https://www.facebook.com/101076569291879/

ምክረ ጤና - Health info, healthpschology@gmail. com, Addis Ababa (2025)

24/09/2022

ሄፓታይተስ ቢ በሄፐታይተስ ቢ ቫይረስ (HBV) የሚመጣ የጉበት ኢንፌክሽን ነው። ሄፓታይተስ ቢ ከአምስቱ የሄፓታይተስ ቫይረስ ዓይነቶች ውስጥ አንዱ ነው። ሌሎቹ ደግሞ ሄፓታይተስ ኤ፣ ሲ፣ ዲ እና ኢ ናቸው። እያንዳንዳቸው የተለያየ አይነት ቫይረስ ናቸው። በተለይም ሄፓታይተስ ቢ እና ሲ የሚባለው የበሽታው ዓይነት ሳይታወቅ ለረጅም ጊዜ በሰውነት ውስጥ ተደብቆ ህይወት ሊቀጥፍ የሚችል በመሆኑ ድምፅ አልባው ገዳይ በሽታ ይባላል። እንደ የዓለም ጤና ድርጅት ምንጭ፣ በዓለም ዙሪያ ወደ 296 ሚሊዮን የሚጠጉ ሰዎች በሄፐታይተስ ቢ ይያዛሉ። ሄፓታይተስ ቢ በየአመቱ ቢያንስ 600ሺ ሰዎችን ይገድላል።
ሄፓታይተስ ቢ የተለያዩ የጉበት ሴሎችን በመጉዳት ወደ ካንሰርነት የሚቀየር በሽታ ነው። የ ሄፓታይተስ ኢንፌክሽን አጣዳፊ ወይም ሥር የሰደደ ሊሆን ይችላል። አጣዳፊ የሄፐታይተስ ቢ ምልክቶች በአዋቂዎች ላይ በፍጥነት እንዲታዩ ያደርጋል። በወሊድ ጊዜ ጨቅላ ህጻናትን አጣዳፊ ሄፓታይተስ ቢን ቀስበቀስ ያዳብራሉ። አብዛኛውን ጊዜ የሄፓታይተስ ምልክቶች አይታዩም።በወቅቱ የሚደረገው የጉበት ምርመራ እንኳ በሽታውን ላይለይ ይችላል። ለዚህም ነው ድምፅ አልባው ገዳይ በሽታ የሚባለው።

♦️የሄፐታይተስ ቢ ምልክቶች ምንድ ናቸው?
የሄፐታይተስ ቢ ምልክቶች ለወራት ላይታዩ ይችላሉ።ነገር ግን የተለመዱ ምልክቶች
➣ ድካም
➣ጥቁር ሽንት
➣የመገጣጠሚያ እና የጡንቻ ህመም
➣የምግብ ፍላጎት ማጣት
➣ ትኩሳት
➣የሆድ ውስጥ ህመም ወይም ምቾት ማጣት
➣ድክመት
➣የአይን ነጩ ክፍል እና የቆዳ ቢጫ መሆን
ማንኛውም የሄፐታይተስ ቢ ምልክቶች ከታዩ አስቸኳይ ህክምና ያስፈልጋቸዋል። ከ 60 ዓመት በላይ በሆኑ ሰዎች ደግሞ እነዚህ የሄፐታይተስ ቢ ምልክቶች በጣም የከፉ ይሆናሉ። በሄፐታይተስ ቢ ከተያዛችሁ ወዲያውኑ ህክምና አድርጉ። ምክንያቱም ኢንፌክሽኑን መከላከል ትችላላችሁ።

♦️ለሄፐታይተስ ቢ መንስኤዎች ወይም ምክንያቶች ምንድናቸው ?
ሄፓታይተስ ቢ በደም ወይም በሌሎች የሰውነት ፈሳሾች፣ የዘር ፈሳሽ ወይም የሴት ብልት ፈሳሾችን ጨምሮ የሚተላለፍ የቫይረስ ኢንፌክሽን ነው። ሄፓታይተስ ቢን ከሚተላለፉባቸው መንገዶች መካከል፡-
➣ኮንዶም ወይም ሌላ መከላከያ ዘዴዎችን ሳይጠቀሙ ይህ ቫይረስ ካለበት ሰው ጋር የግብረ ሥጋ ግንኙነት ማድረግ
➣ ለደም የተጋለጡ የጥርስ ብሩሾችን፣ ምላጭን ወይም የጥፍር መቁረጫዎችን መጋራት
➣ባልፀዳ ወይም (sterilized) ባልሆነ መሳሪያ መነቀስ ወይም አካልን መበሳት
➣ አደንዛዥ እጾችን በመርፌ መወጋት እና መርፌዎችን ወይም ሌሎች መሳሪያዎችን መጋራት
➣በወሊድ ጊዜ ከእናት ወደ ልጅ ሊተላለፍ ይችላል። ♦️ሌላው ምንም እንኳን ቫይረሱ በምራቅ ውስጥ ሊገኝ ቢችልም, ሄፓታይተስ ቢ በሚከተሉት መንገዶች አይተላለፍም. እነዚህም
➣መሳሳም
➣ማስነጠስ ወይንም ደግሞ ማሳል ዕቃዎችን መጋራት አይተላለፍም።
አንዳንድ ሰዎች ደግሞ በይበልጥ ለሄፓታይተስ ቢ የመያዝ ወይም የመጋለጥ እድላቸው ከፍተኛ ነው። እነዚህም ሰዎች ➣የጤና ባለሙያዎች
➣ መርፌ መድሃኒቶችን የሚጠቀሙ ሰዎች
➣ሄፓታይተስ ቢ ካለባቸው ወላጆች የተወለዱ ሕፃናት
➣ሄፓታይተስ ቢ ያለባቸው የወሲብ አጋር ያላቸው ሰዎች ➣የኩላሊት እጥበት(dialysis ) የሚወስዱ ሰዎች
ከሌሎች ሰዎች በይበልጥ ለሄፓታይተስ ቢ በሽታ ተጋላጭ ናቸው።
♦️ ሄፐታይተስ ቢን እንዴት መከላከል ይቻላል ?
ሄፓታይተስን በሁለት መንገድ መከላከል ይቻላል። የመጀመሪያው በተፈጥሮአዊ መንገድ ሰውነታችን በራሱ antibody በማመንጨት በሽታውን ሲከላከልልን በዚህ መንገድ ከበሽታው የዳኑ ሰዎች ቫይረሱ ከሰውነታቸው ከጠፋ በድጋሜ ለበሽታው አይጋለጡም። ሁለተኛው ደግሞ
የሄፐታይተስ ቢ ኢንፌክሽንን ለመከላከል በጣም ጥሩው መንገድ የሄፐታይተስ ቢን ክትባት መውሰድ ነው። ክትባቱ በጣም አስተማማኝ እና ውጤታማ ነው።
➣ ሁሉም ሕፃናት, በተወለዱ በ 24 ሰዓታት ውስጥ ክትባቱን ማግኘት ይኖርባቸዋል። ሌላው
➣በወሊድ ጊዜ ያልተከተቡ ልጆች እና አዋቂዎች
➣ ከ19 እስከ 59 የዕድሜ ክልል ውስጥ ያሉ ያልተከተቡ አዋቂዎች
➣ እድሜያቸው 60 እና ከዚያ በላይ የሆናቸው ጎልማሶች የሄፐታይተስ ቢ ክትባቱን ማግኘት ይኖርባቸዋል።

የሄፐታይተስ ቢ ክትባቱ ብዙውን ጊዜ በሶስት ክትባቶች ይሰጣል። ይህም የመጀመሪያው ክትባት ከተሰጠ በኋላ ሁለተኛው ከ 1 ወር እና ከ 6 ወር በኋላ ይሰጣል። ሦስተኛው ክትባት ደግሞ በ 1 ወር ልዩነት በሁለት መጠን ይጠናቀቃል።
♦️ሄፓታይተስ ቢ ተላላፊ ነው?
ሄፓታይተስ ቢ በጣም ተላላፊ ነው። ከደም እና ከሌሎች የሰውነት ፈሳሾች ጋር በመገናኘት ይተላለፋል። ምንም እንኳን ቫይረሱ በምራቅ ውስጥ ሊገኝ ቢችልም በመሳም አይተላለፍም።በተጨማሪም በማስነጠስ፣ በማሳል ወይም በጡት ማጥባት አይተላለፍም።
♦️በሄፓታይተስ ቢ ከተያዛችሁ በኋላ ለ 3 ወራት ያህል የሄፐታይተስ ቢ ምልክቶች ላይታዩ ይችላሉ። ምልክቶቹ ለብዙ ሳምንታት ሊቆዩ ይችላሉ። ነገር ግን ምንም ምልክቶች ባታዩም ቫይረሱ ወደ ሌሎች ሰዎች ይተላለፋል። ቫይረሱ ከሰውነት ውጭ ሊኖር ይችላል እና ቢያንስ ለ7 ቀናት ተላላፊ ሆኖ ይቆያል ።

22/09/2022

በእርግዝና ወቅት የተመጣጠነ ምግብ መመገብ አስፈላጊ ነው።

♦️የወተት ተዋጽኦዎች

በእርግዝና ወቅት, የፅንሱን ፍላጎቶች ለማሟላት ተጨማሪ ፕሮቲን እና ካልሲየም ማግኘት ያስፈልጋችኋል። እንደ ወተት ፣ አይብ እና እርጎ ያሉ የወተት ተዋጽኦዎች ለዚህ ከፍተኛውን ድርሻ ይወስዳሉ።

የወተት ተዋጽኦዎች ከፍተኛ የፕሮቲን እንዲሁም የካልሲየም ምንጭ ናቸው።

እርጎ፣ ከሌሎች የወተት ተዋጽኦዎች በበለጠ ካልሲየምን ይይዛል። ከዚህም ሌላ የወተት ተዋፅዖዎች የምግብ መፈጨትን ጤንነት የሚደግፉ ፕሮባዮቲኮችን ይይዛሉ።

♦️ስኳር ድንች

ስኳር ድንች ጣፋጭ ብቻ ሳይሆን በቤታ ካሮቲን የበለፀገ ነው ። ይህም ውህድ በሰውነታችሁ ውስጥ ወደ ቫይታሚን ኤ የሚቀየር ውህድ ነው።
ቫይታሚን ኤ ለህፃኑ እድገት አስፈላጊ ነው።

ስኳር ድንች በቂ የእጽዋት-ተኮር የቤታ ካሮቲን እና የፋይበር ምንጭ ነው። ፋይበር የደም ስኳር መጠንን ይቀንሳል እና የምግብ መፈጨትን ጤና ያሻሽላል (ይህ በእርግዝና ጊዜ የሚከሰተውን የሆድ ድርቀት ለመከላከል ይረዳል ።

♦️እንቁላል

እንቁላል ሁሉንም ከምግብ የሚገኙትን ንጥረ ነገሮች ከሞላ ጎደል በጥቂቱ ስለሚይዝ ዋናው የምግብ አይነት ነው። አንድ እንቁላል ወደ 80 ካሎሪ, ከፍተኛ ጥራት ያለው ፕሮቲን, ስብ እና ብዙ ቪታሚኖች እና ማዕድናት ይይዛል።

ከዚህም ሌላ እንቁላል በእርግዝና ወቅት ጠቃሚ የሆነ የ choline ምንጭ ነው። ይህም ለፅንሱ ወይም ለህፃኑ አእምሮ እድገት ጠቃሚ ነው እና የአዕምሮ እና የአከርካሪ እድገቶች መዛባትን ለመከላከል ይረዳል።

አንድ እንቁላል በግምት 147 ሚሊግራም (ሚሊግራም) choline ይይዛል፣ ይህም በእርግዝና ወቅት በቀን ከሚያስፈልጋችሁን 450 ሚ.ግ የcholine መጠን ጋር ተቀራራቢ ያደርገዋል።

♦️ብሮኮሊ

ብሮኮሊ እና አረንጓዴ አትክልቶች፣ ለምሳሌ ስፒናች፣ በእርግዝና ወቅት የሚያስፈልጋችሁን ብዙ ንጥረ ነገሮች የያዙ ናቸው።

እነዚህም ፋይበር፣ ቫይታሚን ሲ፣ ቫይታሚን ኬ፣ ቫይታሚን ኤ፣ ካልሲየም፣ ብረት፣ ፎሌት እና ፖታሲየምን ያካትታሉ።
ከዚህም በተጨማሪ አትክልቶች በዝቅተኛ ክብደት የመውለድ እድላችሁን ይቀንሳሉ።

