ዕይታ /Perception

04/04/2026

🔥 የወንዶች ከፍተኛ የወሲብ ፍላጎት መጨመር (Hypersexuality)፦ በጥልቀት ሲታይ ⚠️

​ከፍተኛ የወሲብ ፍላጎት (High Libido) በተፈጥሮ የታደልነው ስጦታ ቢሆንም፣ ከቁጥጥር ውጭ ሲሆን ግን የዕለት ተዕለት ውሎን፣ ስራንና ማህበራዊ ህይወትን ሊያውክ ይችላል። ለዚህም ዋና ዋና መንስኤዎችና መፍትሄዎች የሚከተሉት ናቸው፦

​🎨 1. ዋና ዋና መንስኤዎች (Root Causes)

• ​🧬 የሆርሞን መናር (Hormonal Spikes)፦ በወንዶች ዘንድ የሚገኘው ቴስቶስትሮን (Testosterone) ሆርሞን ለወሲብ ፍላጎት ዋነኛው ተዋናይ ነው። ይህ ሆርሞን በተለይ በወጣትነት (ከ18-30 ዕድሜ) ከፍተኛ ደረጃ ላይ ስለሚገኝ፣ አእምሮ ሁልጊዜ በወሲብ ሃሳብ እንዲጠመድ ያደርጋል።

• ​🧠 የአንጎል ኬሚካሎች (Dopamine Loop)፦ የወሲብ ፊልም (Po*******hy) ማየት ወይም ማስተርቤሽን ማድረግ በአንጎል ውስጥ ዶፓሚን የተባለ "የደስታ ኬሚካል" እንዲረጭ ያደርጋል። አእምሮ ለዚህ ደስታ ሱስ (Addiction) ስለሚሆን፣ ሁልጊዜ ያንን ስሜት እንዲደጋገም ይወተውታል።

• ​🧘‍♂️ ስሜታዊ መሸሸጊያ (Emotional Escape)፦ ብዙ ወንዶች በስራ ሲጨነቁ፣ ሲደብራቸው ወይም ብቸኝነት ሲሰማቸው ያንን ስሜት ለመርሳት ወደ ወሲባዊ ሃሳቦች ይሸሻሉ። ይህ "የመቋቋሚያ ዘዴ" (Coping Mechanism) ይባላል።

​🛠️ 2. ተግባራዊ መፍትሄዎች (Practical Solutions)

• ​🏋️‍♂️ የሃይል ሽግግር (Sexual Energy Transmutation)፦ የወሲብ ስሜት ማለት "ሃይል" (Energy) ማለት ነው። ይህን ሃይል ካልተጠቀምንበት ይገፋፋናል። መፍትሄው ያንን ሃይል ወደ ሌላ ከባድ ስራ መቀየር ነው። ለምሳሌ፦ ከባድ ስፖርት መስራት (Gym/Pushups)፣ አዳዲስ ክህሎቶችን መማር (እንደ ግራፊክስ ዲዛይን ወይም ኮዲንግ)።

• ​🚫 "Trigger" (ቀስቃሽ) ነገሮችን ማጽዳት፦ ዓይን ያየውን አእምሮ ያሰላስለዋል። በፌስቡክ፣ በቲክቶክ ወይም በቴሌግራም የምትከተላቸውን ቀስቃሽ ገጾች ወዲያውኑ Unfollow አድርግ። አካባቢህን ከእንዲህ አይነት ምስሎች ማጽዳት ግማሽ ድል ነው።

• ​🧘‍♂️ የጾም እና የዲሲፕሊን ልምምድ፦ ምግብና መጠጥን መቆጣጠር (መጾም) ራስን የመግዛት (Self-control) ጡንቻን ያጠነክራል። ስሜት በመጣ ቁጥር "እሺ" አለማለትና አእምሮን ማዘዝ መልመድ ያስፈልጋል።

• ​🚿 የቀዝቃዛ ውሃ መታጠቢያ (Cold Showers)፦ ይህ በሳይንሳዊ መንገድ የተረጋገጠ ሲሆን፣ የቀዝቃዛ ውሃ መታጠብ የደም ዝውውርን በማስተካከልና የሰውነት ሙቀትን በመቀነስ የወሲብ መጎምጀትን ወዲያውኑ ለማብረድ ይረዳል።

​🚨 3. መቼ ነው ወደ ህክምና መሄድ ያለብን?

