Step by Step Georgia

30/01/2026

🆘

ბოლო წლებში, განსაკუთრებით პოსტპანდემიურ პერიოდში, რეგიონში მკვეთრად გაიზარდა „ალტერნატიული“ და „ველნეს“-მიმ.....

18/01/2026

✝️ გილოცავთ ნათლისღებას უფლისა ჩვენისა იესო ქრისტესი!
✝️ ნათლისღების მადლი შეგეწიოთ თქვენ და სრულიად მართლმადიდებლურ სამყაროს!

31/12/2025

🗣️წლის დასასრულს, ახალი წლის დადგომამდე დარჩენილ წუთებში, განსაკუთრებული სიმძაფრით იჩენს თავს მადლიერების განცდა იმ ადამიანების მიმართ, ვისთვისაც შეზღუდული შესაძლებლობის მქონე პირთა ღირსეული ცხოვრება რეალურ ღირებულებას წარმოადგენს.

🗣️მადლობა უფალს ყოველი გათენებული დღისთვის და თითოეული განსაცდელისთვის, რომელმაც შემაძლებინა ადამიანური ბუნების უკეთ შეცნობა, გამაძლიერა სულიერად და მიმახვედრა ჭეშმარიტ ფასეულობებს.

🗣️ფასდაუდებელია იმ ადამიანების წვლილი, Property Georgia - ფროფერთი ჯორჯია, რომლებიც გვერდში დაუდგნენ ჩვენს ორგანიზაციას და მხარი დაგვიჭირეს სამშენებლო სექტორისადმი საკუთარ პლატფორმაზე ჩვენი საჭიროებების გაჟღერებით, რაც სივრცის რეაბილიტაციის პროცესში სასიცოცხლოდ მნოშვნელოვანია.

🗣️მიუხედავად არაერთი ოფიციალური წერილისა და მიმართვისა, მხარდაჭერა მხოლოდ ერთმა კომპანიამ არქი - Archi ჯგუფმა გამოხატა. მადლობა მათ საოცარი მხარდაჭერისთვის,

🗣️ეს ნაბიჯი წარმოადგენს სოციალური პასუხისმგებლობისა და ემპათიის ნათელ მაგალითს — იმ ღირებულებებისას, რომლებიც, სამწუხაროდ, საზოგადოებაში ჯერ კიდევ საკმარისად ფართოდ გავრცელებული არ არის. 💙

🗣️გამოვთქვამ იმედს, რომ 2026 წელი იქცევა ჩვენი დასახული მიზნების წარმატებით განხორციელებისა და შეზღუდული შესაძლებლობის მქონე პირთა ღირსეული ცხოვრების უზრუნველყოფის წლად.

მადლობა ყველას, ვინც წლების განმავლობაში მხარში გვიდგას და გვაძლიერებს. გისურვებთ ბედნიერ და წარმატებულ ახალ 2026 წელს! ✨🎄
თბილისის მერია / Tbilisi City Hall
ავერსი ფარმა - Aversi Pharma

#სიკეთეგადამდებია

29/12/2025

#სიკეთეგადამდებია
🗣️ დღეს ორგანიზაცია „ნაბიჯ-ნაბიჯ Step by Step-ს“ ესტუმრნენ შპს „Tamira”-ს დირექტორი, ქალბატონი თამარ რევიშვილი და აღმასრულებელი ხელმძღვანელი ბ-ნი ალექსანდრე კანაშვილი, შვილებთან ერთად.

🎄წინასაახალწლო პერიოდის გათვალისწინებით და სოციალური პასუხისმგებლობის მაღალი ცნობიერების გამოვლენის ნიშნად, მათ ორგანიზაციის ბენეფიციარების გადასაცემად „როშენის“ ტკბილეული გადასცეს. (50)

🎄აღნიშნული ინიციატივა ნათლად ასახავს შპს „Tamira“ -ს სოციალურ პასუხისმგებლობასა და ადამიანურ ღირებულებებზე დაფუძნებულ მიდგომას. მსგავსი ქველმოქმედებითი აქტივობები წარმოადგენს მხარდაჭერისა და თანადგომის მნიშვნელოვან ფორმას იმ ბავშვების მიმართ, რომლებიც საჭიროებენ განსაკუთრებულ ზრუნვასა და ყურადღებას.

🎄ამგვარი ქმედებები კიდევ ერთხელ უსვამს ხაზს საზოგადოების სოლიდარობის, ერთიანობისა და სოციალური კეთილდღეობის ხელშეწყობის მნიშვნელობას, განსაკუთრებით დღესასწაულების წინ.