♦️አቮካዶ

አቮካዶ ብዙ monounsaturated ፋቲ አሲድ የያዘ ነው። ይህም ማለት ከፍተኛ የእፅዋት ስብ ማለት ነው።

በተጨማሪም አቮካዶ በፋይበር፣ በቫይታሚን ቢ (በተለይ ፎሌት)፣ ቫይታሚን ኬ፣ ፖታሲየም፣ አይረን፣ ቫይታሚን ኢ እና ቫይታሚን ሲ የበለፀገ ነው።

ከፍተኛ መጠን ያለው ጤናማ ስብ፣ ፎሌት እና ፖታሲየም ይዘት ስላለው አቮካዶ በእርግዝና ወቅት (እና ሁልጊዜም) በአመጋገብ ውስጥ ተመራጭ ምግብ ነው።

በአቮካዶ ውስጥ ያሉት ቅባቶች የፅንሱን ቆዳ፣ አእምሮ እና ቲሹዎች እንዲገነቡ ያግዛሉ፣ እና ፎሌት የነርቭ ቱቦ ጉድለቶችን፣ የአንጎል እና የአከርካሪ እክሎችን እንደ ስፒና ቢፊዳ ያሉ እድገቶችን ለመከላከል ይረዳሉ።

ፖታስየም የእግር ቁርጠትን ለማስታገስ ሊረዳ ይችላል። ይህም በአንዳንድ ሴቶች ላይ በ እርግዝና ጊዜ የሚኖር የጎንዮሽ ጉዳት ነው።

♦️ውሃ

በእርግዝና ወቅት, የደም መጠን በ 45 በመቶ ገደማ ይጨምራል።

ሰውነትታችሁ እርጥበትን ወደ ፅንሱ ያሰራጫል,። ይህም የሚወሰነው የውሃ አወሳሰዳችሁ ላይ ይወሰናል።
የውሃ አወሳሰድን መጨመር የሆድ ድርቀትን ለማስታገስ እና በእርግዝና ወቅት የተለመዱትን የሽንት ቱቦዎችን ኢንፌክሽኖችን የመያዝ እድልን ይቀንሳል።

ቀላል የሰውነት ድርቀት ምልክቶች ራስ ምታት፣ ጭንቀት፣ ድካም፣ መጥፎ ስሜት እና የማስታወስ ችሎታ መቀነስ ናቸው።
እርጉዝ ሴቶች በየቀኑ (2.3 ሊትር) ውሃ እንዲጠጡ ይመከራል። ነገር ግን ይህ እንደ ፍላጎታችሁ መጠን ይለያያል።
ከሌሎች ምግቦች እና መጠጦች ለምሳሌ ከፍራፍሬ እና አትክልት ውሃን ማግኘት ትችላላችሁ።

01/09/2022

የቤት ውስጥ የእርግዝና ምርመራ አድርጋችሁ አሉታዊ ውጤት በሁለት ምክንያቶች ልታዩ ትችላላችሁ። እነዚህም እርጉዝ አይደላችሁም ወይም ደግሞ እርጉዝ ሆናችሁ ነገር ግን ምርመራውን ያደረጋችሁት የ HCG ሆርሞን በሰውነታችሁ ውስጥ በበቂ ሁኔታ ከመመረቱ በፊት ነው ማለት ነው።
የእርግዝና ምርመራው የሚሰራው በእርግዝና ወቅት የሚመረተውን hCG በመባል የሚታወቀውን ሆርሞን በመለካት ሲሆን ይህም ሆርሞን በእርግዝናችሁ በመጀመሪያዎቹ ሦስት ወራት ውስጥ እየጨመረ ይሄዳል።
ታድያ መመረት ከሚጀምርበት ቀን ቀድማችሁ ምርመራውን ካደረጋችሁ አሉታዊ ውጤት ሊገጥማችሁ ይችላል።

♦️በተለይም ደግሞ የወር አበባችሁ መቅረት ካለበት ቀን ቀድማችሁ ምርመራውን ምታደርጉት ከሆነ አሉታዊ ውጤት የሚገጥማችሁ ፦
➣ ምርመራ ያደረጋችሁበት መሳሪያ ችግር ካለበት
➣ጠዋት የሸናችሁት ሽንት ካለመጠቀማችሁ፡ ምክንያቱም HCG መጠኑ በጠዋት ሽንት ላይ ከፍተኛ ስለሆነ ነው።
➣ ምርመራ ከማድረጋችሁ በፊት ብዙ ፈሳሽ ከወሰዳችሁ አይሰራም። ምክንያቱም የወሰዳችሁት ፈሳሽ ይህንን በሽንታችሁ ውስጥ ያለውን የ HCG ሆሮሞን dilute ያደርገዋል ወይም ያሟሟዋል።
♦️ ምርመራውን አድርጋችሁ አሉታዊ ውጤት ብታዩ እና የወር አበባችሁ ቢቀርስ ከምን ምክንያት ይሆናል ?
ይህ በተለያዩ ምክንያቶች ሊሆን ይችላል ፦
➣ጡት እያጠባችሁ ከሆነ
➣ ታማችሁ ከሆነ
➣ መደበኛ ያልሆነ የወር አበባ ካላችሁ
➣በቂ እንቅልፍ ካልወሰዳችሁ
➣ በጣም ከፍተኛ ጭንቀት ውስጥ ከሆናችሁ
➣ እንደ ክሎሚድ ያሉ የእርግዝና መድሃኒት እየወሰዳችሁ ከሆነ
➣ ቅድመ ማረጥ ላይ ማረጥ ላይ ከገባችሁ
በነዚህ ምክንያቶች የወር አበባችሁ ይቀራል።

አሉታዊ ውጤት ማግኘት እርጉዝ አይደላችሁም ማለት አይደለም፣ ይህ ማለት የ hCG በሽታችሁ ውስጥ መጠኑ አነስተኛ ነው ማለት ነው።አንዳንድ በጣም effective የሆኑ መመርመሪያ ስትሪፖች የወር አበባችሁ ከመቅረቱ ከ ስድስት ቀናት በፊት ምርመራውን ብታደርጉ እርግዝናችሁን ሊነግሯችሁ ይችላሉ።
♦️ሌላው ደግሞ አሉታዊ ውጤት የምታገኙበት ምክንያት ምርመራ ያደረጋችሁበት መሳሪያ ጊዜው ያለፈበት (expired ) ከሆነ ነው። ውጤት ስለዚህም ከመጠቀማችሁ በፊት ማሸጊያውን በሚገባ አንብቡት።

♦️ሌላው ፐርሰንቱ አነስተኛ ቢሆንም ከማህፀን ውጪ እርግዝና ከተፈጠረ አሉታዊ ውጤት ሊያሳያችሁ ይችላል።
ይህ እርግዝና ከተፈጠረ እጅግ በጣም አስጊ የሆነ እና ወዲያው መገታት ያለበት እርግዝና ነው።
♦️የወር አበባችሁ ከመቅረቱ በፊት ምርመራ አድርጋችሁ አሉታዊ የምርመራ ውጤት ካገኛችሁ ነገር ግን እርጉዝ ነኝ ብላችሁ ከተጠራጠራችሁ ( ማለትም ሌሎች የእርግዝና ምልክቶችን ካያችሁ) የወር አበባችሁ ይመጣል ብላችሁ በምታስቡበት ቀን በድጋሚ ምርመራውን አድርጉ። የወር አበባችሁ ከቀረ ደግሞ አሁንም በድጋሚ ከ3 ቀን በኋላ ምርመራውን አድርጉ። ምክንያቱም የወር አበባ መቅረት የእርግዝና ምልክት ብቻ ላይሆን ይችላል። ነገር ካለፈግን ከዚህ ሙከራ በኋላ አሁንም አሉታዊ ውጤት የሚገጥማችሁ ከሆነ በህክምና መታየት ይኖርባችኋል።
ከዚህም ባለፈ እርጉዝ ሳትሆኑ የወር አበባችሁ ለወራት ከቀረባችሁ ህክምና ልታደርጉ ይገባል። ምክንያቱም የትኛው የጤና ችግር እንደሆነ ለመለየት እና ለማወቅ ሲባል በምርመራ መለየቱ መልካም ነው።
♦️ ምርመራውን መቼ ማድረጉ ይመረጣል?
አንዳንድ የመመርመሪያ መሳሪያዎች የወር አበባችሁ ከመቅረቱ አምስት ቀን በፊት ምርመራችሁን ብታደርጉ በሽንታችሁ ውስጥ ያለውን HCG ሆርሞን ለመለየት እና ለማወቅ ችሎታው አላቸው። ሁሉም የቤት ውስጥ የእርግዝና መመርመሪያ መሳሪያዎች ከ 99% በላይ ትክክል ናቸው።
ፅንሰት ብዙውን ጊዜ የወር አበባችሁ ከመምጣቱ ሁለት ሳምንታት በፊት ይከሰታል። ሆርሞኑም ታድያ ከዚህ ቀን ጀምሮ መመረት ይጀምራል። ነገር ግን በሰውነታችሁ ማለትም በደማችሁ እና በሽታችሁ ውስጥ በበቂ ሁኔታ ለመመረት ሳምንታት ይወስዳል። ስለዚህም ምርመራውን የወር አበባችሁ ከመቅረቱ በፊት ሳይሆን ከቀረ በኋላ ብታደርጉ የተሻለ ውጤት እንዲሁም አስተማማኝ የሆነ ውጤት ታገኛላችሁ ማለት ነው።

➣በተጨማሪም የቴሌግራም ገፃችንን like በማድረግ ጠቃሚ የጤና ምክሮችን ያግኙ

https://t.me/heathpsche

28/08/2022

የቤት ውስጥ የእርግዝና ምርመራ የሚደረገው የ HCG ሆርሞንን መጠን በመለካት ነው። ሰውነታችሁ በእርግዝናችሁ መጀመሪያ ወር ውስጥ ይህንን ሆርሞን ያመነጫል። እስከ 3 ተኛው ወር መጠኑ እየጨመረ ይሄዳል። hCG በደም ውስጥ የሚገኝ እና የሚታወቅ ቢሆንም ሰውነታችሁ ይህንን ሆርሞን በሽንት ውስጥም ያስወግደዋል። ለዚህም ነው የሽንት የእርግዝና ምርመራ ውጤታማ የሚሆነው።
ታድያም ብዙ ሴቶች የጨው፣ የስኳር የጥርስ ሳሙና በመጠቀም የሽንት ምርመራ ያደርጋሉ።
ነገር ግን ሳይንሳዊ ምርምር ከእነዚህ ሙከራዎች ውስጥ የትኛውንም አይደግፍም,። በተለይም ባሁኑ ጊዜ ፈጣን እና የበለጠ አስተማማኝ የምርመራ ዘዴዎች ስላሉ ነው ።

የጨው እርግዝና ምርመራ ለማድረግ
➣ለሽንታችሁ ናሙና ለመያዝ አንድ ትንሽ ፣ ንጹህ ፣ ኩባያ ማዘጋጀት
➣ሁለት የሾርባ ማንኪያ ጨው
➣ለማዋሃድ የሚሆን ተጨማሪ ንፁህ ኩባያ ማዘጋጀት።

ሙከራውን እንዴት ማድረግ ይቻላል ?

➣በመጀመሪያ ሁለት ማንኪያ ጨው በኩባያው ውስጥ ጨምሩ።

➣ከዚያም, በሌላኛው ኩባያ ውስጥ ትንሽ ሽንት አስቀምጡ። የጠዋት ሽንት መሆን አለበት።

➣ ከዚያም ያዘጋጃችሁትን ሽንት በጨዉ ላይ ጨምሩት።
➣ከዚያም ለደቂቃዎች ጠብቁት። ለሰዓታትም ቢሆን ይመረጣል።

➥አሉታዊ ውጤት ከሆነ ምንም የከለር ለውጥ አታዩም። ማለትም እርጉዝ አደላችሁም ማለት ነው።

➥አወንታዊ ከሆነ ውህዱ መልኩ "ወተት" ወይም "ነጭ " ይሆናል። ይህም ማለት መጀመሪያ ካዘጋቻችሁት ሽንት ቀለሙን ወደ ነጭ ይለውጠዋል ማለት ነው። ይህም እንዳረገዛችሁ የሚናገር ውጤት ነው።

♦️የጨው እርግዝና ምርመራ ምን ያህል ትክክል ነው?

