Harme Clinic/Harar

18/11/2025

Harme Clinic/Harar

16/11/2025

Hospitaalli Siinaa Giraand Sub Ispeeshaalistoota, Ispeeshaalistoota fi ogeeysoota jira ja'an hunda qabatee sa'aa 24 tajaajila kennaa jira. Koottaa tajaajila keenyaa laalaa irraa fayyadamaa.

: Magaalaa , daandii Shawaa-bar irraa gara hospitaala Caffee geessu gamoo Hanaan fuuldura.

Bilbila: 0975073333

Tiktok: https://www.tiktok.com/?_r=1&_t=ZM-91QcOXEDlWu

Telegram: https://t.me/ibnsinamedicalgroup

Facebook: https://www.facebook.com/share/1BeHcrhNGd/

HOSPITAALA GUDDICHA SIINAA

15/11/2025

Vaayirasii 'Marburg'

Dhibeen Vaayirasii tibbana Jiinkaatti muudate maalummaansaa beekamuu Ministirri Fayyaa beeksise.

Ka’umsi dhukkuba Heemooraajik Fiivar Naannoo Kibbaa Itiyoophiyaatti muudate kunis Biyyoota Baha Afrikaa birootti kana dura kan mul'ate yoo ta'u maqaansaas 'Marburg virus' akka jedhamu eere.

Hanga ammaattis Laaboraatori Riferansii Biyyaalessaa Inistiitiyuutii Fayyaa Hawaasaa Itiyoophiyaatti qorannoo DNA taasifameen ka’umsi dhukkubichaa Vaayirasii Maarbargi akka ta’e adda bahuu Ministeerichi beeksiseera

Guyyaa har’aa namni mallattoo dhukkubichaa agarsiises ta’e dhukkubichaan shakkame kan hin jirre ta’uus ibseera.

Gareen ogummaa garaagaraarraa ijaarame gara naannichaatti erguun hojiin dhukkubicha ittisuufi to’achuu hojjetamaa akka jirus Ministeerichi ifoomseera.

MAALUMMAA DHIBEE KANAA

Viral hemorrhagic fever kan jedhaman dhibee tokko qofa osoo hin taane, dhibeewwan vaayireesiin dhufan mallattoo fi haala daddarbiinsaa akkasuman haala miidhaa qaamarra geessisanii walfakkaatan of jalatti qaba.

Dhukkuboonni 'Viral Hemorrhagic Fever (VHF)' jedhaman kun akkuma maqaan ibsu; vaayirasiin kan dhufan (viral), qaama namaa dhiigsuun beekaman (hemorrhagic) fi mallattoo dhagna/qaamaa gubaa (fever) qabanidha.

Dhibeewwan amala ijoon walfakkaatan (keessumaa qaama dhiigsuu fi qaama gubaa)Viral Hemorrhagic Fever jedhamuun beekaman kana keessaa kan akka Crimean-Congo Dengue, Ebola, Hantavirus, Lassa, Marburg fi Yellow fever maqaa dha'uun ni danda'ama.

MALLATTOO

●Dhaqna gubuu
●Dadhabbii akka malee
●Dhukkubbii maashaa fi buusaa
●Mataa dhukkubbii
●Teessisa
●Olguuruufaadha

Akkuma hammaataa deemeen ammoo mallattoowwan ciccimoon kanneen akka:-
● Dhiiguu qaamaa kan akka funyaan, afaan, irga ilkaanii, gogaa jala, ija, karaa qaama saalaa fi qaamota keessaan ba'uu
●Garmalee gadi bu'uu dhiibbaa dhiigaa
●Dadhabuu kalee fi tiruu fi qaamota ijoo biroo
●Of wallaaluufaa agarsiisa.

AKKAATAA DADDARBIINSA ISAA

●Ciniinnaa bookee fi silmii
●Dhangala'aa nama dhibee VHF qabuu kan akka dhiiga, fincaan, bobbaa, hancufa, aannan harmaa, dhangala'aa qaamaa saalaa tuttuquudhaan.
●Karaa dhangala'aa bineensotaa fi beeyladoota dhibee VHF'n qabamanii kan akka jaldeessaa, qamalee, shimbira halkanii fi beeyladoota manaa dabalatee.

ITTISA

●Bineensota dhibee kana namatti dabarsan keessumaa hantuuta naannoo ofii dhabamsiisuu.
●Bookeen akka nama hin ciniinne maloota akka agoobara fayyadamuu, uffata qaama haga danda'ame golgu uffachuu, golgaa foddaa (window screen) fi keemikaalota farra bookee fayyadamuun ofirraa dhorkuu.
●Yoo nama dhibee kanaan qabame yaalan/kunuunsan golgaa harkaa fi meeshaalee addaa dhimma kanaaf hijiirra oolan (personal protective equipment) fayyadamuu. Gara mana yaalaa geessuu.

YAALA

Yaalli dhibee kanaaf godhamu, yaala dhibee kana fayyisu (curative) osoo hin taane, yaala gargaarsaa kan akka mallattooleen fooyya'an taasisuu (supportive management) dha.

15/11/2025

13/11/2025

❓🩸
Waa'ee weerara dhukkuba haarayaa amma mudate kana waan muraasa!
*******************************************
Dhibee yeroo ammaaf Naannoo Kibbaa, Magaalaa Jinkaa keessatti mul'ate
Dhibee Hamaa Ta’e Garuu Ofirraa Ittisuun Danda’amudha.

Maaliif Heemoreejik Fiiverii jedhame? Hoo'insa qaamaa fi Dhiiga qaama keessa dhangalaasuun waan mul'atuuf.
Kanaafuu Namni tokko yoo ho’a qaamaa fi dhiiguu qabaate, gara buufata fayyaa saffisaan geeffamuu qaba.
Maalitu namatti fidaa❓ Yeroo hedduu vaayirasiin dhufa.

Fakkeenya vaayirasoota kana keessaa:
❌️Ebola Virus
❌️Lassa Fever
❌️Crimean-Congo Hemorrhagic Fever
❌️Yellow Fever
❌️Dengue Fever
❌️Rift Valley fever
❌️Marburg Virus fi kkf
Dhibeen kunneen biyyoota Afrikaa, Eeshiyaa fi naannoo ho’a qaban keessatti argamu — akkasumas biyyoota akka Itoophiyaa fi naannawa ishee keessatti illee ni mul’atu.

⚠️ Akkamitti Dhibeen Kun Tamsa’a?
Vaayirasoonni garaagaraa karaa garaagaraatiin tamsa’u, garuu haala waliigalaa karaan tamsa’uu danda’u:
🔸️Bineensaa/Wantoota nama hin taane irraa gara namaatti: fkn jaaldeessa, Simbirroo, hantuutaa fi kkf
🔸️Foon bineensota dhukkuba kana qaban nyaachuun yookaan harkaan qabachuun.
🔸️Ilbiisotaan ciniinamuutiin fkn Mosquito kan jedhamtu
🔸️ Nama irraa gara namaatti:
dhiiga, yookaan dhangala’aa qaamaa dhukkubsataa qaqqabuun.
🔸️Aadaa/sirna awwaalaa gorsa fayyaa hin eegne, nama dhukkuba kanaan du’e harkaan qabachuun.

🧠 Mallattoo fi Alamoota Dhibee
Mallattoon Heemoreejik Fiiverii kanaa yeroo hedduu:
🔅Ho’a qaamaa olka’e fi hollachiisuu altokkotti jalqabuu
🔅Mataa dhukkubbii jabaa, qaama caccabsuu
🔅Humna dhabuu, dadhabbii akka malee ykn fedhii nyaata dhabuu
🔅Garaa kaasaa, oldeebisaa fi garaa dhukkubbii
🔅Dhiiguu afaan, funyaan yookaan gogaa irraatti argamu
🔅Ija diimessuu, yookaan keelloo taasisu (jaawundisii)
🔅Yoo didee hammaate : shookii, of wallaalchiisuu, yookaan qaama keessa tokkoo fi isaa ol dadhabuu/organ failure

🏥 Yaalaa fi Qoricha
Dhukkuba Heemoreejik Fiiveriif yerooo hedduu qorichi addaa hin jiru, garuu yaaliin hatattamaan kennamu lubbuu oolchu danda’a.
Yaalaa isaa maal irratti xiyyeeffata:
🔹️Dhiigaa fi dhangala'aa qaama keessaa yaa'ee deebisanii bakka buusuu
🔹️Qorichaan hoo'insa qaamaa to’achuu
🔹️Dhukkuboota biroo dabalataan dhufu malaan ittisuu
🔹️Nama dhukkubsataa sana kophaatti baasuun namoota birootti akka hin dabarreef eeguu.
🔹️Dhukkuboota muraasaaf talaalliin (vaccine) ni jira.

🛡️ Ittisaa fi To’annoo
Ofii fi maatii keetii akkasumas hawaasa kee eeguuf tarkaanfiiwwan armaan gadii fudhadhu:
1. Of eeggannoo dhuunfaa
✅ Dhiiga yookaan dhangala’aa qaamaa nama dhukkubsataa waliin wal hin tuqiin.
✅ Harka kee yeroo hunda bishaan qulqulluu fi Saamunaan (soap) dhiqi.
✅ Yoo nama dhukkubsataa gargaartu giloovii harkaa fi uffata ittisaa/protective clothing fayyadami.

2. Naannoo qulqulleessuu
✅ Mana fi naannoo kee qulqulleessi.
✅ Nyaataa bakka sirriitti cufaa qabu keessa kaa'i
✅ Agoobaraa fi qorichoota ilbiisota balleessan fayyadami.
✅ Biyyee fi bishaan dhaabbataa naannoo kee qulqulleessi.

3. Ittisa hawaasaa
✅ Dhukkuba ho’aa qaamaa fi dhiiguu yoo mul’ate, dafii gara mana yaalaa deemi ykn ministeera fayyaa beeksiisi.
✅ Qajeelfama ministeera fayyaa/Biiroo eegumsa Fayyaa hordofi.
✅ Sirna awwaalchaa yeroo taasisamu ofiikee eegi — qaama du’ee harkaan hin tutuqiin .

