Waajjira Fayyaa Aanaa Gommaa

08/12/2025

Dhiiga Arjoomuun Lammiilee Hanqina Dhiigaatiin Lubbuu Dhabuu Malan Du'a Irraa Baraaruudha!

Sadaasa 29/2018 (KAG)

Godina Jimmaa Aanaa Gommaatti Sagantaan Arjooma Dhiigaa kan gaggeeffame Hoggansa Leenjii Marsaa 3ffaa Paartii Badhaadhinaa hirmaachisuun milkaa’inaan raawwatameera.

Sagantaan kun hoggantoota leenjii humna raawwachiistummaa marsaa 3ffaa irra jiran kan dursa kennanii dhiiga isaanii arjoomuun jalqabame yoo ta’u, hojjattoonni buufataalee fayyaa, tola-ooltonni akkasumas hawaasni naannoo hirmaannaa olaanaa agarsiisaniru.

Guyyaa har’aanitti gaggeeffame kanaan:
➡️ Yuunitii dhiigaa 147 walitti qabamuu danda’e.

Kunis lammiilee hanqina dhiigaatiin du’aaf saaxilaman fayyadamoo taasisuun, lubbuu baay’ee baraaruuf gahee guddaa taphataa.

03/12/2025

Aanaa Gommaatti Dawwanna Hojii Performance based Financing (PBF)– Buufata Fayyaa Bashashaatti taasifamee.
==============
Sadaasaa 25-2018
Waajjira Fayyaa Aanaa Gommaa, Buufata Fayyaa Bashashaa irratti daawwanni hojii PBF milkaa’inaan gaggeeffame. Dawwannichi Dhaabbata Cordaid, Biiroo Fayyaa Oromiyaa (Steering Committee) fi Waajjira Fayyaa Godina Jimmaa waliin ta’uun raawwatamuu jiraa.

Buufata Bashashaa keessaatti tajaajila kennamaa jiru, hojimaata PBF, bu’aalee galmaa’anii fi haala hojiirra oolmaa tajaajilaa irratti mariin bal’aan taasifame. Baratnoota argaman irratti hundaa’uun fooyya’iinsi dabalataa akka uumamuuf kallattiin itti aanu kaa'ameera.

Tajaajila gahumsa qabu hawaasaaf dhiheessuun kaayyoo keenya!
Gommaa ni tajaajila, ni dagaaga. 💚🏥

30/11/2025

Waajjirri Fayyaa Aanaa Gommaa – Gamaggamaa Hojii Ji’a Afurii gaggeesse.
==================
Sadaasa 22-2018
Waajjirri Fayyaa Aanaa Gommaa gamaggamaa hojii xiyyeeffannoo ji’a afurii milkaa’inaan xumuree jira. Itti gaafatamaan Waajjira Fayyaa Aanaa Gommaa, Obbo Mahammadsani Alii, haasaa baniinsaa irratti haasaa taasisaniin, gamaggamni hojii yeroo yerootti gaggeeffamu hojii karoorfame galmaan ga’uuf qooda olaanaa qaba jedhaniiru.

Keessumattuu waggaa kana keessatti:

Inshuraansii Fayyaa Hawaasaa,KTL,Hojii Zero Dose adda baasuu,TB adda basuu fi calaallii kanseerii balballaa gadameessaa fi ittisa busaa akkasumas hirmaannaa ummataa cimsuu,irratti xiyyeeffannoon kennamee jiraachuu ibsaniiru.