የጨው እርግዝና ምርመራው እንደ ሁሉም- ሙከራ የተሻለ ነው.። ነገር ግን ሳይንሳዊ መሠረት ወይም የሐኪም ድጋፍ የለውም። ጨው ከ hCG ሆርሞን ጋር ለውጥ እንደሚሰጥ ምንም ምክንያት የለም። ይህንን ሃሳብ ወይም ሙከራውን በአጠቃላይ የሚደግፉ ጥናቶች የሉም።

ሼር በማድረግ ሌሎችንም አስተምሩ 🙏🙏🙏
በተጨማሪም ከታች ያለውን የቴሌግራም ገፃችንን like በማድረግ ስለ ጤና ግንዛቤን ይውሰዱ።
👇
https://t.me/heathpsche

27/08/2022

https://t.me/heathpsche

የቴሌግራም ገፃችንን join በማድረግ ጠቃሚ ትምህርቶችን ይከታተሉ።

25/08/2022

የዩቲዩብ ገፃችን 👇

https://youtube.com/channel/UCyTkqjpoZMwYA2XVjMdj1ug

በእርግዝና ወቅት የእናቲቱን ጤና እና በማደግ ላይ ያለውን ፅንስ ጤንነቱን እና እድገቱን ለመደገፍ የሚረዱ የቪታሚኖች ፣ ማዕድናት እና ንጥረ ነገሮች ፍላጎት ከሌላው ጊዜ በይበልጥ ይጨምራል።

ለምሳሌ፣ የፎሌት ፍላጎት በ50% እና የአይረን ፍላጎት በ150% ይጨምራል።

እነዚህ እና ሌሎች በርካታ ንጥረ ነገሮች ለፅንሱ እና ለእንግዴው ልጅ እድገት እና ለነፍሰ ጡር ሴት አጠቃላይ ጤና በጣም አስፈላጊ ናቸው።ለዚህም ነው በእርግዝና ወቅት በከፍተኛ መጠን የሚያስፈልጋችሁ።

ጤናማ እርግዝናን ለመያዝ የሚያስፈልጉትን ሁሉንም ንጥረ ነገሮች የያዘ የቅድመ ወሊድ ቫይታሚን መውሰድ የፅንስ ጉድለት ስጋትን ለመቀነስ እና የፅንሱን ጤንነት ለመጠበቅ ይረዳል።
ከወዲሁ በቂ የሆነ ንጥረ ነገር (ለምሳሌ እንደ ፎሌት ) በሰውነታችሁ ለማከማቸት መከፀነሳችሁ ቢያንስ ለ 3 ወራት የቅድመ ወሊድ ቫይታሚን ብትወስዱ ይመከራል።

💙አንዳንድ ጠቃሚ የቅድመ ወሊድ ቫይታሚኖች

♦️ Ritual Essential Prenatal Multivitamin
➥አይነት፡ capsules
➥አወሳሰድ ፡ በቀን 2 እንክብሎች
➥ የተካተቱ ንጥረ ነገሮች፡ ፎሌት፣ ባዮቲን፣ ኮሊን፣ ብረት፣ አዮዲን፣ ማግኒዚየም፣ ቦሮን፣ ኦሜጋ-3 DHA እና ቫይታሚን B12፣ D3፣ E እና K ይይዛል። ከእርግዝና በፊት በእርግዝና ጊዜ እና ከእርግዝና በኋላ እናቲቱን እና ለህፃኑን ጤንነት የሚረዱ 12 ጠቃሚ ቫይታሚኖችን ይይዛል።
የ አትክልት ተመጋቢዎች ለሆኑ ተስማሚ አማራጭ ነው። በምግብም ሆነ ያለ ምግብ መውሰድ ይቻላል።
💊ጥቅሙ-
➣ በቀላሉ የሚፈጭ ነው። ለጨጓራ አይከብድም።
➣ DHA የያዘ ነው
➣ ከግሉተን እና ከ አለርጂዎች የጸዳ ነው
💊ጉዳቱ
➣ ከሚያስፈልገው የ choline መጠን 10% ብቻ ይይዛል።
➣ ዝቅተኛ ማግኒዥየም የካልሲየም, የቫይታሚን ኤ እና ብዙ የ B ቪታሚኖች መጠን አለው።

♦️ MegaFood Baby & Me 2 Prenatal Dietary Supplement
ይህ ለ vegetarian ተመጋቢ የሚሆን የቅድመ ወሊድ ቫይታሚን ነው።
🔥አይነቱ፡ ታብሌት
🔥አወሳሰድ፡ በቀን 2 ታብሌት
🔥የሚይዘው ንጥረ ነገር፡ ታያሚን፣ ሪቦፍላቪን፣ ኒያሲን፣ ፎሌት፣ ባዮቲን፣ ፓንታቶኒክ አሲድ፣ ኮሊን፣ ብረት፣ አዮዲን፣ ዚንክ፣ ሴሊኒየም፣ አይረን፣ ማንጋኒዝ፣ ክሮሚየም፣ ሞሊብዲነም እና ቫይታሚን ኤ፣ B6፣ B12፣ D3፣ E እና K
የያዘ ነው።
ይህ ቅድመ ወሊድ ቪታሚን በኦርጋኒክ እና በእጽዋት ላይ የተመሰረቱ ንጥረ ነገሮችን የያዘ ስለሆነ በቀላሉ ሊዋሃድ (ሊፈጭ) እና በባዶ ሆድ መውሰድ ይቻላል። እንዲሁም ብረት፣ ኮሊን፣ ፎሌት እና ቫይታሚን B6፣ B12 እና D3ን ጨምሮ ለጤናማ እርግዝና ብዙ ጠቃሚ ንጥረ ነገሮችን የያዘ ነው። ለቬጀቴሪያን ተስማሚ ቢሆንም፣ ለቪጋኖች ተስማሚ አይደለም።
💊 ጥቅሙ
➣ ከ 50% በላይ የ choline መጠን ይይዛል
➣ ከግሉተን-ነጻ ነው።
💊 ጉዳቱ
➣ማግኒዥየም እና ኦሜጋ -3 DHA የለውም
➣ 600 IU ቫይታሚን ዲ ብቻ ይይዛል
➣ለቪጋን ተስማሚ አይደለም

♦️ FullWell Prenatal Multivitamin

🔥 አይነት፡ capsules
🔥የአወሳሰድ መጠን፡ በቀን 8 እንክብል
🔥የሚይዘይው ንጥረ ነገሮች፡ ታያሚን፣ ሪቦፍላቪን፣ ኒያሲን፣ ፎሌት፣ ባዮቲን፣ ኮሊን፣ ካልሲየም፣ አዮዲን፣ ማግኒዚየም፣ ዚንክ እና ቫይታሚን ኤ፣ ቢ6፣ ቢ12 ፣ C፣ D3፣ E እና K ይይዛል።
ከሚመከረው የ choline መጠን 55% የሚሸፍን ሲሆን በአንድ መጠን 4,000 IU ቫይታሚን ዲ ይሰጣል።

💊 ጥቅሙ
➣ ከፍተኛ ኮሊን፣ ማግኒዥየም እና ቫይታሚን ዲ የያዘ ነው።
➣ ለመፈጨት ( ለመዋሃድ ) ቀላል ነው ።
💊ጉዳቱ
➣አይረንን አልያዘም።

♦️ Needed Prenatal Multi
🔥 አይነቱ ፡ የዱቄት መድሃኒት
🔥የአወሳሰድ መጠን፡ በቀን 1 scoop (13.2 ግራም) 🔥 የያዘው ንጥረ ነገሮች፡ ካርቦሃይድሬትስ፣ ስብ፣ ታያሚን፣ ሪቦፍላቪን፣ ፎሌት፣ ባዮቲን፣ ኮሊን፣ ካልሲየም፣ አዮዲን፣ ማግኒዥየም፣ ዚንክ እና ቫይታሚን ኤ ፣ B6፣ B12፣ C፣ D3፣ E እና K ይይዛል።
ይህ ቫይታሚን 4,000 IU ቫይታሚን ዲ የሚያቀርብ እና በእርግዝና ወቅት 88% የ choline ፍላጎትን የሚሸፍን እጅግ በጣም ጥሩ የቅድመ ወሊድ ቫይታሚን ነው። ክኒኖችን መዋጥ ለማይወዱ ወይም በቀን ውስጥ ብዙ ተጨማሪ መድሃኒቶችን በሚወስዱበት ጊዜ ማቅለሽለሽ ለሚያጋጥማቸው ሴቶች ጥሩ ምርጫ ነው.። ነገር ግን በካፕሱል መልክም እንዲሁ ይመጣል። ዱቄቱን ለመጠቀም በቀላሉ አንድ ማንኪያ ወደ ምግባችሁ ወይም ፍላጎታችሁ ለሆነው ፈሳሽ በማዋሃድ መጠጣት ይቻላል።
💊 ጥቅሙ
➣ ከፍተኛ ቫይታሚን ዲ እና choline የያዘ ነው።
➣ ዱቄት መሆኑ ለአንዳንድ ሰዎች ለመጠቀም ቀላል ሊሆን ይችላል።
💊ጉዳቱ
➣አይረንን አልያዘም (ለአንዳንዶች ጠቃሚ ሊሆን ይችላል)
➣ ውድ ነው።
➣ተጨማሪ omega 3 suppliment ይፈልጋል።

♦️Nature Made Prenatal Multi + DHA
🔥 አይነቱ፡ softgels
🔥የአወሳሰድ መጠን ፡ በቀን 1 softgel
🔥የሚይዘው ንጥረ ነገሮች፡ ታያሚን፣ ሪቦፍላቪን፣ ፎሌት፣ ባዮቲን፣ ካልሲየም፣ አይረን፣ አዮዲን፣ ማግኒዚየም፣ ዚንክ፣ ኦሜጋ-3 DHA፣ ኦሜጋ-3 ኢፒኤ እና ቫይታሚን ኤ፣ ቢ6፣ ቢ12፣ ዲ3፣ ኢ እና ኬ የያዘ ነው። , በጣም ተመጣጣኝ እና በጣም ቀላል ከሆኑ አማራጮች አንዱ ነው።
💊 ጥቅሙ
➣ DHA እና EPA የያዘ ነው።
➣በቀላሉ የሚገኝ ነው
💊ጉዳቱ
➣ኮሊን አልያዘም
➣1,000 IU ቫይታሚን ዲ ብቻ ይይዛል

♦️ SmartyPants Prenatal Formula

🔥 አይነቱ፡ ጋሚ
🔥የአወሳሰድ መጠን ፡ በቀን 4 ጋሚይ
🔥የሚይዘው ንጥረ ነገሮች፡ ታያሚን፣ ሪቦፍላቪን፣ ፎሌት፣ ባዮቲን፣ ኮሊን፣ አዮዲን፣ ዚንክ፣ ሶዲየም፣ ኦሜጋ-3 DHA፣ ኦሜጋ-3 ኢፒኤ፣ እና ቫይታሚን ኤ፣ B6፣ B12፣ D3፣ E፣ K1 እና K2
ይህ ቫይታሚን የጋሚ ቪታሚኖችን ምትመርጡ ከሆነ በጣም ጥሩ አማራጭ እና በቀላሉ የሚገኝ ቫይታሚን ነው። ማስታወስ ያለባችሁ 4 ጋሚ 6 ግራም ወይም 1 1/2 የሻይ ማንኪያ ስኳር ይይዛል። ስለዚህ ተጨማሪው የደም ስኳር መጠንን ለመቆጣጠር ለሚሞክሩ ሴቶች ለምሳሌ የእርግዝና የስኳር በሽታ ላለባቸው ሴቶች ጥሩ ምርጫ ላይሆን ይችላል።
💊ጥቅሙ
➣EPA እና DHA የያዘ ነው።
➣ ለመብላት ቀላል ነው።
💊ጉዳቱ
➣ከፍተኛ መጠን ያለው ስኳር ይይዛል
➣ዝቅተኛ choline አለው።
➣ እንደ ማግኒዚየም ያሉ አነስተኛ ንጥረ ነገሮችን የያዘ ነው።
♦️ Seeking Health Prenatal Essentials Chewable
🔥 አይነቱ፡ ሊታኘኩ የሚችሉ ታብሌቶች
🔥የአወሳሰድ መጠን፡ በቀን 2 ታብሌት
🔥የሚይዘው ንጥረ ነገሮች፡ ታያሚን፣ ሪቦፍላቪን፣ ኒያሲን፣ ፎሌት፣ ባዮቲን፣ ፓንታቶኒክ አሲድ፣ ካልሲየም፣ አዮዲን፣ ማግኒዥየም፣ ዚንክ፣ ኮኤንዛይም Q10 እና ቫይታሚኖች A፣ B6፣ B12፣ D3፣ E እና K ይይዛል።
እንክብሎችን መዋጥ ችግር ላለባችሁ በጣም ጥሩ አማራጭ ነው። በተጨማሪም ከስኳር እና ከ ግሉተን የፀዳ ነው።
💊 ጥቅሙ
➣ከ አለርጂዎች የጸዳ ነው።
➣ለመጠቀም ቀላል ነው።
💊ጉዳቱ
➣ Choline እና ኦሜጋ -3 EPA እና DHA ይጎለዋል።

