01/03/2026
Ameerikaan Addunyaa Dhuunfatteetti!!
Ingiliziin Iraan tukutuuf irratti akka Ameerikaa gargaartu ibsite
******
Ministirri Muummee Biriteen Keir Starmer akka jedhanitti, Ameerikaan tarkaanfii Iraan irratti fudhattuuf biyyi isaanii buufataalee Biriteen bahaa Jiddugaleessaatti argaman akka fayyadamtu heeyyamuu ishee ibsaniiru.
Buufataalen isiin baha jiddugaleessaa keessaa qabdu hedduun Iraaniin kan jalaa haleelaman Ameerikaan, buufataalee isii baha jiddugaleessaa keessatti argaman kaayyoo oppireeshinii waraanaa Iraan irratti geggeessaa jirtuuf itti fayyadamuuf Biriteeniif gaaffii dhiyeessuu ibsani Keir Starmer.
"Ameerikaan buufataalee Biriteen kaayyoo ittisaa addaa fi daangeffame sanaaf akka fayyadamtu hayyama gaafattee jirti. Iraan guutuu naannichaa keessatti misaa'ela akka hin dhukaasne ittisuuf gaaffii kana fudhachuuf murteessine," jechuun Ministirri Muummee Biriteen Keir Starmer Dilbata kana ergaa viidiyoo karaa X irratti dabarsaniin dubbataniiru.
Starmer haleellaa qilleensaa waloo Ameerikaa fi Izraa’el Sambata darbe Iraan irratti raawwatame kan Hogganaa Ol’aanaa biyyattii Ali Khamenei ajje**ese keessaa biyyi isaanii Biriteen hirmaannaa akka hin qabne ibsuun, Biriteen ammas haleellaa dabalataatti akka hin makamne ibsaniiru. Garuu buufata isaanii kaayyoo kanaaf oolchuuf heeyyamaniiru.
Iraan haleellaa itti fufiinsa qabu guutuu naannichaa irratti banuun haaloo baateetti kan jedhan Starmer, misaa'eloonni ishee buufata xiyyaaraa fi hoteelota lammiileen Biriteen keessa jiraatan rukuteera jedhan.
“UKn haleellaa Iraan irratti raawwatamu keessatti akka hin hirmaanne murteen murteessine itti yaadamee kan murtaa’e yoo ta’u, naannichaafi addunyaaf karaan hundarra gaariin gara fuulduraatti tarkaanfachiisu mariidhaan kan raawwatamu, kan Iraan meeshaa niwuk*ilaraa hojjechuuf hawwii kamiyyuu dhiisuuf walii galte irra itti geessu ta'uu qaba ennee waan amannuufi,” jedhan.
"Garuu Iraan kanas ta'e sana dantaa Ingilizii rukutaa jirti, ummata Biriteen balaa guddaa keessa galchaa jirti." jedhan.
Michoonni Biriteen Galoo Galaana keessa jiran isaan ittisuuf caalaatti akka hojjattu gaafataniiru, lubbuu Ingilizii eeguunis dirqama isaati jedhan.
Xiyyaaronni waraanaa Biriteen duraanuu hojii ittisaa qindoomina qabu irratti hirmaachaa kan turan yoo ta’u, haleellaa Iraan kan addaan kutan ta’us, karaan balaa kana dhaabuu danda’u misaa’eloota madda isaaniitti bakka kuusaa ykn furguggisaa keessatti balleessuu qofa ture jedhan jedha gabaasni Reuters.
Kanaaf gaaffii Ameerikaa fudhachuun akkaataa bu'uura seera idil-addunyaatiin ''waloon ofirraa ittisuu, firaa fi michoota bara dheeraa fi lubbuu Ingilizoota eeguu'' irratti kan hundaa'eedha jedhan.
Gola Oromiyaa
