Dr.Haro Tadele

29/03/2026

GAGGABAA HO’AA/Febrile Seizures
********************************
Gaggabaan ho’aa ijoollee umurii baatii 6 – 60 jidduutti mul’atu dha.
Sababoota (Causes)
-Ho’ina qaamaa (fever) saffisaan dabalu
-Infekshinii (keessumaa vayirasii):
-Huuba qoonqoo
-Gidduu gurraa (otitis media)
-Infekshinii ol’aanaa qaama keessaa
Baay’ina (Epidemiology)
Ijoollee keessaa ~4% irratti ni mul’ata
Seenaa maatii ~20% ni qaba
Yoo seenaa maatii isaan qaban carraan deddeebi’uun 30–50% ni ta’a
Ulaagaalee (Diagnostic Criteria) gaggabaa ho'aaf barbaachisan
-Umrii: 6–60 ji’a
-Ho’i qaamaa sa’aatii 8–12 keessatti olka’ee dhufuu qaba
-Mallattoon infekshinii sammuu (meningitis/encephalitis) hin jiraatu
-Rakkoon metabolism hin jiraatu
-Seenaa gaggabaa ho’aa ala (afebrile seizure) hin qabnee
Gosoota Gaggabaa Ho’aa
1. Gaggabaa Salphaa (Simple Febrile Seizure)
-Qaama guutuu (generalized) irratti mul’ata
-Yeroo daqiiqaa 15 gadi turuu
-Guyyaa tokko keessatti al tokko qofa
-Ijoollee baay’ee irratti kan mul’atu
2. Gaggabaa Walxaxaa (Complex Febrile Seizure)
-Qaama cinaa tokko (focal) irratti mul’achuu danda’a
-Yeroo daqiiqaa 15 ol turuu
-Guyyaa tokko keessatti si’a 1 ol dhufuu danda’a
Qorannoo Barbaachisu (Investigations)
-Lumbar puncture dhangala’oo-dugda
-EEG
-MRI/CT Scan
Qorannoo dhiigaa:
-Glucose
-Elektiroolayitoota
Sababoota Deddeebi’uu (Risk of Recurrence)
-Umrii waggaa 1 gadiitti yoo jalqabe
-Ho’i qaamaa yeroo gabaabaa (

20/03/2026

Hordoftoota Amantaa Musliimaa Hundaaf Baga guyyaa Jaallatamaa fi Kabajamaa Id-Alfaxiir 1447ffaa kanaan Nageyaan isin geye.
Happy Eid Mubarek

30/12/2025

Deebinee Jirra.
Fayyaan Faaya, Fayyaa hin dhabinaa!

19/12/2025

GAGGABDOO (Epilepsy)

◉Gaggabdoon sababa sochii elektirikii garmalee sammuu keessatti uumamuun dhufa.
◉Sochhiin elektirikaa kun jijjiiramoota adda adda hanga of wallaalutti geessisu fiduu danda'a
◉Adduunyaarra namoonni 65,000,000 ol dhukkuba kana waliin jiraatu

🔹Gosoota Gaggabdoo
◉Iddoo irraa ka'u irratti hundaa'ee bakka 2tti qoodama;isaanis

❶.Focal (Kutaa sammuu murtaa'ee irraa kan ka'u)
👉Inni kun kutaa qaamaa murtaa'e miidha
👉dhukkubsataan gaggabdoo gosa kana qabu of wallaalus dhiisus ni danda'a

❷.Generalized Onset(Kutaa sammuu hunda irraa kan eegalu)
👉Qaamni guutuun raafamuu fi of wallaalun kan beekuumudha

🔹Sababoonni dhukkuba gaggabsaa maali?
◉ Sanyii irraa kan dhufuu-maatii keessaa namni gaggabdoo qabu jiraachuu
◉ Balaa(miidhaa) mataa irra gahu
◉Dhibee sammuu
◉ Infeekshinii sammuu
◉ Kaansarii sammuu

🔹Wantoota dhukkubicha namatti kaasan
👉 Miiraa olaanaa/dhiphina
👉 Ispoortii ulfaataa
👉 Sagalee guddaa ykn ifa
👉 dhukkuba fi Hoo'ina qaamaa
👉 Laguu
👉 Hirriiba gahaa dhabuu
👉 Yaaddoo
👉Dhugaatii alkoolii
👉Beela,dheebuu
👉Buna
👉Qorichoota tokko tokko

