Dr. Mohamed Taha

04/11/2025

القراء والأصدقاء الأعزاء فى الإمارات..
تجدون كتب د. محمد طه فى معرض الشارقة الدولي للكتاب، من 5 نوفمبر إلى 16 نوفمبر 2025.
جناح دار الشروق، جناح S2 قاعة 3
العنوان: مركز إكسبو الشارقة

04/11/2025

القراء والأصدقاء الأعزاء فى الجزائر..
تجدون كتب د. محمد طه، بصالون الجزائر الدولي للكتاب، من 29 أكتوبر إلى 8 نوفمبر 2025.
جناح دار الشروق- رقم D70 بالقاعة المركزية
المكان: قصر المعارض بالصنوبر البحري.

01/11/2025

جلسة نفسية.. فى معبد مصري

من أول ما بدأ الإنسان يحاول يفهم نفسه، كانت مصر شاهد على الرحلة..

المصري القديم ماكنش بيبني معابد علشان يقدّم قرابين، أو يقيم طقوس فقط، لأ.. هو كان بيحاول يفهم سرّ الوجود، سرّ الموت والحياة، وسرّ العالم الداخلى اللي جوّاه نفسه..

فرويد، مؤسس التحليل النفسي، كان متأثر جدًا بالحضارة المصرية القديمة، وكان -ولا زال- موجود فى مكتبه (اللى تحول إلى متحف فى لندن لاحقاً)، تماثيل ورسومات فرعونية..

آخر ما كتب فرويد كان كتاب "موسى والتوحيد"، الكتاب ده كان محاولة منه للربط بين الدين والضمير، وبين الحضارة القديمة وتكوين النفس البشرية.

فرويد كان شايف إن مصر القديمة هي أول مكان اتكوّن فيه "الضمير الجمعي"، وإن القوانين والطقوس اللي كانت موجودة عند المصريين القدماء، كانت البداية الأولى لظهور فكرة الصواب والخطأ ، والخوف من العقاب، والرغبة في الكمال.

حتى فكرة تحنيط الجسد، فرويد شافها كأنها رمز لمحاولة الإنسان إنه ينتصر على الموت — على اللاوعي، اللي دايماً بيهدد العقل الواعي فينا.

أسطورة (أوزوريس) و(ست) كانت بالنسبة لفرويد نسخة مصرية أصيلة وقديمة تشبه أسطورة "أوديب": صراع بين الأخ وأخوه، الغيرة، السلطة، والذنب. فرويد شاف المشهد كله — قتل، تمزيق، ثم بعث من جديد — كأنه الحكاية الأولى اللي اتولد منها مفهوم "الذنب الإنساني"، اللي بعد كده بقى أساس الضمير.

ثم جاء العبقري (كارل يونج) علشان يبنى بعض أسس علم النفس التحليلى على رموز ومفاهيم وأساطير الحضارة المصرية القديمة. يونج كان بيشوف الأساطير مش مجرد تعبير عن (رغبات مكبوتة) زى فرويد.. لأ… كان بيشوف إنها لغة الوعي.. وشفرة الروح.

وبالنسبة له، مصر كانت الحضارة اللي عبرت عن هذا الوعي وعن تلك الروح بأوضح الأشكال. كل رمز، كل إله، كل رسم، هو تعبير عن مكون نفسي داخل الإنسان ذاته.

يونج شاف إن أسطورة (إيزيس) و(أوزوريس) بتحكي عن رحلة نفسية إنسانية عميقة: لما الواحد يقع، ويتكسر، ويتقطع من جواه.. وبعدين يقف، ويشد عوده، ويحاول يلملم أجزاء نفسه من جديد.

(إيزيس) هنا مش مجرد زوجة بتدور على جثة زوجها… دي النفس البشرية وهي بتحاول تلملم شتاتها المبعثرة، وتحيي اللي مات جواها، وتستعيد حياتها بعد فقدها.

