JJU S.H.Yabare Comprehensive Specialized Hospital

24/04/2026

Agaasinka Waaxda Maamulka iyo Horumarinta Cusbitaalka takhasuska sare ee Sheekh Xasan Yabarree, Axmed Xasan, ayaa sheegay in booqashooyinka iyo khibrad wadaaga joogtada ah ee dalka iyo deegaanada dariska ah looga yimaado ay horseedayso in cusbitaalku uu kor u qaado adeegbixintiisa.

23/04/2026

Kulankan oo ay kasoo qaybgaleen shaqaalaha waaxda maamulka ee Cusbitaalka Takhasuuska Darajada Sare ee Suldaan Sheekh Xasan Yabare, isla markaana ay hoggaaminayeen maamulka sare, ayaa diiradda lagu saaray sidii loo xoojin lahaa habsami u socodka shaqada iyo kor u qaadista shaqo-galka shaqaalaha.

Mas’uuliyiinta ayaa kulanka ku adkeeyay muhiimadda ay leedahay dardar gelinta howlaha shaqo, isla markaana ku boorriyay shaqaalaha inay muujiyaan dadaal dheeraad ah, isla shaqeyn, iyo mas’uuliyad si loo gaaro adeeg tayo leh oo hufan. Waxaa sidoo kale la isla qaatay in la xoojiyo nidaamka shaqo iyo la socodka waxqabadka si loo hubiyo horumar joogto ah.

23/04/2026

Wafdi heer sare ah oo ka socday Mandera County ayaa booqasho rasmi ah ku tagay Cusbitaalka Takhasuska darajada Sare ee Sheekh Xasan Yabaree, halkaas oo ay u kuurgaleen adeegyada caafimaad ee casriga ah ee uu bixiyo cusbitaalku.

Wafdigan waxaa hoggaaminayay Guddoomiyaha Mandera, Mudane Maxamed Aadan Khaliif, waxaana ku wehlinayay ku-xigeenkiisa Dr. Cali Macalin iyo masuuliyiin kale oo ka socday dalka Kenya. Sidoo kale, booqashada waxaa qeyb ka ahaa Wasiirka Xafiiska Macdanta, Tamarta iyo Shidaalka DDS, ku-xigeenka hoggaanka nabadgelyada, iyo masuuliyiin kale oo heer deegaan ah.

Intii ay booqashadu socotay, masuuliyiinta ayaa si faahfaahsan loogu soo bandhigay habka ay u shaqeeyaan adeegyada caafimaad ee Cusbitaalka Takhasuska Sare ee Sheekh Xasan Yabaree, gaar ahaan dhinacyada takhasuska iyo adeegyada horumarsan ee ay bulshada u hayaan.

Ugu dambeyn, wafdigu waxay si weyn u bogaadiyeen shaqada iyo adeegyada tayada leh ee uu bixiyo cusbitaalku, iyagoo tilmaamay inay muhiim u yihiin horumarinta adeegyada caafimaadka ee gobolka iyo xoojinta iskaashiga labada dhinac.

22/04/2026

Shirka Toddobaadlaha SBFR oo Ka Qabsoomay Cusbitaalka Suldaan Sheekh Xasan Yabarre

Shirkan oo ay ka soo qayb galeen maamulka sare, dhakhaatiirta, kalkaaliyeyaasha, iyo masuuliyiinta waaxyaha kala duwan ee cusbitaalka, ayaa diiradda lagu saaray horumarinta adeegyada caafimaadka, dardargelinta wada shaqaynta shaqaalaha, iyo kor u qaadidda tayada daryeelka bukaanka.

18/04/2026

Masuuliyiin ay hogaminayeen Wasiiru-dowlaha Wasaaradda Caafimaadka ee dalka Marwo. Saxarla C/laahi iyo Wasiirka Xafiiska Caafimaadka DDS, Dr. Muuse Axmed ayaa soo kormeeray bukaanada qaliinka wadnaha ee bilaashka ah loogu samaynayo Cusbitaalka Takhasuska Sare ee Sheekh Xasan Yabaree.

Xukuumada Deegaanka oo ka duulaysa kharaashaadka badan ee ku baxa qaliinada wadnaha oo inta badan dalka gudihiisa aan laga helin islamarkaana bulshada inteeda badan ayna awoodin ayaa waxay xukuumadu muddooyinkii udanbeeyay ay juhdi iyo dadaal badan galisay sidii adeegan si bilaasha bulshada looga faa'iideyn lahaa, iyadoo lala kaashanayo qeybaha ay khusayso,

Waxayna Hay'ada Hopebridge Aid and Development Organization oo hirgalinaysa heshiis wada shaqayneed oo ay la gashay hay’adda caalamiga ah ee Heart to Heart Children’s Aid iyo Ethio Istanbul Hospital, oo kaashanaya wasaarada caafimaadka ee dalka, xafiiska caafimaadka DDS iyo Cusbitaalka Takhasuska Sare ee Sheekh Xasan Yabaree lagu guulaystey in qaalinka wadanaha ee bilaashka ah looga faa'ideeyo bukaano tiradoodu gaadheyso 30qof, iyada Qaliinkana ay siwadajira ufulinayaan dhakhatiir degaanka timid iyo kuwa Cusbitaalka Takhasuska Sare ee Sheekh Xasan Yabaree

Waxayna masuuliyiintan isugu jirtay heer federaal iyo heer deegaan ay soo kormeereen geedisocodka Qaliinka iyo bukaanada ilaa hadda looga faa'ideeyay, iyagoo tilmaamay in dadaaladan lasii wadi doono.

15/04/2026

Shirka toddobaadlaha ah ee SBFR ayaa lagu qabtay Cusbitaalka Suldaan Sheekh Xasan Yabarre, iyadoo diiradda lagu saaray horumarinta adeegyada caafimaadka iyo daryeelka bukaannada.

Kulankan waxaa ka qeyb galay maamulka isbitaalka, dhakhaatiir, kalkaaliyeyaal, iyo xubno kale oo ka tirsan shaqaalaha caafimaadka.

Waxaa lagu falanqeeyay xaaladda guud ee adeegyada caafimaad, caqabadaha jira, iyo xalalka lagu horumarin karo tayada adeegyada la siiyo bulshada.

Sidoo kale, waxaa lagu soo bandhigay warbixinno ku saabsan waxqabadka toddobaadka, iyadoo si gaar ah loo iftiimiyay arrimaha la xiriira badbaadada bukaanka, nadaafadda isbitaalka, iyo kor u qaadista xirfadaha shaqaalaha.

Shirka noocan oo kale ah ayaa muhiim u ah isku xirnaanta shaqaalaha iyo hubinta in adeegyada caafimaad ay noqdaan kuwo hufan, joogto ah, oo tayo leh.

02/04/2026

Isbitaalka Takhasuuska Sare ee Suldaan Sheekh Xasan Yabarre ayaa lagu maamuusay abaalmarin shahaado sharaf ah, taas oo lagu aqoonsaday dadaalkiisa muuqda ee horumarinta badbaadada bukaanka iyo tayeynta adeegyada caafimaad.

Abaalmarintan waxaa bixisay Wasaaradda Caafimaadka ee Itoobiya, iyadoo qayb ka ah Mashruuca Iskaashiga Caalamiga ah ee Badbaadada Bukaanka (PSHF).

Shahaadadan sharafku waxay caddeyn u tahay in isbitaalku si guul leh u hirgeliyay Qaab-dhismeedka Isbitaalka Saaxiibka Badbaadada Bukaanka (Patient Safety Friendly Hospital Framework – PSHF), kaas oo diiradda saaraya hagaajinta nidaamyada daryeelka caafimaadka, yareynta khaladaadka caafimaad, iyo kor u qaadidda badbaadada bukaannada.

Isbitaalka Suldaan Sheekh Xasan Yabarre wuxuu muujiyay hoggaan adag, nidaam maamul oo hufan, iyo ka go’naan joogto ah oo ku aaddan fulinta heerarka aasaasiga ah ee badbaadada bukaanka.

Tani waxay ka dhigtay tusaale lagu daydo oo ka dhex muuqda xarumaha caafimaadka ee dalka, isla markaana la jaanqaadaya himilooyinka qaran iyo kuwa caalami ee badbaadada bukaanka.

Abaalmarintani waxay sidoo kale dhiirrigelin u tahay shaqaalaha caafimaadka iyo maamulka isbitaalka, si ay u sii xoojiyaan dadaalladooda ku aaddan bixinta adeegyo caafimaad oo ammaan ah, tayo leh, isla markaana u qalma kalsoonida bulshada ay u adeegaan.

19/03/2026

Ciid Mubaarak

تقبل الله منا ومنكم صالح الاعمال

11/03/2026

Shirka Toddobaadlaha SBFR oo Ka Qabsoomay Cusbitaalka Suldaan Sheekh Xasan Yabarre

Shirkan oo ay ka soo qayb galeen maamulka sare, dhakhaatiirta, kalkaaliyeyaasha, iyo masuuliyiinta waaxyaha kala duwan ee cusbitaalka, ayaa diiradda lagu saaray horumarinta adeegyada caafimaadka, dardargelinta wada shaqaynta shaqaalaha, iyo kor u qaadidda tayada daryeelka bukaanka.

Intii uu socday kulanka, shaqaalaha iyo maamulka cusbitaalka ayaa si gaar ah uga wada hadlay guushii uu cusbitaalku ka gaaray qiimayntii dhawaan ay samaysay Wasaaradda Caafimaadka ee JDFI, taas oo uu cusbitaalku kaga galay kaalinta 1aad. Masuuliyiintu waxay adkeeyeen in guushan ay tahay mid dhiirrigelin u noqota dhammaan shaqaalaha, isla markaana loo baahan yahay in la sii laba jibaaro dadaalka si loo ilaaliyo loona horumariyo heerka adeegyada caafimaad ee la gaarsiiyo bulshada.

Ugu dambayn, maamulka cusbitaalku waxay u mahadceliyeen dhammaan shaqaalaha sida ay uga go’an tahay horumarinta adeegyada caafimaadka, iyaga oo ku boorriyay in la sii xoojiyo wada shaqaynta, hufnaanta shaqo, iyo u adeegidda bulshada si daacadnimo iyo xirfad ku dheehan tahay.

06/03/2026

06/03/2026

Hambalyo dhamaan shaqaalaha cusbitaalka Takhasuuska darajada sare ee suldaan sheekh xasan Yabarre

Wasaarada Caafimaadka ee JDFI ayaa abaal-marin guddoonsiiyay cusbitaallada dalka ugu waxqabadka wanaagsan dhinaca tayada adeeg bixinta caafimaadka, taas oo ka mid ah barnaamijka Ethiopian Hospital Alliance for Quality (EHAQ) – Wareegga 4aad.

Guud ahaan 415 cusbitaal oo dalka ayaa waxaa abaal-marin la siiyay 30 cusbitaal oo ugu waxqabadka sareeyay heer dal.

Waxaa farxad iyo sharaf weyn ah in Cusbitaalka Takhasuuska darajada sare ee suldaan sheekh xasan Yabarre uu ku guuleystay kaalinta 1aad ee heer qaran, taas oo muujinaysa dadaalka iyo shaqada wanaagsan ee ay qabteen dhammaan shaqaalaha cusbitaalka.

Madaxwayne kuxigeenka jaamacada jigjiga ee dhanka caafimaadka ahna Maareyaha cusbitaalka Takhasuuska darajada sare ee suldaan sheekh xasan Yabarre Dr.Cabdulaahi Xuseen oo lagudoosiiyey abaalmarinta ayaa dhankiisa uga mahadceliyey wasaarada caafimaadka ee dalka iyo shaqaalihii cusbitaalka dadaalka aan kala go’a lahayn kagaystay in cusbitaalku kaalinta 1aad uu galo waxa uuna xusay in Guushan dhiirrigelin u tahay sii xoojinta tayada adeegyada caafimaad ee bulshada Deegaanka soomaalida iyo Deegaanada Dariska la ah.