https://www.facebook.com/100385209635815/

Dr.Hamza.U, HFSUH, Harar (2025)

05/02/2024

Congratulation for all new general surgery graduate of Haramayaa university
2024 batch.
Baga gammaddan,baga gammanne!

05/01/2024

Nama kanniisaan hiddameef maal gochuu qabna?
*************************************
Nama kannisni hidde bakka lamatti qoodanii yaaluun ni danda'ama.
1.Mallattoolee salphoo: isaanis diimachuu, dhiitahuu,bakki sun nama hooksisuu, dhukkubbii salphaa ta'e namatti dhagahamu, faadha.
-namoota mallattoolee kanaa olii irratti argame maloota armaan gadii fayyadamuun manatti yaaluun ni danda'ama.
-ilkee kanniisaa sana irraa buqqisuu
-bakka hiddame saamunaa fi bishaan qulqulluudhaan dhiquu
-bakka sana cabbiin sukkuumuu kun
2.Mallattoolee cimoo: isaanis
-Akka malee dhiitahuu qaamaa, -harganuu dadhabuu
-qaamni dilallaahuu ykn baay'ee hoo'uu
-gaggabuu,of wallaalchisuu fi k.k.f
Namootni mallattoolee cimoon irratti mul'ate hatattamaan
mana yaalaa geessanii yaalsisuun.
Galatoomaa
Fayyaan Qabeenya!!
Dr.Hamza U

23/12/2023

SHAAYII DHUGUU
********************
Qorannooleen hedduun akka mul'isannitti shaayii dhuguun fayyummaa qaama keenyaaf faayidaa ol'aanaa ta'e qaba. Shaayiin wontoota carraa dhukkuba onnee, kaansarii fi dhukkuba sukkaaraan qabamuu hirdhisan of keessaa qaba.
Shaayii dhuguun:
* Carraa dhukkuba onnee akka tasaa (Heart Attack) fi Istirookii (dhiigni sammuu keessatti jiguu/hiddi dhiigaa sammuu keessa jiru cufamuu) daran xiqqeessa.
* Lafeen keenya akka jabaatu godha.
* Koolestiroolii qaamaa keessa jiru hirdhisuu danda'a
* Dhiibbaa dhiigaa ol ka'aa ta'e gadi buusuu irratti faayida qaba
* Nyaata booda nyaanni nyaanne akka salphaan nuuf bullaayuuf ni gargaara
* Muraa garaa/ garaan yoo nama cinine namarraa laaffisu danda'a
* Fayyuuma fi jabinna ilkanii irrattis gahee guddaa qaba
* Foolii badaa afaaniis ni hirdhisa
* Sirni ittisa qaamaa akka jabaatu godha
* Qorannooleen tokko tokko akka agarsiisannitti carraa kaansarii sombaa, harmaa, fi piroosteetiitiin qabamuu ni hirdhisa
* Carraa dhukkuba Sukkaraa gosa lammeessoo (Type-II DM) tiin qabamu gadi buusa
* Dandeettii yaadachuu, qalbeeffachuu fi fulleffannaa ni dabala
---
Ulfaadhaa!
Horaa, bulaa, deebanaa!
---
©Dr. Nuredin L

19/12/2023

"Bofaan yoo hiddamte ykn namni si madditti hiddame maal gootu ?"
**********************************
• Gosoota bofaa 3500 ol jiran keessaa 600 qofaatu summii qaba jedhamee yaadama
*1.Mallatoolee summii qabaachuu Agarsiisan:*
---------------------------------------------------
• bakkii ciniiname suni madaa,diimachu,dhiita'uu, luqqa'uu ykn dhiiguu qabaachuu
• hafurrii sitti ciccitu (shortness of breath)
• dhahannan onnee dabaluu.
• ol guurra ykn hooqisisuu
• gororrii afaanii ya'uu fi garmalee dafqisisuu
• ijaan ilaaluu dadhabu ykn namatti dukkana'uu.
• Mallatooleen akka dhahannaa onnee dabaluu , haqqisiisaa , albaasuu , mataa bowwoo , ija dura maruu ,dafqisiisuu , maashaa qaamaa laamsheessuu , hargansuu dadhabuu fi of wallaalchisuun qaama keessa faca’uu waan agarsiisaniif hamma ajjeesutti deemuu danda’a waan ta'eef daddafnee mana yaalaa dhaquu ykn geessuu qabna.

