ስለ ጤናዎ ምን ያውቃሉ ጠቅላላ እውቀትGeneral knowledge ethiohakim

11/04/2026

07/04/2026

የራት ሰዓት እና ጤናችን

* ለምንድነው ከመተኛታችን ከ2 እስከ 3 ሰዓት በፊት መመገብ ያለብን?

| "ራትዎን ሁልጊዜም ከመተኛትዎ ቢያንስ ከ2 እስከ 3 ሰዓታት በፊት ይመገቡ" ስንል፣ ዝም ብሎ የተለመደ ምክር ከመስጠት ባለፈ ጥልቅ የሆነ ሳይንሳዊ ምክንያት አለው። ሰውነታችን የተፈጥሮ የሰዓት እቅድ (Circadian Rhythm) አለው፤ ፀሀይ ስትጠልቅ የውስጥ አካላቶቻችንም ዕረፍት ለማድረግ ይዘጋጃሉ።

ማታ ከመተኛታችን በፊት ዘግይተን መመገብ በጤናችን ላይ የሚያመጣቸውን ተጽእኖዎች እና የዚህን ምክር ሳይንሳዊ ፋይዳዎች እንመልከት፦

1. የጨጓራ ቃጠሎንና አሲድ መመለስን (GERD) ይከላከላል

ምግብ ከተመገብን በኋላ የምግብ መፈጨት ስራ በአግባቡ እንዲካሄድ የሰውነታችን አቀማመጥ (ቀጥ ብሎ መሆን) እና የስበት ሀይል (Gravity) ትልቅ ሚና ይጫወታሉ።

ተመግበን ወዲያው ስንተኛ፣ በጨጓራችን ውስጥ ያለው አሲድ እና ያልተፈጨ ምግብ ወደ ላንቃችን (Esophagus) ይመለሳል። ይህ የጨጓራ ቃጠሎን፣ የደረት ህመምን እና በረጅም ጊዜ ደግሞ የጉሮሮ ቁስለትን ያመጣል። 2 ወይም 3 ሰዓት መጠበቅ ግን ጨጓራችን ምግቡን ፈጭቶ ወደ አንጀት እንዲያሳልፍ በቂ ጊዜ ይሰጠዋል።

2. ለጥልቅ እና ጣፋጭ እንቅልፍ ይረዳል

ሰውነታችን ጥልቅ እንቅልፍ (Deep Sleep) ውስጥ ለመግባት፣ የሰውነታችን የሙቀት መጠን (Core body temperature) በትንሹ መቀነስ አለበት።

ነገር ግን ተመግበን ወዲያው ስንተኛ፣ ሰውነታችን ምግቡን ለመፍጨት ከፍተኛ ጉልበት ስለሚጠቀም የሰውነታችን ሙቀት ይጨምራል።

በተጨማሪም የምግብ መፈጨት ሂደት የእንቅልፍ ሆርሞን የሆነውን "ሜላቶኒን" (Melatonin) ምርት ያዛባል። ለዚህም ነው መሽቶ ከተመገብን በኋላ እንቅልፍ እምቢ የሚለን ወይም በተደጋጋሚ የምንባንነው።

3. የክብደት መጨመርን እና የስኳር መጠንን ይቆጣጠራል
ማታ ላይ የሰውነታችን ኢንሱሊን (Insulin) የመጠቀም አቅም ይቀንሳል።

ማታ ዘግይተን ስንመገብ፣ በደም ውስጥ ያለው የስኳር መጠን በከፍተኛ ሁኔታ ይጨምራል። ሰውነታችን ደግሞ ማታ ላይ ጉልበት ስለማይፈልግ፣ ያንን ትርፍ ስኳር በቀጥታ ወደ ስብነት (Fat) ቀይሮ ያከማቸዋል።

ራትዎን ቀደም ብለው መመገብ ግን ይህንን አደጋ በመቀነስ የክብደት ቁጥጥርን ያቀልላል።
____
ሳይንሳዊ ማስረጃዎች
• The American Journal of Gastroenterology
• Journal of Clinical Endocrinology & Metabolism (JCEM)
• Sleep Medicine Reviews

