MADDA ODUU

01/02/2025

YEROO MALEE BAHUU ULFAA/Abortion
▼▼▼▼▼▼▼▼▼▼▼▼▼▼▼▼▼▼▼
Biyyaa biyyatti addaa adda tahus akka biyya keenyaatti Ulfi yeroo isaa malee bahe /Abortion kan jedhamu yoo ulfi sun sababa garagaraatiin torbaan guutuu 28 ( ji'a torbaan ) duratti dubartii takka irraa baheedha ykn immoo daa'imni baate sun ulfaatina giraama 1000 /kilograma 1 gadi kan qabdu yoo taheedha. Kunis kan taheef daa'imni sana gaditti dhalatti sadarkaa biyya keenyaatti waan guddachuu hin dandeenyeefi.ameerikaatti garuu torbee 20 ykn ji'a 5 fi isaa gaditti.

Mala bahiinsaa irratti hundaa'uun ulfi yeroo malee bahu bakka lamatti qoodama:
1 Ofii isaatiin kan bahu ( Spontaneous Abortion ) fi
2 kan itti yaadee namni baasu ( Induced Abortion ) jedhamu.

KA'UMSA(kan ofii bahuuf)

1 Yeroo baay'ee ulfi ofii isaatiin bahu harki caalu kan mudatu ji'a sadeen duraa keessatti yoo ta'u sababni isaas yeroo hedduu rakkoo "kiroomoozomii" ( chromosomal anomoly ) irraa kan ka'eedha.
Dubartiin takka jiruu ishee keessatti carraan ulfa yeroo malee bahu qabaachuudhaa yeroo jalqabaatiif harka dhibba keessaa parsantii kudha shan (15% ) kan ta'e yoo ta'uu, yoo duraan qaban ta'e immoo carraan inni itti aanu irraa bahuu bal'aadha. Walitti aansuun yoo ulfi 5n baheyyuu carraan isa itti aanu qabachuu immoo ammallee ni jira

2 Gadaamessi uumamaan akka ilmoo hin qabanne ta'ee yoo guddate ( developmental uterine anomaly)

3 Tamboo aarsuu

4 Dhugaatii alkoolii yeroo hedduuf dhuguu (keessattuu ji'oottan lamaan duraa keessatti)
uterine defects)

5 gabaabbachuu hulaa gadaamessaa (Cervical insufficiency)

6 Hir'ina hoormoonii projestroonii

7 Hoormoniin Taayiroyidii hamma oomishamuu qabuu gaditti kan oomishamu yoo ta'e.

8 Dhukkuba Sukkaaraa qabaachuu

9 Infeekshinoota garaa garaa kan naannoo hulaa gadaamessaa fi isaa gadii ..fa'i

MALLATTOOLEE(ulfi bahuu fi bahaa jiraachuu agarsiisan)

1 Dhiiga karaa qaama saalaatiin yaa'u

2 waan foon Tiruu fakkaatu ciccitee bahu yoo jiraate

3 Handhuuraa gaditti irra deddeebi'ee garaa dhukkubbiin/muruun yoo jiraate
☞yoo ulfi ji'a 4/5n darbe
4 Daa'imni duraan socho'aa/taphachaa turte sochii dhaabuu

5 jijjiiramoonni dubartiin takka yeroo ulfooftu mul'atan kanneen akka guddachuu harmaa, heddummaachuu haqqisaa fi guddachuun gadaamessaa duubatti deebi'uu fa'aadha.

YAALA

Gosoota isaa irratti kan hundaa'e waan ta'eef, dubartiin ulfaa mallattoolee armaan olii irratti mul'ate dafanii hatattamaan ogeessa fayyaa dhiyeenyatti argamu bira deemuun mariisisuu qabu.

MIIDHAA

1 Garmalee dhiiguun hir'ina dhiigaa fiduu

2 Infeekshinoota salphaa fi hamoof nama saaxiluu

3 Dhangala'aan qaama gadi bu'uu

Hub: Haati takka yeroo ulfi irraa bahe yoo xiqqate ji'a 3-6 ulfaa'uu hin qabdu

Dr Gado

20/01/2025

Dubartii waa sagaliin horatu!
~ Sadi gorsaan
~ Sadi obsaan
~ Sadi dhoksaan
* Ilmi namaa haala jireenya isaatiin bakka
saditti qoodama!
~ Tokko kan biyya jiru
~ Tokko kan biyyaaf jiru
~ Tokko kan biyyatti jiru
* Namni lafee coru waa sadi fakkaata!
~ Yoo ija itti babaasuu, goota fakkaata.
~ Yoo afaan itti banu, waraabessa
fakkaata.
~ Yoo itti gororu, daa’ima fakkaata.
* Namni kijibu waa sadihiif muddama!
~ Hanga dhagahuuf
~ Hanga himuuf
~ Naa dhoksaafis ni muddama.
* Gowwaan waa sadi jaalata!
~ Osoo hin dubbisin dubbachuu
~ Osoo hin gaafatin himuu
~ Osoo hin tuqin aaruu
* Keessummaa waa sadihiin kabaju!
~ Erbee rifeensa hin qabne
~ Lafee foon hin qabne
~ Foon lafee hin qabne
¤ Hiikni isaas:
~ Erbeen rifeensa hin qabne, fuula ifaan
simachuudha.
~ Lafeen foon hin qabne, ilkaan gaariin
wajjiin kolfuudha.
~ Foon lafee hin qabne immoo, arraba
qajeelaan itti haasahuudha.
* Waa sadi fafa, waa sadi fafaa miti!
~ Lolaaf bahanii waraana dhabuun fafa.
Lolaaf bahanii waraana dhabuun fafaa
mitii, onnee dhabutu fafa.
~ Du’anii ibaadaa dhabuun fafa. Du’anii
ibaadaa dhabuun fafaa mitii, durumaan
ibaadaa dhabutu fafa.
~ Barumsaaf bahanii qalama dhabuun fafa.
Barumsaaf bahanii qalama dhabuun fafaa
mitii, kaayyoo dhabutu fafa.
* Waa sadi dura badee, waa sadi tura bade!
~ Makkalli dura badee, hayyichi tura bade.
~ Maxaanaan dura badee, arreedaan tura
bade!
~ Doqnichi dura badee, arjichi tura bade.
* Ilmi namaa sadi!
~ Tokko kan abbaa caalu
~ Tokko kan abbaa dhaalu
~ Tokko kan abbaa dhaanu
WAAQNI ILMA KASAARAAFI ABBAA
DHAANU IRRAA NU HAABARARU!
* Namni dhugaan wal-jaalatu waa sadiin
wal-jaalataan
~Garaa dhaan
~Onnee dhaan
~Dhugaa shame
isinitti Tole peegii keenya hordofaa!
fi like gidhaa!

18/01/2025

12/01/2025

07/01/2025

Baakteeriyaa garaacha quncisu- H.pylori
***********************************************
Baakteeriyaan kun "H.pylori " jedhamuun waamama. garaachaa fi mar'imaan qallaa gara olii miidha. Namoota adduunyaarra jiran harka lama sadaffaa kan hubee jiruudha. Namoonni hedduun oduma baakteeriyaa kana garaachaatti baatanii deemani mallattoo tokkollee hin agarsiisan. Baakteeriyaan kun garaacha erga seenee booda keessoo garaacha keenyaa quncisuudhaan akka inni asiidii garaacha keessaa burqu fi HCL jedhamuun beekamuuf saaxilamu godha

Mallattoolee
-------
• Miirri gubaatii laphee namatti dhagahamuu keessattuu yeroo beela qabnu, halkan walakkaa fi kkf . Dhukkubbiin kun yeroo nyaata nyaatan ykn aannan dhugan kan wayyooytuu
• Miirri beelaa namatti dhagahamuu dhabuu
• Haqqisiisuu
• Sababa hin beekamneen huqqachaa deemuu
• Garaan bokokuu
Furmaata
-----
Mallattoolee kunneen ofirratti yoo argitanii fi baakteeriyaa kana qabaachuu of shakkinaan mana yaalaa deemuun of qorachiisanii qoricha jermii kana ajjeesuu fi dhukkee irraa kaasu fudhachuun barbaachisaadha. Kana malees wantoota dhibee kana natti hammeessa jettanii yaaddan irraa of qusachuu
Wal'ansi kun tarbaan 2 fi sanaa oliif itti fufuu danda'a . Qoricha akkaataa Ogeessi fayyaa ajajuun fudhachuun dirqama ta'a. Yoo sirritti hin fudhanne ta'e baakteeriyichi dawaan waan walbaruuf booda irraa fayyuun rakkisaa ta'a! Erga dhibicha irraa wal'aanamtanii xumurtan booda mana yaalaa deemtanii baakteeriyaa sanarraa guutumaa guututti fayyuu keessan mirkaneeffadhuun bareedaadha!!
FAYYAA HIN DHABINAA
Eba Pediatrics Specialty Center

07/01/2025

07/01/2025