05/01/2026
🔴 ნაღველკენჭოვან დაავადებას ახასიათებს მწვავე, შეტევითი და ძლიერი ტკივილი, რომელიც მარჯვენა ფერდქვეშა არეში, ღვიძლთან ახლოს იწყება და ვრცელდება ზურგსა და ბეჭზე.
ხშირ შემთხვევაში კენჭოვან ჭვალს თან სდევს გულისრევის შეგრძნება და ღებინება.
ტკივილის სიძლიერიდან გამომდინარე, ზოგჯერ ძლიერი ტკივილგამაყუჩებელი მედიკამენტის მიღება ხდება აუცილებელი.
თუ შეტევა კენჭის დაძვრისა და მისი გაჭედვის შედეგად განვითარდა, შესაძლო გართულებაა - კანისა და სკლერების სიყვითლე და ტემპერატურის მომატება.
🌲საკმაოდ აქტუალური პრობლემაა, განსაკუთრებით დღესასწაულების შემდეგ. ტკბილეული, ცომეული, ცხიმიანი, ცხარე საკვების მიღების შემდეგ, იმატებს შეტევების სიხშირე.
🟢 ნაღველკენჭოვანი დაავადება ერთ-ერთი ყველაზე გავრცელებული დაავადებაა, რომელიც ხასიათდება ნაღვლის ბუშტსა და სანაღვლე გზებში კენჭების გაჩენით. ნაღვლის კენჭები კრისტალური სტრუქტურებია, რომლებიც შესაძლოა, წარმოდგენილი იყოს როგორც ერთეული, ისე მრავლობითი სახით და არა მარტო ნაღვლის ბუშტში, არამედ ღვიძლსა და ნაღვლის სადინარებშიც.
ნაღველკენჭოვანი დაავადების გამომწვევი ძირითადი ფაქტორებია:
✔️ ნივთიერებათა ცვლის დარღვევა - კერძოდ, ქოლესტერინის, ნაღვლის მჟავებისა და ფოსფოლიპიდების პროცენტული თანაფარდობის შეცვლა;
✔️ ნაღვლის ბუშტისა და სანაღვლე გზების ანთებითი ცვლილებები;
ეს დაავადება შეიძლება დაემართოს ყველას, განურჩევლად სქესისა და ასაკისა, თუმცა შედარებით იშვიათია ბავშვებსა და მოზარდებში და ძირითადად, 30 წლის ზემოთ ემართებათ.
როგორ დავადგინოთ გვაქვს თუ არა ნაღველკენჭოვანი დაავადება❓
აუცილებელია მუცლის ღრუს მიმოხილვითი ექოსკოპიური გამოკვლევა და ლაბორატორიული კვლევები.
თუ დადგინდება ნაღველკენჭოვანი დაავადების დიაგნოზი, გართულებების თავიდან აცილების მიზნით აუცილებელია დროული მკურნალობა.
✅ უალტერნატივოა ოპერაციული მკურნალობა. ძირითადად ეს ოპერაცია კეთდება ლაპაროსკოპიული მეთოდით.
კლინიკა ახალი სიცოცხლე
📞 0322 12 25 25 📲 593 09 00 99
📍 დიღომი, გივი ჟვანიას ქ. 7
