Dr.Haro Tadele, Harekello, Negele (2025)

26/10/2025

Dhibee Qakkee(pertussis)
********
Yeroon ammaa kun yeroo utaalloo fakkaata. Kana malees iddoo tokko tokkotti qakkee ka'aa waan jirtuuf odeeffannoo kana hubannoof itti dhihaadha!!
Dhibeen qakkee baay'inaan kan argamu daa'imman irratti yoo ta'u,Warren umriin isaanii waggaa 2 fi Sanaa gadii keessatti dhibee hamaa fi hamma lubbuun darbuu geessisuu danda'uudha.
Innis kan dhufu bakteeriyaa(B.pertusis)kan jedhamuudha.

Mallattoolee dhibichaa
akkuma beekkamu hawaasa keenya keessatti dhibee torbee jaha jedhamuun beekkama.mallattooleen kunneenis:funyaan cuccufamuufurrii wal-irraa hin cinnee kan bishaan fakkaatu.haxxiifachiisuu fa'i fi laydaa ykn gubiinsa qaamaa sadarkaa gadaanaan mallattoolee jal-qaba irraatti mul'ataniidha.Akkuma cimaa adeemun,gara qufaa walirraa hin cinne kan haqqeen faana bu'amu kan torbee sadiifi isaa olii mallattoolee dhukkubichaa keessaa isaan hangafaati.
Hub:_daa'immaan ji'a tokkoo gadii irraatti mallattooleen dhibichaa argansuun sekondii muraasaf dhaabbachuu fi bifti qaamaa jijjiiraamu(cyanosis) kan jedhaman isaan ijoodha..Warren dhibee kanaaf sababa ta'an keessaa muraasni:daa'imman talaallii hin fudhatin.tuttuqqii fi walitti dhiheenya nama dhibee kanaan qaban waliin baay'isu.ulfa.kanaaf daa'imman kamiifiyyuu talaalliin erga dhalatan irraa ka'ee sirnaan kennamuufin baay'ee barbaachisaadha.xaxaa dhibichaa:-Dhibee ujummoo qilleensaaDhibee gidduu-gurraa.funuuna gaggabdoosammuu keessatti dhiiguu.miidhama sammuu daa'immanii sababa oksijiinii dhabuun dhufu(hypoxic encephalopathy)kan jedhamaniidha.
Erga daa'imman dhibee kanaan qabamanii maal gochuuttu nu irraa eegama?akkuma mallattoo armaan olii irratti argineen karaa mana yaalaa geessun yaalchisuudha!
**************************************
Fayyaan Faaya, Fayyaa hin Dhabinaa!

21/10/2025

"Yeroo Dhukkubbiin Kalee Nu Eegaltu Maal Gochuu Qabna?"
**************************************
1. Boqonnaa Godhuu fi Tasgabbaa'uu.
- Waan hojjachaa jiruu dhaabun ciisuu ykn taa'uu.
- Hafuura dheeraa baafachuu.
- Miira dhiphinaa hir’isuuf tasgabbaa’uu.
2. Bishaan Dhuguu (yoo hin dhoowwamne):
- Bishaan qulqulluu xiqqo xiqqo dhuguun kalee qulqulleessuuf gargaara.
- Garuu yoo fincaan fancaa'uuf kan rakkanu ta'e ykn rakkoo onnee qabaanne, bishaan baay’ee dhuguun balaa ta’uu danda’a — kanaaf ogeessa fayyaa mariisisuun gaaridha.
3. Fincaan Ilaalu:
- Fincaan dhiiga qabu, foolii qabu yookiin fincaan yoo xiqqaate, mallattoo dhukkuba kalee ta’uu danda’a.
- Fincaan nama gubuun yookin dhiiga makatuun yeroo bayyee mallattoo dhukkuba kalee agarsiisa. Kanaaf dursanii odoo dhukkubbiin hin eegalin adda baafachuun barbaachisaadha.
4. Dawaa Ajaja Ogeessa Fayyaatiin Ala Liqimsuu Dhiisuu:
- Dawaan tokko tokko kalee miidhuu danda’a, fakkeenyaaf ibuprofen, paracetamol fi aspirin yeroo kaleen nu dhukkubde akka dhukkubbii nurraa dhaabuf liqimsuun rakkoof nu saaxiluu danda'a.
5. Nyaata Keenya Sirreessuu:
- Nyaata soogidda xiqqaa qabufii mi'eessituu baay'ee hin qabne nyaachuu.
- Nyaata akka baaduu, karootii, fi kudraafii mudraa bilcheessinee fayyadamuu.
******************************************
MallattooleeYeroo Dhukkubbiin Kalee Kaatuu:

- Gubaa cimaa garaa fi dugdaa.
- Fincaan dhiiga qabu fncaa'uu.
- Dadhabbii cimaa.
- Harkaa, miilaafii fuulli iitawuu.