Credit:- Dr. Gadaa(Ispeeshalistii Dhibee Keessaa)

12/11/2025

🤰 Hordoffiin Ulfaa (Antenatal Care - ANC) Maali? Barbaachisummaan Isaa Hoo?

​⚜️ Ulfi imala addaa jireenya dubartii keessaa isa tokko.

​⚜️ Ulfi nageenya haadhaafis ta'e kan daa'imaf hordofii cimaa kan barbaaduu fi jijjiirama qaamaa guddaa haadha irratti fidu danda'a.

⚜️ Hordoffii Ulfaa (ANC): jechuun tajaajila fayyaa fi gorsa fayyaa dubartii ulfaatiif yeroo ulfa ishee keessatti kennamu dha.

​🌿 Hordoffiin Ulfaa Maaliif Barbaachisa?

⚜️ Rakkoowwan fayyaa akka dhiibbaa dhiigaa, hanqiina dhiigaa,dhibee sukkaaraa fi dhukkuboota daddarboo akka dursee beekamu fi to’atamu gargaara. Kunis haadhaa fi daa’ima miidhaa irraa baraara.

💫 Gorsa Fayyaa fi Barnoota Fayyummaa ni argattu. Isaanis:
⚜️ Nyaata qulqulluu fi madaalawaa,
⚜️ Qulqullina
⚜️ Sochii qaamaa madaalawaa,
⚜️ Nageenya sammuu,
⚜️ Qophii dhalootaa.

​👶 Guddina fi Fayyaa Ilmoo Hordofuu:
Qorannoon idilee fi Altraasaawundii daa'imni sirriitti guddachaa jiraachuu fi Akkasumas, rakkoolee guddinaa kamiyyuu dursinee beekuuf nu gargaara.

🧪 Talaallii fi Qorichi barbaachisoon ni kennama.

Yeroo hordoffii, wantoota ulfa keessatti baay'ee barbaachisoo ta’an kan akka ayiranii, foolik asiidii, fi kaalsiyemii akkasumas talaalliiwwan akka Teetaanas ni kennamu.

🏥 Karoora dhalootaa qopheessuu
⚜️ Yeroo tajaajila ANC, ogeeyyiin fayyaa haadha ulfaa waliin mari’atuun bakka fi haala dhalootaa irratti karoora ni qopheessu. Kunis rakkoowwan yeroo dhalootaa hir’isuun haadhaaf tajaajila gaarii akka argattu taasisa.

​😳 Deggersa Miiraas (Emotional Support)ni Dabalata

​🌻 Yoom Eegaluu Qabda?
​⚜️ Yeroo ulfa ta'uu keessan beektan Battalumatti eegalaa,
torban 12 dura eegaluun ni filatama.

​⚜️ Bu'aa gaarii argachuuf, yoo xiqqaate si'a 8 hordofuu akka qabdan Dhaabbanni Fayyaa Addunyaa (WHO) ni gorsa.

​💬 Wanti Hubatamuu Qabu:
Haadha fayyaa qabdu jechuun - daa'ima fayyaa qabu jechuu dha.

​
​🔱Odeeffannoo Dabalataatiif: 🔱
​ Kilinika Harmee Daawwadhaa

​Harar Shankoor: Bulchiinsa Aanaa Shankoor fuula dura

Harme Clinic/Harar

12/11/2025

Some risk factors for diabetes are preventable.

Unhealthy diets, physical inactivity, and the use of alcohol or to***co can increase your risk.

Take charge of your health today. 💙

11/11/2025

Faayidaa Dubrummaa/ Gorsa Shamarraniif.
***********************************************
Hamma gaafa heerumtuutti dubrummaadhan turuun maaliif si fayyada?
1. Mallattoo qulqullummaa keetiiti yookin ati ishii hin laaqaminidha.
2. Mallattoo kabaja keetiiti, ati kabaja qabeettiidha.
3. Hawaasa keessatti maqaa gaarii qabda.
4. Abbaa warraa kee "abbaa dubrummaa koo" jettee isa yaamuu dandeessa.
5. Ulfina keen waan itti heerumtuuf aruuzni keessan kan jaalalaa fi nagaa ta'uuf carraa guddaatu jira. Sababuma dubrummaa irraa kan ka'e gaa'ila nama baay'eetu diigama. Inni dubartii fuudhu garaa isaatti, "dhiira meeqaa wajjin turte laata, yeroo hammamiif sagaagalaa turte laata, eenyuufaa wajjin turte laata" ja'ee waan yaaduuf garaa guutuun si hin jaalatu.
6. Dubrummaan heerumuu kee gaafa baran, maatii fi firoottan kee, maatii fi firoottan abbaa manaa kee, ilmaan kee fi sanyiin si booda dhufan siin boonu, akka fakkeenya gaariitti maqaa kee kaasu, kabajaa siif kennus, ati isaanif nama gaarii nama addaati fi kkf dha.