Biruksew Medical Clinic

11/08/2025

ስለ ዓመታዊ የጤና ምርመራ
Annual Health Check-Up

አመታዊ የጤና ምርመራ በተለያየ የዕድሜ ክልል ላይ ላሉ ሰዎች የሚደረግ እና ለአንድ በሽታ የመጋለጥ ዕድላቸውን ቀድሞ ለማወቅ የሚያስችል የምርመራ ዘዴ ነው።
እድሜ እና ፃታን መሠረት አድርገው በየአመቱ እና ከዛም በላይ ሊደረጉ የሚገቡ የምርመራ አይነቶች አሉ። እነዚህን ምርመራዎች መረዳት እና መቼ መጠየቅ እንዳለቦት ማወቅ ጤናማ ሆነው እንዲቆዩ ያግዝዎታል። እንደ ካንሰር ፤የልብ ህመም፤ስትሮክ ፤የኩላሊት ህመም፤የስኳር ህመም፤የደም ግፊት መጨመር እና አንዳንድ በቅድመ ጥንቃቄ ልንከላከላቸው የምንችላቸውን ህመሞች ለመቆጣጠር ቀደም ብሎ ማወቅ በጣም አስፈላጊ ነው።
ምን ዓይነት ምርመራዎችን ማድረግ አለብዎት?
ከ 18- 39 አመት የሞላቸዉ ሰዎች እነዝህን ምርመራዎች እንድያደርጉ ይመከራል፡-
 ክብደት እና ቁመት
 የደም ግፊት ልኬት
 የዓይን ምርመራ
 የጆሮ ምርመራ
 አጠቃላይ የደም ህዋሶች ምርመራ
 የኩላሊት አሰራር፣ የጉበት አሰራር ምርመራዎች፣የተለያዩ የደም ውስጥ ንጥረ ነገሮች ምርመራ
 በሰውነት ውስጥ ያለ የስብ መጠን ምርመራ
 የታይሮይድ ሆርሞን ምርመራ
 የስኳር በሽታ ምርመራ
 በደም ንክኪና በግብረ ሥጋ ግንኙነት የሚተላለፉ ኢንፌክሽኖች፡- ኤችአይቪ ፤ጨብጥ፣ቂጥኝ ወይም ሌሎች ኢንፌክሽኖችን ሊያካትት ይችላል።
 የሽንት ምርመራ
 የልብ ምርመራ
 ለሴቶች ከ21 ዓመት ዕድሜ ወይም ግንኙነት ማድረግ ከተጀመረበት ከ3 ዓመታት ጀምሮ የማህፀን በር ካንሰር ምርመራ፡ በየ 3 አመቱ የፓፕ ስሚር ምርመራ ያደርጋል፡፡
 ከ 40 አመት በላይ የሆኑ ሰዎች ለተለያዩ በሽታዎች የመጋለጥ ዕድላቸዉ በጣም ስለ ምጨምር ከላይ ከተዘረዘሩት ምርመራዎች በተጨማሪ እነዝህን መመርመር አለባቸዉ፡-ኮሎኖስኮፒ፤ለሴቶች ደግሞ የማህፀን በር ካንሰር ምርመራ፤ማሞግራም(የጡት ካንሰር) እና በሰውነት ውስጥ ያለ የካልሲየም መጠን መቀነስ ወደ አጥንት መሳሳት ችግር ሊያመራ ስለ ምችል የአጥንት ምርመራ እድሜያቸው 65 እና ከዛ በላይ ለሆኑ ሴቶች ይመከራል፡፡
 ዕድሜያቸዉ ከ50 ዓመት በላይ የሆኑ ወንዶች የፕሮስቴት ዕጥ እና የፕሮስቴት ካንሰር ምርመራ በአልትራሳወንድና በደም ምርመራ ማድረግ አለባቸዉ፡፡
ማስታወሻ
ሁሉም ሰው ዓመታዊ የጤና ምርመራ የማድረግ ልማድ ሊኖረው ይገባል ምክንያቱም ዕድሜዎ እየገፋ ሲሄድ ጤናዎ ላይ ለውጥ ይኖራል፡፡ በተለያዩ የሕይወትዎ ደረጃዎች ውስጥ ለተለያዩ በሽታዎች የበለጠ ተጋላጭ ይሆናሉ። እነዚህም በርካታ የካንሰር ዓይነቶችን ፣ የደም ግፊት ፣ የስኳር በሽታ እና የደም ቧንቧ መጥበብ ችግሮችን ያጠቃልላል።
እንዲሁም የራስዎን እና የቤተሰብዎን መልካም ጤንነት ለመጠበቅ ይሄን ተግባር በህይወት ዘመንዎት በቁርጠኝነት ከሚያከናውኗቸው ተግባራት ውስጥ ማካተት አለብዎት።
🔬ታዲያ በዚህ ክረምት ለምን የጤና ምርመራ አያደርጉም?🚑
📌የስራ ሰዓት:- ዘወትር በስራ ከሰዓት እንገኛለን
🚨ለህክምና አገልግሎት በ 📞+251936659999 / +251911194824 ይደውሉ።🚨
👉አድራሻ:-ሳሚት ኮንዶሚኒየም, አሳት አደጋ ወረድ ብሎ እንገኛለን።
አዲስ አበባ ኢትዮጵያ.፡

