ჩემი ენდოკრინოლოგი

14/11/2025

🔵 14 ნოემბერი დიაბეტის მსოფლიო დღეა.

💢 ამ თარიღის აღნიშვნის მიზანია კიდევ ერთხელ საზოგადოების ყურადღების მიპყრობა დაავადების მიმართ, სათანადო ინფორმაციის გავრცელება და ცნობიერების ამაღლება.

⭕️ რატომ არის ეს მნიშვნელოვანი?

📌 პირველ რიგში - პრევენციული თვალსაზრისით.
⭕️ დიაბეტი (ამ შემთხვევაში მეტწილად დიაბეტი ტიპი 2-ს ვგულისხმობთ) არის დაავადება, რომლის თავიდან აცილება ან გამოვლენის მნიშვნელოვნად გადავადება შესაძლებელია ბაზისური რეკომენდაციების დაცვით (რაც მოცავს კვებას, ფიზიკურ აქტივობას, ძილის მოწესრიგებას, თამბაქოს მოხმარებაზე უარის თქმას).
🔴 ადამიანებმა, განსაკუთრებით გენეტიკური დატვირთვის, ჭარბი მასის, სხვადასხვა მეტაბოლური დარღვევების მქონე პირებმა, უნდა იცოდნენ დიაბეტის რისკების არსებობის და დაავადების თავიდან აცილების შესაძლებლობების შესახებ. ამას შეუძლია მნიშვნელოვნად შეცვალოს დიაბეტის შემთხვევების მზარდი მსოფლიო სტატისტიკა.

📌 ინფორმაციის გავრცელება მნიშვნელოვანია სკრინინგული თვალსაზრისითაც.
⭕️ დაავადების ხასიათიდან გამომდინარე ის
საწყის ეტაპზე ხშირად უსიმპტომოდ მიმდინარეობს, დაგვიანებული დიაგნოსტირების მომენტში კი შესაძლოა უკვე დიაბეტური გართულებებით იყოს წარმოდგენილი. ამიტომ მნიშვნელოვანია სიმპტომების არარსებობის შემთხვევაშიც დაიგეგმოს პერიოდული კვლევები დაავადების დროული აღმოჩენის მიზნით.

❓ არის თუ არა დიაბეტი სერიოზული დაავადება?
ცუდად მართული დიაბეტი წამყვანი მიზეზია ისეთი მდგომარეობების, როგორიცაა, სიბრმავე, ფეხის ამპუტაცია, თირკმლის ტერმინალური უკმარისობა, გულ-სისხლძარღვთა სისტემის იშემიური დაზიანებები. ამიტომაც არის აუცილებელი პაციენტს გათვითცნობიერებული ჰქონდეს ეს შესაძლო შედეგები, რათა სიმპტომების არარსებობის დროსაც არ მოხდეს სისხლში შაქრის მაღალი მაჩვენებლების დაიგნორება.

📌 დიაბეტზე საუბარი და ინფორმაციის გავრცელება მნიშვნელოვანია ასევე ზოგადად საზოგადოების ცნობიერებისთვის, რათა ჩამოყალიბდეს სტიგმებისგან მაქსიმალურად თავისუფალი გარემო, სწორი დამოკიდებულება და სწორი სასაუბრო ლექსიკა დიაბეტის მქონე პირთა მიმართ. მათთვის ეს ძალიან მნიშვნელოვანია და ბევრად ამსუბუქებს იმ ფსიქოლოგიურ ტვირთს, რასაც მათ ჯანმრთელობაზე ყოველდღიური ფიქრი და ზრუნვა უქმნის.

💢 კომპანია Sinocare გლუკომეტრი-ს დიაბეტის მართვის ჯგუფი სწორედ ამ მიზნებს ემსახურება.

❤️ სინოქეა ყოველდღიურ რეჟიმში განგრძობითად ცდილობს ამ მნიშვნელოვანი ინიციატივის ხელში აღებას და შესრულებას სხვადასხვა აქციების, კამპანიების და დიაბეტის მართვის ჯგუფის მხარდაჭერის საშუალებით.

