infusión relaxante (tila, herba luísa) para potenciar o efecto.
• Ambiente sinxelo: lembra que o importante non é o volume nin a tecnoloxía, senón crear un entorno que transmita calma.

Deixa que o son da natureza che axude na desconexión para durmir mellor. 💚

21/11/2025

📺 21 de novembro – Día Mundial da Televisión

Un bo momento para reflexionar sobre o uso responsable das pantallas e os beneficios de reducir o tempo sedentario diante delas.

A televisión, as series en streaming e o tempo fronte ao móbil forman parte da nosa vida diaria, pero o exceso pode aumentar o risco de obesidade, problemas cardiovasculares, ansiedade e dificultade para durmir. 😴

💚 Beneficios de reducir o tempo de TV:
• Mellor calidade de sono 🌙
• Menor risco de obesidade e enfermidades cardiovasculares 💪
• Máis tempo para familia, amizades e hobbies 👨‍👩‍👧‍👦
• Maior benestar emocional 🌞

✨ Alternativas saudables:
• Substitúe unha serie por un paseo de 20 minutos 🚶‍♀️
• Limita o tempo de exposición ás pantallas ⏳
• Fai estiramentos suaves mentres ves a TV 🧘‍♀️
• Elixe contido que che aporte, non vexas por inercia 🎬"

Cada minuto conta: menos pantalla, 💚 máis vida activa

19/11/2025

Saber interpretar o que comemos é o primeiro paso para facer eleccións máis saudables. As etiquetas conteñen moita información útil, pero ás veces pode resultar confusa. Aquí tes algúns consellos sinxelos para aprendelo paso a paso 👇

🍯 Identifica o azucre oculto
Moitos produtos que parecen saudables, iogures, cereais ou zumes, conteñen azucres engadidos baixo outros nomes: sacarosa, xarope de glicosa, maltosa, dextrosa… Canto máis arriba aparezan na lista de ingredientes, maior será a súa presenza.

🥑 Diferencia entre graxas boas e saturadas
Non todas as graxas son malas. As monoinsaturadas e poliinsaturadas, presentes en alimentos como o aceite de oliva, os froitos secos ou o peixe azul, son beneficiosas para o corazón. En cambio, as graxas saturadas e trans (frecuentes en bollería industrial e fritos) é mellor limitalas.

📋 Entende a orde dos ingredientes
Os ingredientes aparecen ordenados de maior a menor cantidade. Así que se o primeiro é azucre, fariña refinada ou aceite de palma… xa sabes o que máis abunda nese produto.

🌿 O obxectivo é claro: aprender a ler con criterio para facer eleccións máis conscientes e saudables no supermercado, e coidar o teu benestar día a día.

18/11/2025

Non fai falta ir ao ximnasio nin seguir rutinas intensas para coidar da saúde. Pequenos movementos suman, e son adaptables a todas as idades e condicións.

💚 Iso si, lembra ter en conta a túa situación persoal antes de facer calquera exercicio.

🗓️ Semana de movemento saudable:

Luns – 15 minutos de paseo
• Camiñar despois de xantar ou cear.
• Se chove: camiñar dentro dun centro comercial ou subir/baixar escaleiras.

Martes – 5 minutos de adestramento de forza
• Sentarse e levantarse dunha cadeira 10 veces.
• Levantar botellas de auga como pesas.

Mércores – 10 minutos de estiramentos
• Pescozo, ombreiros, costas e pernas.
• Ideal facelo antes de deitarse para mellorar o sono.

Xoves – Movemento divertido
• Poñer música e bailar 2-3 cancións.
• Se se fai en familia, mellor: xogo interxeracional.

Venres – Substitúe un hábito sedentario
• Subir polas escaleiras en vez de coller o ascensor.
• Aparcar máis lonxe ou baixar unha parada antes do bus.

Sábado – Natureza activa
• Paseo polo monte, pola praia ou polo parque máis próximo.
• Beneficio dobre: exercicio + contacto coa natureza.

Domingo – Minuto consciente en movemento
• Paseo lento prestando atención á respiración, ao son da chuvia ou ás sensacións corporais.

Pequenos pasos, grandes cambios.

17/11/2025

Na alimentación, moitas veces repetimos ideas que parecen certas pero non sempre teñen base científica. Coñecer a diferenza entre mito e realidade axúdanos nas eleccións máis saudables e conscientes. 💚

🚫 Mito: Beber un zume de laranxa é igual que comer dúas laranxas.
✅ Realidade: Cando exprimimos a froita, pérdese gran parte da fibra que axuda a regular o azucre no sangue e a sensación de saciedade. Un vaso de zume pode concentrar o azucre de 2-3 froitas sen darnos a mesma plenitude.

🍯 Mito: O mel é un endulzante natural e, polo tanto, máis saudable que o azucre refinado.
✅ Realidade: Aínda que o mel contén pequenas cantidades de minerais e antioxidantes, nutricionalmente é sobre todo azucre libre (glucosa e fructosa). Isto significa que tamén pode aumentar o risco de caries, sobrepeso e problemas metabólicos se se consume en exceso.

🍞 Mito: Comer pasta ou pan “sen glute” é máis saudable aínda que non teñas intolerancia.
✅ Realidade: Estes produtos están pensados para persoas con celiaquía ou sensibilidade ao glute. Para o resto da poboación, non hai beneficio demostrado en retirar o glute. Ademais, moitos produtos sen glute son ultraprocesados con máis graxa, sal ou azucre para mellorar textura e sabor.

15/11/2025

🚫 15 de novembro – Día Mundial sen Alcohol Por unha vida máis saudable e consciente 💚

O consumo de alcohol, mesmo en pequenas cantidades, ten efectos negativos sobre o corpo e a mente.

🩺 Na saúde física:
• Afecta o fígado → risco de hepatite, cirrose e cancro.
• Aumenta a tensión arterial e o risco cardiovascular.
• Contribúe á ganancia de peso e aos problemas dixestivos.

🧠 Na saúde mental:
• Pode empeorar a ansiedade e a depresión.
• Aumenta a impulsividade e dificulta o descanso.
• O abuso pode xerar adicción e afectar ás relacións sociais.

🍹 Alternativas saudables para celebrar:
• Augas infusionadas con limón, menta ou xenxibre.
• Infusións quentes como tila, herba luísa ou camomila.
• Zumes naturais de froitas de tempada.
• Bebidas sen alcohol con combinacións de froitas e herbas.

👉 As adiccións comezan con pequenos hábitos que parecen inofensivos e acaban condicionando a liberdade e a saúde.

Coidarse é escoller unha vida saudable: facer deporte, compartir tempo coas persoas que queres e buscar actividades que che fagan sentir ben. 🌿

Dirección

Edificio Administrativo San Lázaro S/n
Santiago De Compostela
15703

Página web

https://vida-saudable.sergas.gal/

Notificaciones

Sé el primero en enterarse y déjanos enviarle un correo electrónico cuando Xanela aberta á familia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.