• ​ሁኔታው ከቁጥጥር ውጭ ሆኖ ስራህን ወይም ትምህርትህን እየጎዳ ከሆነ።

• ​ከፍላጎቱ ጋር ተያይዞ ከፍተኛ የጥፋተኝነት ስሜት ወይም ጭንቀት ካለብህ።

• ​የወሲብ ፍላጎቱ ከሌሎች የአእምሮ ጤና ምልክቶች (እንደ ከፍተኛ ቁጣ ወይም ድብርት) ጋር አብሮ የሚመጣ ከሆነ።

​"ወንድም ሆይ! ስሜትህ ሊመራህ አይገባም፤ አንተ ስሜትህን መምራት አለብህ።"

​"ይህ መረጃ ጠቃሚ ሆኖ ካገኙት ለወዳጅዎ Share ያድርጉት። ለተጨማሪ ተመሳሳይ የጤና እና የህይወት ክህሎት መረጃዎች ገጻችንን Follow በማድረግ ቤተሰብ ይሁኑ! 🙏"

23/01/2026

Ermyas Amelga

ትልቁ ነገር መኖር ነው ይህ ሁሉ ነገር ለመኖር ነው ተሳካ አልተሳካ ለመኖር ነው

22/01/2026

በህይወታችን አሁኑኑ ማሻሻል ያለብን 9 ነገሮችDr Wodajeneh Meharene | ዶ/ር ወዳጄነህ መሃረነ

እይታ ሳይኮሎጂ @እይታሳይኮሎጂእይታ ሳይኮሎጂ's channel | motivation | inspiring | dawit dreams | inspire ethiopia | ethiopian motivation | impact seminars | amharic motivati...

15/12/2025

የዕምሯዊ ጤናማ ልጆች ባህሪያት!

የልጆች አዕምሯዊ እድገት የእውቀት (cognitive) ህጻናት እንዴት እንደሚያስቡ፣ እንደሚያስሱ እና ነገሮችን እንደሚረዱ፤ የማህበራዊ (social) ልጆች በአካባቢያቸው ካሉ ሰዎች ጋር መገናኘትን እንዴት እንደሚማሩ እና ስሜታዊ (emotional) ልጆች ማን እንደሆኑ እና ምን እንደሚሰማቸው እንዴት እንደሚረዱ ያጠቃልላል፡፡

የልጆችን አካላዊ ጤንነት ከመከታተል በተጨማሪ ዕምሯዊ ጤንነታቸውንም ችላ አይበሉ፡፡ የልጆች የአእምሮ ጤንነት ከልጆች አስተሳሰብ፣ ስብዕና፣ እድገት እና እንዲሁም ከልጆች የትምህርት ችሎታ ጋር ይዛመዳል፡፡

የአእምሮ ጤንነት ልጆች ራሳቸውን እና አካባቢያቸውን የሚመለከቱበት መንገድ ነው፡፡ ይህ ልጁ ውጥረትን እና ተግዳሮቶችን ለመቋቋም ካለው ችሎታ ጋር ይዛመዳል።

የአዕምሯዊ ጤናማ ልጅ ባህሪዎች የሚከተሉትን ያካትታሉ:

1. የተረጋጋ ስሜት መኖር

የአእምሮ ጤናማ ልጆች ጥሩ እና ጨዋነት የተሞላበት ባህሪ ያሳያሉ። ልጁ ሁል ጊዜ ቁጣ አያሳድርም ወይም ጠበኛ አይሆንም። እንደዚህ ዓይነት ልጆች ደስተኛ እና በቀላሉ መላመድ የሚችሉ፣ መደበኛ የመኝታ፣ የመንቃት፣ የመብላት እና ሌሎች የዕለት ተዕለት እንቅስቃሴዎችን የሚያዳብሩ፣ በወላጆቻቸው ወይም ጓደኞቻቸዉ ላይ መጥፎና ያልተገባ ባህሪያትን የማያሳዩ ናቸዉ። እነዚህ ልጆች ለአዳዲስ ሁኔታዎች በቀላሉ መላመድ የሚችሉ ሲሆን ለሚያጋጥሟቸዉ አዳዲስ ነገሮች አዎንታዊ ምላሽን ይሰጣሉ።

2. ደስተኛ እና በራስ መተማመን

እንደዚህ ዓይነት ልጆች ደስተኞች ናቸው እንዲሁም በራስ የመተማመን ስሜት ይሰማቸዋል፡፡ ህይወትን በቀላሉ እየተደሰቱ ይኖራሉ፤ ከመጠን በላይ ጭንቀት የላቸውም።

3. ጥሩ የሆነ ተግባቦት መኖርና ለመቀላቀል ቀላል መሆን

እነዚህ ልጆች የቋንቋ ችሎታቸዉና የማህበራዊ ግንኙነታቸዉ (Social interaction) የዳበረ ስለሆነ ከጓደኞቻቸዉ ወይም ከሌሎች ሰዎች ጋር ለመግባባትና ለመቀላቀል አይቸገሩም፡፡

እራሳቸውን የቻሉ እና በወላጆቻቸው ላይ ጥገኛ ሊሆኑ አይችሉም፡፡ ስለዚህ ከማህበራዊ ግንኙነቶችን የማድረግ ዝንባሌ ይኖራቸዋል፡፡ ልጆች በቀላሉ ከሌሎች ልጆች ጋር በትምህርት ቤት እና በቤቱ ዙሪያ ካለው አካባቢ ጋር በቀላሉ ይቀላቀላሉ፡፡

4. ለመማር ቀላል መሆን

ልጆች ትምህርታቸዉን በትኩረት ለመከታተል ችግር አይኖርባቸውም፤ ስለሆነም በትምህርት ቤት ትምህርታቸዉን መከታተል ቀላል ይሆንላቸዋል፡፡ በእራስ የመተማመን አቅማቸው የዳበረ ስለሆነ ራሳቸውን ለመግለፅና የሚፈልጉትንና ያሰቡትን ለመናገር አይቸገሩም፡፡

5. በቂ እረፍት ማግኘት

እንደነዚህ ያሉ ልጆች በየቀኑ በደንብ እና በበቂ ሁኔታ መተኛት ይችላሉ፡፡ ብዙ የስክሪን ጊዜ (ቴሌቪዥ፣ ሞባይል ስልክ፣ ታብሌትን ኮምፒተር በመመልከት) ጊዜያቸዉን አያጠፉም፡፡ በተገቢው ሁኔታ ታዳጊዎች ከ10-13 ሰዓት መተኛት ያስፈልጋቸዋል፡፡ ዕድሜያቸው ለትምህርት የደረሱ ልጆች በየቀኑ ከ 9 እስከ 11 ሰዓት መተኛት አለባቸው፡፡

ልጅዎ ምን እንደሚሰማው እንዲናገር ይጋብዙ እና የሚያሳየዉን ባህሪ ይረዱ፡፡ የልጅዎን አካላዊ እድገት፣ ቁመና እና ገፅታ ያስተውሉ፤ ይከታተሉ፡፡ እርዳታ እንደሚፈልግ ከተሰማዎት ወይም ልጅዎ የሚያጋጥመውን ችግር ለመቋቋም የማይችል ከሆነ የሥነ ልቦና ባለሙያ ወይም የህፃናት ሀኪምን ማማከር መፍትሔ ሊሆን ይችላል፡፡

ዶ/ር አላምረው አለባቸው (በባህርዳር ዩንቨርስቲ የህፃናት ስፔሻሊስት ሀኪም እና ረዳት ፕሮፌሰር)

29/11/2025

ሴትነት!!!

ሴትነት (Femininity) ብዙ መገለጫዎት አሉት።
ልከኝነት፣ መጠን፣ አርቆ አስተዋይነት፣ ጨዋነት፣ ብልሀተኝነት፣ ቁጥብነት፣ ባህል፣ ወግ፣ስርዓት አክባሪ፣ እናትነት፣ እህትነት፣ ታዛዥ ሚስትነት፣ ቤተሰብን፣ ማህበረሰብን ብሎም ሀገርን ገንቢ .... እያሉ ብዙ መዘርዘር ይቻላል።

ታዲያ ይሄን ሁሉ የሆነችን፣ በስራ በትጋት እራሷን እና ቤተሰቧን ለማገዝ ደፋ ቀና የምትልን ሴት ለመስበር መታገል፣ ስኬቷን መተቸት እና መቃወም በዘመናችን በብዛት የሚስተዋል ሆኗል። ከየአቅጣጫው የሚሰነዘርን የማህበረሰብ ጫናን ትችትን ተቋቁመው በተለያየ የሙያ ዘርፍ ስኬታማ የሆኑና የዚያኑ ያክልም በክፉዎች ምላስ ተሰብረው ያቀረቀሩ እና ከህልማቸው የተነጠሉ ብዙ እንስቶች ናቸው።

ሴትነትን ከስራ ይልቅ እንደቁስ አካል
መቁጠር፣ ከአካላዊ ውበቷ በዘለለ የራሷ እሳቤ ዓላማ ህልም እንደሌላት በመቁጠር በስራ፣ በትምህርት፣ በጥረት ካሳካችው (achieve) ካረገችው ይልቅ ውጫዊ ገፅታዋ ማነቆ ሆኖባት እንዳትራመድ ሊያደናቅፏት ሲታትሩ ይስተዋላል። የራሴ ህይወትም አንዱ ማሳያ ነው።

ነፍስ አውቄ እራሴን በትወና ሙያ ካገኘሁበት ጊዜ ጀምሮ ያሳለፍኩት የህይወት ጉዞ እጅግ በፈተና የተሞላ ነበር። ብቅ ባልኩ ቁጥር ከስራዬ ይልቅ አካላዊ ማንነቴ ላይ ብቻ በማተኮር ያለኝ እምቅ አቅም(potential )
በጎ አገልግሎት፣ የስራና የትምህርት ስኬቴ እንዲሸፈን በማድረግ፣ ለፍላጎቶቻቸው ተገዢ ባለመሆኔ እንደ አፈንጋጭ ወይም ትእቢተኛ ተቆጥሬ; የስራ በሮችን በመዝጋት፣ ስሜን በማጠልሸት፣ ስነልቦናዬን በመጉዳት ከመድረኩ ገለል እንድል ብዙ ሴራዎች ተሰርተውብኛል። ግን ተግዳሮቱን እንደመረማመጃ ድንጋይ(stepping stone) ትችታቸውን እንደ ምስጋና (compliment) በመቁጠር ይበልጥ እንድበረታ ሆኜ በእግዚአብሔር ቸርነት እዚህ ደርሻለሁ።

የሚገርመኝ በሴትነቴ ሊሳለቁ ከሚሞክሩት አብዛኛዎቹ ሴቶች መሆናቸው ነው😀
እነዚህ እህቶች በራስ መተማመን የጎደላቸው፣ በራሳቸው ሰውነት insecure የሆኑ እና ሌላዋን ሴት በመተቸት ስለራሳቸው ጥሩ ስሜት እንዲሰማቸው የሚያደርጉ ምስኪኖች ናቸው።
አንዳንድ ወንዶችም ለዩቲዩብ ንግድ፣ ተመልካች ለማግኘት ክቡር ሴትነትን እንደተራ ነገር ሊያፌዙበት ሲሞክሩ ያሳዝናል።

ብዙ ህልም የመስራት አቅም ያላትን ሴት አንገት ለማስደፋት አትድከሙ። ከኔ ጋራ ያለው የሚረዳኝ፣ የማይጥለኝ፣ ሞገሴ፣ ክብሬ፣ ውበቴ፣ መመኪያዬ፣ በገፋችሁኝ ቁጥር ይበልጥ የሚያከብረኝ፣ ካንዳንዶቻችሁ ጥላቻ ይልቅ በብዙዎች መወደድ የከበበኝ፣ መቼም የማይተወኝ የልጅነቴ አምላኬ ልዑል እግዚአብሔር ነው!!!

ሁሉም የእድሜ እርከን የራሱ ውበት እና ሞገስ አለው። የሚገርመው ሀያዎቹ እድሜ ውስጥ ከነበርኩበት ይልቅ አርባዎቹ የእድሜ እርከኔን አብልጬ እወደዋለሁ። ሴትነት የገባኝ! ዋጋዬን በእጅጉ የተረዳሁበት፣ በእውቀት የበሰልኩበት፣ በመንፈሳዊ ህይወት የጎለመስኩበት፣ የፊቴን ገፅታም ሆነ አስተሳሰቤንም ማንነቴንም አጥብቄ በፍቅር የምወደው የአሁን እኔነቴን ነው። ከምንጊዜውም በላይ ታላላቅ ድርጅቶች አብረውኝ ለመስራት የሚሽቀዳደሙበት ወርቃማ ጊዜዬ አሁን ነው።

እናም እህቶቼ ለህልማችሁ መቼም አይረፍድም! ለስራ ስትታትሩ፣ ዓላማችሁን ለማሳካት ስትጥሩ በዚህና መሰል ትችቶች አንገት ሊያስፏችሁ ሲሞክሩ አትፍቀዱላቸው። ቀና በሉ! ሴትነት አካላዊ፣ ቁሳዊ ማንነት ሳይሆን መለኮታዊ ስጦታ ነው፣ እምቅ ኀይል፣ በስራ በትጋት የተፈተነ እንቁ ማንነት ነው።

እግዚአብሔርን በመፍራት የሴትነት ክብራችሁን ጠብቃችሁ በስክነት መኖር የህይወታችሁ ጌጥ አርጋችሁ ኑሩ እንጂ! ሴትነት አልቃሻነት አይደለም! የሚታፈርበት የሚሸማቀቁበት ሳይሆን ስጦታ ነው! አጊጡበት! ተዋቡበት! ድመቁበት።
በተለያየ መንገድ በዚህ ስብራት ያለፋችሁ እና እያለፋችሁ ላላች ሁሉ በበርካታ የህይወት ተሞክሮ በእሳት ተፈትና በአምላክ ቸርነት በብርታት የቆመች እህታችሁ ምክር ነው። መጓዛችሁን ቀጥሉ፣ አታቀርቅሩ! ጠንክሩ!