🎄ორგანიზაცია „ნაბიჯ-ნაბიჯ Step by Step“ გამოხატავს ღრმა მადლიერებას შპს „Tamira“ -ს მიმართ ჩვენი ბენეფიციარების სახელით, გამოჩენილი მხარდაჭერისა და მზრუნველობისთვის. ასეთი უპრეცენდენტო კეთილი ქმედებები წარმოადგენს საზოგადოებრივი პასუხისმგებლობის მნიშვნელოვან გამოვლინებას და ამყარებს ადამიანური თანადგომის ღირებულებებს.

💕სიკეთე გადამდებია — სიკეთე ღვთისგან ბოძებული ნიჭია, რომელიც მაშინ იძენს ნამდვილ ძალას, როცა მას სხვებს ვუზიარებთ. ყოველი გულწრფელი ჟესტი, მხარდაჭერის ყოველი გამოხატულება და სიყვარულით გაკეთებული საქმე ქმნის იმ სამყაროს, სადაც თანაგრძნობა, მზრუნველობა და ადამიანური ღირსება უმაღლეს ფასეულობად იქცევა. სწორედ ასეთი სიკეთე გვაძლევს იმედს, გვაძლიერებს და გვახსენებს, რომ ერთად შეგვიძლია მეტი სითბოს, სიხარულისა და სინათლის მოტანა მათთვის, ვისაც ეს ყველაზე მეტად სჭირდება. 💕
🗣️მადლობა კომპანია Tamita-ს საოცარი სითბოსთვის და სიყვარულისთვის 💕🙏

https://www.facebook.com/share/1JoYjNx9GU/?mibextid=wwXIfr

https://www.facebook.com/share/17r9jdrGpM/?mibextid=wwXIfr

28/12/2025

🗣️ დღეს ჩვენს ორგანიზაციაში განსაკუთრებული დღე იყო — დღე, რომელმაც კიდევ ერთხელ დაგვარწმუნა, რომ ქველმოქმედებას საზღვრები არ აქვს.

🗣️კრედო ბანკმა ჩვენი ორგანიზაციის ბენეფიციარს, ლანა მაზიაშვილს, აჩუქა კომფორტული ელექტრო ეტლი, რომელიც მას ყოველდღიურ ცხოვრებაში უფრო მეტ დამოუკიდებლობასა და თავისუფლებას მისცემს.

🗣️ამ სიკეთეს ლანამ კიდევ უფრო დიდი მნიშვნელობა შესძინა — მან საკუთარი ეტლი უსასყიდლოდ გადასცა წალენჯიხელ ბენეფიციარს ქ-ნ ზაირა გვილავას, რომელსაც ეტლი სასიცოცხლოდ სჭირდებოდა და რომლისთვისაც ეს დახმარება იმედისა და ცხოვრების ახალი ეტაპის დასაწყისი გახდა.

🗣️როცა მხარდაჭერა მხარდაჭერას შობს, ქველმოქმედება ნამდვილ ძალად იქცევა. განსაკუთრებით მაშინ, როცა შეზღუდული შესაძლებლობის მქონე პირი თავად ხდება სიკეთის გამზიარებელი და სხვას უზიარებს იმას, რაც ყველაზე ძვირფასია — ზრუნვას, თანადგომასა და ადამიანურ სითბოს.

❤️ მადლობა კრედო ბანკს სოციალური პასუხისმგებლობისთვის და მადლობა ლანას გულითადი და შთამაგონებელი მაგალითისთვის. ასეთი ნაბიჯები გვაძლიერებს და გვარწმუნებს, რომ სიკეთე ყოველთვის აგრძელებს გზას. 💙

https://www.facebook.com/share/1DMbsPsK2A/?mibextid=wwXIfr

13/12/2025

დიდი მადლობა ორგანიზატორებს ასეთი თბილი გარემოსა და გულწრფელი დახვედრისთვის. იმ ემოციებისა და განცდებისთვის, სადაც გრძნობ, რომ შესაძლებლობები ყოველთვის არსებობს — მიუხედავად ჩემი შეზღუდული შესაძლებლობებისა

🕺
events .exchange

07/12/2025

აღარ ვიფიქროთ ხვალინდელ დღეზე...
ეს ხომ წამია წუთისოფელში...
ნუ დაუყვებით გზას დაღმართისკენ,
მწვერვალებშია გამოსავალი...

ვიცხოვროთ ისე, როგორც გულს უნდა,
ბრუნავს და მიდის დროის ბორბალი...
სიყვარულისთვის თავგანწირული ბრძოლა,
ეს არის ცხოვრების ამოსავალი...

საუკუნეებს გაუძლო მადლმა,
რომელსაც გვჩუქნის ყოველდღე ღმერთი!
დადუმებული ერი და ბერი,
გამოაფხიზლა მონასტრის ზარმა!!!