➡️ გაწევრიანდით და მიიღეთ მონაწილეობა ამ პროცესში - @დიაბეტი/დიაბეტის მართვა
➡️ გაეცანით სტატიებს სხვა საინტერესო თემებზე ენდოკრინოლოგიის ონლაინ-ჟურნალში https://endocrinolo.gy

🩵 დღეგრძელ, ბედნიერ, ხარისხიან ცხოვრებას გისურვებთ! 🫶

#ენდოკრინოლოგი
#დიაბეტისდღე

10/11/2025

💊 გზა, რასაც მედიკამენტები გადიან დანიშნულების ფურცელზე მოხვედრამდე, საკმაოდ ხანგრძლივი, მკაცრად კონტროლირებადი და ძვირადღირებულია.

✔️ სრული პროცესი შეიძლება 10-15 წლის განმავლობაშიც გრძელდებოდეს.

⭕️ მას შემდეგ, რაც აღმოჩენილი იქნება პოტენციურად ეფექტური მოქმედი ნივთიერება, თავდაპირველად, პრეკლინიკური კვლევებით ლაბორატორიულ პირობებში მოწმდება მისი ტოქსიკურობა/უსაფრთხოება, ორგანიზმში შეწოვა, განაწილება, მეტაბოლიზმი, გამოყოფა, მოქმედების მექანიზმის თავისებურებები.

➡️ ამ ეტაპის ჩაბარების შემდეგ, ახალ წამალზე განაცხადი იგზავნება მარეგულირებელ ორგანოში, როგორიცაა FDA - ამერიკაში და EMA - ევროპაში და სხვ.

⭕️ ყველა საჭირო კრიტერიუმის დაკმაყოფილების შემთხვევაში სწორედ მათგან ეძლევა მწარმოებელ კომპანიას უფლება, რომ წამლის გამოცდა დაიწყოს ადამიანებზე.

➡️ ამის შემდეგ იწყება ხანგრძლივი კლინიკური გამოცდა, რაც სამ ფაზას მოიცავს.

✔️ ამ ფაზების წარმატებული გავლის შემდეგ პრეპარატის კვლევის მონაცემები კიდევ ერთხელ ეგზავნება მარეგულირებელ ორგანოს, დამტკიცების შემთხვევაში კი უკვე შესაძლებელი ხდება მისი გამოყენება.

თუმცა, კვლევები აქ არ მთავრდება, ის მუდმივად გრძელდება პრეპარატის ფარმაცევტულ მარკეტებში გამოჩენის შემდეგაც მისი მოქმედების გრძელვადიანი შედეგების შესასწავლად.

ამრიგად,

🔬 მტკიცებითი მედიცინა ეყრდნობა მრავალწლიანი კვლევებით, კლინიკური ცდებითა და სტატისტიკური ანალიზით დადასტურებულ ფაქტებს.�
👉 ეს ნიშნავს, რომ ნებისმიერ პრეპარატს, რომელიც გამოიყენება მტკიცებითი მედიცინის ფარგლებში დაავადებების სამკურნალოდ, გავლილი აქვს ათასობით პაციენტზე გამოცდა, შეფასებულია მისი ეფექტურობა და უსაფრთხოება, ზუსტად ვიცით, რა გვერდითი მოვლენები შეიძლება დავუკავშიროთ მის გამოყენებას და როგორ ვიმოქმედოთ.

ამის საპირწონედ,

🌿 არატრადიციული ან ალტერნატიული მედიცინა, ხშირად ეფუძნება ინდივიდუალურ გამოცდილებას, მოსაზრებებს ან თეორიებს, რომელთა ეფექტურობა სამეცნიერო დონეზე დამტკიცებული არ არის.
�⭕️ ბევრ ბუნებრივ საშუალებაში შესაძლოა იყოს სასარგებლო ნივთიერებები, მაგრამ მათი დოზა, ურთიერთქმედება სხვა წამლებთან და გრძელვადიანი შედეგები სრულიად უცნობია.
ჩვენთვის არ არის ცხადი, თუ რა გვერდით მოვლენებს უნდა ველოდოთ მათგან.