“Femininity is not just lipstick, stylish hairdos, and trendy clothes. It is the divine adornment of humanity. It finds expression in your qualities.”
James E. Faust

ወንድሞቼም ብዙዎቻችሁ የሴትን ክብር በአግባቡ ተረድታችሁ መልካም አባት፣ ወንድም ባል እንደሆናችሁ ባውቅም፤ አንዳንዶቻችሁ ሴትን ከክብሯ በማሳነስ፣ ልቧን በመስበር፣ እንቁ ጊዜዋን በከንቱ በማባከን፣ በማስለቀስ፣ ግራ በማጋባት፣ ዋጋዋን በማኮሰስ፣ በማጎሳቆል (abuse) በማድረግ፣ በመድ*Fር እና በመgደል ወንድነታችሁን የምትለኩ; ሁልጊዜም ቢሆን እናታችሁን፣ የዘጠኝ ወር ቤታችሁን እምዬን አስቡ!!!
የፈጣሪ ፍርድ እንዳለም ሳትዘነጉ።
ሴትን በማዋረድ የሚገዝፍ ወንድነት የለም!
የቤት ራስ፣ የሴት ክብር ወንድ እንደሆነ ሁሉ ሴትም የወንድ አክሊሉ፣ ከእግዚአብሔር የተሰጠች እረዳቱ፣ ሙላቱ ናት።
እናም አካላችሁን፣ ጎናችሁን ውደዱ፣ ተንከባከቡ፣ አክብሩ! በብዙ እጥፍ እንድትከበሩ።

በቸር ያቆየን!
መሠረት መብራቴ።
ህዳር 18, 2018 ዓ.ም.

28/11/2025

የመሰረት መብራቴን እና የሳያት ደምሴ ሴትነት እንዴት አድርገን ለእነዚህ ስድ አደጎች ኢንጄክት እናድርጋቸው ። ወይ ሳይንስ አልገባቸው ወይ ባህላችንን አላወቁት ቆሞ ቀሮች። ሴትነትን ያረከሱ ፊሜኒዝም ማለት ወንድ መጥላት ወንድ ያደረገውን ማድረግ ሪል ሴት የሆኑትን አታክ በማድረግ የተለከፉ ቀፋፋዎች ናቸው። ሴትነት መሲ እና ሳያትን ይመስላል እንወዳችሆለን ለልጆቻችን ሴት ማለት ሳያት/ መሲ ናት እንላለን።

26/11/2025

የአካባቢ ተፅእኖ በሕፃናት እድገት ላይ!

የልጆች እድገት በሚበሉት ምግብ እና በሚማሩት መደበኛ ትምህርት ብቻ አይወሰንም። የሚኖሩበት ቤት የአኗኗር ሁኔታ፣ የእንክብካቤ መንገዶች፣ የቤተሰብ ወይም አሳዳጊ እንዲሁም በዙሪያቸው የሚከናወኑ እያንዳንዱ እንቅስቃሴዎች እድገታቸው ላይ ተፅእኖ ይፈጥራል። በልጅ የአእምሮ፣ የስሜት እና የባህሪ እድገት ላይ አከባቢ ትልቅ ተፅእኖ አለው።

ጥቂቶቹን ለመመልከት ያህል፦

1. የቤተሰብ ሁኔታ፦ ሰላም እና ፍቅር ያለው ቤት ውስጥ የሚኖሩ ህፃናትን እድገታቸው የተሻለ ሆኖ እናገኘዋለን። በቤት ውስጥ ተቀባይነት እና ቀጣይነት ያለው የቤተሰብ ትስስር እንዲሁም ጥሩ ቁጥጥር የሚኖር ከሆነ የልጁ እድገት በጥሩ ሁኔታ ይሄዳል።

2. የወላጅ ተንከባካቢነት፦ ወላጆች ልጆችን የሚመሩበት እና ግንኙነት የሚያደርጉበት መንገድ በልጆች እድገት ላይ ቀጥተኛ ተፅእኖ አለው። ለዚህም በቤት ውስጥ ለልጁ በጥሩ ሁኔታ ምሳሌ መሆን፣ ለእያንዳንዱ እንቅስቃሴያቸው ትኩረት መስጠት እንዲሁም ከልጆች ጋር በስሜታቸው ዙሪያ መነጋገር እድገታቸው በጥሩ ሁኔታ እንዲሄድ ያደርጋል።

