18/09/2022
--- لیمۆ بەسڕایی :
--- گرنگترین سوودە تەندروستیەکانی:
--- لێمۆی ڕەش کە بە لیمۆ بەسڕایی ناسراوە و لە وڵاتانی کەنداوی عەرەبی و عێراق و ئێران وەک بەهاراتێک بەکار دێت : لیمۆی فرێش دەخرێتە ناو ئاوی گەرم تا پلەی کوڵاندن و بۆ نزیکەی ( ٩٠ چرکە ) دەهێڵێنرێتەوە و دواتر دەردهێنرێت لە بەرهەتاو وشک دەکرێتەوە و ڕەنگەکەی ڕەش یا قاوەیی تۆخە و کۆمەڵێک سوودی تهندروستی هەیە کە گرنگترینیان ئەمانەن :
١ --- دەوڵەمەندە بە ڤیتامین و کانزاکان: بڕێکی باشی ڤیتامین ( C ) و چەند جۆرێک ڤیتامین( B ) و کانزای وەک پۆتاسیۆم و کالسیۆم و مەگنسیۆمی تێدایە
٢ --- پاراستنی تەندروستی دڵ ؛ بەسوودە بۆ ماسولکەکانی دڵ و بەهێزکردنی لە ڕێگای کەمکردنەوەی دڵ پەلە پەل کردن و ڕێکخستنی لێدانی دڵ و سووڕی خوێن ، هەروەک چۆن ماددە دژە ئۆکسانەکانی ناوی یارمەتی کەمکردنەوەی ئەگەری تووشبوون بە نەخۆشییەکانی دڵ ئەدات .
٣ --- یارمەتی پاککردنەوەی جەستە ئەدات لە ماددە ژەهراوییەکان چونکە کۆئەندامی هەرس پاک دەکاتەوە بە هۆی بوونی تایبەتمەندی دژەبەکتریاوە.
٤ --- خۆپاراستن لە نەخۆشییەکانی ڕیخۆڵهکان: بە هۆی بوونی بڕێکی زۆر لە ڤیتامین سی ، دەتوانرێت لەگەل گێزهر بخورێت کە زۆر دەوڵەمەندە بە ڤیتامین ئەی.
٥ --- بەهێزکردنی تەندروستی خانمان دوای منداڵبوون: بە هۆی بوونی بڕێکی باش لە ڤیتامین و کانزاکان هەروەها یارمەتی بەهێزکردنی تەندروستی ئێسقان و ددانەکان ئەدات و ڕێگری لە نەرم بوونەوەی ئێسک و نەخۆشییەکانی جومگەکان دەگرێت .
٦ --- باشتر کارکردنی کۆئەندامی دەمار و پاراستنی تەندروستی مێشک و دەمارەکان.
٧ --- بە سوودە بۆ کاتی سک چوون و ژەهراوی بوون بە خۆراک.
---- شێوازی بەکارهێنانی :
یان لە کاتی چێشت لێنان بەکار دێت لە ناو شۆربا یا شلە یان دەکرێت بە شێوەی شەربەت لەگەڵ گێزەر یان وەک چای لێمۆ بەسڕایی بخورێتەوە.
ئامادەکردنی
دکتۆر کامهران ڕەسول ژاژڵهیی
پسپۆڕی زانستی خۆراک