⚠️ ბუნებრივი ყოველთვის არ ნიშნავს უსაფრთხოს.

🤔 მიუხედავად ამისა, როგორ ფიქრობთ, რატომ ანიჭებს ადამიანების დიდი ნაწილი უპირატესობას არატრადიციულ მედიცინას?
თქვენ რომელს უფრო ენდობით? 💬

08/11/2025

🧐 იცნობთ ისეთ ადამიანს, რომელიც მუდმივად უჩივის, რომ მიღებული საკვები ძალიან ადვილად ისახება წონაზე - ,,ჰაერითაც კი სუქდება'',
ან ადამიანს, რომელიც ბევრს მიირთმევს, მათ შორის არაჯანსაღ მაღალკალორიულ საკვებსაც, მაგრამ მისი წონა არ იმატებს ადვილად ❓

🟠 რა განაპირობებს ორგანიზმში ამ თავისებურებებს, რა არის მეტაბოლიზმი და როგორ არის ის დაკავშირებული სხეულის მასის მატების ან კლების პროცესთან ❓

ℹ️ საინტერესო ინფორმაციას სტატიაში იპოვით: ⬇️

მეტაბოლიზმი არის იმ ქიმიური პროცესების ერთობლიობა, რითიც საკვებ ნივთიერებებში არსებული კალორიები ორგანიზმის .....

03/11/2025

⬇️

💊 ჰიპოთირეოზის მკურნალობა თიროქსინის (ლევოთიროქსინის) პრეპარატებით საკმაოდ მარტივად მართვადი პროცესია.
მთავარია პაციენტის მიერ გათვალისწინებული და დაცული იყოს რამდენიმე აუცილებელი წესი, რათა სასურველი შედეგი დროულად დადგეს.

📌 პრეპარატის მიღება ხდება დღეში ერთხელ, დილით უზმოზე წყალთან ერთად, ჭამამდე მინიმუმ 45 წუთით ადრე. ამ დროის გასვლის შემდეგ კი არ აქვს მნიშვნელობა, თუ როდის ისაუზმებთ. აღნიშნული შეზღუდვა ეხება ასევე კოფეინის შემცველ სასმელებსაც, როგორიცაა ჩაი და ყავა.

ამ რეკომენდაციის საფუძველი არის ის, რომ საჭმელთან შერევით შეიძლება დაქვეითდეს ეფექტურობა, ამიტომ პრეპარატმა უნდა მოასწროს შეწოვა ცარიელი კუჭიდან.

📌 მნიშვნელოვანია პრეპარატის მიღება მუდმივად ერთიდაიგივე დროს.
თუმცა, იშვიათ შემთხვევაში, თუ ჩვეულ დროს ვერ მოხერხდა, დაშვებულია მისი დალევა დღის განმავლობაშიც, იმ პირობით, რომ ბოლო ჭამიდან გასული იყოს 3 საათი და მომდევნო კვება არ მოხდეს მინიმუმ 45 წუთის განმავლობაში.

მეორე ვარიანტია - მიღება მეორე დღეს, ოღონდ არა გაორმაგებული დოზით, არამედ ერთი ჩვეული დოზა - დილით, მეორე, გამოტოვებული კი საღამოს.

მესამე ვარიანტი - დოზის გამოტოვება და მომდევნო დღიდან ჩვეული რეჟიმის გაგრძელება. ცხადია ამას არ უნდა ჰქონდეს სისტემატიური ხასიათი.

📌 დიდი მნიშვნელობა აქვს რეგულარულ კონსულტაციას და ჰორმონულ კვლევას ენდოკრინოლოგის მიერ მითითებულ ვადებში.

