05/11/2019
2019 წლის 21-26 ოქტომბერს, ქ. თბილისში, სასტუმროში „შერატონ გრანდ თბილისი მეტეხი პალასი“, პირველად ჩვენს რეგიონში, ჩატარდა მსოფლიო ექიმთა ასოციაციის 70-ე, საიუბილეო, გენერალური ასამბლეა და საბჭოს სხდომა (WMA GA).
ღონისძიებაში მონაწილეობა მიიღო მსოფლიოს ყველა კონტინენტიდან, 100-ზე მეტი ქვეყნის 300-მდე დელეგატმა. დელეგატების ჩამოსვლა საქართველოში დაიწყო 16 ოქტომბრიდან, ხოლო ბოლო დელეგატმა საქართველო დატოვა 3 ნოემბერს. გენერალური ასამბლეის მონაწილეებმა და თანმხლებმა პირებმა მოახერხეს, სხდომის დაწყებამდე და სხდომის შემდგომ, სხვადასხვა ჯგუფის სახით თბილისის გარდა დაეთვალიერებინათ: ყაზბეგი, მესტია, ბათუმი, სიღნაღი და მცხეთა.
21-22 ოქტომბერს, გენერალური ასამბლეის ფარგლებში, ჩატარდა საფინანსო, ეთიკის და სხვა კომიტეტების სხდომები, ხოლო ივ. ჯავახიშვილის სახელობის თბილისის სახელმწიფო უნივერსიტეტში - მსოფლიოს ახალგაზრდა ექიმთა ორდღიანი სემინარი, რომელიც მიეძღვნა ჯანდაცვის სისტემაში გენდერული პოლიტიკისა და მომავლის ლიდერობის თემას.
23 ოქტომბერს ჩატარდა საბჭოს სხდომა, ხოლო საღამოს, 19 საათზე, თბილისის საკრებულოს შენობაში - დელეგატებისა და თანმხლები პირების საზეიმო მიღება, რომელსაც უმასპინძლა საკრებულოს თავმჯდომარემ, ბატონმა გიორგი ტყემალაძემ.
24 ოქტომბერი დაეთმო სამეცნიერო სესიას, თემაზე - „პალიატიური მედიცინა“, რომელიც მომზადდა საქართველოს პალიატიური მედიცინის ასოციაციის და ივ. ჯავახიშვილის სახელობის თბილისის სახელმწიფო უნივერსიტეტის მედიცინის ფაკულეტეტის მიერ.
25 ოქტომბერს, 11 სთ-ზე, ჩატარდა ასამბლეის ოფიციალური გახსნის ცერემონიალი, სადაც დელეგატებს საქართველოს სახელით მიესალმა საქართველოს პარლამენტის თავმჯდომარის მოადგილე, ბატონი ილია ნაკაშიძე.
25 და 26 ოქტომბერს ