Gevorg George Gharibian CPsychol

30/12/2025

Երևանի քաղաքապետարանի աշխատակազմի երեխաների և սոցիալական պաշտպանության վարչության պետ Գևորգ Ղարիբյանը նոյեմբերի 27–30-ը Մեծ Բրիտանիայի Բրիսթոլ քաղաքում մասնակցել է Բրիտանական հոգեբանական համայնքի 2025 թվականի տարեկան համաժողովին։

Իրականացվել է դասախոսություն «Պատմական տրավմայի վերափոխումը դրամաթերապիայի միջոցով» թեմայով՝ անդրադառնալով բռնի տեղահանված և սոցիալապես անապահով անձանց հետ հոգեբանական-վերականգնողական աշխատանքներին:

Անհրաժեշտ է նշել, որ Երևան համայնքն ունի մեծ փորձառություն բռնի տեղահանված ընտանիքների հետ աշխատանքում։

Հաշվի առնելով հատկապես այն հանգամանքը, որ լինելով ամենամեծ համայնքը եւ ունենալով բազմաշերտ մարտահրավերներ, համայնքն կարողացել է իրականացնել բռնի տեղահանված ընտանիքների ադապտացիային, աջակցությանն ու մարտահրավերների հաղթահարմանն ուղղված համակարգված աշխատանք:

Համայնքի կողմից իրականացված աշխատանքներն ուղղված են եղել կարիքների վերհանմանն ու հասցեական աջակցության տրամադրմանը:

Բրիտանական հոգեբանական համայնքի հոգեթերապիայի բաժնի նախագահի հետ ձեռք է բերվել նախնական պայմանավորվածություն Երևանի քաղաքապետարանի աշխատակազմի երեխաների և սոցիալական պաշտպանության վարչության և վարչական շրջանների ղեկավարների աշխատակազմերի երեխաների և սոցիալական պաշտպանության բաժինների համայնքային ծառայող հոգեբանների և հարակից մասնագետների շարունակական վերապատրաստումների իրականացման վերաբերյալ:

26/12/2025

🔷 2025 թվականին երեխաների և սոցիալական պաշտպանության ոլորտում իրականացրել ենք մի շարք ծրագրեր.

🔹Հուզական աջակցության թեժ գիծ,
🔹Համագործակցություն ավելի քան 11 հասարակական կազմակերպությունների հետ,
🔹Լսողության սահմանափակում ունեցող անձանց համար տրամադրվել է սուրդո թարգմանչի ծառայություն,
🔹 Մշակվել է սոցիալական տաքսի ծրագիրը,
🔹 Ավելի քան 8 բնակարանի հարմարեցում պատերազմի արդյունքում հաշմանդամություն ունեցող անձանց համար,
🔹 Դրամական աջակցություն 100 տարին լրացած երևանաբնակ տարեցներին,
🔹 Ստեղծվում է «Սոցիալական ծառայությունների» ՀՈԱԿ-ը,
🔹 Անցկացվել են ինտերակտիվ բնույթի դասընթացներ և թատերական ներկայացումներ,
🔹 Նախակրթարաններում մեկնարկեց հուզական ինտելեկտի ծրագիրը,
🔹 Դպրոցահասակ երեխաների այց «Կենդանիների խնամքի կենտրոն»,
🔹 Մեկնարկել է «Երեխային լսելու հատուկ սենյակների ստեղծում վարչական շրջաններում» ծրագիրը:

#2025արվածաշխատանք

18/12/2025

Կրթական հաստատություններում երեխաների իրավունքների վերաբերյալ իրազեկվածությունը բարձրացնելու նպատակով Երևանի քաղաքապետարանի աշխատակազմի Երեխաների և սոցիալական պաշտպանության վարչությունը մեկնարկել է «Երեխաների իրավունքների իրազեկում» թեմայով ինտերակտիվ բնույթի փորձնական ներկայացումներ:

Ներկայացումները նպատակ ունեն երեխաների իրավունքների վերաբերյալ իրազեկվածությունը բարձրացնելով՝ կանխարգելել երեխաների իրավունքների ոտնահարումը և ձևավորել իրավագիտակից ու իրազեկ քաղաքացիներ:

Ծրագիրն իրականացվում է Երևանի համայնքային 12 հիմնական դպրոցներում և ընդգրկում է շուրջ 500 երեխա։

