07/01/2021
Dhukkuba kaansarii Afaan Gadaamessaa( cervical cancer).
Dhukkubni kaansarii Afaan gadaamessaa dhukkuboota qaama Hormaataa dubartootaa miidhan keessaa isa tokko ta'ee yeroo ammaa kana biyyoota gaanfa Afriikaa ta'an keessattuu Itoophiyaa haalaan miidhaa kan jiruudha.
Dhukkubni kun shammarran armaan gadiitti tarreeffaman dursaan kan qabuudha:
1,Dubartoota dhiiraa lamaa fi isaa ol waliin walqunnamtii saalaa taasisan( having multiple sexual partner).
2, Hiriyyaa dhiiraa ykn abbaa manaa jijjiiruu( changing sexual partner).
3, Shamarran vaayirasii HPV jedhamuun miidhaman ( Human papilloma virus infection).
4, Sigaaraa warra aarsan( smoking cigarette).
5, waggaa 16 dura walqunnamtii saalaa eegaluu( early coitarche).
Kanneen armaan oliitti tarreeffame wantoota saaxilamummaa dabalaniidha.
Dhukkubni kun jalqaba irratti gadaameessa kan miidhu ta'uyyuu akkuma kaansarii biroo qaamota biroo miidhuu kan danda'uudha. Qaama biroo kan miidhu karaa ujummoo dhiigaatiin dhiigaan baatamee iddoo biraa deemuuniidha.
Kana qofa osoo hin taane haadholee dhala dhoorkuu ni danda'a, kuni kan ta'u yoo garaa gadaameessa miidhee fi yeroo yaalaa gadaameessi wal'aansa baqaqsanii hodhuun yoo yaalameedha.
Karaa ittiin dhukkubicha beekan:
1, Mallattoolee haadholliin hakiimatti himaniin.
2, Laaboraatorii adda addaa.
Karaalee ittiin sakatta'iinsa duraa( screening):
A, VIA ( Visual inspection with acetic acid).
B, pap smear.
C, colposcopy directed biopsy fi kkf...
Karaalee ittiin ofirraa ittiisan:
1, walqunnamtii saalaa ofeeggannoo hin qabne taasisuu ( unprotected sexual in*******se).
2, Sakatta'iinsa duraa( screening).
3, Sigaaraa aarsuu dhiisuu
4, Dhukkuboota dura kaansarii dafanii yaaluu( treating precancerous lesions).
Yaalaawwan dhukkuba kaansariu Afaan gadaameessa:
1, Wal'aansa yaalaa( surgical treatment).
2, Radiotherapy
3, chemotherapy.
Walumaagalatti dhukkubni kaansarii Afaan gadaameessaa Haadholii keenya miidhaa waan jiruuf irraa ofeeguun barbaachisaadha.