Gama biraatiin, eksippertoonni Waajjira Fayyaa Aanaa Gommaa gabaasa hojii ji’a afurii dhiheessanii booda, gandoota raawwii gadi-aanaa qaban irratti kan xiyyeeffate gamaggamni gad fageenyaan gaggeefamera. Gamaggama kanaan hanqinoota jiran adda baasuun kallattii foyya’insaa fi tarkaanfiin sirreefamma fudhatamaa kan deemuu ta'uu obbo Mahammadsani Alii ibsaniiru. Kanaa malees bu’aaleen argamanis hojii fayyaa waan haalaan deggeran ta’uu ibsameera.
Kallattiiwwan Tajaajila Talaallii Daa’immanii Foyyeessuuf qabxiiwwan and armaan gadii akka hojiirra armaan gadii hojiirra oolchuu akka qabnuu itti dabaluun ibsaniru.
1. Ganda ofii Beekuu, Maatii Galmeessuu fi Daa’imman Haaraa Adda Baa­suu
- Ji’a ji’aan Abba warraa mara daawwachuun daa’imman talaallii hin jalqanne fi hafan adda baasuu.
- Faayilii maatii fi galmee EPI yeroo yerootti haaromsuu.
- Hoggantoota ganda, WDA/Idir fi hayyoota amantii waliin hojjechuun daa’imman haaraa saffisaan argachuu.
2. Daa’imman Haaraa Dhalatan Saffisaan Beekuu
- TBA, hayyoota amantii fi maatii waliin odeeffannoo dhalootaa saffisaan dabarsuuf sirna gabaabaa diriirsuu.
- Daa’imman haaraa OPV0, Hep-B fi BCG yeroo sirriitti akka argatan gochuu.
3. Daa’imman Hafan Duubatti Deebisu (Defaulter Tracing)
- Ji’a ji’aan ykn torbee torbeen tarree hafaa galmee EPI irraa baasuu.
- WDA fayyadamuun daa’imman hafan maatii isaanii irraa deebisuu.
- Maatii guyyaa deebi’iinsaa iftoomina qabu kennuu fi yaadachiisuu.
4. Beeksisa Hawaasaa fi Hubannoo Maatii Cimsuu
- Walgahii hawaasaa, marii bunaa fi gareewwan haadholiin irratti hubannoo babal’isu.
- Yaada dogoggoraa hawaasa keessa jiru haala afaanii fi aadaa beekanii hiiku.
- Hoggantoota amantii fi aadaa waliin hojjechuun deeggarsa talaallii cimsuu.
5. Tajaajila Tika Caabaa Qulqullina Qabu Mirkaneessuu
- Sagantaa guyyaa/jimaata RI itti fufiinsaan hojiirra oolchuu.
- Qabbanaa’insa, galmee sirrii fi nageenya mala qorichaa hordofuu.
- Open vial policy fayyadamuun carraa hafuu hir’isuun daa’imman hunda qorachuu.
6. Tajaajila Bahaa (Outreach) fi Moobaayil Cimsuu
- Gandoota fagoo fi gahuun rakkatu irratti xiyyeeffachuu.
- Mikiroopilaanee irratti hunda’uun tajaajila bahaa qopheessuu.
- Hawaasa, maanguddoo fi WDA waliin beeksisa guyyoota tajaajilaa taasifuu.
7. Qulqullina Daataa fi Itti Fayyadama Isaa Cimsuu
- Galmee, tallii fi rippoortii walsimsiisuun guutuu.
- Torbee torbeen PHCU waliin daataa ilaaluun daa’imman zero-dose adda baasuu.
- Defaulter chart fi monitoring chart sirnaan hojiirra oolchuu.
8. Hojii Waliin Ta’uun Damee Garaagaraa Jabeessuu
- Mana barumsaa, dargaggoota, DAs fi dubartoota hirmaachisuun beeksisa talaallii babal’isu.
- PHCU director fi focal EPI HC waliin hojjechuun deeggarsa barbaachisaa argachuu.
9. Deeggarsa fi Too’annoo Deeggarsaa (Supportive Supervision)
- Walgahii ji’a ji’aan PHCU irratti hirmaachuun rakkoo jiru ibsuu.
- Karoora fooyya’insaa fi barsiisuu hojiirra oolchuu.
10. Maatii Hirmaachisuun Bu’aa Fidu
- Maatii gorsa ifaa kennuu: dosa hunda guutuu, hafan booda saffisaan deebi’uu.
- Kaardii talaallii eegsisuu.
- WDA fi bilbala/ergaa fayyadamuun maatii yaadachiisuu.

29/11/2025

Waajjirri Fayyaa Aanaa Gommaa — Odeeffannoo Marbarg Kenne

Waajjirri Fayyaa Aanaa Gommaa, balaa dhukkuba Vaayirasii Marbarg irratti hubannoo uumuu fi ofeeggannoo cimsuuf hoggantoota aanaa fi gandoota hirmaachisuun leenji’i isaa gaggeesseera.

Dhibeen Marbarg yeroo ammaa naannoo Keeniyaa keessatti mul’achaa jiru sababeefachuudhan, Aanaa Gommaattis xiyyeeffannoon addaa kennamee haala itti daddarbu, mallattoolee fi tooftaa ittisaa irratti ibsi bal’aan kennamee jira.

Ittigaafatamaan Waajjira Fayyaa Aanaa Gommaa Obbo Mohammedsani Alii,
“Hubannoo uummachuun fi ofeeggannoo cimsuun, dhukkuba kana dura qolachuuf murteessaa dha,” jedhaniiru.

Waajjirri Fayyaa Aanaa Gommaa, hoggantoota fi qaama hawaasaatin waltajjii hubannoo uumuu itti fufee, balaa daddarba dhibee kanaa hir’isuuf hojii cimsaa jira.

28/11/2025

Waajjirri fayyaa Aanaa Gommaa Hojii boonsaa hojeeta jiruuf beekamtii argatte jiraa.

27/11/2025

Jiilli Daayirektara Olaanaa Dhaabbata Hawaasummaa Itoophiyaa (ACSO) Obbo Samson Biratuun Durfamuu Aanaa Gommaatti Dawwanna Hojii Fayyaa Geggeesse.