♦️Nordic Naturals Prenatal DHA
➣አይነቱ፡ softgels
➣የአወሳሰድ መጠን፡ በቀን 2 softgel
➣የሚይዘው ንጥረ ነገሮች፡ EPA፣ DHA፣ ሌሎች ኦሜጋ-3ዎች እና ቫይታሚን D3 ይይዛል።
ይህ ቫይታሚን የኦሜጋ 3 ቫይታሚን አይነት ነው። በእርግዝና ወቅት፣ ሴቶች DHAን ጨምሮ ከፍተኛ መጠን ያለው ኦሜጋ -3 ቅባቶችን እንዲወስዱ ይመከራሉ። ኦሜጋ-3 ለፅንሱ አንጎል እና የነርቭ ሴል እድገት አስፈላጊ ነው። ነገር ግን ለ ቪጋን ተመጋቢዎች ተስማሚ አይደለም።

💊 ጥቅሙ
➣DHA እና EPA የያዘ ነው።
➣ 400 IU ቫይታሚን ዲ ያካትታል
💊 ጉዳቱ
➣ለቪጋኖች ተስማሚ አይደለም

♦️Thorne Research Phosphatidyl Choline
🔥 አይነቱ፡ gelcaps
🔥የአወሳሰድ መጠን፦ በቀን 1 ጄልካፕ
🔥የያዘው ንጥረ ነገሮች፡ choline
choline በእርግዝና እና ጡት በምታጠቡበት ጊዜ በጣም አስፈላጊ የሆነ ንጥረ ነገር ነው ምክንያቱም ለፅንሱ እድገት አስፈላጊ ስለሆነ ነው። ነገር ግን፣ ብዙ የቅድመ ወሊድ ቪታሚኖች ይህ ጠቃሚ ንጥረ ነገር ይጓላቸዋል ወይም ዝቅተኛ ይዘት አላቸው።
💊 ጥቅሙ
➣በእርግዝና ወቅት 93% የ choline ፍላጎቶችን ያሟላል።
➣ ከግሉተን ነጻ ነው።
💊ጉዳቱ
➣ ለቪጋኖች ተስማሚ አይደለም

♦️ቅድመ ወሊድ ቫይታሚን የጎንዮሽ ጉዳቱ ምንድነው?

አንዳንድ ሰዎች የቅድመ ወሊድ ቪታሚኖችን ከወሰዱ በኋላ የማቅለሽለሽ ስሜት ሊሰማቸው ይችላል። ይህን ለማስታገስ ዶክተራችሁ እንደ ዱቄት ወይም ሊታኘኩ የሚችሉ ቫይታሚኖችን ሊያዝላችሁ ይችላል።

ብዙ የጠዋት ህመም እያጋጠማችሁ ከሆነ የቅድመ ወሊድ ቪታሚኖችን በምግብ ወይም ምሽት ሰዓት መውሰድ ጠቃሚ ሊሆን ይችላል።

በተለይም ከፍተኛ የ አይረን መጠን ያለው የቅድመ ወሊድ ቫይታሚን ከወሰዳችሁ የሆድ ድርቀት ሊያጋጥማችሁ ይችላል።
ለዚህም መፍትሄው ብዙ ውሃ መጠጣት እና
ፋይበር የያዙ ምግቦችን መመገብ ያስፈልጋል። እንዲሁም መደበኛ የአካል ብቃት እንቅስቃሴ ማድረግ ጠቃሚ ነው።

ሼር በማድረግ ሌሎችንም አስተምሩ። 🙏🙏🙏
የበለጠ ለመረዳት youtube ላይ ቪድዮውን ምታገኙት ይሆናል።

19/08/2022

እርግዝና ለመፈጠር ምን ያህል ጊዜ ሊወስድ ይችላል,? አንዳንድ ጥንዶች በንቃት የእርግዝና ሙከራ ካደረጉ በአንድ አመት ውስጥ ይፀንሳሉ። ከ 35 ዓመት በታች ከሆናችሁ እና ለአንድ አመት ለማርገዝ ሞክራችሁ ማርገዝ ካልቻላችሁ ዶክተር ማማከር ይኖርባችኋል። ከ 35 ዓመት በላይ ሆኖአችሁ እና ለ6 ወር ሞክራችሁ ማርገዝ ካልቻላችሁ ህክምና ማድረግ ይኖርባችኋል። ሞክንያቱም እናንተ ሳታውቁ አንዳንድ ችግሮች እርግዝናችሁን ሊከለክላችሁ ይችላሉ።
እነዚህ ነገገሮች ምን ምንድናቸው ?

➥ ጊዜ አጠባበቅ
ለማርገዝ የወንድ የዘር ፍሬ በኦቭዩሌሽን ወቅት ከ ሴቷ እንቁላል ጋር መገናኘት አለበት። ለዚህ ታድያ የወሩ እያንዳንዷን ቀን ማወቅ ይኖርባችኋል። ስለዚህ በዚህ ወቅት ሙከራ ካላደረጋችሁ ምናልባት በተሳሳተ ቀን ግንኙነት አድርጋችኋል ማለት ነው። ይህ ደግሞ እርግዝናችሁን አይፈጥርላችሁም። ስለዚህም የወር አበባ ዑደትታችሁን መከታተል ይህንን ችግር ለመፍታት ይረዳችኋል። ጤናማ የሆነች የ30 ዓመት ልጅ በየወሩ 20 በመቶ ገደማ የማርገዝ እድል አላት።
➥የኦቭዩሽን ጉዳዮች
እንቁላል እያለቀቃችሁ ካልሆነ ለማርገዝ የማይቻል ሊሆን ይችላል። በዚህ ሁኔታ, እንቁላል ለምን እንደማይለቀቅ ለመቆጣጠር እና ለመለየት ተጨማሪ ምርመራዎች እና የእርግዝና ባለሙያ ጋር ማነጋገር ያስፈልጋችኋል።
➥የዘር/የወንድ የዘር ህዋስ ጉዳዮች
ወንዶች ህይወታቸውን ሙሉ የወንድ የዘር ህዋስ ማምረት ቢችሉም ስለ ስፐርም ጥራትም ጥያቄ አለ። የወንድ የዘር ህዋስ ቁጥር፣ ቅርፅ እና እንቅስቃሴው የማርገዝ ችሎታን ሊጎዳ ይችላል።
➥ ከእድሜ ጋር የተያያዙ ጉዳዮች
ሁሉም ሰዎች ዕድሜያቸው እየገፋ ሲሄድ ልጅ መውለድ ይከብዳቸዋል። በአጠቃላይ በ20ዎቹ እና በ30ዎቹ መጀመሪያ ላይ ያለች ሴት በየወሩ ከ 4 ሙከራ 1 የመፀነስ ዕድል አላት። ነገር ግን ከ30 ዓመት በኋላ፣ የመፀነስ እድላቸው እየቀነሰ ይሄዳል፣ እና 40 ዓመት ሲሞላቸው፣ በየወሩ ከ 10 ሙከራ 1 የመፀነስ እድል አላቸው። 45 ዓመት ሲሞላቸው ታድያ እርጉዝ የመሆን እድላቸው በጣም አናሳ ነው። የወንዱም ዕድሜ እየገፋ በሄደ ቁጥመርም የመውለድ ችሎታውም ይቀንሳል። ነገር ግን እንደ ሴቷ የእድሜውን ክልል መገመት አይቻልም።
➥ የማህፀን ቧንቧ ችግሮች
የማህፀን ቱቦዎች ከተዘጉ፣ እንቁላሎች ፅንስ ለመፍጠር እና ለመትከል መጓጓዝ አይችሉም። ለማርገዝ, የተዳቀለው እንቁላል በማህፀን ውስጥ መትከል አለበት።
➥የማህፀን ችግሮች
የተሳሳተ ቅርጽ ያለው ማህፀን ወይም በማህፀን ውስጥ ያለ ቲሹ መገንባት ችግሮች እርግዝናችሁን ይከለክላል።ይህ ሂደት እንደተጠበቀው እርግዝናችሁን እንዳይከሰት ሊያደርግ ይችላል።
➥የወሊድ መቆጣጠሪያ
አንዳንድ የወሊድ መቆጣጠሪያ ዓይነቶች መጠቀም ብታቆሟቸውም የወደፊቱን እርግዝናችሁን ላይ ተጽእኖ ሊያሳድሩ ወይም ሊያዘገዩባችሁ ይችላሉ።
እንደ ኮንዶም ወይም ክኒኑ ያሉ የወሊድ መቆጣጠሪያ ዘዴዎች ወደፊት እርግዝናችሁ ላይ ተፅዕኖ የላቸውም። ነገር ግን አንዳንዶቹ ለምሳሌ እንደ የወሊድ መከላከያ መርፌ እርግዝናችሁን ለወራት ሊያዘገይ ይችላል።
በሌላ በኩል ደግሞ እንደ ማህፀን ማስቋጠር እና vascotomy ያሉ ዘዴዎች ደግሞ እስከ መጨረሻው ድረስ መሃን ያደርጋችኋል። እነዚህ ዘዴዎች መመለስ የማይቻል ናቸው።
➥ሌሎች የጤና ጉዳዮች
በእርግዝናችሁ ላይ ተጽእኖ የሚፈጥሩ ብዙ የጤና ጉዳዮች አሉ። የተለመዱት ፖሊሲስቲክ ኦቫሪ ሲንድረም (PCOS) እና endometriosis ያካትታሉ። በእርግዝናችሁ ላይ ተጽዕኖ እንደሚያሳድሩ የሚታወቅ የጤና እክል ካለባችሁ በቶሎ ከዶክተራችሁ ጋር መነጋገር አስፈላጊ ነው።
እንዲሁም ከዚህ በፊት ብዙ የፅንስ መጨንገፍ ከገጠማችሁ ወይም በዘር ወይም በሌላ የመውለድ ሁኔታ ላይ ተጽእኖ የሚያሳድር የጤና እክል ካለባችሁ የህክምና ባለሙያን ማየት ይኖርባችኋል።
በአንዳንድ ሁኔታዎች ደግሞ, የማይታወቅ መሃንነት መንስኤ ሊኖር ይችላል። ይህ ማለት ከምርመራ በኋላ እንኳን ለምን እርጉዝ እንዳልሆናችሁ ለማብራራት ግልጽ የሆነ ምክንያት ላይኖር ይችላል።

ሼር በማድረግ ሌሎችንም አስተምሩ።🙏🙏🙏

16/08/2022

የጥርስ ሕመም በጥርስ ውስጥ ወይም በጥርስ አካባቢ የሚከሰት ህመም ነው.። ዝቅተኛ የጥርስ ህመሞች በቤት ውስጥ ሊታከሙ የሚችሉ ሲሆን ከጊዜያዊ የድድ መቆጣት ሊመጡ ይችላሉ። በጣም ከባድ የሆነው የጥርስ ህመም ግን በጥርስ እና በአፍ ችግሮች የሚከሰት ሲሆን በራሱ የማይድን እና በጥርስ ሀኪም መታከም ያለበት ነው።

♦️የጥርስ ህመም ስሜቱ ለምን ይከብዳል?
በጥርስዎ ውስጥ ያለው pulp በነርቭ፣ በህብረህዋስ እና በደም ስሮች የተሞላ ለስላሳ material (ቁስ) ነው። እነዚህ የpulp ነርቮች ደግሞ በሰውነታችን ውስጥ በጣም ስሜታዊ ከሆኑት ነርቮች መካከል ዋነኞቹ ናቸው። እነዚህ ነርቮች ጉዳት ሲደርስባቸው ወይም በባክቴሪያ ሲበከሉ ከባድ ሕመም ያስከትላሉ።

♦️የጥርስ ሕመም መንስኤዎች ምን ምን ናቸው?