16/12/2025

Երևանի քաղաքապետարանի աշխատակազմի երեխաների և սոցիալական պաշտպանության վարչությունը, շարունակելով երեխաներին ուղղված իր բազմաբնույթ ծրագրերի իրականացումը, այսօրվանից մեկնարկել է «Ամանորը՝ երեխաների համար» միջոցառումների շարքը, որին մասնակցելու է կյանքի դժվարին իրավիճակում հայտնված շուրջ 500 երեխա:

Երեխաների հետաքրքրությունը պահելու համար, շատ չբացելով փակագծերը, նշենք, որ ծրագրի ընթացքում երեխաներն ընդգրկվելու են տարբեր խաղերում, տոնական ուրախ մթնոլորտում անցկացվող թեմատիկ դասընթացներում:

10/12/2025

Երևանի սոցիալական ոլորտի խնդիրներին առավել արդյունավետ արձագանքելու, ծրագրեր պլանավորելու և դրանք կյանքի կոչելու համար վերջին շրջանում Երևանի քաղաքապետարանի աշխատակազմի երեխաների և սոցիալական պաշտպանության վարչությունն ակտիվ քննարկումներ է իրականացրել ԱՄՆ գործընկերների հետ:

Քննարկումներն առավել գործնական դաշտ տեղափոխելու նպատակով հրավերի շրջանակում վարչության պետի պաշտոնակատար Գևորգ Ղարիբյանն աշխատանքային այցով եղել է Քեմբրիջում և Նյու Յորքում:

🔹 Գործուղման ընթացքում դիտարկվել են միգրատներին, ինչպես նաև սոցիալապես անապահով անձանց ուղղված զբաղվածության ծրագրերը, մասնագիտացված կենտրոնում իրականացված ուսումնասիրությունների ընթացքում քննարկվել են Երևանում նմանատիպ կենտրոններ և ծրագրեր ունենալու հնարավորությունները:

🔹 Ուսումնասիրվել է Քեմբրիջի գրադարանային համակարգի փորձը և քննարկվել դրա հնարավորությունների ներդնումը Երևանում:
Մասնավորապես դիտարկվել է գրադարաններում անօթևաններին սոցիալական ծառայություններ մատուցելու նպատակով սոցիալական աշխատողների հաստիքների ներդրումը, որոնք իրականացնում են մի շարք աշխատանքներ՝ խնդիրների վերհանում, համապատասխան ուղղորդումների իրականացում և այլն: Ձեռք է բերվել պայմանավորվածություն, որ Երևանում նման գրադարան ունենալու պարագայում կարող են տրամադրել ակադեմիական և գեղարվեստական իրենց դատաբազաները:

🔹 Այցի ընթացքում ուսումնասիրվել է սոցիալական բնակարանների մոդելը, իրականացվել է այցելություն գործող կենտրոն և քննարկվել է դրա հնարավոր առաջարկների ներկայացումը Երևանում, որը կարող է լուծել անօթևանների հետ կապված խնդիրները:

🔹 Ուսումնասիրվել է այնտեղ գործող խորհուրդների մոդելը և դրա կիրառության հնարավորությունը Երևանի քաղաքապետարանում, մասնավորապես քաղաքապետին կից մարդու իրավունքների հարցերով զբաղվող խորհուրդ ունենալու ձևավորումը:

🔹 Դիտարկվել է տարեցներին տրամադրվող ծառայությունների առանձնահատկությունները՝ սննդի տրամադրում, ժամանցի ապահովում և այլն:

🔹 Քննարկվել են կանանց նկատմամբ գենդերային հիմքով և այլ բռնության դեպքերին արձագանքելու պրակտիկան, ուսումնասիրվել է փորձառությունն ու դրա կիրառման հնարավորությունը ՀՀ-ում:

🔹 Քննարկվել են նաև երեխայի իրավունքներին առնչվող, միգրատներին վերաբերող մի շարք հարցեր, ինչպես նաև քննարկվել են համայնքային կարիքներն ու դրանց ուղղված գործողությունները:

Քաղաքների միջև ակտիվ գործակցության հաստատման շրջանակում կարևորվել է հատկապես Երևանում սոցիալական ծառայություններ մատուցող ՀՈԱԿ-ի հիմնումից հետո փորձի փոխանակումը:

📍Հաշվի առնելով Երևան և Քեմբրիջ քույր քաղաքների շարունակական համագործակցությունը՝ ձեռք է բերվել նախնական պայմանավորվածություն, որ Cambridge Stem Fest-in 2026թ. ամռանը մասնակցեն նաև կյանքի դժվարին իրավիճակներում հայտնված երեխաներ Երևան քաղաքից:

📍Ֆորդամի համալսարանում դասախոսությունից հետո Գևորգ Ղարիբյանը հանդիպում է ունեցել Նյու Յորքի Stem works studio-յի տնօրեն Դայնեշ Շարմայի հետ և ձեռք է բերել պայմանավորվածություն, որ Երևան քաղաքից մի խումբ երեխաներ էլ մասնակցեն New York stem workshop-ին:

Գործուղման ընթացքում իրականացված քննարկումնները, դիտարկումներն ու փորձի ուսումնասիրությունը կարևոր հիմք են հետագա սոցիալական ծրագրերի իրականացման համար: Գործընկեր կողմը պատրաստակամություն է հայտնել մաս կազմել Երևանում նոր ծրագրեր իրականացնելու գործին:

Սոցիալական ոլորտում կատարած աշխատանքի և գործունեության համար Քեմբրիջի քաղաքապետարանի աշխատակազմի կողմից վարչության պետի պաշտոնակատար Գևորգ Ղարիբյանին շնորհվել է Քեմբրիջ քաղաքի բանալին, ինչպես նաև շնորհվել է Սոցիալական առաջնորդության մետաղադրամ:

05/12/2025

Երևանի քաղաքապետարանի աշխատակազմի երեխաների և սոցիալական պաշտպանության վարչությունը՝ Հանրակրթության վարչության հետ համատեղ, իրականացնում է 3–6 տարեկան երեխաների հուզական և մտավոր կարողությունների զարգացման նոր փորձնական ծրագիր։

Նախաձեռնության նպատակն է զարգացնել փոքրիկների կարողությունը ճանաչելու, հասկանալու և կառավարելու սեփական հույզերը։

Ծրագրում այս պահին ներառված է 184 երեխա։ Փորձնական փուլն ավարտելուց հետո ծրագիրը կներդրվի Երևանի բոլոր համայնքային նախակրթական հաստատություններում:

08/11/2025

Երևանում սոցիալական աջակցության կարիք ունեցող ընտանիքների խնդիրներն են քննարկվել Երևանի քաղաքապետին կից հասարակական կարգով գործող «Սոցիալական աջակցության տրամադրման» խորհրդի հերթական նիստում: Նիստը վարել է Երևանի փոխքաղաքապետ Սարգիս Մադաթյանը:

Օրակարգում ընդգրկված հարցերը, որոնք ներկայացվել էին վարչական շրջանների կողմից՝ հիմնականում վերաբերում էին ուսման վարձավճարի փոխհատուցմանը, ինչպես նաև բնակարանի վերանորոգման նպատակով աջակցության տրամադրմանը:

Քվեարկության արդյունքում օրակարգում ընդգրկված բոլոր հարցերը հաստատվեցին:

Քննարկումների ընթացքում նիստին ներկա Երևանի ավագանու անդամներն ու սոցիալական պաշտպանության ոլորտի ՀԿ-ների ներկայացուցիչներն անդրադարձել են սոցիալական ոլորտում առկա խնդիրներին ու դրանց լուծման հնարավոր ուղիներին՝ ընդգծելով սոցիալապես անապահով ընտանիքների աջակցության համակարգված և շարունակական բարելավման անհրաժեշտությունը։

30/10/2025

Երևանի քաղաքապետարանի ենթակայության 6 դպրոցներում սովորող շուրջ 500 երեխաների համար կազմակերպվել են «Երեխաների իրավունքների իրազեկվածության» վերաբերյալ ինտերակտիվ բնույթի 12 թեմատիկ զրույցներ:

Նախաձեռնությունն ուղղված է երեխաների շրջանում թվային անվտանգության, արդյունավետ հաղորդակցության, հուզական աջակցության, փոխհարաբերությունների, սեռով պայմանավորված խտրականության, հոգեմեդ նյութերի ազդեցության և վտանգների, վնասակար սովորությունների, բռնության, ներառականության, հաշմանդամության, ռասայական, կրոնական խտրականության, սթրեսի, շանտաժի, աշխատանքային իրավունքների վերաբերյալ իրազեկվածության բարձրացմանը։

Թեմատիկ զրույցները հնարավորություն են տալիս ձևավորել իրավագիտակից քաղաքացիներ, երեխաներին՝ առավել տեղեկացված լինել իրենց իրավունքների ու պարտականությունների մասին։