وعند يونج، اللحظة اللي بيتولد فيها (أوزوريس) من جديد في صورة (حورس)، هي لحظة "التحوّل النفسي الداخلى" Transformatiom.. لحظة ميلاد الذات الحقيقية بعد المعاناة.. وبداية تحقيق الذات وتكاملها Individuation.

على فكرة، أسطورة (ايزيس) و(أوزوريس) و(ست) و(حورس)، هى النسخة الأولى والأصلية من كل حكايات وأساطير الأبطال اللى بتتكرر عبر التاريخ، واللى بتمر بنفس التتابع ونفس المراحل، بغض النظر عن المكان أو الثقافة أو الزمان أو الأشخاص، اسمها (رحلة البطل Hero's Journey), ودى اتكتب فيها كتب، واتعمل منها دراما وقصص وأفلام.. من أول أبوزيد الهلالى، لغاية Lion King.. اللى - لو فكرت ولاحظت- هاتكتشف ان الملك الأسد هو رمز للملك (أوزوريس)، اللى تآمر عليه أخوه (ست)، اللى بيرمز ليه فى الفيلم (سكار)، ويجي الإبن (سيمبا) كرمز ل(حورس) اللى أنقذ -بمساعدة أمه- مملكة الأب، اللى اتولد فى صورة ملك جديد.

رحلة البطل (حورس) -عند يونج- هى رحلة كل إنسان بيواجه الظلام اللي جواه — بيواجه "ست"، عدوه الداخلي، اللي هو في الحقيقة جزء منه.. سماه يونج الظل Shadow. و(حورس) مانتصرش عليه علشان يقتله، لكن علشان يتصالح معاه. وعلشان في لحظة النصر، يحقق أعلى درجات التوازن النفسي. لما نوره وظلامه يبقوا واحد. وده اللي سماه يونج: التكامل الداخلى. اللحظة اللي تبقى فيها متكامل مع ذاتك، متصالح مع نفسك، مش خايف من اللي جواك.

بالمناسبة.. (ست) هى أصل كلمة (ساتان Satan).. اللى أصبحت فيما بعد (شيطان).. لأنه كان أول تجسيد للشر فى تاريخ البشرية..

يونج اتكلم كمان عن (حتحور).. وشاف انها الوجه المضيء في رحلة البطل Hero's Journey.. رحلة معاناة الإنسان ثم انتصاره.. رحلة تطور ونمو الوعي.. رحلة (حورس) وكل (حورس).. حتحور كانت أم/مرضعة/مربية حورس فى إحدى نسخ وأزمنة الأسطورة.. وحبيبته/زوجته فى نسخة وزمن آخر.

(حتحور) بالنسبة ل(كارل يونج) هى رمز الأم الكبرى، رمز للحنان والاحتواء والنداء النفسي الداخلى، اللي بيرجع للإنسان إحساسه بالأمان بعد التيه والألم. حتحور هى الحب، والموسيقى، والأنوثة، والرحمة اللي بتشفي القلب بعد الوجع..

حتحور بتمثل الأنوثة الهادية — الجانب اللي بيغذي الحياة، مش بالعقل، لكن بالموسيقى، والدفء، والفرح. وحورس بيمثل الوعي الجديد اللي بيتولد بعد الألم — بعد رحلة الموت والتحوّل اللي مرّ بيها أوزوريس. حتحور هي صوت الحب اللي بيظهر بعد الصدمة، صوت الجمال اللي بيذكّر النفس إنها لسه قادرة تحب، حتى بعد الفقد.

لو إيزيس هي اللي بتلم الأشلاء… فـ(حتحور) هي اللي بتخلي الأشلاء دي تتطهر، وتلتئم، وتغني من جديد.

(حتحور) لها تجسيد آخر مختلف.. تجسيد قاسي غاشم منتقم.. اسمها (سخمت)، اللى ولدت من عين رع لما غضب على البشر.. وأرسلها تعاقب الإنسانية التى عصت أوامره. يونج استلهم من القصة دى فكرة الأم الملتهمة المدمرة Devouring Mother.

كل أم - من وجهة نظر يونج- جواها وجهين.. فهي مانحة للحياة، حنونة، مُغذية، مليانة حب (حتحور). لكن في الوقت نفسه، فيها جانب مدمّر، خانق، ملتهم (سخمت) — الأم اللي لما تحاول تحمي أولادها بزيادة أو تسيطر عليهم، تتحول لقوة تبتلع أولادها وتمنعهم من النمو.

لما نبص للتاريخ، هنلاقي إن فرويد ويونج وغيرهم وغيرهم ممن لم أذكرهم، ماكانوش بيبتكروا من فراغ، انما كانوا بيكملوا طريق بدأ من آلاف السنين في المعابد المصرية القديمة.

المصريين القدماء هم أول من حاول أن يفهم النفس والحلم والروح والموت. وجم علماء النفس بعد كده علشان يكمّلوا نفس الطريق، ويسألوا نفس الأسئلة، بس بلغة تانية — بلغة التحليل والرمز واللاوعي.

يمكن العلاج النفسي مش بعيد عن المعبد…
كل جلسة.. هي محاولة حقيقية صادقة، تضرب بجذورها عبر التاريخ،
بنحاول نرجع فيها نفسنا..
لحالتها الأولى..
قبل التمزق والشتات..

31/10/2025

شكرا جداً لصاحبة الفيديو روان المرجاوى..

31/10/2025

تعالى بقى نشوف الصورة الأخيرة.. والنسخة الأصلية.. والأعمق تمامًا.. لكل رحلة.. وأي رحلة..
عرفتها؟
أيون.. مظبوط..
رحلة وعيك.. إنت.. أيوه.. وعيك إنت..
أعتقد إنك عارفها كويس..

لما كنت عايش حياتك العادية.. في تلك المساحة الضيقة من الوعي..
بس فيه هاجس من جواك عمال يقولك إن فيه حاجة ناقصة.. وإن مش هو ده آخرك.. وإن فيه عالم آخر شاسع مختبئ خلف ستار الواقع.. وإن هذا العالم في انتظارك..

تتجاهل هذا الهاجس مرة، وتنصت ليه مرة.. لغاية ما أخدت القرار.. وخطّيت أول خطوة في طريق، عمرك ما مشيت فيه.. ولا تعرف حتى هيوصّلك لفين..

يظهر من داخلك صوت فطرتك الحكيمة في الوقت اللي إنت محتاجه.. يقولك أيوه إنت تقدر.. ما تسمعش كل كلامهم.. جرّب.. خاطر.. أنا مصدّق فيك.. إنت عندك إمكانات كتير ما تعرفش عنها حاجة..

يسندك من جوّاك إحساسك إنك تستاهل أحسن.. ورغبتك إنك تتغير بجد.. وكل رسالة طيبة وصلتك من حد بيحبك..

ويهزك شوية خوفك من المجهول.. وضعفك قدام احتمالات الفشل.. وعدم معرفتك بكل قدراتك..

تقع وتقوم.. وتقع وتقوم..
اللي بيسندك النهارده يهزّك بكرة.. واللي بيهزّك النهارده يسندك بكرة..

إحساسك بإنك تستاهل يزيد ويقل.. وخوفك لما تقبله ياخد حجمه.. ولما ماتقبلهوش يتعملَق ويتحوّل لرعب..

تاخد نفسَك شوية.. وتجري وتلهث شويتين..

ييجي وقت.. ما ينفعش فيه غير إنك تواجه أعتى مخاوفك.. وتتحدى أبشع وحُوشك الداخلية.. مهما كنت بتتجنب ذلك.. أو بتحاول تأجله..
وييجي أوان إنك تواجه «ظلك » وتبص له في عينيه وتقوله: أنا أهو..

وتلوي دراع ظلامك وغرائزك واندفاعاتك وشياطينك الداخلية، وتقترب منهم وتهمس في آذانهم جميعًا: أنا هاملُك زمامكم..

تخوض المعركة الداخلية الصعبة.. بكل الشجاعة الممزوجة بالحيرة.. وبكل الإصرار المخلوط بالأمل.. وبكل الدروع والأسلحة المدجّجة بالونس..

وتنتصر..
يستسلم لك ظلّك.. وينكشف ظلامك تحت نور روحك.. وتخرج من المعركة لستَ أبدًا كما دخلتها..
إنت دلوقت مش البسيط الطيب المُسالم بتاع زمان.. إنت بسيط بس ليك عمق.. وطيب بس ليك مخالب.. ومُسالم بس مُستعد للحرب في أي وقت..

ظلّك أصبح جزء أصيل منك.. وظلامك صار مُكمّل لنورك..

وفي طريق عودتك لنفسك.. وقبل الوصول بقليل.. يظهر خوف جديد أخير.. ما ينفعش تكمّل طريقك من غير ما تواجهه.. غول داخلي غير مُتوقّع.. ما ينفعش تُنهي رحلة وعيك وتطورك ونموك من غير ما تتجاوزه.. مهما كان الثمن..

وتوصل أخيرًا للكنز المدفون جواك.. وتَعثُر أخيرًا على نفسك الحقيقة الأسيرة داخلك..

وهنا.. وفي اللحظة دي.. بتلتحم كل صفات رجولتك «النفسية » من شَجاعة وإقدام ومسئولية، مع أنوثتك «النفسية » من قُرب وحب واحتواء.. ليُعلنوا للكون ولادتك، وبَعثك من جديد.. بعد موت نُسختك السابقة..

ثم تعود.. لتبدأ رحلة وعي جديدة..

دي رحلة الوعي الداخلية.. رحلة استكشاف نفسك.. رحلة استنارة عقلك واتساع مَداركك..
ممكن تخوضها بينك وبين نفسك في تجربة تَرَقِّي ذاتي وتصفية روحية..
وممكن تخوضها مع كل تحدي أو اختبار أو ابتلاء خارجي يواجهك..

دي الرحلة الأصلية قبل وبعد كل الرحلات الأخرى..
رحلتك وحدك.. اللي غالبًا محدش يعرف عنها حاجة..
بتعيشها لوحدك، ومش باين عليك..
وتموت فيها لوحدك، وعلى وشّك ابتسامة فُختي دموعك..
وتتولد تاني لوحدك، ومحدش يحس ألم هذه الولادة غيرك..

دي الرحلة التي لو لم تخُضها في حياتك.. فكأنك لم تحيا..
رحلة فردية تمامًا.. رغم كل ما فيها من أحداث.. ومَن فيها من ناس..

كل الروايات والحكايات والأساطير اللي بتصف البطولة والبطل ورحلته.. هي إسقاط جمعي مُتكرر ومتشابه لهذه السردية النفسية الموجودة داخلنا كلنا..

وكل الرحلات السابقة (رحلة الخروج من الطفولة - رحلات الاختبارات الحياتية أو اليومية) هي تجليات خارجية لهذه الرحلة النفسية الداخلية..

وأحيانًا.. بل في معظم الأحيان.. بتخوض رحلة استكشاف ونمو نفسي داخلي.. في نفس الوقت اللي بتخوض فيه رحلة أو تجربة حياتية خارجية.. في تصادُف كوني عجيب.............................