የባለሙያ ምክር፦
ከዛሬ ጀምሮ ራትዎን ከመተኛትዎ 3 ሰዓት በፊት የመመገብ ልማድን ይጀምሩ። ከተቻለ ደግሞ ከራት በኋላ ለ10 ወይም 15 ደቂቃ ቀለል ያለ የእግር ጉዞ ያድርጉ።

በጥቂት ቀናት ውስጥ በእንቅልፍዎ ጥራት እና በጠዋት ንቃትዎ ላይ ያለውን አስደናቂ ለውጥ ያዩታል!

ባምላኩ, ከጅማ ህክምና ማዕከል

05/04/2026

ወይ ነፂ

02/03/2026

ከሁለት ቀን በፊት ኢራን የሆርሙዝን መተላለፊያ መስመር ጠርቅማ መዝጋቷን ያሳወቀች ሲሆን ለማስከፈት የተንቀሳቀሱ ከሶስት የማያንሱ የአሜሪካ መርከቦችን ማሰናከሏ ተነግሯል
የሆርሙዝ ሰርጥ በኢራን መዘጋት የሚያስከትለው ዳፋ.....
የሆርሙዝ የባህር ወሽመጥ በኢራን ሲዘጋ የትኞቹ ሀገሮች በይበልጥ ተጎጂ ይሆናሉ?

በቅድሚያ የሆርሙዝ የባህር መተላለፊያ ስፋቱ 33km የሆነ ወሸመጥ ሲሆን የሚገኘውም በኢራን፣ኦማን እና UAE (አረብ ኢምሬት) መካከል የሚገኝ ጠባብ የባህር መተላለፊያ ነው።
በዚህ የሆርሙዝ መተላለፊያ ሰርጥ 20/100 የአለማችን ነዳጅ መሸጋገሪያ ሲሆን በየቀኑ 17ሚሊየን በርሜል ነዳጅ ይተላለፍበታል።ይህን መተላለፊያ የህይወት በር አድርገው የሚጠቀሙበት ሀገሮች ኢራንን ጨምሮ ኩዌት ፣ ባህሬይን ፣ ኳታር ፣ሳኡዲ አረቢያ እና ዩናይትድ አረብ ኢምሬት (UAE) ናቸው።
ሳኡዲአረቢያ ፣ ኩዌት እና ኳታር ዘጠና በመቶ የነዳጅ ምርታቸው ለተቀረው አለም የሚያስተላልፉት በዚህ የሆርሙዝ የባህር በር ነው።

ኢራን ይህንን የሆርሙዝ ወሽመጥ ስትዘጋ የሚከተሉት ሀገራት በከፍተኛ ደረጃ ኢኮኖሚያዊ መንኮታኮት ያጋጥማቸዋል።

* የመጀመሪያዋ ተጎጂ የምትሆነው ሀገር ህንድ ናት ። ምክንያቱም 85/100 የሆነውን ነዳጅ የምታስገባው በዚህ የባህር በር በመሆኑ በሚደርስባት እጥረት
የነዳጅ ዋጋ ሰማይ ጠቀስ ይሆናል። በነዳጅ የሚንቀሳቀሱ ሁሉም ኢንዱስትሪዎች መንኮታኮት ይገጥማቸዋል። ፋብሪካዎች ይዘጋሉ (ይቆማሉ) ሰራተኞች ይበተናሉ ፣ ስራ አጥነት ይበልጥ ይንሰራፋል
* በሆርሙዝ የባህር በር መዘጋት ሁለተኛ ተጎጂዋ ሀገር ቻይና ትሆናለች። ቻይና የአለም ትልቋ ነዳጅ ወደ ሀገሯ የምታስገባ ሀገር ስትሆን በየ ቀኑ አስር ሚሊየን በርሜል
ነዳጅ ወደ ቻይና ይገባል። ቻይና ወደ ሀገሯ ከምታስገባው ነዳጅ 40/100 የሚሆነውን የምታገኘው በዚሁ በሆርሙዝ መተላለፊያ ነው (ከራሺያ እና ሴንትራል ኤዢያ በዘረጋችው ፓይፕ ላይን የምታስገባው
20/100 የሚሆነውን እንኳን አይሸፍንላትም) በመሆኑም የሆርሙዝ መስመር መዘጋት ማለት የቻይና የኢኮኖሚ ከፍተኛ መንገራገጭ ይገጥመዋል።
*ሶስተኛዋ ተጎጂ የምትሆነው ሀገር ጃፓን ትሆናለች።
ጃፓን 90/100 የሚሆነው የነዳጅ ፍላጎቷን የምታሟላው ከሌሎች ሀገሮች በማስገባት ሲሆን
75/100 የሚሆነውን ነዳጅ የምታገኘው በሆርሙዝ መተላለፊያ የሚሸጋገረውን ነው።
*አራተኛ ተጎጂ የምትሆነው ሳኡዲ አረቢያ ትሆናለች።
ከ 80-90/100 የሚሆን የነዳጅ ምርቷን ለአለም ገበያ የምታቀርበው በሆርሙዝ የባህር ሰርጥ ሲሆን የተቀረውን 10/100 ለገበያ የምታቀርበው በቀይ ባህር በኩል ሲሆን ከሰሞኑ የ ቀይ ባህርን መተላለፊያ የየመን ሀይሎች ሙሉ በሙሉ እንደዘጉት የሚታወቅ ነው። ይህ ማለት ከሳኡዲ አረቢያ ወደተቀሩት አለማት ለገበያ የሚውል አንዳች የነዳጅ መስመር የላትም ማለት ነው።
ሳኡዲ አረቢያ ይህን መሰል አፈና ደርሶባት ለመታገስ አቅም ይኖራታል ተብሎ ስለማይታመን የምትወስደው ቀደምት እርምጃ የሚሆነው ምናልባትም በኢራን የተዘጋውን መስመር ተዋጊ ጀቶቿን በማሰማራት በሀይል ለማስከፈት ትሞክራለች ተብሎ ይገመታል (ያ ደግሞ በአከባቢው ላይ የባሰ አለመረጋጋትን ያስከትላል)
* አምስተኛዋ ተጎጂ ሀገር ፓኪስታን ትሆናለች ። 90/100 የነዳጅ ፍላጎቷን የምታስገባው በሆርሙዝ የባህር መተላለፊያ መንገድ ነው። ነዳጁን ማግኘት ካልቻለ የገበያ አለመረጋጋት በሰፊው ያጋጥማታል።
ከሌሎች ሀገሮች በተለየ ፓኪስታን በኢራን ላይ እንዳትነሳ የሚያደርጋት 45/100 የሚሆነውን የነዳጅ ምርቷን ከኢራን የምታገኘው ኮንትሮባንድ በሚያመላልሱ ተሽከርካሪዎች ምታስገባ በመሆኑ የእፎይታ ግዜ የምታገኝ ትሆናለች።
* ሌላኛዋ ሀገር UAE (አረብ ኢምሬት) ስትሆን 75/100 ነዳጅዋን ለገበያ የምታቀርበው በዚሁ በሆርሙዝ የባህር በር ነው
* በሆርሙዝ የባህር በር መዘጋት ኢኮኖሚያዊ ጉዳት የሚያጋጥማቸው ጀርመን ፣ ኢጣልያ ፣ ፈረንሳይን የመሳሰሉት ይሆናሉ። በአቨሬጅ 10/100 የሚሆነውን የነዳጅ ፍላጎታቸውን የሚያሟሉት በሆርሙዝ የባህር ወሽመጥ በኩል ነው።
** ሲጠቃለል የሆርሙዝ መስመር በኢራን መዘጋት የአንድ በርሜል ነዳጅን ዋጋ እስከ $150 ያደርሰዋል የሚል እምነት አለ።

12/02/2026

የቻይናው "በራሪ ሆስፒታል" የመጀመሪያውን ታሪካዊ ቀዶ ጥገና አደረገ! ✈️🇨🇳

​l| C909 የተሰኘው አውሮፕላን ወደ ዘመናዊ ሆስፒታል ተቀይሮ በላኦስ የህክምና ታሪክ እየሰራ ነው

​ቻይና በራሷ ቴክኖሎጂ የገነባችውና C909 የተሰኘው ዘመናዊ የአውሮፕላን ስፔሻላይዝድ ሆስፒታል (Flying Hospital)፤ በላኦስ ዋና ከተማ ቪየንቲያን የመጀመሪያውን የተሳካ ቀዶ ጥገና በማከናወን አዲስ ታሪክ አስመዝግቧል።

​ምን እየተሰራ ነው?
ይህ በራሪ ሆስፒታል ለላኦስ ነዋሪዎች የአይን፣ የአፍንጫ እና የጉሮሮ ህክምናዎችን ጨምሮ ልዩ ልዩ የቀዶ ጥገና አገልግሎቶችን በሰማይ ላይ በሚገኘው ዘመናዊ ክፍል ውስጥ እየሰጠ ይገኛል።

​ከህክምናው ባሻገር:
የቻይናው የህክምና ቡድን ቀዶ ጥገና ብቻ ሳይሆን ለሀገሪቱ ባለሙያዎች ስልጠና እየሰጠ እና የቁሳቁስ ድጋፍ እያደረገ ነው።

ፕሮግራሙ እስከ ፊታችን እሁድ የሚቀጥል ሲሆን፤ ቻይና በጤናው ዘርፍ ያላትን የቴክኖሎጂ ምጥቀት ለዓለም ያስመሰከረችበት አጋጣሚ ሆኗል።

​ቴክኖሎጂ ለሰው ልጅ ህይወት ሲውል!

04/02/2026

የሳንባ ምች በሽታን በቀላሉ የሚመረምር የአይጥ ዝርያ በኢትዮጵያ አገልግሎት እየሰጠ ነው
- አይጦቹ እያንዳንዳቸው አምስት ሺህ ዩሮ ያስወጣሉ
**************
ዘ ዴይሊ ሜይል
ፊንፊኔ፡ የአይጡ ስም ሲጠቀስ፣ ስሜታችን ከሚያስከትላቸው ጥፋት ጋር የተያያዘ ነው፣ ነገር ግን የአፖፖ አይጦች ዝርያ በኢትዮጵያ አስደናቂ የሕክምና አገልግሎቶችን እየሰጠ መሆኑን ስንነግርዎ፣ ሊያስገርሙዎት ይችላሉ።

ዘመናዊ እና በሳይንስ ላይ የተመሰረቱ የሕክምና አገልግሎቶችን በማቅረብ ረገድ፣ እንደ ኤሌክትሮኒክ ብቻ ነው የምናስበው።

ነገር ግን በኢትዮጵያ በአላርቲ ሆስፒታል (አርማዋር ሃንሳን) የሚገኘው የቲቢ (ቲቢ) ምርመራ በአይጥ የሚደገፈውን የሕዝብ ጤና እያረጋገጠ ነው።

1.5 ኪሎ ግራም አይጥ በጥቂት ደቂቃዎች ውስጥ የሳንባ ነቀርሳ (ቲቢ) ምርመራ እያደረገ ሲሆን ታካሚዎች ህክምናውን ቀደም ብለው እንዲጀምሩ ያስችላቸዋል ሲሉ በአርማዋር ሃንሳን የአፖፖ ድጋፍ የተደረገለት የአይጥ ቲቢ ምርምር ኃላፊ ዶ/ር ንጉሴ ባያና ሐሙስ ዕለት ለባሪሳ ተናግረዋል።

ዶ/ር ንጉሴ አሃሪ በምርምር እና በጥናት እንዲሁም የሕዝብ ጤና ችግሮችን ለመፍታት የሕክምና መሳሪያዎችን ፈጠራ ላይ ትኩረት ማድረጉን ተናግረዋል።