08/08/2025

የኩላሊት ጠጠር (Kidney Stone)
Nephrolithiasis

የኩላሊት ጠጠር ከክሪስታሎች (Crystals) የተሠሩ ጠጣር ክምሮች ናቸው፡፡ የኩላሊት ጠጠሮች በአብዛኛው የሚፈጠሩት ኩላሊት ውስጥ ሲሆን ነገር ግን በማንኛውም የሽንት ቧንቧ መስመሮች ላይ ሊፈጠር ይችላል፡፡ ይህ የሽንት ፍሰት መስመር ኩላሊት፣ ዩሬተር፣ ዩሬትራንና የሽንት ፊኛን ያጠቃልላል፡፡ የኩላሊት ጠጠር ከፍተኛ ህመም ካላቸው የጤና ጉዳዮች አንድ ነው፡፡ የኩላሊት ጠጠር መነሻው እንዳለብን የጠጠር ዓይነት ይለያያል
የኩላሊት ጠጠር ዓይነቶች!
ሁሉም የኩላሊት ጠጠር ዓይነቶች የተሠሩት ከተመሳሳይ ክሪስታል (Crystals) አይደለም፡፡ የተለያዩ ዓይነት ክሪስታሎች የኩላሊት ጠጠርንያስከትላሉ። እነሱም የሚከተሉት ናቸው፦
ካልሲየም (Calcium) የካልሲየም ጠጠር በጣም የተለመደው ዓይነት ነው፡፡ የሚሠሩትም ከካልሲየም ኦክዛሌት (Calcium Oxalate) (በጣም የተለመደው) ፣ ፎስፌት (Phosphate)፣ ወይም ማሌት (Maleate) ነው፡፡ በኦክዛሌት የበለፀጉ ምግቦችን በጥቂቱ መመገብ በዚህ የጠጠር ዓይነት የመያዝ እድልዎን ይቀንሳል፡፡ እንደ ድንች ችፕስ፣ ለውዝ፣ ቸኮሌት፣ ስኳር ድንችና ጎመን ስፒናች በኦክዛሌት የበለፀጉ ምግቦች ናቸው፡፡
ዩሪክ አሲድ (Uric Acid) የዚህ ዓይነት የኩላሊት ጠጠር ከሴቶች ይልቅ በወንዶች ላይ በጣም የተለመደ ነው፡፡ የሪህ በሽታ ያለባቸው ሰዎች ላይ ወይም ኬሞቴራፒ ህክምና የሚወስዱ ሰዎች ላይ በብዛት ይገኛል፡፡ ይህ ዓይነቱ ጠጠር የሚፈጠረው ሽንት በጣም አሲዳማ በሚሆንበት ወቅት ነው፡፡ በፒውሪን (Purine) የበለፀጉ ምግቦች የሽንትን አሲድነት ይጨምራሉ፡፡ ፒውሪን በእንሰሳት ፕሮቲን ውስጥ (አሳ፣ ሥጋ) የሚገኝ ቀለም አልባ ነገር ነው፡፡
ስትሩቫይት (Struvite) የዚህ ዓይነቱ ጠጠር በብዛት በሽንት ቧንቧ ኢንፌክሽን የተጠቁ ሴቶች ላይ ይገኛል፡፡ ጠጠሩ በመጠን ትልቅ ከመሆኑ የተነሳ ሽንት እስከመዝጋት ይደርሳል፡፡ ይህ ጠጠር የሚፈጠረው በኩላሊት ኢንፌክሽን ሲሆን ይህን ኢንፌክሽን በመታከም በቀላሉ ስትሩቫይት ጠጠርን መከላከል ይቻላል፡፡
ሲስቲን (Cystine) የሲስቲን ጠጠር ብዙ የተለመደ አይደለም፡፡ የዘረመል ችግር በሆነው ሲስቲንዩሪያ (Cystinuria) የተጠቁ ወንድና ሴቶች ላይ ይገናል፡፡ ሲስቲን በሰውነታችን ውስጥ በተፈጥሮ የሚገኝ አሲድ ሲሆን ከኩላሊት በማፈትለክ ሽንት ውስጥ ይቀላቀላል፡፡ የኩላሊት ጠጠር ምልክቶችን ይወቁ! የኩላሊት ጠጠር ከባድ የሆነ ህመምና ስቃይ እንደሚያስከትል የታወቀ፡፡ ጠጠሮቹ ወደ ዩሬተር መጓዝ እስካልጀመሩ ድረስ የኩላሊት ጠጠር ምንም ዓይነት ምልክት አይታይም፡፡ በጀርባችን አንድ አቅጣጫ ላይ ወይም በሆድ አካባቢ የህመም ስሜት ሲኖር ይህ ህመም ሄድ መጣ የሚል ነው። ይህ ጠጠር ያለባቸው ሰዎች እረፍት የለሽ ይሆናሉ፡፡ ሌሎች የኩላሊት ጠጠር ምልክቶች የሚከተሉትን ያጠቃልላል፦