*2.Nama bofaan hiddameef ykn yoo nu hidde maal gochuu qabna yknhin qabne?*
------------------------------------
• bakka bofni cininee sana hidhuus ta'ee muruu,xuuxuu ykn ciniinuu dhisuu.iddoo bayyeeti bakka bofti cininee sana xiqqoo oli siqanii hidhuun waan jiruufi kuni immoo sirrii miti
• Wanta qaama walitti qabuu danda’u akka qubeelaa , sa’aatii fi faaya biroo miila ykn harka hiddame irraa baasuu sababniis qaamni kuni dhiita'uu waan danda'uuf.
• Miila ykn harka hiddame sochoosuu dhiisuu
• Lafa hiddaamee gara onneetti ykn mataatti olkaasuu dhiisuu
• Iddoo hiddame sana tasuma hin murinaa kunis summiin bofa dhiiga kantarsuu dhorka waan taheef dhiigni dhaabbachuu dhiisuu danda’a.
• yoo bofti nu cininee suni jiraates ta'ee du'e gara mataa isaa tuttuquu dhisuu.balaa biraa nutti fiduu danda’a waan ta'eefi.
• Harka yookin miila hiddame sana sochoosuu dhiisuu
• Hatatamaan gara mana yaalaa dhaquu ykn geessuu.
Fayyaan qabeenya.
Hamza U.

17/12/2023

TIMAATIMA NYAACHUUN FAAYIDAA QABAA???
*****************************
❶.vaayitaminii C,K,B9 fi albuuda akka pootasiyeemin kan badhadhedha
❷.gogiinsa garaa hir'isuuf ni oola
❸.Fayyaa onneef
👉Timaatimni keemikaala lycopene jedhamu kan fayyaa onnee fi ujummoo dhigaa eeguf gargaaru of keessaa qaba
❹.Kaansarii sombaa, garaachaa,mar'imaanii fi pirosteetii hir'isuu keessatti gahee qaba
❺.Fayyaa gogaaf
👉Keemikaalli timaatima keessatti argamu gubaatii aduu ni hir'isa akkasumas gogaan akka hin suntuurref ni gargaara
❻.Ijji ifaan akka hin miidhamneef ni gargaara
❼dhiibbaa dhiigaa hir'isuuf
❽.Dhibee sukkaaraaf ni fayyada
Fayyaan qabeenya

17/12/2023

FUNUUNA ykn DHIIGUU FUNYAANII (nasal bleeding) AKKAMIIN DHAABUU DANDEENYA?
•••••••••••••••••••••••••••••••••••••••••
•Taa'uu diriirtee ykn Gara fuula duraatti xiqqoo gadi jechuu.
•Funyaan keenya quba guddaa fi quba elmituu gidduutti jabeessinee daqiiqaa 10-15 qabachuu .
•Afaaniin harganuu/breath through the mouth.
•akka hin dubbanne,hin qufaane,hin liqimsine ni jajjabeessama.
•Gara dudduubaatti jechuun dhiigni akka ujummoo nyaataa ykn ujummoo qilleensaa seenu taasisa malee dhiiga dhaabuuf hin gargaaru.
•Gadi ciisuu dhiisuu.
• Funyaan keenyaa waan dhiigaa jiruuf sadarkaa onnee olitti (above heart level ) eeguu qabna. Kanaaf gadi ciisuu dhiifnee taa’uu ykn yoo dadhabne ammoo mataa keenya ol qabannee ( 30 to 40 degree above horizontal) ciisuu.
•Bishaan baay’ee diilallaa’aa (cabbii yoo arganne gaariidha) fuula fi funyaan keenya irratti yeroo muraasaaf naquu. Kunis ujummooleen dhiigaa xixiqqoon akka kottoonfatan waan gargaaruuf.
●Kanaan yoo dhaabbachuu dide dafnee gara mana yaalaa geessuu qabna.Hamza U

16/12/2023

Haala taa'umsa daa'ima gadameessa keessaa kan sirrii beektaa??
===================
Haalli taa'umsa daa'imaa wayita ulfaa hanga ji'a 8tti murtaa'aa miti. Kana jechuun teessumni daa'ima ji'a 8 gadii guyyaa dha gara guyyaatti jijjiirama. Haa ta'u malee wayita guyyaan da'umsaa dhiyaachaa deemu taa'umsi daa'imaa murtaa'aa fi kan hin jijjiirama ta'a. Haalli taa'umsa daa'imaa wayita kana akka armaan gadii ta'a.