28/10/2025

Երևանի քաղաքապետարանի աշխատակազմի երեխաների և սոցիալական պաշտպանության վարչությունը՝ Երևանի 2807 ամյակի առթիվ հանդես եկավ մի նախաձեռնությամբ, որի շրջանակներում երևանյան դպրոցների աշակերտները յուրօրինակ ստեղծագործություններով իրենց սերն արտահայտեցին Երևանին:

✉️ «Սիրո նամակ Երևանին» խորագրով մրցույթը նախատեսված էր 3-5-րդ դասարանի աշակերտների համար, ովքեր ներկայացրին իրենց շարադրությունները,

📷 «Իմ աչքերի Երևանը» մրցույթին մասնակցող երեխաները հանդես եկան երևանյան տեսաֆիլմերով,

🎨 «Իմ Երևանը, իմ արվեստը» խորագիրը կրող մրցույթը կազմակերպված էր 11-14 տարեկան պատանիների համար, որոնք իրենց հարազատ քաղաքի հանդեպ սերը պատկերել էին արվեստի գույներով:

✨ Լավագույն մասնակիցները հյուրընկալվեցին Երևանի քաղաքապետարանում և արժանացան խրախուսական պարգևների:

24/10/2025

Հարգելի´գործընկերներ,

Սիրով հրավիրում եմ մաս կազմել Երևանի քաղաքապետարան / Yerevan Municipality-համայնքի #սոցիալական պաշտպանության ոլորտի կայացման կարևորագույն քայլերից մեկում, որի համար հրավիրում եմ բոլոր հետաքրքրվածներին` ներդրումն ունենալու ոլորտի իրացման ու կառավարման գործընթացում: 🙌🚀

հայտարարություններ, իրազեկումներ, նորություններ

16/10/2025

«Էրեբունի-Երևան 2807» -ի շրջանակում Երևանի քաղաքապետարանի աշխատակազմի երեխաների և սոցիալական պաշտպանության վարչության հերթական նախաձեռնությունը՝ սիրո խոստովանություն էր Երևանին:

«Սիրո նամակ Երևանին», «Իմ Երևանը, իմ արվեստը» և «Իմ աչքերի Երևանը» խորագրերով ծրագրին միացել են երևանյան դպրոցների աշակերտները:

✉️«Սիրո նամակ Երևանին» շարադրությունների մրցույթին մասնակցել են 3-5-րդ դասարանների աշակերտները:

Ներկայացված աշխատանքներից ընտրվել են 10 լավագույնները:

🎨 «Իմ Երևանը, իմ արվեստը» մրցույթին իրենց արվեստի գործերն են ներկայացրել 11-14 տարեկան երեխաները, որոնցից ընտրվել են լավագույն 10-ը:

🎬 «Իմ աչքերի Երևանը» մրցույթին էլ մասնակցել են 13-15 տարեկան երեխաները, ովքեր ներկայացրել են տեսաֆիլմեր և ընտրվել են 5 լավագույնները:

Աշխատանքները ցուցադրվել են Երևանի քաղաքապետարանում:

Առավելագույն միավորներ հավաքած երեխաները հյուրընկալվել էին Երևանի քաղաքապետարանում:

Շնորհավորելով քաղաքի տոնի առթիվ՝ Երևանի քաղաքապետի տեղակալ Սարգիս Մադաթյանը, Երևանի ավագանու անդամներ Արևիկ Բլեջյանցը, Քրիստինե Վարդանյանն ու Երեխաների և սոցիալական պաշտպանության վարչության պետի ժ/պ Գևորգ Ղարիբյանը երեխաներին խրախուսական նվերներ են հանձնել:

Այցի ընթացքում ծրագրի մասնակիցները Երևանի պատմության թանգարանում ծանոթացել են նաև Երևանի պատմությանը:

13/10/2025

Ամփոփվեց «Էրեբունի-Երևան 2807» -ի շրջանակներում երեխաների մասնակցությամբ հայտարարված «Սիրո նամակ Երևանին», «Իմ Երևանը, իմ արվեստը» և«Իմ աչքերի Երևանը» խորագրերը կրող միջոցառումների արդյունքները:

Հոկտեմբերի 11-ին կազմակերպվեց առավելագույն միավորներ հավաքած երեխաների այցելությունն Էրեբունի պատմահնագիտական արգելոց-թանգարան, որտեղ երեխաները ծանոթացան Երևան քաղաքի ստեղծման պատմությանը, եղան նաև Էրեբունի ամրոցում:

Նման միջոցառումները շարունակական բնույթ են կրում: