Dr Abdunasir Siraj Jilo

09/04/2026

Osoo halkaniin yeroo feetanitti ,bakka feetanitti aduu baafatuu dandeessanii akkami?
Qorattoonni halkaniinis akka aduu fedhii keessaniin ibsattan goona jedhaa jiru.
Wantootni waggaa 100 dura dhugaa hin fakkaanni amma jireenya guyya guyyaa nama hundaa keessa gale heddutu jiru. Akka fakkeenyatti, Osoo waggaa 100 dura nama baayyee sirraa fagoo jiru ijaan ilaalaa itti dubbadha jettee namni dhugaa jedhee sirraa fudhatu hin jiru. Hardha hojii namni marti guyya guyyaan hojjatu.
"AI Artificial intelligence" yoo fudhatte waan namni amanuuf rakkatu dalaga jira.
Amma ammoo waan biraatiinis isinii dhufaa jirra jedhaa jiru. Waan akka daawwitii calaqqisaa samitti ol erginee achii gad isinii ibsina(Artificial Moon) jedhu. Daawitiin kun aduu biyya biraatii iftu irraa ifaa fudhattee ajajaan lafa Km 5 tahu saa'atii barbaaddetti ibsatta. FKN osoo lafa qotaa jirtu yoo sitti halkanaawe ifaa guyyaa fakkaatu oorruu teetitti ibsattee qonna kee itti fufta jechuudha. Yoo osoo ijaarsa irra jirtuu aduun dhiitee aduu ibsattee ijaarsicha itti fufta. Ifaan kun xiqqeessuufi dabaluu dandeessa. Eelee soolaaraa illee ni guuttachiisa jedhan.
Ogeeyyiin fayyaa namarratti dhiibbaa fayyaa fiduu mala jedhanii yaaddawu. Sirna hirriiba namaa kan hormoonii ifaafi dukkanaan hoogganamtu jeequu dandandaha, Sirnakkoo(Ecosystem) lubbuu qabeeyyii kan ifaafi dukkanaan socho'anii miidhuu mala jedhu.
Isin ajajaan guyyeeffatuuf qophiidhaa?
Dhugaa taha moo? Yoo umrii dheeranne waa heddu arguu malla. Bullee laalla.
Fayyaa tahaa!
Dr Abdunasir Siraj Jilo

08/04/2026

Nagahan dhabinaa!

Addunyaan Nagaha haa taatu!
Peace has no alternative

07/04/2026

Nama dhibee sukkaaraa qabu tokko osoo tasa of wallaalee agartanii maal gootu? Sukkaaratu itti ol ka'e jettanii yaadduu?
Nama dhibee sukkaaraa qabu kan beektan ykn dhageessan tokko yoo akka tasaa of wallaalee arge namni hedduun sukkaaratu mataa kore jedhee yaada. Kanaanis dawaa sukkaaraa lilmoon yoo kennan dhagahama. Kuni yaada dogongoraati
Namni dhibee sukkaaraa qabu battalatti tasa of wallaalchisee balaa cimaa irraan kan gahu sukkaara ol ka'e osoo hin taane sukkaara gad bu'eedha. Kanaafuu nama dhibee sukkaaraa qabu, kan dawaa fudhatu tokko kiisaatti karamrellaa ykn sukkaara akka qabatu gorfama. Kun yoo tasa sukkaarri isaa gadi bu'e akka dafee fudhatee bayyanatuufi
Namni biras yoo nama tasa of wallaalee arge waan qoratuun harkaa hin qabaanni waan sukkaara ykn salphumatti sukkaaratti jijjiiramu akka lallaafaa adda addaa kennuufi qaba.
Mallattoon sukkaarri gadi bu'uu
✓ Beelahuu
✓ Dafquu
✓ Lafti maruunii
✓ Qaamni hollatuu
✓ Dhahannaan onnee dabaluu
✓ Cinqamuu fa'i
Namni dhibee sukkaaraa hin qabnes yoo mallattoo kanniin qabaatan akkasuma sukkaarri qaama keessaa gadi bu'uu agarsiisa
Kanaaf dafanii waan sukkaara of keessaa qabaa akka karameellaa , lallaafaa fa'a kennuuf barbaachisaadha.
Fayyaa tahaa
Dr. Dr Abdunasir Siraj Jilo