በሽንት ውስጥ ደም መኖር
ማስመለስ
ማቅለሽለሽ
መጥፎ የሽንት ሽታ
የደፈረሰ የሽንት ቀለም
ትኩሳ
ብርድ ብርድ መሰማት
በተደጋጋሚ ሽንት ለመሽናት መፈለግ
በጣም ትንሽ ሽንት መሽናት ናቸው። በመጠን በጣም ትንሽ የሆነ የኩላሊት ጠጠር በሚኖርበት ጊዜ ሽንትዎን ሲሸኑ ጠጠሩ አብሮ ከሽንት ጋር ሲወገድ ምንም ዓይነት ህመም ወይም ምልክት አያዩም።
የኩላሊት ጠጠር መነሻዎች
ትልቁ የኩላሊት ጠጠር መነሻ ምክንያት በቀን ከአንድ ሊትር በታች ሽንት መሽናት ወይም ማመንጨት ነው ለዚህም ነው የኩላሊት ችግር ባለባቸው ያልበሰሉ ህፃ ናት ላይ የተለመደ የሆነው፡፡ የኩላሊት ጠጠር በአብዛኛው ዕድሜያቸው ከ 20 – 40 (ከሃያ እስከ አርባ አመት) የሆኑ ሰዎችን ያጠቃል።
የተለያዩ ሁናቴዎች በኩላሊት ጠጠር የመያዝ ዕድላችንን ይጨምራሉ፡፡ ለምሳሌ ከአፍሪካ አሜሪካውያን በበለጠ የካውካዢያን ዝርያ ያላቸው ሰዎች በኩላላት ጠጠር የመያዝ ዕድላቸው ከፍ ያለ ነው፡፡ ከሴቶች ይልቅ ወንዶች በኪላሊት ጠጠር የመያዝ እድላቸው ከፍ ያለ ነው ተብሎ ይገመታል ።
ሌሎች መነሻ ምክንያቶች የሚከተሉት ናቸው፦
• የፈሳሽ ድርቀት
• ከመጠን ያለፈ የሰውነት ክብደት (ውፍረት)
• ከፍተኛ ፕሮቲን፣ ጨው ወይም ግሉኮስ የበዛባቸው ምግቦች
• የሃይፐር ፓራታይሮይድ (Hyperparathyroid) ችግር
• የጨጓራ ባይፓስ ቀዶ ጥገና
• የካልሲም መመጠጥን የሚጨምር በሽታ
• መድሃኒቶችን መውሰድ ለምሳሌ፦ ዲውሪቲክስ (Diuretics)፣ አንቲ ሲዠር (Anti-Seizure) ፣ እና ከካልሲየም የተሰሩ የጨጓራ ማስታገሻ መድሃኒቶች ናቸው፡፡
የኩላሊት ጠጠር መከላከያ መንገዶች!
በቂ ፈሳሽ መውሰድ የኩላሊት ጠጠርን ለመከላከል ቁልፍ መንገድ ነው፡፡ የጆን ሆፕኪንስ የህክምና ተቋም በቀን 12 ብርጭቆ ውሃ እንድንጠጣcይመክረናል፡፡ ብዙ ፈሳሽ መጠጣት የምንሸናው የሽንት መጠን እንዲጨምር ያደርገዋል ይህም ኩላሊታችን እንዲታጠብ ይረዳናል።
በኦክዛሌት የበለፀጉ ምግቦችን በመጠኑ (በጥቂቱ) መመገብ፣ የጨው አጠቃቀማችንና የእንሰሳት ፕሮቲን አወሳሰዳችንን መቀነስ በኩላሊት ጠጠር የመያዝ ዕድላችን እንዲቀንስ ያደርገዋል፡፡ በተጨማሪም ሃኪምዎ ከካልሲየምና ዩሪክ አሲድ የሚሰሩ ጠጠሮችን የሚከላከሉ መድሃኒቶችን ያዝልዎታልና አስፈላጊውን ህክምና ይውሰዱ፡፡