Mallattoo kana yoo ofirratti agartan, hatattamaan gara hospitaala deemuun dirqama.
*****************************************
Dhukkubbiin kalee yeroo baay’ee sababa infection, cirracha kalee, ykn miidhaa kalee irraa ka'uu danda’a. Dhukkuba kalee dursuu fi ittisuun dhukkuba hamaa akka dialysis irraa nu baraara. Bishaan dhuguu, nyaata sirrii nyaachuu, fi qorannoo yeroo yerootti gochuun fayyaa kalee keenyaa eeguf nu gargaara.
*************************************
Fayyaan Faaya, Fayyaa hin dhabinaa!

21/10/2025

Dhibee Gifiraa ykn Buuffaddee ( )
~~~
✅Dhukkuba talaalliin ittifamuu danda'u, garuu ammallee biyya keenyaaf mataa bowwoo ta'aa jira.

✅Gifirri dhibee vayirasiin dhufuufi carraa namaa namatti darbuu ol'aanaa qabu yoo ta’u, akki daddarba isaas dhangala'aa funyaan fi afaan nama dhibee kanaan qabameeni.

✅Keessattuu guyyoota muraasa shiftoon qaama irratti bahu duraa fi booda jiran hedduuminaan daddarba.

✅Dhibeen kun nama kamiyyuu kan miidhu ta’us, caalmaattii garuu daa’imman huba.

Maaltu dhibee kanaaf saaxilamuu dabalaa?
💎Umurii 5 gadii fi 30 ol
💎Hanqina soorataa
💎Humna ittisa dhukkubaa dadhabaa
💎Balaa uumamaa ykn namtolchee
💎Talaallii dhabuu

MALLATTOOLEE DHUKKUBICHAA
⭐Hoo’ina qaamaa
⭐Qufaa
⭐Dhukkubbii/diimachuu ijaa
⭐Dhangala’aan funyaaniin ba’uu
⭐Shiftoo fuularra eegaluun gara kutaa qaama birootti babal’atu

XAAXAA DHUKKUBICHAA ( )
✅Dhibee kanaan walqabatee rakkooleen fayyaa kana:

🔹️Ija jaamsuu
🔹️Infeekshinii sammuu
🔹️Dhangala’aan qaamaa hir’achuu
🔹️Infeekshinii sombaa fi gurraa
🔹️Hir'ina ulfaatinaa
🔹️Garaa kaasaa yeroo dheeraa fi madaa’uu afaaniiti.

YAALII DHUKKUBICHAA
♦️Mallaattoowwan armaan olii yoo argitan daa’ima keessan saffisaan gara dhaabbata fayyaa geessuu.

♦️Wal’aansi kennamu Vaayitaminii A fi yaaliiwwan hojii sirna qaamaa gargaaran [ ] ta'a

♦️Tamsa'ina dhibee kanaa ittisuufis daa’imman dhibee kanaan qabaman kutaa qofaatti ( ) wal’aanamu.

TOOFTAALEE ITTISA DHUKKUBICHAA