Sadaasa 18, 2018

Jiilli Daayirektara Olaanaa Dhaabbata Hawaasummaa Itoophiyaa (ACSO) Obbo Samson Biratuu durfamuun Aanaa Gommaatti argamuudhaan Keellaa Fayyaa Qottaa fi Buufata Fayyaa Bashaashaa irratti daawwanna hojii gaggeessaan.

Yeroo daawwannaan kun gaggeeffamu, bakka bu’aan Waajjira Fayyaa Aanaa Gommaa Obbo Abdii Nigatuu “Baga nagaan Aanaa Gommaatti, Itiyoophiyaa ishee xiqqoo kanaatti nagaan dhuftan” jechuun simannaa kabajaa ta’ee dhiyyeessaniiru.

Itti aansee, Qindeessaan Fayyaa Haadholii, daa'immanii fi dargaggoo Obbo Tewodros Seeyifuu haala waliigalaa hojiiwwan Aanaa Gommaatti qooda fudhattoota waliin hojjetamaa jiran gabaasa iwaliigalaa dhiheessanii jiru.

Kaayyoon daawwannaa hojii kanaa:

Hojiiwwan fayyaa qooda fudhattoota waliin hojjataman hubachuuf

Hojii talaallii kanseerii fiixee gadameessaa (HPV) jajjabeessuu fi itti fufinsa isaa mirkaneessuuf

Sagantaa Jalqabii Gaarii (Smart Start) akka itti fufiinsaan hojiirra oolu cimsuuf.

Daawwannaa sana irratti, Obbo Samson Biratuun akka jedhanitti:
“Aanaan Gommaa giddugala hojii fi muxannoo gaarii biyyaatti fakkeenya ta’uu qabdi. Waan argeen hedduu na gammachiise, qamni jijjiiramaa kana fidan hundi galata guddaa qabu.” jechuun haala hojii Aanaa Gommaa dinqisiifachuun galateeffataniiru.

27/11/2025

24/11/2025

Waajjira Fayyaa Aanaa Gommaa,Buufata Fayyaa Bashaashaatti Sagantaa Daawwannaa Hojii fi Muuxannoo Wal-jijjiirraa B/Fayyaa Bashaashaa keessatti gaggeeffame.

Guyyaa: 14/03/2017

Har’a sagantaa daawwannaa hojii fi wal-jijjiirraa muuxannoo Buufata Fayyaa Bashaashaa keessatti gaggeeffame irratti hirmaachuun hojiiwwan tajaajila fayyaa fooyyessuuf tattaaffiin keenya itti fufa jechuun I/A Waajjiraa fayyaa Aanaa Sanxammaa ibsaniiru.

Saganticha irratti:kan hirmatan

🔹 Itti-aanaa Hoogganaa Wajjira Fayyaa Aanaa Sanxammaa
🔹 Management fi Stafii Wajjira Fayyaa Aanaa Sanxammaa
🔹 DPHCU Buufataalee Fayyaa Aanaa Sanxammaa

hirmaachuun hojiiwwan bu’uura tajaajila fayyaa, mala hojii haaraa, tajaajila maamiltootaa fooyyessuu fi leenjii idilee irratti hubannoo bal’inaan argataniiru.

Daawwanni B/Fayyaa Bashaashaa keessatti taasifame kun:

✨ Tajaajila fayyaa hawaasaaf kennamu akka cimaan fi qulqullaan dhiyaatu hubannoo kennee jira.
✨ Mala hojii fooyya’aa fi fakkeenya gaarii akka fudhatamu taasiseera.
✨ Hojjettoonni muuxannoo hojii irratti walii-qooddachuun hojii keessatti tarsiimoo haaraa akka hojiirra oolan gumaacheera.

Walumaagalatti, sagantichi hojiiwwan tajaajila fayyaa Aanaa keessatti fooyya’uuf shoora ol’aanaa taphatee jira. Hojii waliigalaa kanaan, hawaasa keenyaaf tajaajila gahumsa qabu dhiyeessuun kaayyoo guddaa keenya ta’a.

22/11/2025

Hojjetootni Waajjiraa Fayyaa Aanaa Gommaa,hojeetoota seektara kan biroo walliin ta'uun Dhaabbii Biqilaa Baala Shaayee Guyyaa hadhaa buufata biqilaa Ganjii Ilbuutti argamuun hirmaannee jiraa.

28/10/2025

👉Buufata Fayyaa Yaacii/Yachi HC
👉Buufata fayyaa Limmuu shaayii

26/10/2025

Bu’aan hojii yeroo gochaan dhugoomu‼️ Gammachuun isaa daangaa hin qabu. Issinittii haa tolu 💪💪💪