من كتاب

31/10/2025

الأصدقاء والقراء والجمهور الكريم فى مصر..
:أكون معكم ان شاء الله فى محاضرة (أونلاين) بعنوان "الرجولة الحقيقية والرجولة المزيفة- الأنوثة الحقيقية والأنوثة المزيفة)، يوم السبت 6 ديسمبر، فى مؤتمر مؤسسة (ترابط) السنوى بالقاهرة.
المكان: فندق تريومف- القاهرة الجديدة.
الاستعلام والتفاصيل: wa.me/971555389053

28/10/2025

من كتاب

فيه حكاية شهيرة في العلم الحديث اسمها حكاية (سالي) و (آن)..

الحكاية دي بتقول إن (سالي) كان عندها سلة، و(آن) عندها صندوق.. (سالي) حطت الكورة بتاعتها في السلة ومشيت.. قامت (آن) واخدة الكورة من سلة (سالي) وحطتها في الصندوق بتاعها..
تفتكروا (سالي) لما ترجع هتدور على الكورة فين؟

طبعًا الإجابة المنطقية هي إن (سالي) هتدور على الكورة مكان ما سابتها.. يعني في السلة.. رغم إنها مش في السلة.. ورغم إن صاحبتها (آن) عارفة ومتأكدة إن الكورة مش في السلة.. ورغم إن حضرتك شخصيًّا كمان متأكد من كده.
الكلام ده فايدته إيه ومعناه إيه؟
بالنسبة لفايدته.. فده اختبار بسيط لكمية ووظيفة (الخلايا المرآتية) اللي في مخك.. واللى اتكلمنا عنها فى الفصل السابق..

أما بالنسبة لمعناه.. فده موضوع تاني خالص.. وربما يحمل لك بعض المفاجآت.

معناه بكل بساطة.. إن مش لازم اللي حضرتك تكون شايف ومتأكد إنه صح مية في المية، يكون من وجهة نظر حد تاني صح بنفس الدرجة؛ لأن المعلومات والمعطيات اللي عند حضرتك ممكن تكون مختلفة تمامًا عن المعلومات والمعطيات اللي عند غيرك.

معناه إنه مش لازم اللي انت عارفه ومصدقه يكون هو بس اللى لازم يتعرف ويتصدق.. وإنه مش شرط اللى حضرتك تكون مقتنع بيه ومتأكد منه، يكون هو نفس اللى لازم كل الناس تقتنع بيه وتتأكد منه.

معناه إنه ماينفعش تكون لوحدك انت اللي صح.. وغيرك كلهم غلط.. مهما كان عندك حجج وبراهين.

معناه إن غيرك من حقه يفكر.. ويجتهد.. ويوصل.. بطريقته المناسبة ليه.. ومن خلال السكة اللي هو شايفها أفضل.. من غير ما يؤذيك أو تؤذيه طبعًا.

معناه إننا محتاجين نتعامل بالراحة شوية مع نفسنا.. وبالراحة شويتين مع بعض..

وانه بلاش نصادر على رأي غيرنا. بلاش نحتقر المختلف معانا في الرأي، أو الفكر، أو المُعتَقَد، أو اللبس، أو أي حاجة.

حكاية سالي وآن جزء من نظرية علمية حديثة مهمة جدًّا.. اسمها Theory of Mind .. وهي إحدى الحاجات المهمة الفارقة، اللى ساعدت في فهمنا لنفسنا ولغيرنا ولعلاقتنا ببعض.. ساعدت فى فهم التعاطف.. والتقمص.. والقدرة على الإحساس بالآخرين وفهمهم.. وكذلك مرونة الفكر، أو تحجره، وسمو النفس، أو تجمدها..

اسأل نفسك

اسأل نفسك بقى..
قد إيه تقدر تحط نفسك مكان غيرك؟
قد إيه تقدر تتفهم طريقة تفكيره، اللي مبنية على عوامل كتير قوي، مختلفة تمامًا عنك؟
قد إيه تقدر تروح لغاية عنده، وترجع عندك تاني؟

زي ما انت شايف إن غيرك غلط.. هو برضه شايف إنك غلط.
وزي ما انت متأكد إنك صح.. هو برضه متأكد إنه صح.

