Dilchora Hospital Dire Dawa

13/02/2026

ለድልጮራ ሆስፒታል ተገልጋዬች እንኳን ደስ አላችሁ።

09/02/2026

የድልጮራ ሆስፒታል አገልግሎቱን ይበልጥ ለማዘመን የሚያስችሉ ዘመናዊ የህክምና መሳሪያዎችን በልገሳ ተረከበ

የድልጮራ ሆስፒታል በአውስትራሊያ ከሚገኘው የፉትስክሬይ ሮታሪ ክለብ እና 'ሮታሪ ዶኔሽንስ ኢን ካይንድ' የተገኙ እጅግ ዘመናዊ የህክምና መሳሪያዎችን በዛሬው እለት በይፋ ተረክቧል።
​በዚህ ደማቅ የርክክብ ስነ-ስርዓት ላይ የድሬዳዋ አስተዳደር ከንቲባ ክቡር አቶ ከድር ጁሃር፣ ምክትል ከንቲባ ክቡር አቶ ሀርቢ ቡህ፣ የድሬዳዋ ጤና ቢሮ ኃላፊ ዶክተር ጽጌሬዳ ክፍሌ፣ የሆስፒታሉ ስራ አስኪያጅ ወይዘሮ ሙና ኢብራሂም እና ሌሎች ከፍተኛ የስራ ኃላፊዎች ተገኝተዋል።
​የድሬዳዋ አስተዳደር ከንቲባ ክቡር አቶ ከድር ጁሃር ባደረጉት ንግግር፤ ለጋሾችን አመስግነው እንዲህ ያሉ ዓለም አቀፋዊ አጋርነቶች ለወደፊቱም ተጠናክረው ሊቀጥሉ እንደሚገባ እና የድሬዳዋ አስተዳደር መሰል የልማት አጋርነቶች እንዲስፋፉና ለጋሾችም ምቹ ሁኔታ እንዲፈጠርላቸው የሚቻለውን ሁሉ ለማመቻቸት ዝግጁነታቸውን ገልጸዋል።
​የድሬዳዋ ጤና ቢሮ ኃላፊ ዶክተር ጽጌሬዳ ክፍሌ በበኩላቸው፤ እነዚህ መሳሪያዎች በሆስፒታሉ የሚሰጠውን የህክምና አገልግሎት ጥራት ለማሳደግና የማህበረሰቡን የጤና ተጠቃሚነት ለማረጋገጥ ያላቸውን ፋይዳ አብራርተዋል።
​የሆስፒታሉ ዋና ስራ አስኪያጅ ወይዘሮ ሙና ኢብራሂም ባስተላለፉት መልዕክት፤ የተገኙት መሳሪያዎች ሆስፒታሉ ያለውን የአገልግሎት አድማስ ለማስፋት ትልቅ አቅም እንደሚፈጥሩ ገልጸዋል።ከዚህ አክለውም "እነዚህን እጅግ ጠቃሚ የሆኑ የህክምና መሳሪያዎች ለታለመላቸው አላማ ብቻ በማዋል የማህበረሰባችንን ጤና ለመጠበቅና ህይወት ለመታደግ ቃል እንገባለን" ሲሉ ሆስፒታሉ መሳሪያዎቹን በአግባቡ የመጠቀምና የመንከባከብ ኃላፊነቱን እንደሚወጣ አረጋግጠዋል።
​ይህ ግዙፍ ድጋፍ እጃችን እንዲደርስ በግንባር ቀደምትነት ለተሳተፉት ለአቶ ጃማ ፋራህ እና ለአቶ ዳዊት፣ ለአፍሪካ ቀንድ የህክምና መሳሪያዎችና ተንቀሳቃሽነት ፋውንዴሽን እንዲሁም በአውስትራሊያ ለሚገኘው የድሬዳዋ ከተማ እርዳታ እና ድጋፍ ማህበር በስነ-ስርዓቱ ላይ ላቅ ያለ እውቅና ተሰጥቷል።
​ልገሳው በእናቶችና ህጻናት ጤና እንዲሁም በተለያዩ የህክምና ዘርፎች ላይ የሚታየውን አገልግሎት ወደ ላቀ ደረጃ እንደሚያሸጋግር ተገልጾ፤ የርክክብ መርሃ-ግብሩ ተጠናቋል።