የአሃሪ ጥናት አካል እንደመሆኑ መጠን የአፖፑ አይጥ የሰውን ምራቅ ናሙና ወደ ውስጥ በማስገባት በደቂቃዎች ውስጥ የሳንባ በሽታ መኖሩን ይለያል ብለዋል።

ዶ/ር ንጉሴ አንድ ሰው የሳንባ በሽታ እንዳለበት በማይክሮስኮፕ ለማረጋገጥ እስከ ሁለት ሰዓታት እንደሚፈጅ ተናግረዋል። ነገር ግን የአፖፖ አይጦችን በተመለከተ በደቂቃዎች ውስጥ ሊታወቅ ይችላል።

እንደ እርሳቸው ገለጻ፣ አንድ ሰው የሳንባ ምች ካለበት፣ የተዘጋጀውን ሳል ወደ ውስጥ በመሳብ ጢሙን ደጋግሞ ይላጫል እና ለጤና ባለሙያዎች ሪፖርት ያደርጋል።

በቢሮ ውስጥ የሚሰሩ የጤና ባለሙያዎች የአይጦቹን እንቅስቃሴ ከጅምሩ እስከ መጨረሻው ይከታተላሉ፣ መረጃ ይሰበስባሉ፣ የምርመራውን ውጤት ያሳውቃሉ እና በበሽታው የተያዙ ሰዎች ህክምና እንዲጀምሩ ያበረታታሉ ብለዋል።

በፊንላንድ ደረጃ ብቻ፣ በአጉሊ መነጽር ምርመራ ተደርጎላቸው ነፃ እንደሆኑ ከተገለጹት 170,000 ሰዎች መካከል 3,000 የሚሆኑት በአፖፖ አይጦች እንደገና ምርመራ ተደርጎላቸው በበሽታው እንደተያዙ እና ህክምና እንዲጀምሩ ተደርገዋል።

አፖፖ የተባለው የአፍሪካ አይጥ ዝርያ በታንዛኒያ የዘጠኝ ወር የሳንባ በሽታ ምርመራ ስልጠና ማግኘቱን የቤልጂየም በጎ ፈቃደኛ ድርጅት በሰጠው ስጦታ ገልጿል።

እንደ እድሜያቸው እስከ ስምንት ዓመት ድረስ መኖር ይችላሉ፤ በአሁኑ ጊዜ በአላርት ሆስፒታል እየታከሙ ነው።

እያንዳንዳቸው እስከ 5,000 ዩሮ የሚደርስ ወጪ ያስወጣሉ እና የሳንባ ምች ምርመራ ማድረግ፣ ፈንጂዎችን ማስወገድ እና የመሬት መንቀጥቀጥ ተጎጂዎች የሚገኙበትን ቦታ መረጃ መስጠት ይችላሉ።

በኢትዮጵያ ብቻ በሳንባ በሽታ ምርመራ አገልግሎት ስልጠና የወሰዱ ናቸው ሲሉ ዶ/ር ንጉሴ ተናግረዋል።

ዓይኖቻቸው ከተወለዱ ከአንድ ወር በኋላ እንደተከፈቱ የዘጠኝ ወር ስልጠና እና ምርመራ አድርገዋል። አምስት የአፖሎ አይጦች በአሁኑ ጊዜ በሆስፒታሉ ውስጥ እያገለገሉ መሆናቸውን ተናግረዋል። አምስት ተጨማሪ አይጦች በቅርቡ ወደ አገሪቱ እንደሚገቡ ተናግረዋል።

02/02/2026

እየሞከርኩኝ ነዉ! ምን እየሞከራችዉ ነዉ?