🔹Mallattoolee isaa
👉 Qaamni raafamuu/urgufamuu
👉Of wallaaluu
👉 Harkaa fi miilli walduraa duubaan raafamuu
👉 Sagalee dhageessisuu
👉 Qaamni guutu goguu
👉 Ija ol garagalchuu
👉Liphsuu ijaa malee iddoo tokko ilaalaa turuu
👉Joonja'uu,xiyyeeffannoo dhabuu
👉 Onneen daftee dhahachuu fi harganuu
👉 Fincaan qabachuu dadhabuu
👉 Erga dammaqanii booda burjaaja'uu

🔹 Wal'aansa
👉 Qorichoota farra gaggabdoo (anti epileptic) -umrii fi gosa isaa irratti hundaa'ee gosa hedduutu jiru
👉Yaala baqaqsanii hodhuu (surgery)
👉Guutumaa guututti qorichi dhaabu(balleessu) hin jiru

🔹Namoonni dhukkuba kana qaban akka itti hin kaanef waan gochuu qaban
1.Qoricha haala ogeessi ajajeen fudhachuu, ogeessa osoo hin mariisisin dhaabun hin barbaachisu
2.Alkoolii goonkuma fayyadamuu dhiisuu
3.Wantoota gaggabdoo namatti kakaasan armaan olii irraa of eeguu
4.Ulfa dura ogeessa mariisisuu
***
Follow Dr Haro Tadele

17/12/2025

Garaa ciniinnaa daa'immanii! (Infantile colic, baby colic)
**********************************
Daa'imman guyyaatti hanga sa'aatii 2 boohuu ni malu. Kuni nagaadha. Daa'immaan guyyaa tokkotti osoo adda hin muriin sa'aatii 3 ol yoo boohan Cininnaa garaa kan agarsiisu taha. Innis akka tasaa (suddenly) kan eegaluu fi yeroo hedduu halkan baayyata. Yeroo hedduu dhalatanii baatii 1 irraa eegaluun hanga baatii 4 turuu mala. Daa'imman muraasa irratti hanga baatii 6 turuu mala. Garuu ofumaan dhaabata.

Boohicha garaa ciniinnaa fi kan nagaa akkamiin adda baasnaa?

☆ol ka'uu sagalee
☆Sossobamanis (soothing) dafanii hin dhaaban
☆harka fi miila diriirsuun akkasumas dugda duubatti deebisuun hiixatanii boohu.

Yogguu sanatti maal gochuu qabnaree?

☆Hoosiftuu afaan kaahuun akka tasgabbaa'an gochuu
☆Irree ofii irratti baadhachuun ofitti qabuu
☆Duugdaan ciibsuun garaa isaanii suuta sukkuumuu
☆Bakka callisaa geessuu n sossobuu
☆Bishaan ho'aan qaama dhiquu
☆Uffata furdaan maruun ol fuudhanii sossobuu
☆Yoo sa'aatii lamaa ol tahee fi mallattoolee biraa qabaatan hakiima bira geessuun ilaalchiisudha.
*********************************
Fayyaan Faaya, Fayyaa hin dhabinaa!

17/12/2025

Maxxansa Irra Deebii....
Ulfa fayya qabeessa ta'e deeggaruuf
**************************************
⌛Soorata Barbaachisoo
Qaamni kee yeroo ulfaa fayyaa kee fi guddina daa'imaa deeggaruuf soorata murtaa'e baay'ee barbaada.
🧿Folic Acid (Folate): Guddinaa fi dagaagina daa'imaaf murteessaadha, keessumaa yeroo ulfaa jalqabaa.
🧿Iron: Guddina daa'imaa kan deeggaru yoo ta'u qaamni dubartii ulfaa dhiiga dabalataa akka oomishuuf gargaara.
🧿Kaalsiyeemii fi Vitamin D: Lafee fi ilkaan daa'imaa ijaaruuf barbaachisaa dha.
🧿Pirootiinii: Guddinaa fi guddina daa'imaaf barbaachisaadha.
🧿Choline: Guddina sammuuf barbaachisaa dha.
🧿Omega-3 Fatty Acids (DHA): Guddina sammuu fi ija daa'imaa ni deeggara.
🚥Gorsa Nyaata
🟢Tokkoon tokkoon garee nyaataa irraa nyaata fayya qabeessa adda addaa argachuuf kaayyeffadhu:
🔷Kuduraalee fi Kuduraalee: Vitaaminii, albuuda, fi faayibara adda addaa argachuuf filannoowwan halluu adda addaa qaban nyaachuu.
🔷Garbuu: Humna itti fufiinsa qabuuf daabboo garbuu, midhaan, ruuzii, fi oats filadhu.
🔷Pirootiinii: Lukku, qurxummii, hanqaaquu, baaqelaa, qamadii, ocholonii of keessaa qaba
🔷 Filannoo Aannan: Aannan, Baaduu, fi Itittuu, ykn filannoo biqiltoota irratti hundaa’e kaalsiyeemii jabaate fayyadamuu.
🔷Cooma Fayyaa: Cooma fayya qabeessa nyaata keessan keessatti hammachuu.
💠Yaadannoowwan Barbaachisoo
▪️Haayidireeshinii:
Bishaan baay’ee dhuguun bullaa’insa nyaataa, xuuxamuu soorataa fi oomisha dhangala’aa amniotic deggeru.
▪️Vitaminoota da'umsa duraa:
Soorata barbaachisoo gahaa akka argattan mirkaneessuuf guyyaa guyyaan vitaaminii dahumsa duraa fudhachuu, garuu yeroo hunda qajeelfama ogeessa fayyaatiin fudhadhaa.
▪️Nageenya Nyaataa eeguu (Food Safety):
Nyaata baakteeriyaa miidhaa geessisu kan akka listeria ykn salmonella qabachuu danda’u irraa of eeggadhu.
🔹Nyaata Fayyaaf hin tanee :
Nyaata sukkaara dabalataa, cooma guutuu fi Ashaboo /soodiyemii garmalee baay’ee qabu nyaachuu hir’isi.
"""""""""""""""""""""""