06/02/2026

29/01/2026

Thanks a lot to all of our partners

25/01/2026

👉👉ድልጮራ ሆስፒታል ጥር 16/2018

የፌዴራል ተቋማት ብልፅግና ፓርቲ የኢኮኖሚ ክላስተር ወጣቶች ክንፍ "የወጣቶች በጎ እይታ ለታላቋ ኢትዮጵያ "በሚል መሪ ሀሳብ በአስተዳደሩ የበጎ ፍቃድ አገልግሎቶችን እና አቅመ ደካሞችን ለመደገፍ እና የወጣቶችን አብሮነት ፣ወንድማማች እህትማማችነት እሴትን ለማጎልበት እንዲያስችል ታስቦ በዛሬውም እለት በጎነት በሆስፒታል በሚል መርህ በድልጮራ ሆስፒታል እና በኢትዪፈረንሳይ ትራውማ ሴንተር ለሚገኙ ታካሚዎች የተለያዮ የቁሳቁስ ድጋፍ ኣድርገዋል!!
ለዚህ ተግባር በሆስፒታሉ ስም እናመሰግናለን።🙏🙏🙏

21/01/2026

የድልጮራ ሆስፒታል የአመራር ቦርድ የ2018 በጀት ዓመት የ6 ወራት የሥራ አፈጻጸም ግምገማ በዛሬው ዕለት 13/05/18 አካሂዷል። ግምገማው ሆስፒታሉ ለማህበረሰቡ የሚሰጠውን የጤና አገልግሎት ጥራትና ተደራሽነት ይበልጥ ለማሳደግ ያለመ ነው።
በሪፖርቱ ከቀረቡ ዋና ዋና አሃዞች ባለፉት ስድስት ወራት በሆስፒታሉ
በተመላላሽ ታካሚዎች ክፍል (OPD)፦ 134,535 ለሚሆኑ ዜጎች አገልግሎት መስጠት ተችሏል።
በተኝቶ ታካሚዎች ክፍል (IPD)፦ 6640 ታካሚዎች ክትትልና ህክምና አግኝተዋል።
በድንገተኛ አደጋ ህክምና ክፍል (Emergency)፦ 9973 ለሚሆኑ ወገኖቻችን አስቸኳይ የህይወት አድን አገልግሎት ተሰጥቷል።
የሆስፒታሉ የአመራር ቦርድ በሪፖርቱ በቀረቡት ዝርዝር ተግባራት ላይ ሰፊ ውይይት ካደረገ በኋላ፣ ጥሩ አፈጻጸም የታየባቸውና ውጤታማ የሆኑ ስራዎች ይበልጥ ተጠናክረው እንዲቀጥሉ አቅጣጫ አስቀምጧል። በተለይም በሆስፒታሉ መጋዘን ክፍሎች ውስጥ ተግባራዊ የተደረገውን የካይዘን (Kaizen) አሰራር በአካል ተገኝቶ በመመልከት፣ የስራ ሂደቱን በማሳለጥ ረገድ ያለውን ፋይዳ ገምግሟል።
ከዚሁ ጎን ለጎን፣ ቦርዱ ክፍተት የታየባቸውን የስራ ዘርፎች በመለየት በቀጣይ መስተካከል በሚገባቸው ጉዳዮች ላይ አቅጣጫ አስቀምጧል። በተለይም የሆስፒታሉን ግቢ ለታካሚዎች ፅዱ፣ አረንጓዴ እና ምቹ የማድረግ ስራ በልዩ ትኩረት እንዲከናወን አስታውቋል።
የአገልግሎት አሰጣጥ ፍጥነትንና የደንበኞች እርካታን ይበልጥ ማሳደግ የሚቻልባቸውን መንገዶች በማሳለጥ የድልጮራ ሆስፒታልን የላቀ የህክምና ማዕከል ለማድረግ በቅንጅት እንደሚሰራ አረጋግጠዋል።

11/01/2026

08/01/2026

13/10/2025

የሰንደቅ ዓላማ ቀን አከባበር በድልጮራ ሆስፒታል