🔷️Talaallii farra Gifiraa: daa'imman talaallii kana marsaa lamaaf fudhatan dandeettiin dhibee kana of irraa ittisuu isaanii dhibbentaa 97 taha.

🔷️Vaayitaminii A ( ) fudhachuu
🔷️Qulqullina dhuunfaa fi naannoo eeguu
🔷️Tuttuqqii dhukkubsataa irraa of eeguu fi
🔷️Nama mallattoo dhukkubicha qabu dafanii gara dhabbata fayyatti geessuu.
************************************
Fayyaan Faaya, Fayyaa hin dhabinaa!

14/10/2025

Dhukkuba Onnee
********************************************
❶.Onneen qaama dhiiga raabsuf gargaartudha.
Dhukkuba onnee gosa adda addaatu jira. Isaan kunis kan dhalootan(uumamaan) dhufan fi sababoota adda addaatin yeroo keessa kan dhufan ta'uu danda'u.
❷.Mallattoo
*Afuurri nama ciccituu ykn hanqachuu
*Dadhabbii qaamaa fi humna dhabuu
*dhiitoo miila lamaanii kan yeroo gadi qaban dhooqatee turu. Yoo dafanii yaala hin argatin dhiiton miila irraa gara garaa fi fuulatti ce'uu danda'a
*Onneen yeroo dhahattu namatti dhaga'amu
*Yeroo rafan boraatii baayyee(1 ol) fayyadamuuf dirqamuu
*halkan halkan nama qufaasisu fi akkitaan dhiiga makuu
*Nyaata jibbisiisuu, oldeebiisuu yaaduu
*ulfaatinni qaamaa altakkaatti baay’ee dabaluu.
*Dhukkubbii laphee
*Haalkan haalkan fincaan namatti baayyachuu(yeroo baayyee ka'uu)....
❸.Wantoota dhukkuba onneef nama saaxilan keessaa;
*umrii-carraan dhukkuba onnee qabamuu umuriin dabaluu waliin olka'aa adeema
*sanyiin-maatii keessa namni dhukkuba onnee qabu jiraachuu
*Nyaata coomni itti baayyatu baay'inaan fayyadamuu
*Ashaboo baay'inaan fayyadamuu
*Sochii qaamaa gochuu dhabuu
*Alkoolii,Sigaaraa/tamboo
*Ol ka'insa dhiibbaa dhiigaa
*Dhibee sukkaaraa,dhibee kalee
*Ulfaatina gar-malee olka'aa.....
❹.Of eeggannoo godhamuu qabu
👉Alkoolii fi Tamboo/sigaaraa aarsuu dhiisuu
👉Sochii qaamaa gochuu
👉Ulfaatinna qaamaa ofii to'achuu(BMI18-25)
👉Nyaata sirrii ta’e filachuu; jechuun fuduraaf kuduraa nyaachuu.
👉soogidda/ashaboo xiqqeessanii fayyadamuu.
👉Nyaata akka foon diimaa, cooma, killee fi dhadhaa hir'isuu