05/12/2025

WAA'EE QORICHA SILDANAAFIIL(Viagra or VEGA)
**********************************
Qoricha kana namoonni hedduun guyyaa aruuza(cidha) isaanii kan jalqabaa gootummaa isaanii agarsiisuuf , walitti fufiinsaan walqunnamtii saalaa gochuuf ykn sodaa yeroo walqunnamtii saalaa isa mudattu ofirraa oofuuf liqimsa!. Kana malees rakkina qaamni saala ka'uu dhabuu( erectile dysfunction) yaaluf fayyada. Odoo walqunnamtii saalaa hin eegalle sa'aatii 1 ykn daqiiqaa 30 dursanii fudhachuun barbaachisaadha. Sa'aatii 24 keessatti hoggaa tokkoo ol fudhachuu hin qabdan! Nyaata zayita qabu ykn dhadhaa qabu wajjin hin fudhatinaa!

💥 Of eeggannoo godhamuu qabu!

Qoricha kana akkanumatti lafaa ka'anii ajaja ogeessa fayyaa dhaba fudhachuun miidha qaba. Miidhaalee kannen hirisuuf
• Namni dhukkuba onnee qabu tasuma fudhachuu hin qabu
• Dhibee tiruu
• Dhibee kalee
• Faalij( dhiigni sammuu keessatti jiguu) fi
• Dhiibbaa dhiigaa namni qabu qoricha kana of eeggannoon fudhachuu qaba!

💥 Yeroo akkam mana yaalaa deemtu?
-----
1. Qaamni saalaa ka'ee sa'aatii 4 oliif yoo rafuu diduu
2. Erga qoricha liqimsitanii gurri yoo isinii dhagahuu dide
3. Yoo ijji isinii arguu didde
4. Yoo hafuurri isinitti kutame hatattamaan gara mana yaalaa deemaa!!
*************************************
Fayyaan Faaya, Fayyaa hin dhabinaa!

05/12/2025

HIR'INA VITAMIN B12
***********************
MALLATTOO
1. Qaama ofii keessumaa harkaaf miilaa miira nama waraanuu, gubuu fi kkf namatti dhaga'amuu.

2. Sammuun ofii daddafee waa hirraanfachuu, waan yaaduu sababaan yaaduu dadhabuu.

3. Salphaatti aaruu, dheekkamuu, of jibbuu gadda garmalee (depression)

4. Dadhabbii garmalee fi waa hojjachuuf yoo yaalan ykn socho'an afuurri nama cituu.

5. Onneen daddafee fi humnaan dha'achuu.

6. Nyaata nama jibbisiisuu, ulfaatina hir'isuu, teessisuu fi balaqqamsiisuu.

7. Dhukkubbii afaanii (afaan keessa madaa'uu) yokaan afaan nama gubuu.

8. Rakkoo deemsa dadhabuu ykn balance eeganii deemuu dadhabuu.

**************
AKKAMIIN NAMA QABAA?
1. Dhukkuboota garaachaa kan xuuxamuu vitamin B12 kana ittisan akka : Atrophic gastritis, crohn's disease fi kkf

2. Rakkoo dhukkuba hir'ina dhiigaa fidu pernicious anemia jedhamu yoo qabaatan.

3. Qorichoota dhukkuba garaachaaf kennaman kan farra asidii garaachaa ta'an yeroo dheeraaf fudhachuu.

4. Sababa dhukkuba garaacha huban kan biraaf jecha baqaqsanii yaaluun garaacha namootaaf yoo godhamu.

5. Umuriin baay'ee namoonni dullooman, yeroo baay'ee bu'aalee biqilootaa qofa nyaatan hir'ina vitamin B12 kanaaf saaxilamoodha.

**************
VITAMIN B12 EESSAA ARGANNAA?
Vitaamin B 12 kan argamu yeroo hedduu bu'aa beeyladaa kan ta'an akka:
-Hanqaaquu
-Foon diimaa
-Qurxummii
-Foon lukkuu fi kk irraa sirriitti arganna.

Hagi vitamin B12 qaama keessaa yoo hedduu gadi bu'e garuu mana yaalaa deemuun vit B12 bifa qorichaan qophaa'e fidhachuun dirqama.
''''''''''''''''''''''''''''''''''''''''''''''''''''''''''''''''''''''''''"""""""""""""""""
Fayyaan Faaya, Fayyaan hin dhabinaa!

04/12/2025

BISHAAN FI FAYYAA
***********************
👉 Qaamni namaa harki 60 (60%) bishaani
👉 Bishaan jireenya ilma namaaf baay'ee barbaachisa
👉 Namni ga'eessi tokko guyyaatti bishaan 2--3 L akka dhuguu qaba

👉 Bishaan dhuguun faayidaa heddu qabatuus isaan keessa muraasni kanneen armaan gadiiti

1. Fayyaa Kaleetif
👉Bishaan gahaa dhuguun cirracha kalee fi infeekshinii ujummoo fincaanii ittisuu keessatti gahee guddaa qaba,akkasumas kaleen keemikaalota adda addaan salphaatti akka hin miidhamne godha

2. Gogiinsa Garaa Hir'isuuf
👉Bishaan gahaa dhuguun gogiinsa garaa ittisuu fi yaaluf ni gargaara, akkasumas dhibee Kintaarootii nurraa fooyyessa

3. Fayyaa Sammuutif
👉Bishaan gahaa dhuguu dhabuun sammuun namaa xiyyeeffannaa akka dhabu,dandeettin waa yaadachuu akka hir'atuu fi hojii sammuu waliigalaa irratti dhiibbaa uuma

4. Mataa bowwoo hir'isuuf fi fayyisuuf
👉Wantoota dhukkuba bowwoo kan akka maayigireenii namatti kaasan keessaa tokko dheebuu bishaaniti

5. Gogaan keenya lallaafaa fi midhagaa akka ta'uuf ni gargaara

6. Onneen keenya dalagaa ishee sirnaan akka raawwatu gargaara

7. Dhukkuba garaachaaf ni gargaara

8. Dhukkubbii yeroo marsaa Laguu hir'suuf

9. Furdina gar malee hir’isuuf

10. Dadhabbii irraa dafnee akka boqonnuf

11. Sosochii qaamaa haala gahumsa qabuun akka taasifnu

12. Xura'aa fi keemikaalota adda addaa qaama keessaa dhabamsiisuf

13. Fayyaa buusaa fi maashawaniif

14. Teempireechara qaamaa eeguf

15. Fayyaa sirna hargansuuf- keessattuu asmii fi alarjii nama qabuuf
*************************************
Fayyaan Faaya, Fayyaa hin dhabinaa!
# Dr.Haro Tadele, Follow godhaa barnoota dabalatatiif.

01/12/2025

Gosoota Nyaataa Yeroo Hedduu Fayyadamuu Hin Qabne
***********************************
⓵. Sukkaaraa fi nyaata mi’aawoo

👉 Sukkaara 'baay'isuun' qaama keessatti wantooti anniisaa nuuf kennan garmalee akka baay'atan taasisu, kunimmoo wantoota gadiif nama saaxila;
➫ Ulfaatina garmalee ykn furdina fi rakkoowwan furdinaan walqabatan

➪ Carraa dhukkuba onnee,gogaa, tiruun fi kaansariin qabamuu ni dabala

➫ Fedhii nyaataa hir’isuu

⓶. Nyaata Samsaman

➫ Nyaatonni saamsamanii dhiiyatan sukkaaraa fi ashaboo, akkasumas wantoota uumamaan hin argamne halluuf, mi’eessuu fi akka turaniif jecha itti dabalaman adda addaa qaba