27/01/2026

የሆድ ጋዝን (ፈስን) ወደ ጽጌረዳና ቸኮሌት መዓዛ የሚቀይር ክኒን ለገበያ ቀረበ!

| በመጥፎ ሽታ ምክንያት በሰው ፊት መሸማቀቅ ይበቃል! አንድ ፈረንሳዊ የፈጠራ ሰው ለብዙዎች ማህበራዊ ፈተና የሆነውን የሆድ ጋዝ ሽታ ወደ አስደሳች መዓዛ የሚቀይር አስገራሚ መፍትሄ ይዘው መጥተዋል።

የፈጠራው መነሻ፦

ክርስቲያን ፖይንቼቫል የተባሉት ግለሰብ ይህን የፈጠራ ስራ የጀመሩት ከአመታት በፊት ከጓደኞቻቸው ጋር ከተመገቡት ከባድ እራት በኋላ በተፈጠረ እጅግ መጥፎ ሽታ ምክንያት ነበር። ያ አጋጣሚ "ለምን ሽታውን መቀየር አንችልም?" የሚል ጥያቄ እንዲጭርባቸው አደረገ።

💊 ክኒኑ እንዴት ይሰራል?

"ሉቲን ማሊን" በሚል የንግድ ስም የቀረቡት እነዚህ ክኒኖች ሙሉ በሙሉ ከተፈጥሮ ግብዓቶች የተሰሩ ናቸው።

* ግብዓቶቹ፦ የአትክልት ከሰል፣ ፈንጃል፣ የባህር አረም፣ ብሉቤሪ እና ኮኮዋ ይገኙባቸዋል።

* መዓዛዎች፦ እንደ ምርጫዎ የሆድ ጋዝዎን ሽታ ወደ ጽጌረዳ፣ ቫዮሌት፣ ቸኮሌት ወይም ጅንጅብል መዓዛ ይቀይሩታል።

* አወሳሰድ፦ ለተሻለ ውጤት በቀን ከሁለት እስከ ስድስት ክኒኖችን ከምግብ ጋር መውሰድ ይመከራል።

🐶 ለውሾችም መፍትሄ አለው!
ፈጣሪው ለሰዎች ብቻ ሳይወሰኑ፣ ተመሳሳይ ችግር ላለባቸው የቤት እንስሳት (ውሾች) የሚሆን የዱቄት መፍትሄም አዘጋጅተዋል።

🎁 ተወዳጅ ስጦታ፦

በተለይ በበዓላት ወቅት ሰዎች ይህንን ክኒን ለጓደኞቻቸው እንደ አስቂኝ ስጦታ ስለሚገዟቸው ሽያጩ በከፍተኛ ሁኔታ እንደሚጨምር ተገልጿል። ክኒኑ ዋነኛ ግቡ ችግሩን ማከም ሳይሆን፣ ጋዝ በሚፈጠርበት ወቅት የሚኖረውን መጥፎ ሽታ በመሸፈን መሸማቀቅን ማስቀረት ነው።

19/01/2026

በ .ያሬድ ሹመቴ
መቐለ፦ ወደ ቀረጻ ቦታ ለመሄድ ከሆቴላችን እንደወጣን አንዲት ወጣት ልጅ እየሮጠች መጥታ ተጠመጠመችበት። "እናቴ በጣም ትወድሃለች። እዚህ ሆቴል ከሆነ ያረፋችሁት ስራ ስትጨርሱ ይዣት ልምጣ?" አለችው። የእናቷን ስም እና ሰፈራቸውን ጠይቃት። ነገረችው። ተሰናብተናት ሄድን።

ስራ ውለን እንደጨረስን ኮንትራት ባጃጅ ጠርቶ "እቃ መስብሰቡን ለነሱ (ለባልደረቦቼ) ተውላቸውና አንድ ቦታ አብረን እንሂድ አለኝ። በባጃጅ የሆነ መንደር ይዞኝ ሄዶ "የአደይ [እከሊት] ቤት የት ነው?" እያለ፤ ከጠየቃቸው ሰዎች ጋር ሁሉ ፎቶ እየተነሳን ሰፈሩን አካለልነው።