✍️95% Mataan gara balbala gadameessaatti garagaluu. Wayita kana harmooliin ciniinfatanii da'uu danda'u.

✍️ 3% taa'umsi/udduun gara balbala gadameessaatti garagaluu(fujjisa). Karaan/Mali da'umsaa ulaagalee adds addaa irratti hunda'a.

✍️ Persentaan baayyee xiqqoo ta'an wayita daa'imni dalga ciistudha. Kun wayita hordoffii yoo mul'ate ogeessa fayyaan hanga tokko jijjiramu mi danda'a. Wayita ciniinsuu yoo argame malli da'umsaa opereeshiniidha.

✍️Kanaaf taa'umsi daa'ima gadameessa keessa jirtu yoo sirrii ta'uudha baate haadharrattis ta'e daa'ima irratti rakkoo hamaa fiduu waan danda'uuf hordoffii wayita ulfaa haalaan fudhachuun barbaachisaadha. Ogeessonni fayyaa kan buufata fayyaa irraa hojjettanis haala taa'umsa daa'imaatti xiyyeffannoo akka itti kennitan Kan jedhu dhaamsa kooti.
Galatoomaa
Dr. Lammii Gonfaa

16/12/2023

Qarshii 100,000 na injifachiisaa
Dr. Irfan Ibrahim (Mohammed Ibraahiim) waldorgommii badhaasa Birrii 100,000 (Kuma dhibba) qabdu irratti "Tajaajilaa fayyaa manatti (home based clinical health) jachuun hirmaatee jira. Mee koottaa waliin taanee haa injifachiifnuu. Link jalatti arkamu seenuun Like qofa gootu. Galatoomaa!
https://www.facebook.com/100002028524680/posts/7005786162832265/?app=fbl

16/12/2023

Faayidaa Maangoo
*******************************
• Gogiinsa garaa hir'isuu fi bullaa'insa nyaataaf (compound amylase fi fiber ol'aanaa waan ofkeessaa qabuuf)
• Maangoo dheedhin(fireeshin) dhibee sukkaaraa hir'isuuf ni gargaara akka qorannoon agarsiisutti
• Keemikaalota antioxidant jedhaman qaama keenyaaf barbachisan hedduu of keessaa qaba.antioxidantin dhukkuboota fi kulkula hir'isuuf gargaara
• Viitaminoonni hedduuminaan maangoo keessatti argaman kan viitaminii A,C,E fi K dandeettii dhukkuba ofirraa ittisuu qaamaa (immunity ) dabaluuf nii oolu
• Dhiibbaa dhiigaa hir'isuu fi Fayyaa onneef-Albuudonni akka pootasiyeemii fi maagnziyeemii fayyaa onnee eeguf baay'ee barbaachisoodha
• Carraa Kaansarii mar'imaanii, dhiigaa fi sombaan qabamuu ni hir'isa.
• Qabiyyee maangoo giddu galeessa tokkoo
1. Kaaloorii: 99
2. Pirotinii: giraama 1.4
3. Kaarbohayidireetii: giraama 24
4. Faatii: giraama 0.6
5. Faayiberi: giraama 2.6
6. Viitaminii A, B, C, E,K
7. Albuuda: Cu, K, Mg
Fayyaan qabeenya
Hamza U

$Haadhaa fi Daa'ima garaa jiru haa baraarruu." **************************************mallattoolee asii gaditti tarraa'e\...$

16/12/2023

Haadhaa fi Daa'ima garaa jiru haa baraarruu."
**************************************
mallattoolee asii gaditti tarraa'e\eerame kana yoo haati ulfaa of irratti argite daftee mana yaalaa deemuu qabdi
(danger sign in pregnancy)

• mana dhalaarraa dhiigni dhangala’u.
• mana dhalaarraa dhangala’aan/bishaan dhalaa dhangala’uu.
• DHukkubbii mataa hammaataa ta’ee fi qoricha dhukkubbiin hin fooyyofne.
• Dhiita’uu qaama guutuu(fuula,harkafi kkf)
• ilmoon taphachuu dhaabuu ykn hir'isuu.
• Hurgufamuu qaamaa ykn gaggabdoo/convulsion yoo iirratti mul'ate.
• DHukkubbii garaa hamaa/abdominal pain.
• Laydaa ykn lafti yoo mareen/fever or dizziness.
• Ijji itti golgolaa’uu /blurring of vision.
• Ciniinsuun/cimimmuun osoo yeroon hin ga’in jalqabuu.
• walitti fufiinsaan qooqqifachuu/haqqisuu.
Fayyaa argadhaa
Dr.Hamza.U

15/12/2023

Baay'een Gaddee ...