ადამიანის ბუნებას დღითიდღე უჭირს
სულიერი სამყაროს აღქმა!
მატერიალური კეთილდღეობისთვის
დააკნინა და გაცვალა ხალხმა!

მზის სიდიადე გვავსებს სიცოცხლით,
ბუნების ფერებს სხივად ევლება...
ცხოვრებისეულ დაკიდულ ჩანჩქერს,
ცისარტყელების რკალი ეკვრება...

კაცობრიობა მთვარის ლანდს ხედავს,
შეზღუდული აქვთ სამყაროს აღქმა,
რადგან მზის სიდიადესაც კი,
აბნელებს მატერიალური ლაქა...

05/12/2025

ერთხელ ერთი ავადმყოფი,მოხუცი კაცი თავის ვაჟთან გადავიდა საცხოვრებლად. მის შვილთან ერთად ოჯახში მეუღლე და მათი 4 წლის ბავშვი ცხოვრობდნენ.
მოხუცს ავადმყოფობის გამო ხელები უკანკალებდა, თვალიდან კარგად ვერ იხედებოდა და სიარულიც უჭირდა. და რადგან ნორმალურად ვერ ხედავდა და ხელებსაც კარგად ვერ ხმარობდა ჭამა ძალიან უჭირდა.
ოჯახი სადილს ერთად მიირთმევდა და იმის გამო, რომ მოხუც კაცს ხშირად ეღვრებოდა მაგიდაზე საჭმელი, კოვზს ხელში ვერ იჩერებდა და მისი საქციელი სადილზე უწესრიგობას იწვევდა, ცოლ–ქმარი ძლიერ შეწუხდა.
–რაღაც უნდა ვიღონოთ – უთხრა ცოლს ქმარმა.
–რასაკვირველია, მისი ბრალი არაფერია, მაგრამ მეც ყელში ამომივიდა ყოველი ჭამის შემდეგ მაგიდის ტილოს გამოცვლა და ასე გაგრძელება აღარ შეიძლება. მეც გეთანხმები – მიუგო ცოლმა
ბევრი იფიქრეს, თუ ცოტა ქმარმა საღამოს სახლში პატარა ხის მაგიდა მოიტანა და ოთახის კუთხეში დადგა. და ამის შემდეგ მოხუც კაცი სადილს იმ მაგიდაზე შეექცეოდა და დანარჩენები ჩვეულებრივ დიდ სასადილო მაგიდაზე მიირთმევდნენ. ამ დროს, თუ შემთხვევით გარმარტოვებით მჯდარი მოხუცისკენ გაიხედავდით შეიძლებოდა მის თვალზე ცრემლიც კი შეგემჩნიათ. ამას ცოლ–ქმარი ვერ ამჩნევდა, მაგრამ მათ 4 წლის ბავშვს არაფერი გამოჰპარვია, თუმცა არაფერს ამბობდა.
ერთ საღამოს მამამ შეამჩნია, რომ მის პატარა ბიჭს ხის ნაჭრები, ჩაქუჩი და ლურსმნები მოემარაგებინა და რაღაცას თამაშობდა.
– რას აკეთებ – ჰკითხა მას მამამ.
–მინდა პატარა ხის მაგიდა გავაკეთო შენთვის და დედასთვის და როდესაც მოხუცდებით თქვენ ამ მაგიდაზე შეჭამთ საჭმელს – ღიმილით უპასუხა მამას ბავშვმა და სამუშაო გააგრძელა.მამას ხმა ჩაუვარდა და თვალებიდან ცრემლები წასკდა. არაფერი უთქვამს, თუმცა კი იცოდა როგორც უნდა მოქცეულიყო.
ამ საღამოს შემდეგ ოჯახის ყველა წევრი ერთად მიირთმევდა სადილს.

03/12/2025

🗣️დღეს, შეზღუდული შესაძლებლობის მქონე პირებს მათი უფლებების დაცვის საერთაშორისო დღეა! ეს დღე
კიდევ ერთხელ შეგვახსენებს, რომ თანასწორობა არ არის მხოლოდ სიტყვა — ეს არის ყოველდღიური პასუხისმგებლობა, სადაც განსხვავებულობა ძალაა.
🗣️”ჩვენ, თქვენთან ერთად სამართლიანი და ინკლუზიური საზოგადოება უნდა შევქმნათ.“

01/12/2025

1 დეკემბერი შიდსთან ბრძოლის საერთაშორისო დღეა. თარიღი 1988 წლიდან აღინიშნება და ამ დღეს, მსოფლიოსთან ერთად, საქართველოც აღნიშნავს. თბილისის პირველ გიმნაზიაში, ხვალ, სემინარი – “შიდსთან ბრძოლის საერთაშორისო დღე” ჩატარდება.