👉dhiibbaa dhiigaa ol ka'aa(hypertension), dhukkubni sukkaaraa fi dhukkubni kalee yoo jiraate haala ogeessi fayyaa ajajeen hordoffii gochuu!!!

❺.Yaala
Namni mallattoo armaan olii kana qabu carraa dhukkuba onnee qabachuu waan qabuuf gara mana yaalaa deemee yaala isa barbachisu argachuu fi hordoffii gaha gochuun irra jiraata
***********************************
Fayyaan Faaya, Fayyaa hin dhabinaa!

14/10/2025

Fayyaa fi Nagaa hin dhabinaa!

10/10/2025

DHUKKUBA SAREE MARAATTUU (R𝔸𝔹𝕀𝔼𝕊)
********************************
∎ 𝖣𝗁𝗎𝗄𝗄𝗎𝖻ni 𝗌𝖺𝗋𝖾𝖾 𝗆𝖺𝗋a𝖺𝗍𝗍𝖾𝖾 (𝖱𝖺𝖻𝗂𝖾𝗌) dhukkuba hamaafi daddarbaa,sirna narvii miidhu ,sanyii vaayiresii ‘rabies virus' jedhamuun dhufudha.

𝖲𝖺𝗋𝖾𝖾 𝖽𝗁𝗎𝗄𝗄𝗎𝖻𝖺 𝗄𝖺𝗇𝖺𝖺𝗇 𝗊𝖺𝖻𝖺𝗆𝗍𝖾 𝗒𝗄𝗇 𝗌𝗁𝖺𝗄𝗄𝖺𝗆𝗍𝖾 𝗒𝗈𝗈 𝗇𝖺𝗆𝖺 𝗆𝗈𝖼𝖼𝗈𝗋𝗍𝖾/𝖺𝗋𝗋𝖺𝖺𝖻𝖽𝖾/𝖼𝗂𝗇𝗂𝗂𝗇𝗍𝖾 𝗆𝖺𝖺𝗅 𝗀𝗈𝖼𝗁𝗎𝗎 𝗊𝖺𝖻𝖽𝗎 ??

1. 𝖧𝖠𝖳𝖠𝖳𝖳𝖠𝖬𝖠𝖠𝖭 𝖲𝖨𝖱𝖱𝖨𝖨𝖳𝖳𝖨 𝖣𝖧𝖨𝖰𝖠𝖠- 𝖡𝖺𝗄𝗄𝖺 𝗍𝗎𝗍𝗍𝗎𝗊𝗊𝗂𝗂𝗇 𝖺𝗋𝗀𝖺𝗍𝖾,𝗀𝗈𝗋𝗈𝗋𝗋𝗂 𝗒𝗄𝗇 𝖽𝗁𝖺𝗇𝗀𝖺𝗅𝖺’𝖺𝖺𝗇 𝗌𝖺𝗋𝖾𝖾 𝗄𝖾𝖾𝗌𝗌𝖺 𝖻𝖺’𝖾 𝗂𝗍𝗍𝗂 𝖻𝗎’𝖾 𝗒𝗄𝗇 𝖺𝗆𝗆𝗈𝗈 𝖻𝖺𝗄𝗄𝗂 𝗂𝗌𝗁𝗂𝗂𝗇 𝗂𝗌𝗂𝗇 𝗆𝗈𝖼𝖼𝗈𝗋𝗍𝖾 /𝖺𝗋𝗋𝖺𝖺𝖻𝖽𝖾/𝖼𝗂𝗇𝗂𝗂𝗇𝗍𝖾,bishaanii fi saamunaa gargaaramuun 𝖧𝖠𝖳𝖠𝖳𝖳𝖠𝖬𝖠𝖠𝖭 𝖲𝖨𝖱𝖱𝖨𝖨𝖳𝖳𝖨 𝖣𝖧𝖨𝖰𝖠𝖠.
𝖳𝖺𝗋𝗄𝖺𝖺𝗇𝖿𝗂𝗂𝗇 𝗄𝗎𝗇 𝗍𝖺𝗋𝗄𝖺𝖺𝗇𝖿𝗂𝗂 𝖻𝖺𝖺𝗒’𝖾𝖾 𝖻𝖺𝗋𝖻𝖺𝖺𝖼𝗁𝗂𝗌𝖺𝖺 𝖿𝗂 𝗅𝗎𝖻𝖻𝗎𝗎 𝖻𝖺𝗋𝖺𝖺𝗋𝗎𝖽𝗁𝖺!!
𝖸𝖾𝗋𝗈𝗈 𝗄𝖺𝗇𝖺 𝗀𝗈𝗈𝗍𝖺𝗇𝗂𝗌 𝗈𝖿 𝖾𝖾𝗀𝗀𝖺𝗇𝗇𝗈𝗈 𝗀𝗈𝖼𝗁𝗎𝗎𝗇 𝗀𝖺𝖺𝗋𝗂𝗂 𝖽𝗁𝖺,𝖿𝗄𝗇 𝗀𝗅𝗈𝗏𝖾 𝗀𝗈𝖽𝗁𝖺𝖼𝗁𝗎𝗎.

2. 𝖧𝖠𝖳𝖠𝖳𝖳𝖠𝖬𝖠𝖠𝖭 𝖦𝖠𝖱𝖠 𝖬𝖠𝖭𝖠 𝖸𝖠𝖠𝖫𝖠𝖠 𝖣𝖤𝖤𝖬𝖠𝖠-𝖣𝗁𝗎𝗄𝗄𝗎𝖻𝗂𝖼𝗁𝖺𝖺𝗇 𝖺𝗄𝗄𝖺𝗇 𝗊𝖺𝖻𝖺𝗆𝗇𝖾𝖾𝖿 𝗊𝗈𝗋𝗂𝖼𝗁𝖺 𝗄𝖾𝗇𝗇𝖺𝗆𝗎 (𝗉𝗈𝗌𝗍 𝖾𝗑𝗉𝗈𝗌𝗎𝗋𝖾 𝗉𝗋𝗈𝗉𝗁𝗒𝗅𝖺𝗑𝗂𝗌) 𝖺𝗋𝗀𝖺𝖽𝗁𝖺𝖺, 𝗎𝗅𝖺𝖺𝗀𝖺𝖺𝗐𝗐𝖺𝗇 𝗂𝗅𝖺𝖺𝗅𝖺𝗆𝖺𝗇 𝗇𝗂𝗃𝗂𝗋𝗎 𝗌𝗎𝗇𝗇𝗂𝗂𝗇 𝗂𝗅𝖺𝖺𝗅𝖺𝗆𝖾𝖾 𝗂𝗌𝗂𝗇𝗂𝗂𝖿 𝗄𝖾𝗇𝗇𝖺𝗆𝖺.Yeroo osoo hin balleessin ta'uu qaba.
⇛ 𝖣𝗁𝗎𝗄𝗄𝗎𝖻𝗇𝗂 𝗄𝗎𝗇 𝗁𝖺𝗍𝖺𝗍𝗍𝖺𝗆𝖺𝖺𝗇 𝗍𝖺𝗋𝗄𝖺𝖺𝗇𝖿𝗂𝗂𝗇 𝖻𝖺𝗋𝖻𝖺𝖺𝖼𝗁𝗂𝗌𝗎 𝗒𝗈𝗈 𝗁𝗂𝗇 𝖿𝗎𝖽𝗁𝖺𝗍𝖺𝗆𝗇𝖾 𝖽𝗁𝗎𝗄𝗄𝗎𝖻𝖺 𝗇𝖺𝗆𝖺 𝗀𝖺𝗅𝖺𝖺𝖿𝖺𝗍𝗎𝖽𝗁𝖺.
⇛ 𝖭𝖺𝗆𝗇𝗂 𝖽𝗁𝗎𝗄𝗄𝗎𝖻𝗂𝖼𝗁𝖺𝖺𝗇 𝗊𝖺𝖻𝖺𝗆𝖾 𝗍𝗈𝗄𝗄𝗈 𝗆𝖺𝗅𝗅𝖺𝗍𝗍𝗈𝗈 𝖺𝗀𝖺𝗋𝗌𝗂𝗂𝗌𝗎𝗎 𝗃𝖺𝗅𝗊𝖺𝖻𝗇𝖺𝖺𝗇 𝖻𝖺𝗋𝖺𝖺𝗋𝗎𝗎𝗇 𝗎𝗅𝖿𝖺𝖺𝗍𝖺𝖽𝗁𝖺.
**********************************
Fayyaan Faaya, Fayyaa hin dhabinaa!

28/09/2025

DAA’IMMAAN WAA QOONQOTTI RAKKATE YKN HUDHAMAN AKKAMIIN GARGAARUU QABNA?
**********************************
● Wantootni akka tasaa qonqootti rakkatan kan akka saantimaa, nyaataa, firii mukaa adda addaa fi k.k.f daa’imman umuriin isaanii waggaa afurii gadii keessatti ni heddummatu.
● Wantootni kunis battalumatti ujummoo qilleensaa cufuudhaan daa’imman kana ukkaamsanii du’aaf saaxiluu danda’u.
● Daa’imman kana umurii isaanii irratti hundaa’uudhaan akka armaan gadiitii gargaaruu dandeenya.
*************************
1. DAA’IMMAN UMURII WAGGAA TOKKOO GADIIF:
● Daa’ima kana gadi gargalchii harkakee bitaarra garaadhaan ciibsi.
● Kana booda barruu harkakee mirgaatiin dugda daa’ima kanaarra yeroo 5 dhahi (back slaps): fakkii armaan gadii ilaali.
● Waan daa’ima kana hudhe yoo gara afaaniitti dhufeera ta’eef afaan keessa ilaaluun keessaa fuudhi.
● Yoo ammallee waan daa’ima kana hudhe hin baane ta’e, daa’ima kana ol gargalchii harkakee bitaarra dugdaan ciibsi.
● Kana booda quba harka mirgaakee lamaaniin handhuura daa’imaa olitti yeroo 5 dhiibi (chest thrust): fakkii armaan gadii ilaali.
● Hamma waan daa’ima kana hudhe bahutti adeemsa kana irra deddeebi’uun barbaachisaadha.
*************************
2. DAA’IMMAN UMURII WAGGAA TOKKOO OLIIF:
● Ofiikee teessuma irra taa’uudhaan daa’ima sana gadi gargalchii garaadhaan jilbakeerra ciibsi (fakkii armaan gadii ilaali).
● Kana booda yeroo 5 barruu harka mirgaatiin dugda daa’imaa yeroo 5 dhahi.
● Ammalle waan daa’ima kana hudhe yoo hin baane, duduuba daa’imaa dhaabattee dugda isaa ofitti gargalchuun harkakeen garaa daa’imaa hammadhu, sana booda buunyaa harkakeetiin garaa daa’imaa ol dhiibi: fakkii armaan gadii ilaalin barbaachisaadha
*************************************
Fayyaan Faaya, Fayyaa hin dhabinaa!

24/09/2025

Rakkoo Ka'uu Dhabuu Qaama Saalaa Dhiiraa (Walqunnamtii Saalaaf Qophaa'uu Dhabuu):
===================================
Dhaabachuun/ka'uun qaama saalaa dhiiraa adeemsa walxaxaa sammuu, hormoonota, narvii, ujummoo dhiigaa, maashaalee fi miiraa hirmaachisuu kan barbaadu dha.

Adeemsa kanneen keessatti rakkoon yoo jiraate qaamni saalaa dhiiraa walqunnamtii saalaaf qophaa'uu dhabuun (qaamni saalaa ka'uu dadhabuu) ykn qaamni saalaa walqunnamtii saalaaf qophaa'us, qophii ta'ee hafuu dhabuun uumamuu danda’a.

Namoonni rakkoo kanaan hubaman dhiphina sammuuf saaxilamuu, ofitti amanamummaa dhabuu, akkasumas hariiroo jaalalaa keessatti gammachuu dhabuu fi Jaalallee isaanii ulfeeffachuu dadhabuun isaan mudachuu danda’a.
Baay’een isaanii rakkoo kanaaf ogeessa fayyaa mariisisuu waan qaana’aniif, filannoowwan furmaataa hin barbaachifne irratti yeroo xiyyeeffatan ni mul’atu.

Sababni rakkoo kanaa maal ta’uu danda’a?
---‐------------------------------------------
Rakkooleen xiinsammuu (saaykooloojii) armaan gadii sammuun gahee isaa sirriitti akka hin baane gufachiisuun rakkina ka'uu dhabuu qaama saalaa dhiiraa fiduu danda'u. Isaanis;
- Dhiphina sammuu
- Yaaddoo
- Rakkoolee hariiroo jaalalaa keessatti uumamu

Qaamni saalaa dhiiraa ka'uu dadhabuun mallattoo rakkoo fayyaa biraa ta'uus danda'a. Isaan keessaa muraasni;
- Dhukkuba onnee
- Dhukkuba hidda dhiigaa (atherosclerosis)
- Dhiibbaa dhiigaa
- Dhukkuba sukkaaraa
- Furdina garmalee
- Tamboo xuuxuu
- Hanqina hirribaa
- Dhukkuba Parkinsanii fi k.k.f

Rakkoo jiru akkamiin beekuun danda’ama?
--------‐--------------------------------------
Ogeessoonni fayyaa rakkoolee ka'uu dhabuu qaama saalaa dhiiraa fidan adda baasuuf adeemsa qorannoo adda addaa fayyadamu. Isaan keessaa...
- Qorannoo qaama saalaa
- Saamuda dhiigaa fi fincaanii qorachuu
- Altiraasaawundii (Ultrasound) fi kkf

Wal’aansi kennamuu qabu maali?
-------------------------------------
Erga qorannoowwan raawwatamanii fi rakkoon jiru mirkanaa’en booda, akkaataa rakkoo sanaatti wal’aansi adda addaa kennamuu ni danda’a. Isaanis;
- Jireenya fayya-qabeessa ta'e hordofuu
- Tajaajila gorsa xiinsammuu (counseling)
- Qoricha afaaniin fudhatamu (Kiniinii)
- Qoricha lilmoo qaama saalaan keennamu
- Meeshaa ka'uu qaama saalaa dhiiraa gargaaru fayyadamuun (vacuum erection device)
- Wal'aansa baqaqsanii yaaluu (penile implants)
~~~~~~~
Dr. Ferid Ousman (MD, Urologist)
Assistant Professor of Urology