➥ የጥርስ መበስበስ.
➥ በጥርስ መሃል ላይ ያለ የባክቴሪያ ኢንፌክሽን
➥ የጥርስ ስብራት
➥ተደጋጋሚ የጥርስ እንቅስቃሴዎች ለምሳሌ እንደ ማስቲካ ማኘክ ወይም መፍጨት ወይም ጥርሶችን ማፋጨት፣ መገጣጠም። እነዚህ እንቅስቃሴዎች ጥርሳችንን ያዳክማሉ።
➥የ ድድ መታመም
➥ ጥርስ ማውጣት ወይም ማብቀል ማለትም የ እድሜ ልክ ጥርስ (wisdom teeth)

♦️የጥርስ ሕመም ምልክቶች ምንድ ናቸው?
●የጥርስ ሕመም ፣ የሚወጋ ወይም ቋሚ ሊሆን ይችላል። በአንዳንድ ሰዎች ላይ ህመሙ የሚሰማቸው በጥርሳቸው ላይ ግፊት ወይም ተፅዕኖ ሲደረግ ብቻ ነው። ለምሳሌ አንድን ነገር ሲነክሱ ወይም ሲያኝኩ)።
● በጥርስ ዙሪያ እብጠት
● ትኩሳት ወይም ራስ ምታት
●ከተበከለው ጥርስ ውስጥ የሚወጣ መጥፎ ጣዕም ያለው ፍሳሽ
● መጥፎ የአፍ ሽታ
የጥርስ ህመም በራሱ ሊጠፋ ይችላል?
ህመሙ በጥርስ አካባቢ ወይም ዙሪያ የመጣ ከሆነ ወደ ጥርስ ሀኪም ሳትሄዱ በራሱ ሊድን ወይም ሊሻሻል ይችላል። ለምሳሌ በድድ ውስጥ ጊዜያዊ ህመም (ቀይ መሆን) በጥቂት ቀናት ውስጥ ሊድን ይችላል። በዚህ ጊዜ ታድያ በተጎዳው አካባቢ ዙሪያ ማኘክ የለባችሁም። ስለዚህም እንደ እንቁላል እና እርጎ ያሉ ለስላሳ ምግቦችን መመገብ እና ለጥርስ ስሜታዊ ከሆኑ ጣፋጭ ምግቦችን እና በጣም ሞቃት ወይም በጣም ቀዝቃዛ ምግቦችን ማስወገድ ይኖርባችኋል (መመገብ የለባችሁም)።

♦️በቤት ውስጥ የጥርስ ሕመምን እንዴት ማከም ይቻላል?
ከጥርስ ሕመም ጊዜያዊ እፎይታ ለማግኘት ፦ :
● በሞቀ የጨው ውሃ ጥርስን ማጠብ
ጨዋማ ውሃ በጥርሶች መካከል ያለውን ቆሻሻ ለማስወገድ ፣ እንደ ፀረ-ተባይ ሆኖ ሊያገለግል እና እብጠትን ለመቀነስ ይረዳል ። ግማሽ የሻይ ማንኪያ ጨው በአንድ ብርጭቆ የሞቀ ውሃ ውስጥ መጨመር ከዚየም አፍን በደንብ መጉመጥሞጥ።
● ጥርስን በሃይድሮጅን በፔርኦክሳይድ ማጠብ
ሃይድሮጅን ፓርኦክሳይድ ጥርስን ለማጠብ የሚውል ውጤታማ የሆነ ፀረ ባክቴሪያ ውህድ ነው። በተለይም የጥርስ ሕመሙ በኢንፌክሽን የተከሰተ ከሆነ። ነገር ግን ሃይድሮጅን ፔርኦክሳይድ ከተዋጠ እጅግ አደገኛ ነው። ስለዚህ ጥርሳችሁን በምታጥቡበት ወይም በምትጎጥመጡበት ጊዜ ከፍተኛ ጥንቃቄ ማድረግ አለባችሁ። ከ 3 በመቶው ሃይድሮጂን ፐሮአክሳይድ እና ውሃ ጋር እኩል በሆነ መጠን መቀላቀል እና ለ 30 ሰከንድ ያህል በአፍ ውስጥ መቆየት አለበት። ከተፋችሁት በኋላ አፋችሁን ብዙ ጊዜ በንጹህ ውሃ መጉመጥሞጥ ይኖርባችኋል።
ይህ መድሃኒት ለልጆች አይመከርም።
●በቀዝቃዛ ነገር መያዝ
ለእብጠቱ እና ለህመሙ በረዶ በፎጣ ጠቅልላችሁ የሚያሰቃያችሁን ወይም የሚያማችሁን ቦታ ላይ ለ20 ደቂቃ መያዝ። በየጥቂት ሰዓት ልዩነት ደጋግሙት። ●የህመም ማስታገሻ መድሃኒቶች
የህመም ማስታገሻ መድሃኒቶች ህመሙን እና እብጠቱን ይቀንሳሉ። ለምሳሌ እንደ አስፕሪን፣ ibuprofen (Motrin®፣ Advil®) እና naproxen (Aleve®) ያሉ መድሃኒቶች ጥቅም ላይ ይውላሉ።
ነገር ግን ከ 16 አመት በታች ለሆነ ልጅ አስፕሪን ስጠት የለባችሁም።
● የቅርንፉድ ዘይት.
ቅሩንፉድ ህመምን እና እብጠትን የሚቀንስ ተፈጥሯዊ አንቲሴፕቲክ አለው።. ትንሽ መጠን ያለው የቅሩንፉድ ዘይት በጥጥ ላይ አፍስሱ እና በሚያማችሁ ቦታ ላይ አውሉት። ወይም አንድ ጠብታ የቅርንፉድ ዘይት በትንሽ ብርጭቆ ውሃ ውስጥ ጨምሩት እና ከዚያም በሚገባ በአፍ ውስጥ መጉመጥሞጥ ።
●ነጭ ሽንኩርት
ነጭ ሽንኩርት ለመድኃኒትነት አገልግሎት በሰፊው ጥቅም ላይ ይውላል። ሃይለኛ ፀረ-ባክቴሪያ ባህሪ ያለውን አሊሲን የተባለ ውህድ ይይዛል። ነጭ ሽንኩርቱን በመጀመሪያ መፍጨት እና ከዚያም በትንሽ ጨው ማዋሃድ ከዚያም ውህዱን በተጎዳው ጥርስ ላይ ማድረግ።
♦️ለጥርስ ሕመም ህክምና መቼ ማድረግ ያስፈልጋል ? ● ህመሙ ከአንድ ወይም ከሁለት ቀናት በላይ የሚቆይ ከሆነ
● የጥርስ ሕመሙ ከባድ ከሆነ
● አፋችሁን በሰፊው ስከፍቱት ህመም ከተሰማችሁ
● ትኩሳት, የጆሮ ህመም ካለ
●. በአፍ ውስጥ እብጠት ካለ

♦️. የጥርስ ሕመምን እንዴት መከላከል ይቻላል? አብዛኛው የጥርስ ሕመም የጥርስ መበስበስ ውጤት ስለሆነ የአፍ ንጽህናን በመጠበቅ የጥርስ ህመምን መከላከል ይቻላል።
● ሁልጊዜ ፍሎራይድ በያዙ የጥርስ ሳሙናዎች ጥርሳችሁን መቦረሽ
● ቢያንስ በቀን አንድ ጊዜ ጥርስን floss ማድረግ።
●ለሙያዊ ጽዳት በዓመት ሁለት ጊዜ የጥርስ ሀኪም መመልከት።
●እንዲሁም በስኳር ዝቅተኛ የሆኑ ምግቦችን መመገብ ይኖርባችኋል።

ሼር በማድረግ ሌሎችንም አስተምሩ 🙏🙏🙏

14/08/2022

የደም ማነስ የሚከሰተው በሰውነት ውስጥ የሚዘዋወሩ ቀይ የደም ሴሎች ቁጥር ሲቀንስ ነው። የደም ማነስ ማለት ኦክስጂንን የሚሸከሙት እና ወደ ተለያየው የሰውነት ክፍል የሚያጓጉዙት ቀይ የደም ሴሎች ወይም ህዋሶች ቁጥር ማነስ ማለት ነው። እነዚህ ሴሎች ከአይረን እና hemoglobin ጋር ይጓጓዛሉ። የደም ማነስ በጣም የተለመደው በሽታ ነው። ጥናቶች እንደሚጠቁሙት ከአለም ህዝብ አንድ ሶስተኛው የሚሆነው የደም ማነስ በሽታ አለበት ።

♦️ምልክቶች
በጣም የተለመደው የደም ማነስ ምልክት ድካም ነው። ሌሎች የተለመዱ ምልክቶች :
● ፈጣን ወይም መደበኛ ያልሆነ የልብ ምት
●የትንፋሽ እጥረት
●የደረት ህመም
●ራስ ምታት
ይጠቀሳሉ። ይሁን እንጂ እነዚህ ምልክቶች ከሰው ወደ ሰው ይለያያሉ። አንዳንድ መጠነኛ የደም ማነስ ያለባቸው ሰዎች ጥቂት ወይም ምንም ምልክት አይሰማቸውም።

●የደም ማነስ ዓይነቶች
ብዙ ዓይነት የደም ማነስ ዓይነቶች አሉ። እና እያንዳንዱ የደም ማነስ ምልክቶች አሉት። አንዳንድ የተለመዱ የደም ማነስ ዓይነቶች :

♦️በአይረን እጥረት የሚከሰት የደም ማነስ
በአይረን እጥረት የሚከሰት የደም ማነስ በጣም የተለመደው የደም ማነስ ነው። የአይረን እጥረት የደም ማነስ በሰውነት ውስጥ በብረት እጥረት ምክንያት በጣም ጥቂት ቀይ የደም ሴሎችን ማመንጨትን ያካትታል። ይህም የሚከሰተው-
● ዝቅተኛ አይረን ያለው አመጋገብ
● ከባድ የወር አበባ
●በተደጋጋሚ ደም ልገሳ በማድረግ
● አንዳንድ የምግብ መፈጨት ሁኔታዎች
●አንጀትን የሚጎዱ መድሃኒቶች ለምሳሌ ibuprofen ያሉ ነገሮች ያባብሳሉ።

♦️ በቫይታሚን B12 እጥረት የሚከሰት የደም ማነስ ቫይታሚን B12 ለ RBCs ምርት አስፈላጊ ነው።. አንድ ሰው በቂ B12 ካልበላ ወይም ካልወሰደ፣ በሰውነቱ ውስጥ የ RBC ቁጥራቸው ዝቅተኛ ሊሆን ይችላል። አንዳንድ ምልክቶች ፡-
●የመራመድ ችግር
●ግራ መጋባት እና መርሳት
●የማየት ችግር
● ተቅማጥ ,
● የምላስ መቅላት ናቸው።
♦️ አፕላስቲክ የደም ማነስ
ይህ ያልተለመደ የደም ማነስ የሚከሰተው የአጥንት መቅኒ በቂ አዲስ ቀይ የደም ሴሎችን ማምረት በማይችልበት ጊዜ ነው። ብዙውን ጊዜ የሚከሰተው በሽታ የመከላከል አቅማችን ሲያንስ ነው። ይህ መደበኛ የአይረን level ቢኖሩም ይከሰታል።
ምልክቶቹ ፡-
● ድካም
●በተደጋጋሚ ኢንፌክሽን
●የቆዳ ሽፍታ
♦️ Hemolytic የደም ማነስ
ይህ ዓይነቱ የደም ማነስ የሚከሰተው ቀይ የደም ሴሎች በሰውነት ውስጥ በብዛት ከመመረት ይልቅ ፍጥነት ሲሞቱ ነው። እንደ፣ ኢንፌክሽኖች፣ የአጥንት መቅኔ ችግሮች እና በዘር የሚተላለፍ እንደ sickle cell በሽታ እና ታላሴሚያ ያሉ የተለያዩ ሁኔታዎች ይህንን ሊያስከትሉ ይችላሉ። ምልክቶቹ ፦
●መፍዘዝ
●ድክመት
● ጥቁር ሽንት
●ትኩሳት
● የሆድ ህመም ናቸው።

♦️የደም ማነስ መንስኤዎች
ሰውነታችን ለመኖር በቂ RBCs ያስፈልገዋል። እነዚህ ሴሎች ከአይረን ሞለኪውሎች ጋር የተያያዘውን ሄሞግሎቢን የተባለውን ውስብስብ ፕሮቲን ያጓጉዛሉ። እነዚህ ሞለኪውሎች ኦክስጅንን ከሳንባ ወደ ሌላው የሰውነት ክፍል ያደርሳሉ። የተለያዩ የጤና ሁኔታዎች ዝቅተኛ ቀይ የደም ሴሎች መጠን ሊያስከትሉ እና የደም ማነስ ሊያስከትሉ ይችላሉ።
ሦስቱ ዋና ዋና የደም ማነስ መንስኤዎች፡-
1 ደም መፍሰስ
የአይረን እጥረት የደም ማነስ በጣም የተለመደው የደም ማነስ አይነት ነው፣ እና ደም መፍሰስ ብዙውን ጊዜ መንስኤው ነው። የደም መፍሰስ በደም ውስጥ ያለው የብረት መጠን ዝቅተኛ እንዲሆን በማድረግ የደም ማነስን ያስከትላል። ሰውነታችን ደም ሲያጣ ከደም ስርጭቱ ባሻገር ከህብረ ህዋሶች ውሃ ይስባል ይህም የደም ሥሮች እንዲሞሉ ያደርጋል።ይህ ተጨማሪ ውሃ ደሙን ያጠፋል, የ RBC ብዛት ይቀንሳል.። የደም ማጣት አጣዳፊ (የአጭር ጊዜ) ወይም ሥር የሰደደ (ረጅም ጊዜ) ሊሆን ይችላል። ለከፍተኛ ደም መፋሰስ መንስኤዎች
●የቀዶ ጥገና፣
●ልጅ መውለድ እና የመሳሰሉት ናቸው። ይሁን እንጂ ሥር የሰደደ ደም ማጣት ብዙውን ጊዜ ለደም ማነስ ምክንያት ነው። ሥር የሰደደ የደም መጥፋት እንደ የጨጓራ ቁስለት፣ endometriosis፣ ካንሰር ወይም ሌላ ዓይነት ዕጢ ባሉ ሁኔታዎች ሊከሰት ይችላል።

2 የቀነሱ ወይም የተዳከሙ ቀይ የደም ሴሎች
የአጥንት መቅኒ በአጥንቶች መሃል ላይ የሚገኝ ለስላሳ እና ስፖንጅ መሰል ህብረ ህዋስ ነው። እናም ይህ መቅኔ ቀይ የደም ሴሎችን በመፍጠር ረገድ ወሳኝ ሚና ይጫወታል። መቅኒው ወደ RBCs፣ ነጭ የደም ሴሎች እና ፕሌትሌትስ የሚያድጉ የstem ሴሎችን ያመነጫል። በርካታ በሽታዎች በአጥንት መቅኒ ላይ ተጽዕኖ ሊያሳድሩ ይችላሉ።. ከነዚህም አንዱ ሉኪሚያ ሲሆን ከመጠን በላይ እና ያልተለመዱ ነጭ የደም ሴሎች እንዲፈጠሩ የሚያደርግ የካንሰር አይነት ነው። ይህ የ RBCs ምርትን ይረብሸዋል።

በአጥንት መቅኒ ላይ ያሉ ችግሮች የደም ማነስን ሊያስከትሉ ይችላሉ። ለምሳሌ አፕላስቲክ የደም ማነስ የሚከሰተው በመቅኔው ውስጥ ጥቂት ወይም ምንም የstem ሴሎች ከሌሉ ነው።
በአንዳንድ ሁኔታዎች የደም ማነስ የሚከሰተው ቀይ የደም ሴሎች እንደተለመደው ካላደጉ እና matured ካለሆኑ ነው። ይህ በዘር የሚተላለፍ የደም ማነስ ችግር ሲሆን thalassaemia በመባል ይታወቃል።

3 የቀይ የደም ሴሎች መጥፋት
ቀይ የደም ሴሎች የ120 ቀናት ዕድሜ አላቸው። ነገር ግን፣ በደም ውስጥ ያለውን ተፈጥሯዊ የህይወት ኡደት ከማጠናቀቃቸው በፊት ሰውነታችን ሊያጠፋቸው ወይም ሊያስወግዳቸው ይችላል።
● ሄሞሊቲክ የደም ማነስ የሚከሰተው በቀይ የደም ሴሎች ውድመት ምክንያት ነው። የበሽታ መከላከያ ስርዓታችን ቀይ የደም ሴሎችን በባዕድ ንጥረ ነገርን ለመዋጋት ሲጠቀም ይከሰታል።

♦️ ለደም ማነስ ተጋላጭ የሚያደርጉ ሁኔታዎች
የደም ማነስ በሁሉም እድሜ፣ ጾታ እና ዘር ላይ ሊከሰት ይችላል። ነገር ግን ይበልጥ ተጋላጭ የሚያደርጉ ሁኔታዎች አሉ። እነዚህም ፦
● ያለጊዜው መወለድ
●ዕድሜ ከ6-24 ወር
● የወር አበባ መፍሰስ
●እርጉዝ መሆን እና ልጅ መውለድ
●በቪታሚኖች፣ ማዕድናት እና ብረት ይዘታቸው ዝቅተኛ የሆኑ ምግቦችን መመገብ
●አንጀትን iritate የሚያደርጉ መድኃኒቶችን መውሰድ

♦️ሕክምና
ለደም ማነስ የተለያዩ የሕክምና ዘዴዎች አሉ።እያንዳንዳቸው የአንድን ሰው የ RBC ብዛት ለመጨመር ይሰራሉ።, ይህም በደም ውስጥ ያለውን የኦክስጅን መጠን ይጨምራል። የሚያስፈልገው ህክምና አንድ ሰው ባለበት የደም ማነስ አይነት ይወሰናል። ለተለመደ የደም ማነስ ሕክምናዎቹ
♦️ የብረት እጥረት የደም ማነስ፡
የአይረን ማሟያዎች እና የአመጋገብ ለውጦች ሊረዱ ይችላሉ።
♦️ የቫይታሚን እጥረት የደም ማነስ፡
ህክምናዎች የአመጋገብ ማሟያዎችን እና የቫይታሚን B12 መርፌዎችን ሊያካትቱ ይችላሉ።
♦️ ታላሴሚያ፡
ህክምናዎች የፎሊክ አሲድን መውሰድ እና ከአንዳንድ ሰዎች ደም መውሰድ እና የመቅኒ ንቅለ ተከላዎችን ያካትታሉ።
♦️ሥር በሰደደ በሽታ ምክንያት የደም ማነስ፡
ሐኪሙ የሚያተኩረው ዋናውን ሁኔታ በመቆጣጠር ላይ ነው።
♦️አፕላስቲክ የደም ማነስ፡ ለአፕላስቲክ የደም ማነስ የሚደረግ ሕክምና ደም መውሰድ ወይም መቅኒ ንቅለ ተከላዎችን ያካትታል።
♦️ሲክል ሴል አኒሚያ፡ ዶክተሮች ይህንን በኦክሲጅን ቴራፒ፣ የህመም ማስታገሻ መድሀኒት እና በደም ስር በሚወስዱ ፈሳሾች ያዙታል። እንዲሁም አንቲባዮቲኮችን፣ ፎሊክ አሲድን፣ ደም መውሰድን እና hydroxyurea የተባለ የካንሰር መድሃኒት ሊያዝዙ ይችላሉ።
♦️ሄሞሊቲክ የደም ማነስ፡ የህክምናው እቅድ የበሽታ መከላከያ መድሃኒቶችን፣ የኢንፌክሽን ህክምናዎችን እና ደምን የሚያጣራ plasapmheriis(ፕላዝማፌሬሲስን) ሊያካትት ይችላል።
♦️ አመጋገብ
የተመጣጠነ ምግብ እጥረት ለደም ማነስ ምክንያት ከሆኑ ነገሮች ውስጥ ዋነኛው ነው። ይህንንም ለመቀነስ በአይረን የበለጸጉ ምግቦችን መመገብ ያስፈልጋል። የአይረን ከፍተኛ ይዘት ያላቸው አንዳንድ ምግቦች :
●ቀይ ስጋ
●ጉበት
●ስፒናች
● ባቄላ
● ቡናማ ሩዝ
● ለውዝ
● እንቁላል ፣ ዘቢብ እና ፕሪም ያሉ ፍራፍሬዎች ከፍተኛ የአይረን ይዘት አላቸው።

ሼር በማድረግ ሌሎችንም አስተምሩ። 🙏🙏🙏

11/08/2022

እርግዝናን ዕድሜ ፣ ኦቭዩሌሽን እና አንዳንድ የእርግዝና ሁኔታዎች ይወስኑታል። ለማርገዝ በቅድሚያ ማድረግ ያለባችሁ እና ማወቅ ያለባችሁ መሰረታዊ ነገሮች አሉ። እነዚህን ነገሮች ሰውነታችሁን ፅንሱን በጤናማነት መቀበል እንዲችል ከወዲሁ ዝግጁ ያደርጉታል።
ከማርገዛችሁ በፊት ማድረግ ያለባችሁ ነገሮች

1. ጤናማ ክብደት መያዝ
መደበኛ የሰውነት ክብደት (BMI) መኖሩ ለአጠቃላይ ጤናችሁ አስፈላጊ ነው። ከዚህም ሌላ ለመፀነስም እጅግ አስፈላጊ ነው። ከክብደት በታች መሆን ወይም ከመጠን በላይ መወፈር ለወሊድ ችግሮች የመጋለጥ እድልን ይጨምራል።
በ19 እና 24 መካከል ያለው BMI እንደ መደበኛ ይቆጠራል፣ ከ19 በታች የሆነ የሰውነት ክብደት ዝቅተኛ እና ከ24 በላይ ከሆናችሁ ደግሞ ከመጠን በላይ ክብደት ወይም ውፍረት ነው።
●BMI 18.5 ወይም ከዚያ በታች ከሆነ ብዙ ጊዜ የወር አበባ ዑደት መዛባትን ያስከትላል እና የእንቁላል መመረትን ሙሉ በሙሉ እንዲቆም ሊያደርግ ይችላል።
●ከመጠን በላይ ውፍረት ባለው ክልል ውስጥ ያለው BMI መደበኛ ያልሆነ የወር አበባ ዑደት እና ovulation ሊያስተጓጉል ይችላል።

2. ጤናማ አመጋገብ መመገብ
የተመጣጠነ የፍራፍሬ፣ የአትክልት፣ የፕሮቲን፣የ እህል እና የወተት ተዋጽኦዎች የመራቢያ ስርአታችሁን መደበኛ ተግባር ያበረታታሉ።
ከማርገዛችሁ በፊት በብዛት ማግኘት ያለባችሁ ንጥረ ነገሮች
● ፎሊክ አሲድ፡
በመውለድ እድሜ ላይ ያሉ ሴቶች በቀን 400 ማይክሮ ግራም ፎሊክ አሲድ መመገብ አለባቸው። ይህ ቪታሚን በቅጠላ ቅጠሎች፣ ሲትረስ ፍራፍሬዎች፣ ጥራጥሬዎች እና በዳቦ ሊገኝ ይችላል።
● ካልሲየም፡
በመውለድ እድሜ ላይ ያሉ ሴቶች ቢያንስ 1,000 ሚሊ ግራም ካልሲየም በየቀኑ መመገብ አለባቸው፤ ይህ ደግሞ ዝቅተኛ ቅባት በሌለው ወተት፣ እርጎ እና አታክልቶች ሊገኝ ይችላል።
●የቅድመ ወሊድ ቪታሚኖች፡
ከማርገዛችሁ በፊት የሚስማማውን የተለያዩ የቫይታሚን አይነቶችን መውሰድ ትችላላችሁ። ለምሳሌ እንደ ቪጋን, ቬጀቴሪያን እና gummy ያሉ ቫይታሚኖችን መውሰድ ይቻላል። አንዳንድ ቅድመ ወሊድ አስቀድመው DHAን ያካትታሉ፣ ወይም ተጨማሪ suppliment ኦችን ሊያስፈልጋችሁ ይችላል። ሀኪማችሁ እንደ ምርጫችሁ ይህን ያዝላችኋል።