3. የጨዋታ አይነት፦ ህፃናት በመጫወት፣ በመመልከት እና በመነካካት ይማራሉ። ለዚህም ለልጆች እድሜያቸውን መሰረት ያደረገ መጫወቻዎችን ማቅረብ እና ጓደኛን ወይም እኩዮቻቸውን መሰረት ያደረጉ ጨዋታዎችን እንዲጫወቱ ማበረታታት ያስፈልጋል። የማይጫወት ልጅ ከሚጫወት ልጅ ጋር እድገታቸውን ስናስተያይ ፍፁም የተለያየ ነው አለመጫወታቸው እድገታቸው ላይ አሉታዊ ተፅእኖ ይፈጥራል።

4. ቴክኖሎጂ፦ ተገቢ ያልሆነ የስክሪን ጊዜ በተለይ በለጋ ዕድሜ ላሉ ልጆች ከፍተኛ ስሜት ችግር፣ የትኩረት ችግር እና የቋንቋ መዘግይት ያስከትላል። ልጆች በቀን ከ1 ሰዓት በላይ ስክሪን ላይ እንዳይቆዩ መቆጣጠር አስፈላጊ ነው። እሱም ቢሆን ትምህርታዊ ነገሮችን እንዲደግፋቸው ብቻ መስጠት ያኖርብናል።

ከላይ ከጠቀስናቸው በተጨማሪ እንደ በቂ እንቅልፍ እና ምግብ ያሉ ነገሮች ለህፃናት እድገት ወሳኝነት አላቸው።

ወላጆች እንዲሁም መምህራን አከባቢያችን ለልጆች እድገት ያለውን አስተዋጽኦ ተረድተን ለልጆቻችን እድገት ምቹ የሆነን አከባቢ እንፍጠር።

አዘጋጅ፡ ደሳለኝ ደረጄ (የልዩ ፍላጎት ባለሙያ)

23/11/2025

አንድ ቀን አባት ልጁን ይጠራዉና "በእናትህ እና በእንጀራ እናትህ መሀል ልዩነት አለ?"ብሎ ይጠይቀዋል ልጁም "አዎ" ብሎ መለሰለት አባትም "ልዩነታቸዉ ምንድነዉ?" ሲል መልሶ ጠየቀዉ ልጁም "እናቴ ዉሸታም ነች : የእንጀራ እናቴ ግን ቃሏን ትጠብቃለች" ሲለዉ ያልጠበቀዉን መልስ ያገኘዉ አባት በመገረም "ምን ማለትህ ነዉ"ይለዋል...

ልጁም እንዲህ አለ "እናቴ እያለች ጓደኞቼ ቤት እየሄድኩ እጫወት ነበረ እናቴም በተደጋጋሚ ጓደኞቼ ቤት እየሄድኩ መጫወቱን እንድተዉ ካልተዉኩ ግን ምግብ እንደማትሰጠኝ ትነግረኝ ነበረ ሆኖም ግን እኔን ቤት ዉስጥ ስታጣኝ የምትሰራዉን ስራ አቁማ እኔን ፍለጋ ትወጣና ስታገኘኝ ወደ ቤት ወስዳ ምግብ ትሰጠኝ ነበር :

የእንጀራ እናቴ ግን ቃሏን ታከብራለች ለዛም ነዉ ላለፉት ሁለት ቀናት ምግብ ያልበላሁት ፤ በጣም እርቦኛል እናቴም ናፍቃኛለች ዝም ብዬ የማለቅሰዉ ስለከፋኝ ነዉ" እያለ ማልቀሱን ቀጠለ አባትም ልጁን በስስት እያየ የሚያደርገዉ ጠፍቶት አብሮት ማልቀስ ጀመረ...💔

እናት ከሌለች የትኛዉም ጎጆ ሊደምቅም ሆነ ሊሞቅ አይችልም : ያለ እናት አለም ሁሉ ኦና ናት ክብር ለቤታችንም ሆነ ለህይወታችን ድምቀት እና ዉበት ለሆኑት እናቶቻችን👩‍🍼🙏🩵💙❤️

23/11/2025

ሁለት ህፃናት የሞቀ ጨዋታቸዉን ይዘዉ በመሀል አንደኛዉ ልጅ ፡...."ህሽሽሽ ድምፅህን ቀንስ እናቴ ተኝታለች እንዳትነሳ" ብሎ ያስጠነቅቀዋል...

ከዛ ሌላኛዉ "ና አንዴ" በማለት ወደ መቃብር ስፍራ ይዞት ይሄዳል ከዛም አንደኛዉ መቃብር ፊለፊት ቆመና "እሺ እዚ በደንብ እየጮህን እንጫወት?"አለዉ...