02/04/2026

Waan ajaaibaa!
Edaa ilmi namaa Sibiilota of keessaa qabaa?
Qaamni namaa Albuudota adda addaa of keessaa qaba. Fkn Albuuda Sibiilota tahan Akka Ayranii(Iron), koopparii(copper), Zinkii( Zink) fikkf. Albuudni kunniin qaama keessatti hojii adda addaa hojjatu. Ilmi namaa jiraachuuf hojii murteessoo dalagu. qaama keessa xiqqaatuunis tahee baayyachuun miidhaa cimaa fida.
Albuuda Ayran( Iron) jedhamu yoo ilaalle, qaama namaa keessatti baayinaan aragama. Faaydaan isaatis ol aanaadha. Fakkeenyaaf akka dhiigni keenya Oksijinii baatu fayyada. Guddina sammuu daa'immaniitiif murteessaadha.
Kan nama ajaa'ibu osoo Ayranii qaama nama tokkoo keessa jiru walitti qabanii mismaara abbaa inchii 3hii tokko , graama 4.5 nitaha.
Akkatti uumaan akka barbaachisutti bakka barbaachisutti galchu nama ajaaibsiisa.
Namni tokko mismaara tokko baatee deema akka jechuuti.
Dr Abdunasir Siraj Jilo

29/03/2026

Dhibee gaggabdoo (Epilepsy)
Dhibeen kun dhibee sammuuti. Nama kamuu kan umrii kamiiyyuu keessa jiru mudachuu dandaha. Dhibeen gaggabdoo dhibee Narvii sammuuti. Yoo sammuun namaa sababa adda addaaf miidhamte nama mudata.
Miidhaan dhibee gaggabdoo bifa hedduu qaba. Akka tasaa akeekkachiisa osoo hin kennin osoo namni hojii irra jiruu waan nama of wallaalchisuuf balaa hamaaf nama saaxila. Akka fakkeenyatti namni osoo ibiddarratti ykn bira osoo jiru yoo gaggabe, ibidda keessa bu'ee gubachuu mala. Danfi itti jiguu mala. Waan ol ka'aaa irraatti yoo dhukkube kufee caccabuu mala. Waan qara qabu irratti kufee miidhaan irra gahuu mala.
Nami footoo irratti agartan kun nama osoo dawaa fudhatuu karaa aadaafi yaaladha jedhee dawaaa adda kutee dhibeen itti ka'ee ibidatti kufee gubateedha.
Dhibee gaggabdoo namni gara mana yaalaa geessuu caalaa gama yaala aadaafi amantii geessa. Ijibbaataaf namoonni fidan erga abdii kutanii erga qaamaa miidhamaniiti. Akka jedhamu jinnii ykn hafuura badaa osoo hin taane Narviin sammuu keessaa yoo miidhaman nama mudata! Dhibeen kun namarraa fayyus fayyuu dhabus mala. Garuu dawaan toohachuun ni dandahama.
Dhibeen gaggabdoo yaala ni qaba.

20/03/2026

EID MUBARAK

18/03/2026

Akka saayinsii fayyaatti namni kan arraa'u waan seeliin rifeensa gurraachessitu tan Meelaanoosayit jedhamtu hojii dhaabdeefi. Rifeensi tokko yoo buqqasan akka mukaa baayyatee osoo hin taane bakkuma saniin deebi'a.
Kun ammoo arriinis sanumatu deebi'a malee hin baayyisu

16/03/2026

Nagaha jirtuu!?
"Jirti Arriin goda jirtii" jette jedhan Akkoon Manooyyee
Arrii baasuun akka dulloomutti, qaroomaatti fi ilaalcha garagaraan ilaalama.
Garuu namni hedduun yoo arraawu hin fedhu.
Ofirraa buqqisuu fedhu,garuu buqqisus ni sodaatu.
Ofii Arrii buqqisuun, Arrii namatti baayyisaa?

06/03/2026

Celebrating my 5th year on Facebook. Thank you for your continuing support. I could never have made it without you. 🙏🤗🎉

18/02/2026

Gaaffii qabduu?
Irra deebiin Baga ji'a geessan jechaa
Namoonni dawaa adda addaa fudhataa soomaa jiran jiru
Fkn dawaa dhibee sukkaaraa, Dhibee dhiibbaa dhiigaa, Gaggabdoo fudhatan jiru.
Keessattuu namoonni dhibee sukkaaraa qaban haalli fi yeroon nyaataa waan jijjiirameef nama rakkisuu mala
Kanaafi kanneen biroo irratti gaaffii yoo qabaattan telegram kana join gochuun gaaffii keessan bakka leave comment jedhutti barreessuu dandeessu
Join

17/02/2026

Baga ji'a kabajamaa Ramadaanaa geenye
Ramadan Kareem!

11/02/2026