Lunes 10:00 - 13:00 Martes 10:00 - 13:00 Miércoles 10:00 - 13:00 Jueves 10:00 - 13:00 Viernes 10:00 - 13:00

AGAMFeC

Casa
España
Vigo
AGAMFeC

Asociación Galega de Medicina Familiar e Comunitaria A AGAMFEC busca sumar esforzos e ilusións.

A AGAMFEC é unha asociación médica científica e profesional, sen ánimo de lucro, que vela polo adecuado desenvolvemento da Medicina Familiar e Comunitaria en Galicia. É algo máis ca unha axencia prestadora de servicios ou que unha asociación defensora de intereses corporativos. Pretende reunir e representar a todo o colectivo médico de Atención Primaria e servir de canle para asumir a corresponsabilidade no proceso de mellora e modernización da nosa sanidade. A AGAMFEC quere xogar un papel fundamental no desenvolvemento da Medicina de Familia e Comunitaria e da Atención Primaria en Galicia, aglutinando aos especialistas en MFC e demais profesionais de Atención Primaria do noso país, e asumindo a súa defensa e representación. A AGAMFEC está dirixida por unha Xunta Directiva renovable cada dous anos. Articúlase en Seccións (Docencia, Investigación, PAPPS, Prensa e Relacións coa semFYC) e Grupos de Traballo, coa pretensión de canalizar a máxima participación dos seus asociados. A AGAMFEC está integrada na estructura federal da semFYC, sociedade que agrupa ás 17 sociedades autonómicas do estado, constituíndo a sociedade científica médica de maior actividade e implantación, chegando na actualidade (decembro do 2005) a reunir a máis de 17.000 profesionais de todo o estado español.

17/03/2026

O pasado sábado 7 de marzo no Centro de Saúde de Concepción Arenal integrantes do Grupo de Traballo de Ecografía de AGAMFEC impartiron o curso “TALLER DE ECOGRAFÍA EN URXENCIAS” dirixido a residentes e médicos de Medicina Familiar e Comunitaria e recoñecido como Acto de Interese Sanitario pola Consellería de Sanidade.

Dedicámonos a practicar cos distintos ecógrafos en catro grupos reducidos con modelos reais. Os alumnos puideron mellorar as súas habilidades en ecografía aproximando esta práctica á atención dos pacientes da vida real.

Moitas grazas a todos pola vosa participación!

www.agamfec.com/grazas-pola-vosa-participacion-no-taller-de-ecografia-2026

16/03/2026

Dende AGAMFEC opoñémonos á práctica do Segas de contratacións de médicos/as sen MIR para relizar funcións de Especialistas en Medicina de Familia e Comunitaria.

Noticia completa en La Voz de Galicia:
https://www.lavozdegalicia.es/noticia/galicia/2026/03/14/decenas-medicos-mir-trabajan-pac-centros-salud-gallegos/00031773511272802363376.htm

03/03/2026

📢 Bolsas semFYC:
Ampliado o prazo para o envío de solicitudes ás Bolsas Francesc Borrell 2026 + Mencións aos mellores artigos sobre Comunicación e Saúde 2025 ata o próximo 15 de marzo❗

+ Info en semfyc.es na sección de Investigación

https://www.semfyc.es/index.php/secciones/investigacion/becas/becas-francesc-borrell

20/02/2026

Está aberto o prazo de envío de comunicacións ás XXVIII Xornadas AGAMFEC de 29 e 30 de maio de 2026 (A Coruña).

Podes enviar o teu traballo nos seguintes apartados:
→ Resultados de Investigación
→ Proxectos de investigación
→ Comunicación de experiencias de interese (comunitarias, docentes…) no ámbito da Atención Primaria
→ Casos clínicos de especial interese no ámbito da Atención Primaria

+ info e instruccións en agamfec.com

17/02/2026

Os próximos 16 e 17 de abril celebrarase no Pazo da Cultura de Pontevedra o XXIII Encuentro PACAP da semFYC baixo o lema Territorios que cuidan, entornos que sanan, unha cita de referencia para todas as persoas implicadas na saúde comunitaria.

Moitos compañeiros de AGAMFEC teñen preparados obradoiros e actividades de promoción da Atención Comunitaria seguindo as tres liñas do encontro:

1- O urbanismo como contorna promotora de saúde: Oportunidades que as cidades e o ámbito rural teñen á hora de xerar contornas promotoras de saúde, facendo fincapé na sustentabilidade, a mobilidade e as brechas de acceso dos devanditos espazos.

2- Espazos que integran, comunidades que enriquecen, experiencias que sandan: Indagarase nas calidades daqueles espazos transformadores que promoven comunidades participativas e integradoras e como podemos servirnos delas para promover experiencias que sandan.

3- Xustiza social e políticas públicas: que foi da Saúde en todas as políticas? Vivenda, economía, educación, accesibilidade, medio ambiente… todo desde a lente da Saúde en todas as políticas.

Non o dubides e apúntate!
encuentropacap.semfyc.es

28/01/2026

Día Mundial da Acción fronte ao Quecemento Terrestre
28 de xaneiro
Nos últimos anos oímos falar do quecemento terrestre, pero poucas persoas saben explicar que é, en que consiste e que importancia ten, dunha maneira fidedigna. Ademais nestes tempos existen moitas fake news sobre este asunto e outro tanto delas directamente negan este gravísimo problema.
E o máis importante de todo é que a maioría das persoas cre que pouco a nada pode facer para revertelo.
Neste artigo imos explicar brevemente estas cuestións dende a óptica do sector Sanitario (responsable de máis do 4% das emisións globais de gases de efecto invernadoiro) e intentar sinalar cómo podemos reducir a contaminación atmosférica.

Isabel Barrio
Grupo de traballo de Saúde Planetaria de AGAMFEC

Consulta o documento completo en agamfec.com

23/01/2026

Aberto o prazo de inscrición no taller presencial do sábado 7 de marzo no Centro de Saúde Concepción Arenal de Santiago de Compostela en horario de 09:30h a 13:30h (en total 4 horas formativas).

Este obradoiro ten como finalidade o adestramento no emprego da ecografía no ámbito da atención en Urxencias.

Ofrecerá aos asistentes a oportunidade de facer exploracións ecográficas reais, con modelos reais, e manexar equipos e sondas nas condicións habituais da práctica clínica en Urxencias. Require a participación activa do alumnado.

Dirixido por Vicente Fernández Rodríguez, coordinador do Grupo de Traballo de Ecografía de AGAMFEC.

+ INFO E INSCRICIÓNS en agamfec.com

14/01/2026

SAVE THE DATE!
As XXVIII Xornadas AGAMFEC de Medicina Familiar e Comunitaria de 2026 celebraranse no Reitorado da UDC (A Coruña) nos días 29/30 de maio baixo o lema “O desafío de seguir coidando”.
Estamos preparando un programa seguindo 3 liñas estrátexicas que esperamos sexan do voso interese:
- A continuidade dos coidados.
- Novas realidades. Novas pandemias. Novos retos.
- Escoitar e explorar en tempos de intelixencia artificial.
Atentos á nosa web e ás redes para máis info.

María Jesús Cerecedo
Comité Organizador das XXVIII Xornadas AGAMFEC

agamfec.com

19/12/2025

Nestas datas queremos desexarvos Boas Festas.
Seguiremos en 2026 loitando polos nosos dereitos e por futuros proxectos no noso ámbito da especialidade de Medicina Familiar e Comunitaria contando co voso apoio.
Bo Nadal e Feliz Aninovo! 🎄

agamfec.com

18/12/2025

🪡 🪡 O 17 de decembro no Centro de Saúde do Milladoiro, Mar Castiella, Antía Galindo e Noemí Vázquez García, integrantes do Grupo de Traballo de Cirurxía Menor, Dermatoloxía e Vendaxes Funcionais de AGAMFEC e Ana Alonso Méndez, Médica Rehabilitadora do Servicio Medicina Física e Rehabilitación da Área Sanitaria de Vigo realizaron o curso de TÉCNICAS PRÁCTICAS EN SUTURAS E INFILTRACIÓNS PARA ATENCIÓN PRIMARIA.
Curso Recoñecido como Acto de Interese Sanitario pola Consellería de Sanidade e impartido en dous obradoiros totalmente prácticos co obxectivo de desenvolver destrezas manuais en técnicas básicas de sutura e infiltracións esenciais nas consultas de Atención Primaria
• OBRADOIRO 1: Cirurxía menor para Atención Primaria: técnicas básicas de sutura (2 horas).
• OBRADOIRO 2: Técnicas de infiltración para Atención Primaria (2 horas).
Moitas grazas a todos pola vosa asistencia!

agamfec.com

11/12/2025

🗳️ Todas e todos os residentes tendes dereito a votar para elixir aos vosos representantes na “Comisión Nacional de la especialidad de Medicina Familiar y Comunitaria”. A votación realizarase mediante un enlace nominal e intransferible accesible a través dunha mensaxe de invitación recibida nos vosos correos de contacto por parte da Comisión Nacional.

Busca no teu correo e vota por Héctor Luis Martínez Perdomo antes do día 18 de decembro. Teremos un asociado de AGAMFEC na Comisión Nacional coa capacidade de defender a nosa especialidade!

25/11/2025

Ser médica/médico de familia é construír unha relación coas persoas que pasan polas nosas consultas. É inevitabél e necesario. É a consecuencia de partillar tempo e espazo con alguén. Isto trae unha responsabilidade de escoitar e estar. É incríbel como a xente, cando confía en ti, cando se sinte protexida na túa consulta, é capaz de partillar contigo confesións que non era capaz de verbalizar antes, que non é capaz de partillar con ninguén máis. Cando decidimos ser este piar de apoio, unha/un mentora/mentor de resiliencia o peso emocional das vivencias das mulleres que acompañamos pode ser moi intenso. É importante entender que o noso traballo é identificar e acompañar, derivando aos recursos comunitarios máis adecuados para que cada muller poida ter aceso ás ferramentas adecuadas para percorrer o seu propio camiño. Reinvindico aquí a importancia de traballar coa xente da comunidade que tamén acompaña ás mulleres. En Galiza as traballadoras dos Centros de Información á Muller (CIM) son fundamentais para garantir apoio psicolóxico, legal e asistencial gratuìto alén de traballar coas mulleres na capacidade de identificar o que é violencia nas dinámicas de relación de parella. Persoalmente non sei o que faría sen o apoio das miñas compañeiras do CIM.
Abramos os ollos, escoitemos as mulleres da nosa comunidade e traballemos en equipo. É esencial hoxe máis que nunca.

Cátia Sofia Lages Jorge Timóteo
Especialista en Medicina Familiar e Comunitaria do CS de Boiro
Coordinadora Grupo de Traballo de Violencia De Xénero e Atención á Muller

Texto conpleto en agamfec.com

Dirección

Rúa Menéndez Pelayo 32-34
Vigo
36211

Horario de Apertura

Lunes	10:00 - 13:00
Martes	10:00 - 13:00
Miércoles	10:00 - 13:00
Jueves	10:00 - 13:00
Viernes	10:00 - 13:00

Página web

http://www.agamfec.com/

Notificaciones

Sé el primero en enterarse y déjanos enviarle un correo electrónico cuando AGAMFeC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.