24/07/2024
,,ეგისის’’ ფიქსირებული დოზების კომბინაციები როზულიპ პლუსი და ტორვაზინ პლუსი დაჯილდოვდა უნგრეთის დიდი ინოვაციური პრემიით
,,ეგის ფარმაცუტიკალსის’’ ფიქსირებული დოზების ორმა კომბინაციამ მიიღო მთავარი პრიზი ინოვაციების კატეგორიაში. ,,ეგისის’’ გამარჯვებული პროდუქტები მართლაც ინოვაციურია, რადგან ისინი კომბინირებული ლიპიდ-დამაქვეითებელი თვისებების წყალობით მნიშვნელოვნად ამცირებენ ათეროსკლეროზთან დაკავშირებულ გულ-სისხლძარღვთა მოვლენების რისკს. საუბარია როზუვასტატინის და ეზეტიმიბის, ასევე, ატროვასტატინის და ეზეტიმიბის კომინაციებზე, რომელთა ზემოაღნიშნული ინოვაციური კომბინაციის სახით მიღება მნიშვნელოვნად ზრდის პაციენტების დამყოლობას, ვინაიდან პაციენტი 2 ტაბლეტის ნაცვლად ერთ ტაბლეტს იღებს. ამ ორ პროდუქტზე კომპანია ფლობს სამ პატენტს აქტიური ინგრედიენტის და ორ პატენტს შეფუთვის შემუშავებაზე, რომლებიც სრულად აკმაყოფილებს ფართომასშტაბიან წარმოებას. ეს აღიარება ,,ეგისის’’ ისტორიის მანძილზე ინოვაციების კატეგორიაში მიღებული მეათე ჯილდოა.
ფიქსირებული დოზებით კომბინირებული პრეპარატების შემუშავებისას ,,ეგისის’’ სპეციალისტებს რამოდენიმე საკვანძო საკითხის გადაჭრა უწევთ. აქტიური ინგრედიენტების შერევა რთული პროცესია, გასათვალისწინებელია ურთიერთქმედების შესაძლებლობა და გარდაქმნის პროცესები. ,,ეგისის’’ ფიქსირებული დოზების კომბინაციაში აქტიური კომპონენტების ურთიერთქმედება მინიმუმამდეა დაყვანილი მათი განაწილებით განცალკევებულ სტრუქტურებში, რომელთა შეხების ზედაპირი საკმაოდ მცირეა.
,,ჩვენ განსაკუთრებით ვამაყობთ, რომ აქტიური ნივთიერება როზუვასტატინი საკუთრივ ,,ეგისის’’ შემუშავებულია და იწარმოება უშუალოდ ჩვენი კომპანიის მიერ.’’ განაცხადა ,,ეგისის’’ აღმასრულებელმა დირექტორმა, ჩაბა პოროსლაიმ. ,,ამ აქტიური ნივთიერების შესწავლის დროს ჩვენმა მკვლევარებმა მოახერხეს წარმატებით გამოეყოთ როზუვასტატინის თუთიის მარილი, რომელიც მეტი სტაბილურობით გამოირჩევა და მისი კრისტალური ფორმა განსაკუთრებით ხელსაყრელი ფორმაა აქტიური ნივთიერების წარმოებისთვის.’’ გარდა ამისა, ,,ეგისმა’’ შეიმუშავა პატენტისაგან დამოუკიდებელი, აქტიური ნივთიერების უსაფრთხო, საიმედო, მაღალი პროდუქტიულობის და მასშტაბური წარმოების პროცესი. ეს შესაძლებელი გახდა უნიკალური ქიმიური ეტაპების გავლით. ჩვენმა მკვლევარებმა შეძლეს აღმოეჩინათ ხსნადობის და ბიოშეღწევადობის გაზრდის ეფექტური გზა კომბინირებული პრეპარატის ერთ-ერთი ქვაკუთხედის - აქტიური ნივთიერება ეზეტიმიბისთვის. აქამდე ცნობილი პროცედურების ნაკლოვანებათა აღმოფხვრით მოხერხდა გახსნის სასურველი სიჩქარის უზრუნველსაყოფად საჭირო გრანულომეტრული შემადგენლობის მიღება.
2024 წლის 26 მარტს მთავარი პრიზი ,,ეგისის’’ აღმასრულებელ დირექტორს, ჩაბა პოროსლაის გადასცა ჩაბა ჰენდემ, პარლამენტის თავჯდომარის მოადგილემ და ესტერ ვიტალიოსმა, კულტურის და ინოვაციების მინისტრის მოადგილემ პარლამენტის ზედა პალატაში.