"Maqaan isaa Dr Israel Tilahun jedhama.

Gurbaa qaxalee, qulqulluu ilma Oromoo, ilma warra guddaa! Magaalaa Finfinnee keessa maatiisaa waliin jiraata.
Reefuu umriin waggaa 29. Hin fuune - hin dhalchine!

Carraa Ameerikaa jiraachuufi hojjechuu argatee, si’a baay’ees deemee ilaalee, “Ammaaf biyyuma abbaa koo keessatti uummata koo tajaajiluu wayya” jedhee dhiisee deebi’e.

Dr Israel dheengadda gara hojiisaatti ariifachaa ture. Deemee dhukkubsataa yaaluuf! Kan dhibame fayyisuuf, kan madaa’eef madaa qoorsuuf! Kan abdii dhabeef Waaqaa gaditti abdii ta’uuf! Konkolaataasaa hoofee gara hojiitti fiigaa ture.

Daandii gubbaatti utuu konkolaataa kan biraa cinaa darbuuf jedhuu akka tasaa konkolaataansaa ispookiyoo konkolaataa kan biraa sanatti bu’ee cabse. Ispookiyootu cabe. Qarshii 5000 yookaan 8000 yoo baay’ate! Kanuma. Ispookiyoo sibilaafi daawwitiirraa hojjetametu cabe!

Namni konkolaataa ispookiyoon cabe sana keessa ture utaalee bu’e! Kanas sanas hin jenne. Meeshaa isaa baafate! Rasaasa nyaachifate! Dr Israelitti dhukaasee mataa keessa rukkute! Gurbaan dhukkubsataa du’arraa oolchuuf fiigu ofiisaa daandii walakkaatti ajjeefame. Finfinnee, daandii walakkaa! Sababa ispookiyoo konkolaataa!

Kun yakkaa hadhaa’aa magaalaa Finfinnee keessatti guyyaa saafaa raawwatame ta’ee osoo jiruu, abbaan yakkaa kana raawwate ifatti hin baane. “VIP” dha jedhu, isa nama caalu; isa waan fedhe godhu!
Maqaansaa hin dhahamu, odeeffaansaa hin beekamu, beekames himamu. Cufamaadha!

Harmeensaa aadde Seenaan ni boossi! Ijishee hin qooru, afaanshee haara hin galfatu, “Mucaa koo nyaatan kaa, wayyoo mucaa koo nyaatan kaa…”

Lubbuun dhala namaa, isheen Waaqayyo uume; isheen qaaliin haga kanaa gatii dhabde!

Nagaan boqodhu Dr Israel Tilahun"
✍️Dr Abdi adunyaa

Biyya itti lubbuun haakimalleen gatii dhabde.

15/12/2023

Kaleen keenya fayyaa qabaachuu akkamitti beekna???
*************************************
• Mallattoon asii gadii yoo nama irratti mul’atan kaleen nama tokkoo miidhamuu waan agarsiisaniif namoonni mallattoo kana ofirratti arge dafee gara mana yaalaa deemuu qaba.
1.Dhiitoo qaamaa-yeroo baayyee naannoo ijaa ykn fuularraa kan ka'u.
2.Haqqisuu ykn qooqqifachuu,ol tuttuquu.
3.goguu ykn nyanyaachuu gogaa
4.dhiigni dabaluu ykn ol ka'uu
5.Dadhabbii qaamaa/humna dhabuu
6.Fedhiin nyaataa hir’achuu
7.Haalluun fiincaanii diimachuu/dhiiga makachuu
8.Hammi fincaanii hir’achuu ykn dabaluu
9.Hirriiba dhabuu fi kkf
NB:Dhibeen kalee yeroo baayyee mallattoo hin agarsiisu(kanaaf baayyinaan yeroo qorannoon godhamu akka tasaa argama)
Fayyaan Qabeenya.Hamza U.

Dr.Hamza.U

05/02/2024

05/01/2024

23/12/2023

19/12/2023

17/12/2023

17/12/2023

16/12/2023

16/12/2023

16/12/2023

16/12/2023

15/12/2023

15/12/2023

Address

Telephone

Website

Alerts

Contact The Practice

Shortcuts

Share

Category