3. ካፌይን እና አልኮል መቀነስ
ለማርገዝ በምትዘጋጁበት ጊዜ የካፌይን አወሳሰዳችሁን መቀነሱ አስፈላጊ ነው። እንደ አብዛኞቹ ባለሙያዎች እንደሚናገሩት በቀን ከ 200 እስከ 300 ሚሊ ግራም መብለጥ የለበትም። በካፌይን እና በእርግዝና መካከል ምንም ግልጽ ግንኙነት ባይኖርም, አንዳንድ ጥናቶች ወደ የወሊድ ችግሮች ወይም የፅንስ መጨንገፍ ሊያመራ እንደሚችል ይጠቁማሉ።
በቅድመ እርግዝና ወቅት አልኮልን ማስወገድ ይኖርባችኋል።. በርካታ ጥናቶች አልኮሆል በእርግዝና ላይ ከፍተኛ ተጽዕኖ እንደሚያሳድር ያመለክታሉ። አልኮልን በጥቂቱ መውሰድ ያን ያህል ጉዳት ላያመጣ ይችላል። ነገር ግን “ከመጠን በላይ መጠጣት” በእርግዝና እና በማደግ ላይ ባለው ህጻን ላይ አሉታዊ ተጽዕኖ ያሳድራል።

4 የወር አበባ ዑደታችሁን ማወቅ
ከእርግዝና በፊት የወር አበባ ዑደታችሁን ማወቅ አንዱ መሰረታዊ ነገር ነው። የወር አበባ ዑደታችሁን ማወቁ የሚጠቅማችሁ የኦቭዩሌሽን ቀናችሁን ለማወቅ እና ለመገመት ነው። እንዲሁም ደግሞ የወር አበባችሁ መደበኛ እንደሆነ ለማወቅ ይጠቅማችኋል።

5 የኦቭዩሌሽን ቀንን ማወቅ
የኦቭዩሌሽንን ቀን ማወቅ ማለት እንቁላል የሚለቀቅበትን ቀን ማወቅ ማለት ነው። ይህንን ማወቁ የሚረዳችሁ ግንኙነት ለማድረግ ነው። ኦቭዩሌት በምታደርጉበት ቀን ግንኙነት ማድረጉ እርግዝናችሁን በከፍተኛ መጠን እንዱፈጠር ይረዳችኋል። አብ4ዛኛውን ጊዜ ኦቭዩሌሽን የሚፈጠረው በወሩ አጋማሽ ላይ ነው። በብዛት ለምሳሌ የወር አበባችሁ መደበኛ ከሆነ ማለትም በየ 28 ቀን የሚመጣ ከሆነ ኦቭዩሌሽን በ14 ተኛው ቀን ይካሄዳል። ታድያ በዚህ ቀን እና ከዚህ ቀን 3 ቀን አስቀድማችሁ ግንኙነት ብታደርጉ እርግዝና የመፈጠር እድሉ ከፍተኛ ነው።

6. ቅድመ ምርመራ ማድረግ
አብዛኛውን ጊዜ ሴቶች ምርመራ የሚያደርጉት እርግዝናቸውን ካወቁ በኋላ ነው። ነገር ግን ከእርግዝናችሁ በፊትም ምርመራ ማድረግ ይኖርባችኋል። ለምሳሌ የደም ምርመራ፣ የአባላዘር ምርመራ ፣ የደም ማነስ ምርመራ ፣ የደም ግፊት ምርመራ ማድረጉ አስፈላጊ ነው። ምክንያቱም በኋላ እርግዝናችሁ ላይ ችግር እንዳይፈጠር ይረዳችኋል።

7. በመደበኛነት የአካል ብቃት እንቅስቃሴ ማድረግ

የአካል ብቃት እንቅስቃሴ ማድረግ እርግዝናን እና ምጥን/ ቀላል የሚያደርግ ነው። ከዚህም ሌላ መጠነኛ የአካል ብቃት እንቅስቃሴ ማድረግ ለመፀነስ ይረዳችኋል። አንድ ጥናት እንዳመለከተው መጠነኛ የአካል ብቃት እንቅስቃሴ ለምሳሌ መራመድ፣ ዘና በማለት ብስክሌት መንዳት እና ዮጋ ያሉ እንቅስቃሴዎች በአጭር ጊዜ ውስጥ እርግዝና እንዲፈጠር ይረዳሉ።
በሌላ በኩል፣ ከፍተኛ የአካል ብቃት እንቅስቃሴ (እንደ ሩጫ፣ ብስክሌት መንዳት እና ጠንካራ ዋና) የመፀነስ እድልን በ42 በመቶ እንደሚቀንስ ጥናቱ አረጋግጧል።

ስለዚህም ለማርገዝ ማድረግ ያለባችሁ ቀላል የሆኑ aerobic እንቅስቃሴዎችን ማድረግ ነው።

8. ማጨስን ማቆም
ማጨስ እንደ የልብ ሕመም፣ የሳንባ ካንሰር እና ስትሮክ ያሉ ብዙ የጤና ችግሮችን እንደሚያመጣ የታወቀ ነው። የሚያጨሱ ሴቶች እንዲሁ የማያጨሱትን ያህል በብቃት አይፀንሱም። በየቀኑ የምታጬሱት ሲጋራዎች ቁጥር የማርገዝ ችግራችሁን በዛው ልክ ይጨምሩታል።

ሼር በማድረግ ሌሎችንም አስተምሩ!!🙏🙏🙏

06/08/2022

ፒሲኦኤስ ማለት ሴቶች መውለድ በሚችሉበት ጊዜ ማለትም (ከ 15 እስከ 44 ዓመት ባሉበት ጊዜ) የሚከሰት የሆርሞኖች ችግር ነው። በዚህ የዕድሜ ክልል ውስጥ ካሉ ሴቶች ከ2.2 እስከ 26.7 በመቶ የሚሆኑት ፒሲኦኤስ አለባቸው።
ብዙ ሴቶች ሳይታወቃቸው PCOS ይኖርባቸዋል። ፒሲኦኤስ የሴቶችን ኦቭየርስ, ኢስትሮጅን እና ፕሮጀስትሮን የሚያመነጩትን የመራቢያ አካላት - የወር አበባ ዑደትን የሚቆጣጠሩ ሆርሞኖችን ይነካል። እንቁላሎቹ ደግሞ androgen የሚባሉ አነስተኛ መጠን ያላቸው የወንድ ሆርሞኖችን ያመነጫሉ።androgen ማለት የፆታ ሆርሞን ነው። ይህም ሆርሞን የጉርምስና ወቅትን ለማስጀመር ይረዳል። androgen በሁለቱም ፆታዎች ውስጥ ሲገኝ በወንዶች ላይ ግን ይበዛል።
ሁለቱ ኦቫሪዎች ፅንስ ለመፍጠር እንቁላሎችን ይለቃሉ። ይህም ሂደት ovulation ይባላል።

የፎሊክ-አነቃቂ ሆርሞን (FSH) እና lutenizing ሆርሞን (LH) ኦቭዩሌሽንን ይቆጣጠራል። የፎሊክል አነቃቂ ሆርሞን ኦቫሪ ፎሊክል (ከረጢት) እንዲያመርት ያነቃቃል።ይህ follicle (ከረጢት ) እንቁላልን በውስጡ ይይዛል። ከዚያም በኋላ የLH ኦቫሪ የበሰለውን እንቁላል እንዲለቅ ያደርገዋል።
ፒሲኦኤስ ovariesን እና ovulationንን የሚጎዳ ችግር ወይም syndrome ነው።

የ PCOS ሦስት ዋና ዋና ባህሪያት የሚከተሉት ናቸው.
● በ ovaries ውስጥ ያለ cyst
● ከፍተኛ መጠን ያለው የወንድ ሆርሞን
● መደበኛ ያልሆነ ወይም የሚቀር የወር አበባ ናቸው

በ PCOS ጊዜ ብዙ ትናንሽ በፈሳሽ የተሞሉ ከረጢቶች በኦቭየርስ ውስጥ ይበቅላሉ። poycystic የሚለው ቃል የሚጠቁመን ብዙ ከረጢት cyst ማለት ነው። እነዚህ ከረጢቶች እያንዳንዳቸው ያልበሰለ እንቁላል የያዙ ፎሊክሎች ናቸው። እነዚህ እንቁላሎቹ ደግሞ ለመለቀቅ በቂ አይደሉም።
በዚህም ምክንያት የovulation መቆም የኢስትሮጅንን፣ የፕሮጄስትሮንን፣ FSH እና LH ሆርሞን መጠንን ይለውጣል። የፕሮጄስትሮን መጠን ከወትሮው ያነሰ ሲሆን, የandrogen (የወንድ ሆርሞን) ደግሞ ከወትሮው ከፍ ይላል።

ተጨማሪ የወንድ ሆርሞን ደግሞ የወር አበባን ዑደትን ያበላሻል። ስለዚህ PCOS ያለባቸው ሴቶች ከወትሮው ያነሰ የወር አበባ ይኖራቸዋል።

♦️ መንስኤው ምንድን ነው?
የ PCOS መንስኤ ምን እንደሆነ በትክክል አይታወቅም። ከፍተኛ መጠን ያለው የወንድ ሆርሞኖች ኦቭየርስ ሆርሞኖችን ከማምረት እና እንቁላልን በተለምዶ እንዳይሰራ ይከላከላል ።
● ጂኖች
●የኢንሱሊን መቋቋም እና
●እብጠት ሁሉም ከመጠን ያለፈ androgen ምርት እንዲኖር ያደርጋሉ።

♦️Geneኖች
ጥናቶች እንደሚያሳዩት PCOS በቤተሰብ ይተላለፋል።. ብዙ ጂኖች ለpcos አስተዋፅኦ ያደርጋሉ።
♦️ የኢንሱሊን መቋቋም
ፒሲኦኤስ ካላቸው ሴቶች እስከ 70 በመቶ የሚደርሱ የኢንሱሊን ሆርሞን ይቋቋማሉ። ይህም ማለት ሴሎቻቸው ኢንሱሊንን በአግባቡ መጠቀም አይችሉም ማለት ነው። ኢንሱሊን pancreas የሚያመነጨው ሆርሞን ሲሆን ይህም ሰውነታችን ከምግብ ውስጥ የሚገኘውን ስኳር ለኃይል እንዲጠቀም ይረዳል። ሴሎች ኢንሱሊንን በአግባቡ መጠቀም በማይችሉበት ጊዜ የሰውነት ለኢንሱሊን ያለው ፍላጎት ይጨምራል።ይህንን ፍላጎት ለሟሟላትም pancreasም ተጨማሪ ኢንሱሊንን ያመርታል። ተጨማሪ የኢንሱሊን ሲኖር ደግሞ ovaries ብዙ የወንድ ሆርሞኖችን እንዲያመነጭ ያደርገዋል። ከመጠን ያለፈ ውፍረት የኢንሱሊን መቋቋም ወይም መብዛት ዋነኛ መንስኤ ነው። ስለዚህም ውፍረት እና የኢንሱሊን መቋቋም ለtype 2 የስኳር በሽታ ተጋላጭነትዎን ሊጨምሩ ይችላሉ።
♦️እብጠት
ፒሲኦኤስ ያለባቸው ሴቶች ብዙውን ጊዜ በሰውነታቸው ውስጥ የ እብጠት መጠን ይጨምራሉ። ከመጠን በላይ መወፈር ለ እብጠት አስተዋጽኦ ሊያደርግ ይችላል። ጥናቶች ከመጠን በላይ እብጠትን ከከፍተኛ androgen መጠን ጋር ያገናኛሉ ።

♦️የ PCOS የተለመዱ ምልክቶች
አንዳንድ ሴቶች በመጀመሪያ የወር አበባቸው አካባቢ ምልክቶችን ማየት ይጀምራሉ።ሌሎች ደግሞ ፒሲኦኤስ እንዳለባቸው የሚያውቁት ብዙ ክብደት ካገኙ ወይም ለማርገዝ ችግር ካጋጠማቸው በኋላ ነው። በጣም የተለመዱት የ PCOS ምልክቶች የሚከተሉት ናቸው:

