05/05/2020
https://ginasthma.org/wad/
კმარა ასთმით გამოწვეული სიკვდილიანობა!
წელს საკუთარ საიტზე ფრიად საინტერესო და მგრძნობიარე მიმართვა გამოაქვეყნა GINA-მ (Global Initiative for Asthma - ასთმის გლობალური ინიციატივა) 2020 წლის ასთმის მსოფლიო დღის აღსანიშნავად.
"ასთმის მსოფლიო დღე არის GINA-ს მიერ ორგანიზებული ყოველწლიური ღონისძიება და მიზნად ისახავს მთელ მსოფლიოში დაავადების ცნობადობისა და დაავადებულებზე ზრუნვის გაუმჯობესებას.
ასთმის მსოფლიო დღისადმი მიძღვნილი პირველი ღონისძიება 1998 წელს ჩატარდა და დღემდე ის მაისის თვის პირველ სამშაბათს იმართებოდა.
GINA-მ გადაწყვიტა, რომ ასთმის მსოფლიო დღე 2020 წლიდან გახდეს უცვლელი და აღინიშნოს ყოველი წლის 5 მაისს. წელს COVID-19-ის პანდემიის გამო გადაიდო დაგეგმილი კამპანიის დანერგვა.
შეიკავე სუნთქვა!
გთხოვთ, გამოყოთ ერთი წუთი, ჩაისუნთქოთ ღრმად და შეიკავოთ სუნთქვა:
იმ ადამიანებისადმი სოლიდარობის ნიშნად, რომლებიც COVID-19-ით იტანჯებიან;
იმ მამაცი პროფესიონალებისა და პოლიტიკური მოღვაწეების მხარდასაჭერად, რომლებიც ეხმარებიან COVID-19-ის მქონე პაციენტებს და დაავადების შემდგომი გავრცელების პრევენციას ახდენენ.
იმ უძილო მკვლევართა შესაქაბად, რომლებიც ცდილობენ შექმნან და გაავრცელონ ცოდნა პანდემიის შესახებ, რათა მიღებული იქნეს გონივრული გადაწყვეტილებები.
თუ ამჩნევთ, რაოდენ არაკომფორტულია ერთი წუთის განმავლობაში თავისუფალი სუნთქვის გარეშე ყოფნა, GINA-ს მოვალეობაა დაგარწმუნოთ, რომ განსაკუთრებული ყურადღებით დაეხმაროთ COVID-19-ით გამოწვეული მოხრჩობის წინააღმდეგ ბრძოლაში ასთმის მქონე პირებს, რომელთათვისაც სამწუხაროდ ძალიან ახლოსაა თავისუფალი სუნთქვის არარსებობის მტანჯველი შეგრძნება.
მეგობრებო,
COVID-19-ის გლობალურ პანდემიასთან დაკავშირებით, GINA-მ გადაწყვიტა გადაედო ასთმის მსოფლიო დღეს დაგეგმილი ღონისძიებები შემდგომ შეტყობინებამდე.
როგორც რესპირაციული ჯანმრთელობის დამცველები, გიზიარებთ ძირითად მიზნებს COVID-19-ის ზეგავლენის მინიმაზაციისთვის. ამჟამად ეს ნიშნავს ასთმიანი პაციენტებისთვის პრეპარატების გამოყენების შესახებ ქვემოთ მითითებული ინფორმაციის გაზიარებას, რათა მათ გააგრძელონ თავიანთი ინჰალატორების გამოყენება.https://ginasthma.org/recommendations-for-inhaled-asthma-controller-medications/
ჩვენთვის ცნობილია, რომ ზოგიერთმა ორგანიზაციამ გადაწყვიტა ასთმის მსოფლიო დღის აღნიშვნა ვირტუალურად, ამასთან დაკავშირებით თქვენ შეგიძლიათ ნახოთ ჩვენი ლოგო და თემა (კმარა ასთმით გამოწვეული სიკვდილიანობა) ჩვენს საიტზე, თუმცა წელს ჩვენ ვერ მოვახდენთ ამ ღონისძიების აქტიურ პრომოციას.
ჩვენი მომავალი გეგმების შესახებ გაცნობებთ მაშინ, როდესაც შესაფერისი დრო დადგება. ახლა კი, გთხოვთ, გაითვალისწინეთ ხელების ჰიგიენა, სათანადო, სოციალური დისტანცია და გააგრძელეთ თქვენი მკურნალი ექიმის მიერ დანიშნული ასთმის მედიკამენტების მიღება.
ჯანმრთელობას გისურვებთ
GINA-ს დირექტორთა საბჭო და სამეცნიერო კომიტეტი
25 მარტი, 2020 წ"