المتاح ليه غير المتاح ليك.. اللي يعرفه غير اللي تعرفه.. اللي اتربى عليه غير اللي اتربيت عليه.. مستوى ذكائه غير مستوى ذكائك.. مرونة تفكيره غير مرونة تفكيرك.. عقله غير عقلك.. جيناته غير جيناتك.. ظروفه غير ظروفك.. اهتماماته واحتياجاته وقدراته.. مئات بل آلاف المتغيرات والمحددات.

اللي يستوعب ده.. هيقدر يفهم.. ويعذر.. ويسامح.
هيقدر يحط نفسه مكان غيره.
هيبطل يحكم على الناس أحكام سريعة وقاسية.
هيقبل الاختلاف.. ويستحمل التناقض.

هيكبر عقليًّا..
وينمو نفسيًّا..
وينضج إنسانيًّا.

هو ده الدين الحقيقي..
وهو ده السعي الحقيقي..
وهو ده.. الحب الحقيقي..
بجد.

26/10/2025

كل التوفيق ان شاء الله..

📚✨ هل الذكر الشرقي فعلًا منقرض؟ ✨📚

سؤال بيخلي كل واحد فينا يفكر من زاويته…
هل المشكلة في "الذكورة" نفسها؟ ولا في الطريقة اللي اتربينا بيها؟
📖 ده جزء من النقاش اللي هنبدأه سوا في نادي القراءة الجديد في ذا شَاك.

📅 البداية: الخميس 30 أكتوبر
🕗 من 8 لـ 9:30 مساءً
📍 ذا شَاك – مصر الجديدة
🔁 اللقاءات أسبوعية كل خميس، لمدة 6 أسابيع

بقيادة:
🪶 سحر عبد النعيم – مشيرة نفسية، معالج سلوكي معرفي وجدالي
🪶 رشا مخائيل – مشيرة نفسية

لو الكتاب شدّك أو حابب تشارك في نقاش مفتوح وصادق عن العلاقات والوعي، احجز مكانك دلوقتي 💬

📩 للحجز أو الاستفسار عبر واتساب:
📞 https://wa.me/201556119766

#ذَكَر_شرقي_منقرض

23/10/2025

شكراً الجمهور الكريم العظيم.. شكراً دار الشروق

💥القراءة بداية كل تغيير 💡
👈ابدأ رحلتك مع مجموعة متنوعة من الكتب الأكثر مبيعًا هذا الأسبوع بـ مكتبات الشروق.
📲 تسوّق الآن: https://tinyurl.com/58racr9f

21/10/2025

لو زادت مرة عليك شَيلة
افتكر أنك عندك عيلة🥰

‎من ورشة “علاقات خطرة” في أبو ظبي

‎شكرًا د. محمد طه على رحلة رائعة، مش بس ورشة… لكن مساحة حوار، ومشاركة حقيقية، ونصايح عملية نقدر نعيش بيها! 🫶🏻

🫶🏼 عايز تنضم للمجتمع؟
💬 كومنت "link" وهنبعتلك لينك الانضمام!🥰

#دبي #عائلة

17/10/2025

💥القراءة بداية كل تغيير 💡
👈ابدأ رحلتك مع مجموعة متنوعة من الكتب الأكثر مبيعًا هذا الأسبوع بـ مكتبات الشروق.
📲 تسوّق الآن: https://tinyurl.com/57npzn26

16/10/2025

ONLY ONE day left 🚨
ورشة علاقات خطرة 🚨
٣ أيام هتغيّر نظرتك لنفسك وعلاقاتك!
هنتكلم عن:
✨ نفسك الحقيقية ونفسك المزيفة
✨ السيناريوهات النفسية اللي ورثناها
✨ الفرق بين العلاقات الخطرة والعلاقات السوية
📍 احجز دلوقتي وابدأ رحلة جديدة مع نفسك.
كومنت “لينك” وهنبعتلك لينك الحجز