22/10/2025
არსებობს სიბრძნე, რომელსაც დრო ვერაფერს აკლებს.
მესამე საუკუნეში, ათენში, ზენონ ციტიუმის მიერ დაარსებული სტოიკური ფილოსოფიის არსი ადამიანის პირადი პასუხისმგებლობისა და ნატურალისტური ლოგიკის ნაზავს წარმოადგენს, რომელიც აწმყო მომენტზე ფოკუსირების მნიშვნელობასა და ღირებულებას გამოკვეთს.
სიამოვნებისკენ სწრაფვისა და ტკივილის თავიდან აცილების ნაცვლად, სტოიკოსები ამტკიცებენ, რომ უმჯობესია ყოველი მომენტი ისეთად მივიღოთ, როგორიც არის.
ამ ფილოსოფიის მიზანი ადამიანის ბედნიერებაა.
გთავაზობთ სტოიკურ ციტატებს, რომლებიც გვეხმარება, წამით შევჩერდეთ და დავფიქრდეთ იმაზე, თუ სად ვართ ახლა. ამ ფილოსოფიის მამოძრავებელი გზავნილი შემდეგია — გადამწყვეტი არ არის გარეგანი პირობები, არამედ ის, თუ როგორ რეაგირებ მათზე.
✅️„დაბრკოლება ბიძგს აძლევს მოქმედებას. რაც გზაზე გვეღობება, ისევე გვევლინება გადაჭრის გზად.“
— მარკუს ავრელიუსი
ქვაც კი, რომელიც წინაღობად მომევლინა და წამაქცია, სწორედ ის მასალაა, რომელიც ჩემს სახლს სჭირდება — საძირკველში ჩასადებად, სიმყარისთვის, კედლების დასაშენებლად.
უნდა წაიქცე, თუ გინდა გაიქცე. გაიქცე არა საკუთარი თავიდან, არამედ იმ გზაზე, რომელიც წარმატებულს გაგხდის.
ყველა ადამიანი, ვინც ცხოვრების გზაზე გვხვდება, ჩვენი მასწავლებელია. არ არსებობს ცუდი ადამიანი, ცუდი მოვლენა ან პრობლემა — უბრალოდ, მოცემულ მომენტში არ გაგვაჩნია რესურსი მათთან გამკლავებისთვის. ისინი გვისარკევებენ ჩვენს თავს. გვტკივა, გვწყინს, ვბრაზდებით, ვნაღვლიანობთ, ვსევდიანობთ — რადგან ჩვენში არსებული ნაკლი და უსუსურობა გვაწუხებს.
იმის ნაცვლად, რომ საკუთარ თავში ვიპოვოთ პასუხი, პასუხისმგებლობას ყოველთვის სხვას ვთხოვთ.
✅️„მე უიღბლოდ მიმაჩნიხარ იმის გამო, რომ უბედურება არასოდეს გამოგიცდია. თუ ცხოვრებაში მოწინააღმდეგე არ შეგხვედრია, ვერავინ — მათ შორის ვერც შენ — ვერასოდეს გაიგებს, რისი უნარი გაქვს.“
— სენეკა
✅️„თუ არ დაიტანჯები, სხვის თანადგომას ვერ ისწავლი; თუ გამოწვევების წინაშე არ დადგები, ვერც მის გადალახვას შეძლებ.“
— სენეკა
როცა გააცნობიერებ, რომ ყველა მოვლენა და ადამიანი შენთვის წყალობაა — რომელიც სამყარომ გამოგიგზავნა შენი სულიერი ზრდისა და ევოლუციისთვის — მაშინ პრობლემაც წყალობად გადაიქცევა.
✅️„თუ ადამიანს აქვს რატომ, გაუძლებს თითქმის ნებისმიერ როგორ-ს.“ ნიცშე
ყველა უარყოფითი მოვლენა აპრიორი დადებითს ინახავს — ისევე, როგორც მედალს მეორე მხარეც აქვს.
უნდა გაჩერდე, უნდა გაჩუმდე ცოტა ხნით, დააკვირდე და ჩაუფიქრდე: ეს მოვლენა ან ადამიანი რატომ კი არა, რისთვის გამოგიგზავნა სამყარომ? რისი თქმა, დანახვა და გაგება სურს შენთვის?
✅️„გზად შემხვედრი დაბრკოლება თავად ხდება გზა. არასოდეს დაივიწყო, რომ ყოველი დაბრკოლება ჩვენი მდგომარეობის გაუმჯობესების შესაძლებლობას იძლევა.“
— ბუდისტური გამოთქმა
✅️„ჩვენ ორი ყური და ორი თვალი გვაქვს, პირი კი ერთი — იმაზე მეტი უნდა დავინახოთ და მოვისმინოთ, ვიდრე ვისაუბროთ.“
— ზენონ ციტიუმი
თუ ადამიანი ყველა მოვლენას მედლის მეორე მხრიდან შეხედავს და გააცნობიერებს, მაშინ გაჩნდება ნათელი აზრი, ნათელი ხედვა და სმენა. და სწორედ მაშინ გახდება შესაძლებელი იმ ჭეშმარიტი გზის დანახვა, რომელიც სახლში — ჩვენს უმაღლეს მე-სთან — მიგვიყვანს.
✅️„საბოლოოდ, ადამიანმა არ უნდა იკითხოს, რა არის მისი ცხოვრების აზრი. მან უნდა გაიაზროს, რომ ეს კითხვა სწორედ მას ევსმება. ერთი სიტყვით, თითოეულ ადამიანს ცხოვრება გამოცდის. მას კი პასუხის გაცემა მხოლოდ საკუთარ სიცოცხლეზე პასუხისმგებლობის აღებით შეუძლია.“
— ვიქტორ ფრანკლი
სიყვარულით და მადლიერებით მოგიმზადათ
GT Evolution Center -ის ქოუჩმა
თინათინ ფსუტურმა
დერეკ პერესის წყაროს მიხედვით.
#სიყვარულიყველაფერია