Dr.Bulti Likisa page

24/09/2025

FUNUUNA ykn Dhiiguu Funyaanii (EPISTAXIS)
*************************************************
Namni akka tasaa funuunaa jiru tokko maal gochuu qaba?

Yeroo hedduu akka bartee ta'ee nama funuunaa jiru tokko dugdaan akka ciisu ykn duubatti jechuun akka waan dhiiga sana dhaabuutti fudhatama. Kun sirrii miti.
Garuu, akka ogeessaatti kan gorfamu;

1) Namni funuunaa jiru sun oljedhee taa'uufi gara fuulduraatti jechuun gaariidha. Ol jedhee taa'uun kun, dhiibbaa dhiigaa veenota funyaan keenya keessa jiranii hir'isee, funuunni sun akka dhaabatu godha.
Gara fuulduraatti jedhanii taa'uun immoo, dhiiga sana akka liqimsinee garaacha keenya hin miine godha.

2) Quba harka keenyaa isa guddaafi isa lammaffaa gidduutti qaawwa funyaan keenyaa daqiiqaa 5 hanga 10 cufuun turuun funuunni sun akka dhaabatuuf ni tumsa.

3) Deddeebi'ee akka hin dhiigne ittisuuf, of-eeggannoo funyaankeef ykn yeroo dheeraaf gadi jedhanii turuu dhiisuufi mataan qixa sirrii kan onnee keenyaa ol ta'uun gaariidha.
Yoo didee kan deddeebi'ee dhiigu ta'e garuu gara ogeessa fayyaa deemuun barbaachiisaadha.
**************************************************
Fayyaan Faaya, Fayyaa hin dhabinaa!

19/09/2025

Walquunnamtii Saalaaa Da'umsaa Booda:
=============================
Walquunnamtii saalaa da'umsaa booda yoom eegallu kan jedhu gaafii hordoftoonni kaasan keessaa isa tokkodha.
Deebii: Qaamoonni wayitaa ulfaa jijjiiraman kan qaamota walhormaataa dabalatu bakka duraanii isaaniitti deebi'uuf yoo xiqaate torbaan 6 hanga 12 itti fudhata. Kanaaf:
1. Hanga torbaan 5nitti da'umsaa booda dhangala’aan kan jalqabatti dhiiga fakkaatu garuu kan bifti isaa jijjiirramaa deemuu waan jiruuf Walquunnamtii saalaaf mijataa miti.
2. Madaan wayita da’umsaa uumamu waan jiruuf guutummaan guutuutti osoo hin fayyiin yoo Walquunnamtii raawwatan dhukkubbiin itti daga'amuu danda’a.
3. Warreen guutummaa gutuutti da'ima isaanii harma hoosisan irraatti hormooniin estrojinii ni hir'ata. Kun immoo dhangala’aa wayita Walquunnamtii saalaa hir'isuu waan danda'uuf miirri dhukkubbi itti dhagaa'amuu danda’a.
Walumaagalatti kanneen armaan olitti heeraman hubannoo keessa galchuudhaan, walquunnamtii saalaa gammachuu qabu da’umsaa booda raawwachuuf haala, miiraa fi feedhi shamarranii irratti hundaa'a.
Haa ta'u malee Walquunnamtii saalaa osoo hin raawwatiin dura wal irraa fageessani da’uun ykn ulfaa’uun barbaachisaa waan ta'eef karoora maatii irratti mari’achuun barbaachisaadha.
************************************
Fayyaan Faaya, Fayyaa hin dhabinaa!
Dr Hamzaa Jamaaliitiin

18/09/2025

Gaggabdoo (Epilepsy )
*************************
Of eeggannoowwan namoonni dhibee gaggabduu (Epilepsy) dhukkubsatan gochuu qaban.
1.Dhugaatiiwwan wantoota si'eessituu (Stimulant) ta'an kanneen akka Buna,kookaa fi Dhugaatii alkoolii fudhachuu irraa of qusachuu.
2.Hirriiba gahaa rafuu qabu.
3.Nyaata gahaa nyaachuu qabu; Keessumayyuu nyaata Pirootiinii fi Faattiin badhaadhaan kanneen akka Hanqaaquu fi foon diimaa diimaa fa nyaachuu qaba.
4.Bishaan daakuu irraa of qusachuu qaba.
5.Qoricha adda kutuu dhiisuu,Hanga ogeessi akka adda kutu itti himutti.
6.Sochii qaamaa gochuu (Regular Physical Exercise)
7.Wantoota isaan dhiphisan gochuu irraa of-qusachuu
8.Yeroo mallattoolee dhibee biraa kanneen akka hoo'a qaamaa,fedha nyaataa dhabuu,bowwoo mataa,nafa dhawachuu,ol deebisuu,Gara kaasaa fi kkf qabaatan yeroon yaalamuu. fi kkf dha.
***********************************************
Fayyaan Faaya, Fayyaa hin dhabinaa!

Dr.Haro Tadele

26/10/2025

21/10/2025

21/10/2025

14/10/2025

14/10/2025

10/10/2025

28/09/2025

24/09/2025

24/09/2025

19/09/2025

18/09/2025

Address

Telephone

Website

Alerts

Contact The Practice

Shortcuts

Share