የበለጠ መረጃ በግንባር ቀርብው ሀኪሞን ያማክሩ....
ለመምጣት ሲፈልጉ አስቀድመው የሚመጡበትን ጊዜ ኬዝ እና ቀጠሮ ማስያዞትን አይዘንጉ።

ቀድመን በመታከም ራሳችንን እንጠብቅ።
ለህክምና ላብራቶሪ እና ለምክር አገልግሎት በ +251936659999 /+251911911895 /+251911194824 ይደውሉ።
አድራሻ :- ሰሚት , ጨርቆስ ኮንዶሚኒየም እንገኛለን።
ለበለጠ የጤና መረጃ ይህን ገጽ ላይክ ያድርጉ
አዲስ አበባ ኢትዮጵያ.

30/03/2025

05/05/2024

🌿🌿🌿🌿🌿🌿🌿🌿🌿🌿🌿🌿🌿🌿

✝ ለመላው የክርስትና እምነት ተከታዮች
በሙሉ እንኳን ለፋሲካ በዓል በሰላምና
በጤና አደረሳችሁ።

በበዓላት ወቅት ዘመድ ከዘመዱ፣ ጓደኛ ከጓደኛው፣ ጎረቤት ከአብሮ አደጉ ብቻም ሳይሆን የቅርቡም የሩቁም "እንኳን አደረሳችሁ" መባባል የተለመደ እና ኢትዮጵያዊነት ውበትን ያላበሰ መልካም ጉርብትናን የሚያጠናክር ነው።

♥ በዓሉ ብሩህ ተስፋን የሰነቀ ፣ የሰላም ፣
የፍቅር ፣ የደስታ የመተሳሰብ እና የአንድነት
እንዲሆንላችሁ እንመኛለን።

💚💛❤️መልካም በዓል💚💛❤️

┈┈┈••✦✦••┈┈┈
Biruksew Medical Clinic

10/04/2024

EID MUBARAK