ልጁም ግራ በመጋባት "ለምን?" ብሎ ይጠይቀዋል ያ ቲንሽዬ ልጅም አንገቱን አቀርቅሮ አይኖቹ እንባ አቅረዉ ወደ መቃብሩ በስስት እያየ "እማዬ ከተኛች ቆየች ድንገት ስንጮህ ከተነሳች ብዬኮ ነዉ አለዉ"😔💔

እናንተዬ በርግጥ ሁሉም በቆሰለዉ ልክ ነዉ ሚታመመዉ ግን...አንዳንዴ የአንዳንድ ሰዎችን ህመም እና ቁስል ቀርበን ስናይ ከነሱ አንፃር የኛ ምንም እንዳልሆነ እና ምን ያህል ልፍስፍሶች እንደሆንን ይገባናል የምስጋና ትርጉምም ያኔ ይገባን ይሆናል!...አንዳንዴ ፈልጌ ያጣኋቸዉን ነገሮች ሳስብ በዚች ምድር ላይ የኔን ያህል የተበደለ ያለ እስካይመስለኝ ድረስ ሳማርር ራሴን አገኘዋለዉ ከባባድ ቁስሎችን እስካላየን የኛን ቲንሽዬ ጭረት አግዝፈን እና አካብደን የምናይ ብዙ አለን!...ምን ልላቹ ነዉ : አናማርር እስኪ ለማመስገንም ምክንያት አንፈልግ የምንሄድበት ከመጣንበት ይርቃል ነገን ከቀናት ፈጣሪዉ በቀር ማን ያዉቃል?!

22/11/2025

ከፍተኛ የወሲብ ተነሳሽነት ያላቸው 10 እንስሳት
1. ቦኖቦ (Bonobo)
የስሜት ደረጃ : 99%
ባህሪ: ከሰው ልጆች ቀጥሎ ወሲብን ለደስታ እና ለማህበራዊ ትስስር (ከመራባት ውጪ) የሚፈጽም ብቸኛው እንስሳ ነው።
ቦኖቦዎች ግጭትን ለመፍታት፣ ሰላም ለመፍጠር እና ለመግባባት ወሲብ ይፈጽማሉ። በየጥቂት ደቂቃዎች ልዩነት ግንኙነት ሊያደርጉ ይችላሉ። ሴቶችም ሆኑ ወንዶች እኩል ከፍተኛ ፍላጎት አላቸው።
2. የአውስትራሊያ ቡናማ አንቴክነስ (Brown Antechinus)
የስሜት ደረጃ : 100% (እስከ ሞት ድረስ)
ባህሪ: ይህ አይጥ መሳይ እንስሳ "እስከ ሞት ድረስ ወሲብ" (Suicidal Reproduction) በመፈጸም ይታወቃል።
የመራቢያ ወቅታቸው ሲደርስ ወንዶቹ ለ12 እስከ 14 ሰዓታት ያለማቋረጥ ግንኙነት ያደርጋሉ። በዚህ ሂደት ሰውነታቸው ተዳክሞ፣ ፀጉራቸው ረግፎ እና የውስጥ ደም መፍሰስ አጋጥሟቸው ይሞታሉ። ዓላማው ዘርን በብዛት ማስተላለፍ ነው።
3. አንበሳ (Lion)
የስሜት ደረጃ : 90% (በወቅቱ)
ባህሪ: አንበሶች በተለይ ሴቷ እንስሳ በወር አበባ (Estrus) ወቅት ስትሆን እጅግ ከፍተኛ ድግግሞሽ አላቸው።
በዚህ ወቅት አንበሶች ለተከታታይ 4 ቀናት በየ 15 ወይም 20 ደቂቃው ግንኙነት ይፈጽማሉ። በቀን እስከ 50 ጊዜ ያህል ወሲብ ሊፈጽሙ ይችላሉ።
4. ዶልፊን (Dolphin)
የስሜት ደረጃ : 85%
ባህሪ: ልክ እንደ ቦኖቦዎች ሁሉ ዶልፊኖችም ለደስታ (For pleasure) ግንኙነት ይፈጽማሉ።
በቀን ውስጥ ብዙ ጊዜ አጭር ግንኙነቶችን ያደርጋሉ። ወንዶቹም ሆኑ ሴቶቹ ከፍተኛ የወሲብ ተነሳሽነት ያላቸው ሲሆን፣ አንዳንዴም ከሌሎች የባህር እንስሳት ጋር ለመገናኘት ሲሞክሩ ይታያሉ።
5. ሻውስ ጀርድ (Shaw's Jird)
የስሜት ደረጃ : 95%
ባህሪ: ይህ የአይጥ ዝርያ በድግግሞሽ ብዛት ሪከርድ የያዘ ሊባል ይችላል።
ጥናቶች እንደሚያሳዩት ከሆነ እነዚህ እንስሳት በአንድ ሰዓት ውስጥ ብቻ ከ200 ጊዜ በላይ ግንኙነት ሲፈጽሙ ታይተዋል። ይህም እጅግ ፈጣን እና ተደጋጋሚ የመራባት ፍላጎትን ያሳያል።
6. አሳማ (Pig)
የስሜት ደረጃ : 80%
ባህሪ: አሳማዎች በወሲብ እርካታ (Or**sm) የቆይታ ጊዜ ይታወቃሉ።
የአሳማ ወሲብ ድግግሞሹ ብቻ ሳይሆን የቆይታ ጊዜው ይገርማል። በተለይ ወንዶቹ የወንድ ዘርን (S***m) በሚያፈሱበት ወቅት እርካታቸው እስከ 30 ደቂቃ ሊቆይ ይችላል።
7. ጥንቸል (Rabbit)
የስሜት ደረጃ : 85%
ባህሪ: "እንደ ጥንቸል መራባት" የሚለው አባባል በምክንያት የመጣ ነው።
ሴት ጥንቸሎች የተለየ "የወር አበባ ዑደት" የላቸውም፤ ይልቁንም ወሲብ በተፈጸመ ቁጥር እንቁላል ማምረት (Ovulate) ስለሚያደርጉ ሁሌም ለግንኙነት ዝግጁ ናቸው። እርግዝናቸውም ለአጭር ጊዜ ስለሆነ በዓመት ውስጥ ብዙ ጊዜ ይወልዳሉ።
8. ዝንጀሮ እና ማካክ (Macaques)
የስሜት ደረጃ : 75%
ባህሪ: እነዚህ የዝንጀሮ ዝርያዎች በሚኖሩበት ማህበረሰብ ውስጥ ወሲብ ትልቅ ቦታ አለው።
በአንድ የመራቢያ ወቅት (Breeding season) አንዲት ሴት ዝንጀሮ ከብዙ ወንዶች ጋር ተደጋጋሚ ግንኙነት ታደርጋለች። ይህ ባህሪ የወንዶችን የዘር ፍሬ ጥራት እና ፉክክር ይጨምራል።
9. ፍየል (Goat)
የስሜት ደረጃ : 70%
ባህሪ: በተለይ ወንዶች ፍየሎች ከፍተኛ የሆነ የመሽተት እና የመቀስቀስ ባህሪ አላቸው።
ወንድ ፍየል የሴቷን ሽታ (Pheromones) ርቆ ማሽተት የሚችል ሲሆን፣ በራሱ ላይ ሽንቱን በመሽናት ጠንካራ ሽታ በመፍጠር ሴቷን ለመሳብ ይሞክራል።

16/11/2025

ውድ ዕይታ
እስኪ ይህ ከታች ያለ ሀሳብ ፓስተህ/ሽ ምክር ላግኝበት ትብብር ፈልጋልሁኝ ።

🙏🙏🙏🙏

ምክር ፈላጊ 🍀
ይህ ታሪክ ባጭሩ ነው የፃፍኩት በተቻላቹ ኣንብባቹ እና ተረድታቹ መልስ Comment ላይ ኣስቀምጡልኝ ❤️
ልጅዋ ከ ኣንድ ኣመት በፊት ነው ያወቅኳት። የነበረ ሂወትዋ ኣላውቆውም ነበር። ተገናኝተን ፍቅር ሰርተን አሁን ልጅ ኣለን። ልክ በኣመት ላይ ማለት ነው።
እና ከልጅዋ ኣንድ ላይ መኖር ከጀመርን 1 ወር ሆነ በትዳር።
መጀመርያ ስንተዋወቅ ኣከባቢ ጓደኛ እንደነበራት ነግራኝ ነበር ቢሆንም ኣሁን ከሱ መኖር እንደማትፈልግ ነገረቺኝ ከኔ ምርጫዋ እንደሆነ ነገረቺኝ።
እና አሁን የደበረኝ ስልክ በሌሊት ይደወላል በተደጋጋሚ እሷ ስልክ ላይ ከነበር ጓደኛዋ። በፊቴ ስልኩ ኣታነሳም።
መሳጅ ይመጣላታል ተደጋጋሚ ከአንድ ሰው ነው።
እኔ ከቤት ስወጣ መሳጅ በደንብ ይፃፃፋሉ ይደዋወላሉ በደንብ እየተጫወቱ እስከ 1 ሰዓት ያክል በስልክ ያወራሉ።
ልጅዋ በተቻለኝ እየደገፍኳት ነው። ያጣችው የለም እላለሁ ።
እና ለውሳኔ እንዳይቸኩል ጨነቀኝ ምክንያቱ ልጃችን ኣስቤ።
ከዚች ልጅ በትዳር ልቀጥል ወይስ ከሂወታ ልውጣላት ?
መልስ ኣማክሩኝ ??