● መደበኛ ያልሆነ የወር አበባ
የኦቭዩሽን አለመካሄድ በየወሩ የወር አበባ እንዳይኖር ይከላከላል። ፒሲኦኤስ ያለባቸው አንዳንድ ሴቶች በዓመት ከስምንት ጊዜ ያነሰ የወር አበባ ይኖራቸዋል ወይም በጭራሽ ላይኖራቸውም ይችላል።

●ከባድ የደም መፍሰስ.
የማሕፀን ሽፋን ረዘም ላለ ጊዜ ይገነባል, ስለዚህ የሚኖራችሁ የወር አበባ ከተለመደው የበለጠ ክብደት ሊኖረው ይችላል።

● በሰውነት ላይ የፀጉር እድገት
Pcos ያለባቸው ከ70 በመቶ በላይ የሚሆኑ ሴቶች በፊታቸው እና በሰውነታቸው ላይ ፀጉር ያበቅላሉ ። ከዚህም በተጨማሪ በ ጀርባ፣ ሆዳቸው እና ደረታቸው ላይ ጭምር ፀጉር ይበቅላል።

● ብጉር እና ፎረፎር
የወንድ ሆርሞኖች ቆዳን ከወትሮው የበለጠ ቅባት (ወዝ) እንዲኖረው ያደርጋሉ። ይህም እንደ ፊት ፣ ደረትና የላይኛው ጀርባ ባሉ አካባቢዎች ላይ ሽፍታ ያስከትላል።

● የክብደት መጨመር.
ፒሲኦኤስ ካለባቸው ሴቶች እስከ 80 በመቶው የሚሆኑት ከመጠን በላይ ወፍራም ናቸው።

● ራሰ በራነት
ሴቶች Pcos ካለባቸው በጭንቅላታቸው ላይ ያለው ፀጉር እየቀነሰ ይሄዳል እና በመጨረሻም ሊያልቅ ይችላል።

●የቆዳ መጥቆር
እንደ አንገት፣ ብሽሽት እና ጡቶች ስር ያሉ የሰውነት ቆዳዎች ላይ ጥቁረት ሊፈጠሩ ይችላሉ።

●ራስ ምታትየሆርሞን ለውጦች በአንዳንድ ሴቶች ላይ ራስ ምታት ሊያስከትሉ ይችላሉ።
●የዳሌ ህመም
●የወሲብ ፍላጎት መቀነስ

♦️PCOS ሰውነትን እንዴት ይጎዳል ?
ከመደበኛ በላይ የሆነ የ androgen መጠን መኖሩ የማርገዝ ችሎታን እና ሌሎች የጤናን ገፅታዎች ሊጎዳ ይችላል።

♦️መሃንነት
PCOS በሴቶች ላይ የመካንነት መንስኤ ከሆኑት መካከል አንዱ ነው።
ለማርገዝ, እንቁላል መለቀቅ አለበት። ኦቭዩሌት ማያደርጉ ሴቶች ደግሞ ፅንስ ለመፍጠር የሚረዳቸውን እንቁላልን አይለቁም።

♦️የ ሜታቦሊክ ሲንድሮም (ችግር)
ፒሲኦኤስ ካላቸው ሴቶች እስከ 80 በመቶው የሚሆኑት ከመጠን በላይ ወፍራም ናቸው። ውፍረት እና ፒሲኦኤስ ደግሞ፡-
●ከፍተኛ የደም ስኳር
● ከፍተኛ የደም ግፊት
● ከፍተኛ ኮሌስትሮል ያስከትላሉ።
እነዚህ ችግሮች ደግሞ ሜታቦሊክ ሲንድረም ይባላሉ።
እናም፦
● የልብ ህመም
● የስኳር በሽታ
● ለስትሮክ ተጋላጭነትን ይጨምራሉ።
♦️sleep apnea
ይህ ማለት በእንቅልፍ ጊዜ በተደጋጋሚ የትንፋሽ መቆም ችግር ነው። ይህም እንቅልፍን ያቋርጣል። ከመጠን በላይ ወፍራም በሆኑ ሴቶች ላይ የእንቅልፍ ችግር በብዛት የተለመደ ነው - በተለይም ፒሲኦኤስም ካለባቸው።

♦️ የኢንዶሜትሪክ ካንሰር
እንቁላል በሚለቀቅበት ጊዜ የማህፀን ሽፋን ይፈስሳል። በየወሩ እንቁላል ካልተለቀቀ ደግሞ ሽፋኑ እየተገነባ ወፍራም ይሆናል። ወፍራም የሆነ የማህፀን ሽፋን ለ endometrial ካንሰር ተጋላጭነትን ይጨምራል።

♦️የመንፈስ ጭንቀት
የሆርሞን ለውጦች እና ያልተፈለገ የፀጉር እድገት ያሉ ምልክቶች በስሜት ላይ አሉታዊ ተጽዕኖ ያሳድራሉ። ፒሲኦኤስ ያለባቸው ብዙዎች የመንፈስ ጭንቀት ይኖርባቸዋል ።

♦️እርግዝና እና PCOS
PCOS መደበኛውን የወር አበባ ዑደት ያቋርጣል እና ለማርገዝ ከባድ ያደርገዋል። ፒሲኦኤስ ያለባቸው ሴቶች ከ70 እስከ 80 በመቶው የማርገዝ ችግር አለባቸው። ይህ ሁኔታ የእርግዝና ችግሮችን የመጋለጥ እድልን ይጨምራል።

ሌላው ፒሲኦኤስ ያለባቸው ሴቶች ልጃቸውን ያለጊዜው የመውለድ እድላቸው ከሌላቸው ሴቶች በእጥፍ ይበልጣል። እንዲሁም ለፅንስ መጨናገፍ፣ ለደም ግፊት እና የስኳር በሽታ የበለጠ ተጋላጭ ናቸው።
ነገር ግን፣ ፒሲኦኤስ ያለባቸው ሴቶች እንቁላልን የሚያሻሽሉ የወሊድ ህክምናዎችን በመጠቀም ማርገዝ ይችላሉ። ክብደትን መቀነስ እና የደም ስኳር መጠን መቀነስ ጤናማ እርግዝና የመፍጠር እድሎችን ያሻሽላል።

♦️PCOSን ለማከም የሚረዱ አመጋገብ እና የአኗኗር ዘይቤዎች
የ PCOS ሕክምና ብዙውን ጊዜ የሚጀምረው እንደ ክብደት መቀነስ፣ አመጋገብ እና የአካል ብቃት እንቅስቃሴ ባሉ የአኗኗር ዘይቤ ለውጦች ነው። ከ5 እስከ 10 በመቶ የሚሆነውን የሰውነት ክብደት መቀነስ የወር አበባ ዑደትን ለመቆጣጠር እና የ PCOS ምልክቶችን ለማሻሻል ይረዳል።
ክብደት መቀነስ እንዲሁም፦
●የኮሌስትሮል መጠንን ማሻሻል
● ዝቅተኛ ኢንሱሊን የልብ በሽታ እና የስኳር በሽታ አደጋዎችን ለመቀነስ ይረዳል። ሌላው ለ30 ደቂቃ መጠነኛ የአካል ብቃት እንቅስቃሴ በሳምንት ቢያንስ 3 ቀናት ማድረግ ፒሲኦኤስ ያለባቸውን ሴቶች ክብደታቸውን እንዲቀንሱ ይረዳል። የአካል ብቃት እንቅስቃሴ በማድረግ ክብደት መቀነስ የእንቁላልን እና የኢንሱሊን መጠንን ያሻሽላል። የአካል ብቃት እንቅስቃሴ ከጤናማ አመጋገብ ጋር ሲጣመር የበለጠ ጠቃሚ ነው።

♦️ የሕክምና ዘዴዎች
የወሊድ መቆጣጠሪያ ክኒኖች እና ሌሎች መድሃኒቶች የወር አበባ ዑደትን ለመቆጣጠር እና እንደ የፀጉር እድገት እና ብጉር ያሉ የ PCOS ምልክቶችን ለማከም ይረዳሉ።

◼️ ወሊድ መቆጣጠሪያ ፕሮጄስትሮን በየቀኑ መውሰድ

●መደበኛ የሆርሞን ሚዛን ለመመለስ
● ovulationንን ለመቆጣጠር
● ከመጠን በላይ የፀጉር እድገት ያሉ ምልክቶችን ለማስወገድ
● ከ endometrium ካንሰር ለመከላከል። ይህ ሆርሞን
በ pill በ ኪኒን መልክ ይወሰዳሉ።

◼️ Metformin (Glucophage, Fortamet)
metformin ማለት ለtype 2 የስኳር በሽታን ለማከም የሚሰጥ መድሃኒት ነው።
በተጨማሪም የኢንሱሊን መጠን በማመጣጠን ፒሲኦኤስን ለማከም ይረዳል። አንድ ጥናት እንዳመለከተው ሜቲፎርሚንን መውሰድ ክብደት መቀነስን እንደሚያሻሽል፣ የደም ስኳር መጠን እንዲቀንስ እና መደበኛ የወር አበባ ዑደትን ወደነበረበት እንዲመለስ ከአመጋገብ እና የአካል ብቃት እንቅስቃሴ ለውጦች የተሻለ ነው።

◼️ክሎሚፊን (ክሎሚድ)
Clomiphene (Clomid) ይህ መዳኒት በእርግዝና ጊዜ ፒሲኦኤስ ላለባቸው ሴቶች ለማርገዝ እንዲችሉ የሚረዳ መድኃኒት ነው። clomid ከዚህም ሌላ መንታ የማርገዝ እድልንም ይጨምራል።

◼️ ሌትሮዞል
letrozole የጡት ካንሰርን ለማከም የሚረዳ መድሃኒት ነው። ነገር ግን letrozole አንዳንድ ጊዜ ovariesን ለማነቃቃት ይጠቅማል።
በብዛት ግን letrozole የጡት ካንሰርን እንጂ pcos ን ለማከም አይመረጥም።

◼️Eflornithine (vaniqa)
ይህ ክሬም ሲሆን የፀጉር እድገትን የሚቀንስ በሐኪም የሚታዘዝ መድኃኒት ነው። በቆዳ ላይ የሚፈጠረውን ፀጉርን ለማስወገድ እና በፊት ላይም የሚፈጠረውን የማይፈለጉ ፀጉሮችን ያስወግዳል።

◼️ ቀዶ ጥገና
ሌሎች ሕክምና መድሃኒቶች የማይረዱ ከሆነ ቀዶ ጥገና የእርግዝና ችሎታን ለማሻሻል አማራጭ ይሆናል።
ovarian drilling የሚባለው ሂደት መደበኛውን ovulation ወደነበረበት ለመመለስ በሌዘር ወይም በቀጭን በሚሞቅ መርፌ በእንቁላል ውስጥ ያሉ ጥቃቅን ቀዳዳዎችን በመጠቀም የሚሰራ ሂደት ነው።

ሐኪም ጋር መቼ መሄድ ያስፈልጋል ?

●እርጉዝ ሳትሆኑ የወር አበባችሁ ከቀረ
●በፊታችሁ ወይም በሰውነታችሁ ላይ የፀጉር እድገትን ካለ
●ከ 12 ወራት በላይ ለማርገዝ ሞክራችሁ ካልተሳካ ●የስኳር በሽታ ምልክቶች ካያችሁ ለምሳሌ ከመጠን በላይ ጥማት ወይም ረሃብ፣ የዓይን ብዥታ፣ ወይም ክብደት መቀነስ አይነት ምልክቶች ካያችሁ
ምንም እንኳን PCOS ቢኖርባችሁም እርግዝና ሊፈጠር ይችላል።
ፒሲኦኤስ (PCOS) ካለባችሁ መደበኛ የሆነ የህክምና ክትትል ልታደርጉ ይገባል።

ሼር በማድረግ ሌሎችንም አስተምሩ።🙏🙏🙏

ምክረ ጤና - Health info

24/09/2022

22/09/2022

01/09/2022

28/08/2022

27/08/2022

25/08/2022

19/08/2022

16/08/2022

14/08/2022

11/08/2022

06/08/2022

Address

Website

Alerts

Contact The Practice

Shortcuts

Share

Category