📌 იმ შემთხვევაშიც კი, თუ თავს კარგად გრძნობთ და ანალიზის შედეგებიც დამაკმაყოფილებელია, არ უნდა შეწყდეს წამლის მიღება თვითნებურად ექიმთან შეთანხმების გარეშე.
ამ დროს მკურნალობის შეწყვეტა ერთ-ერთი გავრცელებული შეცდომაა. რასაც შედეგად მოსდევს დაავადების საწყის ეტაპზე დაბრუნება და განვლილი მკურნალობის შედეგების დაკარგვა.

📌 ექიმს უნდა მიეწოდოს სრული ინფორმაცია იმ წამლების შესახებ, რომელთა მიღებაც ხდება ლევოთიროქსინის პარალელურად, რადგან ზოგიერთი მათგანი იწვევს თიროქსინის ეფექტურობის დაქვეითებას ან გავლენას ახდენს შეწოვის პროცესზე.

📌 მკურნალობის პროცესში არ არის სასურველი სხვა სახელწოდების ლევოთიროქსინზე გადასვლა ექიმთან შეთანხმების გარეშე.

📌 ლევოთიროქსინი უნდა ინახებოდეს მშრალ, გრილ, მზისგან დაცულ ადგილას დაბალი ტენიანობის პირობებში.

❗️შენახვის ამ წესების დარღვევამ და ასევე ჩამოთვლილი რეკომენდაციების შეუსრულებლობამ შეიძლება წამლის აუხსნელი არაეფექტურობა გამოიწვიოს.

მიიღე და გააზიარე ცოდნა! 🔄

#ენდოკრინოლოგია
#ჰიპოთირეოზი
#თიროქსინი

26/08/2025

🟡 რა ხდება ძილის დროს ჩვენს ორგანიზმში?
🟡 როგორია ძილის ევოლუცია?
🟡 რა ტიპის ურთიერთკავშირებია ჩამოყალიბებული ძილის პროცესსა და ჰორმონულ ბალანსს შორის?

👉 სტატია ჯანსაღი ძილის მნიშვნელობის შესახებ ⬇️

ჯანსაღი ძილი ჯანსაღი ცხოვრების ერთ-ერთი მთავარი კომპონენტია. მართალია გარეგნულად ძილი გამოიყურება, როგორც ცხოვ...

04/08/2025

☀️ იცოდით, რომ გარემოს მაღალმა ტემპერატურამ დიაბეტის დიაგნოზის მქონე პირებში შესაძლოა სისხლში შაქრის დონის არასტაბილურობა გამოიწვიოს?

🔴 თავად დიაბეტი კი აუარესებს ორგანიზმის ამტანობას ცხელი გარემოს მიმართ.

❓როგორ დავიცვათ თავი ამ უარყოფითი ზემოქმედებისგან ზაფხულის ცხელ დღეებში, ამაში შემდეგი რეკომენდაციების გამოყენება დაგეხმარებათ:

✅ მიიღეთ დიდი რაოდენობით სითხე.
➡️ ორგანიზმის წყლით მომარაგება ზაფხულის ცხელ დღეებში ყველასთვის ძალიან მნიშვნელოვანია, თუმცა დიაბეტის დროს ეს საკითხი კიდევ უფრო საყურადღებოა.

➡️ დიაბეტი ზრდის სხეულის დეჰიდრატაციის (გაუწყლოვნების) რისკებს.
რადგან , როცა სისხლში შაქრის დონე მაღალია, ზედმეტი რაოდენობის შაქარი გამოიყოფა თირკმლების მიერ შარდის გზით და მასთან ერთად ორგანიზმს ტოვებს დიდი რაოდენობით წყალიც (ოსმოსური წნევის გამო).
სწორედ ამ მექანიზმის გამო არის გახშირებული შარდვა დიაბეტის ერთ-ერთი თვალსაჩინო დამახასიათებელი გამოვლინება.

➡️ გარდა ამისა, ზაფხულის სიცხეში ოფლის გზით ისედაც ბევრი სითხე გამოიყოფა, დიაბეტური ნეიროპათიის თანხლების დროს კი ეს რაოდენობა შეიძლება კიდევ უფრო გაიზარდოს, თუ ადგილი აქვს ოფლის გამოყოფის მარეგულირებელი ნერვების დაზიანებას.

➡️ ორგანიზმში წყლის ნაკლებობის შედეგად სისხლი ხდება უფრო კონცენტრირებული, შაქრის შემცველობა იზრდება, თირკმელი გამოყოფს მეტ შაქარს, ეს კიდევ უფრო ზრდის სითხეების გამოყოფას შარდის გზით და ასეთი მავნე წრის შეკვრის შედეგად შესაძლებელია მდგომარეობა სერიოზულად დამძიმდეს.

➡️ ამიტომ აუცილებლად მიიღეთ დღის განმავლობაში ბევრი წყალი, განსაკუთრებით, გარეთ მზეზე ყოფნის დროს.
ეს არ უნდა იყოს დღეში 1,6-2 ლიტრზე ნაკლები.

❗️ მოერიდეთ ამ მიზნით შაქრის შემცველი სითხეების გარდა ასევე ალკოჰოლის და კოფეინის გამოყენებასაც, რადგან მათ გარკვეულწილად შარდმდენი თვისებები აქვთ.

✅ მოერიდეთ მზის დამწვრობის მიღებას. ეს სტრესია ორგანიზმისთვის, სტრესი კი შაქრის დონის მატებას იწვევს. გამოიყენეთ დამცავი კრემები მზეზე გასვლის წინ.

✅ როცა ცხელ ამინდში გარეთ ყოფნა გიწევთ, შედარებით ხშირად უნდა მოხდეს შაქრის დონის კონტროლი, განსაკუთრებით ინსულინოთერაპიაზე მყოფ პირებში, რადგან სისხლში გლუკოზას დონეზე ზემოქმედების გარდა, მზის სხივები ასევე გავლენას ახდენენ ინსულინის შეწოვის ტემპებზეც.

✅ ყურადღებით დაგეგმეთ ფიზიკური აქტივობა. ამისთვის შეარჩიეთ დღის შედარებით გრილი მონაკვეთი, ან გამოიყენეთ კონდიცირებული სავარჯიშო დარბაზები.

✅ გახსოვდეთ, რომ დიაბეტის დროს მაღალია სხეულის გადახურების, ე.წ. სითბური დაკვრის რისკები. ყურადღება მიაქციეთ სიმპტომებს: თავბრუსხვევა, კანკალი, სისუსტე, გაფითრება, ძლიერი ოფლიანობა, თავის ტკივილი, გულისცემის გაძლიერება - მსგავსი გამოვლინებების შემთხვევაში, ეცადეთ, დაუყოვნებლივ გადახვიდეთ გრილ ადგილას, მიიღოთ წყალი და შეეცადოთ სხეულის გაგრილებას წყლით, ფენით ან სხვა ხელმისაწვდომი საშუალებით.

✅ ზღვის სანაპიროზე დასვენებისას განსაკუთრებული ყურადღება მიაქციეთ ტერფის დაცვას. არ იაროთ ფეხშველმა, რათა მინიმუმამდე იქნას დაყვანილი კანის მთლიანობის დაზიანების რისკები, რადგან კარგად ვიცით, რომ დიაბეტის პირობებში ჭრილობები შეიძლება ადვილად გადაიზარდოს წყლულებში.

✅ და არ დაგავიწყდეთ ინსულინის და სხვა დიაბეტური მედიკამენტების, ასევე გლუკომეტრის ჩხირების შენახვა მშრალ, გრილ, მზის სხივებისგან მიუწვდომელ ადგილას.

✅ შემოგვიერთდით Sinocare-ის დიაბეტის მართვის ჯგუფში მეტი რეკომენდაციებისთვის ➡️ დდიაბეტი | დიაბეტის მართვა
ბედნიერ ზაფხულს გისურვებთ☀️🩷