აღსანიშნავია, რომ აივ ინფექციის თვალსაზრისით, საქართველო დაბალი გავრცელების ქვეყნებს შორის ადგილს კვლავაც ინარჩუნებს, თუმცა, დაავადების გამოვლენის ახალი ფაქტები მაინც არსებობს. 15 ოქტომბრის მონაცემებით, საქართველოში 3 022 ადამიანია ინფიცირებული. მართალია, ტენდეცია მატებისკენ მიდის, მაგრამ ექიმთან შეფასებით, ეს კატასტროფული მატება არ არის, შესაბამისად, რაიმე ეპიდემიაზე საუბარი ზედმეტია.

რაც შეეხება ვირუსს, ეს არის ადამიანის იმუნოდეფიციტის ვირუსი, რომელიც ორგანიზმში იჭრება და იმუნურ სისტემას აზიანებს, შემდეგ კი, იმუნიტეტის ნელ-ნელა დაქვეითება ხდება. ხოლო როდესაც იმუნიტეტი რაღაც ზღვარზე მივა, ადამიანი გარეშე ვირუსებს, ბაქტერიებსა და სიმსინურ დაავადებებს ვერ უმკლავდება და იღუპება არა უშუალოდ ამ ვირუსით, არამედ იმ დაავადებით, რასაც ადამიანის იმუნიტეტი ვერ უძლებს. რაც შეეხება გადაცემის გზებს, ვირუსი ვრცელდება დაუცველი სქესობრივი ურთიერთობების დროს, დაინფიცირებულ სისხლთან შეხებით, ნარკომანიითა და ტატუირების არასტერილური ნემსის გამოყენების შემთხვევაში.

ექიმთა შეფასებით, ვირუსის გამოვლენისას, დიდი მნიშვნელობა მკურნალობას ენიჭება. მკურნალობა თუ დროულად იწყება, მაშინ სისხლში ვირუსის რაოდენობა მინიმუმამდე, კერძოდ, ისეთ ზღვარზე დადის, როდესაც, ფაქტობრივად, იმუნიტეტი აღარ ქვეითდება და ადამიანი ნორმალურ ცხოვრებას აგრძელებს, შესაბამისად, იგი სიცოცხლეს იხანგრძლივებს. ამასთან, თუ ადამიანი ყველა ნორმას იცავს და წამლებს დროულად იღებს, მაშინ შედეგიც კარგია.

უნდა ითქვას, რომ თანამედროვე სამყაროში ეს დაავადება მართვადი ინფექცია გახდა და იგი ქრონიკული ინფექციაა. თუმცა, სიცოცხლის შესანარჩუნებლად, დროულ დიაგნოსტიკასა და წამლების დროულ მიღებას, გადამწყვეტი მნიშვნელობა აქვს.

შეგახსენებთ, რომ შიდსს, რომელიც მსოფლიოში გავრცელებულ დაავადებებს შორის, ერთ-ერთი ყველაზე ახალგაზრდა დაავადებაა (ის 1981 წელს პირველად გამოვლინდა), დღემდე, 25 მილიონზე მეტი ადამიანი ემსხვერპლა. არსებული მონაცემებით, ამ ინფექციით, მსოფლიოში 40 მილიონზე მეტი ადამიანია დაინფიცირებული, თუმცა, უნდა ითქვას, რომ ეს არის ოფიციალური მონაცემი. შესაბამისად, რეალური მონაცემები, შეიძლება უფრო მეტი იყოს.

22/11/2025

🔰დღეს ორგანიზაცია „ნაბიჯ-ნაბიჯ“-ის პრეზიდენტის, გიორგი ქობალიას პოეზიის საღამო “გზა სინათლისკენ”გაიმართა, რომელსაც ესწრებოდნენ შშმ პირები და მათი ოჯახის წევრები.
🔰ღონისძიების ფარგლებში წარმოდგენილი იყო ავტორის ორი ლექსების კრებული:
📘 “მეამბოხე სული“ და
📗”ბორგავს სული“
გიორგის პოეზიამ დამსწრე საზოგადოებაში განსაკუთრებული ინტერესი და მაღალი შეფასება გამოიწვია.
🔰საღამო წარიმართა თბილ, ინკლუზიურ, მეგობრულ და კულტურულ გარემოში, რაც კიდევ ერთხელ უსვამს ხაზს „ნაბიჯ-ნაბიჯ“-ის ღირებულებებსა და მისიას.
🔰ღონისძიების ფინანსური მხარდამჭერები იყვნენ ქ. თბილისის მერია და „ავერსი ფარმა“.
💕გულწრფელ მადლობას ვუხდით მათ მხარდაჭერისთვის და შშმ პირთა ღირსეული მომავლისთვის ზრუნვისთვის.