የልጅቷ እናት የቤት ስራ ይዘው አገኘናቸው። ሰው በተለየ [ሰርፕራይዝ] እንደዚያ ሲያለቅስ ዐይቼ የማውቅ አይመሰለኝም።

አደይ ልጃቸው እንኳ ቤት ተመልሳ አልነገረቻቸውም ነበርና የተፈጠረውን ነገር ማመን አቅቷቸው አቅፈውት ያለቀሱን በሕይወቴ ከማልረሳቸው አጋጣሚዎቹ አንዱ ነው።

ሽሬ፦ የቀረጻ ዝግጅታችንን ጨርሰን እሱን ከገባር ሽሬ ሆቴል ለማምጣት ሄድኩ። የተዘጋጀልንን ባለ አንድ ጋቢና ፒክ አፕ መኪና በር ላይ ትቼው ወደ ሆቴል ገባሁ።

ነጺን ይዤው ስወጣ ሾፌሩ የሚያውቃቸውን ሁለት ሰዎች እግረ መንገዱን ሊተባበራቸው ጭኖ ጠበቀኝ።

ሰዎቹ የወንበሩን አለመብቃት አይተው ሊወርዱ ሲሉ ነጺ የፒካፑ መጫኛ ላይ ዘሎ ወጣ። ተከትዬው ወጣሁ ሰዎቹ ቢለምኑት አልወርድም አለ። የሽሬ ከተማን ሞቃታማ አየር የፒካፑ አናት ላይ ተጭነን አቀዘቀዝነው።

ጎንደር ፦ የመስቀል ደመራ በዓል ቀን ነበር ስራችን። ሁሉም ቦታ ሰው ተሰብስቦ በዓል ያከብራል። ወደ ማምሻው ላይ የምናካሂደው ቀረጻ በበዓሉ ዐውድ ምክንያት አስቸግሪ ሆነብን። እሱን ለመጨበጥ፤ ፎቶ አብሮ ለመነሳት፤ የሚሰራውን ቀረጻ ለማየት የሚጋፋው ሰው ሲበዛ የአካባቢው የጸጥታ ሰዎች በዱላ እየደበደቡ ህዝቡን መበተን ያዙ።

አንድ ቦታ ላይ ድብድብ የሚመስል ግርግር ሲበዛብኝ የተፈጠረውን ለማየት ተጠጋሁ። ነጻነት አንዱን ባለዱላ [ፖሊስ] አንገቱን አንቆ "ለምን በዱላ ሰው ትቀጠቅጣለህ?" እያለ ሲታገለው ደረስኩ። ገላግያቸው ስጨርስ ድምጹን ከፍ አድርጎ መናገር ጀመረ።

"ቀረጻ ሲያልቅ ፎቶ እንነሳለን፤ እንዲያውም ከእናንተ ጋር አብሬ አመሻለሁ። አሁን ግን ድምጽ ሳታሰሙ በዚህ በግራ በኩል ቆማችሁ የምንሰራውን ማየት ትችላላችሁ" ብሎ ተናገረ።

የተሰበሰበው ህዝብ ነጺ የሰጠውን ቦታ በፍጥነት ያዘ። የአካባቢው የጩኸት ድምጽ እረጭ አለ። ቀርጸን ስንጨርስ ጠላችንን እየጠጣን ስንጫወት አመሸን።

ጅማ፦
ድሬዳዋ፦
ሐረር፦
ባህርዳር፦
ደብረ ዘይት፦
ሐዋሳ፦
አዳማ፦
ደብረ ብርሐን.... ወዘተ

ሌሎችም ብዙ ከተማዎች፤ በርካታ የገጠር መንደሮችን በስራ አካለናል።

የመልካም ሰው መታሰቢያ ትዝታዎቻችን ይሆኑ ዘንድ ቀጥዬ እጽፋለሁ።

በቃ! ደስ እያለን ወንድማችንን ብናስበው ይሻላል።

18/01/2026

የሳቅ ንጉሱ ተሸኘ😭

ሰው ሆኖ ኖረ ሰው እንደሆነ አረፈ። እንዲህ ሀገር አከበረችው። ነፂ ነፍስህ በሰላም ትረፍ❗

16/01/2026

ነፃነት የሳቅ ኮከብ😭