➫ Nyaata akkanaa yeroo hedduu soorachuun;
👉 Hariiroo sammuu fi garaacha keenya jidduu jiru jeeqa
👉 Sammuun keenya akkataa beelaa ykn quufa itti hubatu jeequn kan barbaadameen ol akka nyaannu godha
👉 Dhibee kaansariifi nama saaxiluu malu
👉 Suusii/araada namatti ta'u

⓷. Nyaata Atattamaan Hojjetaman

➫ Nyaata akka chiipsii, saambusaa fi buskutoonni mi’aawoon biroo
➫ Gosootni nyaataa akkanaa keessumaa kan akka chiipsii zaayita Palm Oil jedhamuun waan qophaa'u fi zayitni kun irraa deddeebin waan fayadamuuf fayyaaf gaarii miti

⓸. Nyaataa Zayita (Dhadhaa fi Zayitii)

➫ Nyaatni zaayita akka coomaa of keessaa qaban yeroo hedduu soorachun miidhaa hedduu nurraan ga'uu mala!

⓹. Ashaboo nyaataa

Dhaabbanni Fayyaa Addunyaa (WHO) namni ga’eessi guyyatti ashaboo giraamii shan ykn fal’aana shaayii tokkoo ol akka hin fattadamne gorsa

➫ Qaama keessatti ashaboon yoo baay'ate raakkoolee adda addaaf nama saaxila , isaan keessaa muraasni

👉 Dhiibbaa dhiigaa sirrii hin taane
👉 Dhibee Istirookii
👉 Dhibee Kalee
👉 Dhibee Onnee
👉 Kaansarii .....
*************************************
Fayyaan Faaya, Fayyaa hin dhabinaa!

30/11/2025

30/11/2025

"Yeroo Dhukkubbiin Kalee Nu Eegaltu Maal Gochuu Qabna?"
*************************************
1. Boqonnaa Godhuu fi Tasgabbaa'uu.
- Waan hojjachaa jiruu dhaabun ciisuu ykn taa'uu.
- Hafuura dheeraa baafachuu.
- Miira dhiphinaa hir’isuuf tasgabbaa’uu.
2. Bishaan Dhuguu (yoo hin dhoowwamne):
- Bishaan qulqulluu xiqqo xiqqo dhuguun kalee qulqulleessuuf gargaara.
- Garuu yoo fincaan fancaa'uuf kan rakkanu ta'e ykn rakkoo onnee qabaanne, bishaan baay’ee dhuguun balaa ta’uu danda’a — kanaaf ogeessa fayyaa mariisisuun gaaridha.
3. Fincaan Ilaalu:
- Fincaan dhiiga qabu, foolii qabu yookiin fincaan yoo xiqqaate, mallattoo dhukkuba kalee ta’uu danda’a.
- Fincaan nama gubuun yookin dhiiga makatuun yeroo bayyee mallattoo dhukkuba kalee agarsiisa. Kanaaf dursanii odoo dhukkubbiin hin eegalin adda baafachuun barbaachisaadha.
4. Dawaa Ajaja Ogeessa Fayyaatiin Ala Liqimsuu Dhiisuu:
- Dawaan tokko tokko kalee miidhuu danda’a, fakkeenyaaf ibuprofen, paracetamol fi aspirin yeroo kaleen nu dhukkubde akka dhukkubbii nurraa dhaabuf liqimsuun rakkoof nu saaxiluu danda'a.
5. Nyaata Keenya Sirreessuu:
- Nyaata soogidda xiqqaa qabufii mi'eessituu baay'ee hin qabne nyaachuu.
- Nyaata akka baaduu, karootii, fi kudraafii mudraa bilcheessinee fayyadamuu.

Mallattoolee Yeroo Dhukkubbiin Kalee Kaatuu:
- Gubaa cimaa garaa fi dugdaa.
- Fincaan dhiiga qabu fncaa'uu.
- Dadhabbii cimaa.
- Harkaa, miilaafii fuulli iitawuu.

Mallattoo kana yoo ofirratti agartan, hatattamaan gara hospitaala deemuun dirqama:
Dhukkubbiin kalee yeroo baay’ee sababa infection, cirracha kalee, ykn miidhaa kalee irraa ka'uu danda’a. Dhukkuba kalee dursuu fi ittisuun dhukkuba hamaa akka dialysis irraa nu baraara. Bishaan dhuguu, nyaata sirrii nyaachuu, fi qorannoo yeroo yerootti gochuun fayyaa kalee keenyaa eeguf nu gargaara.
*************************************
Fayyaan Faaya, Fayyaa hin dhabinaa!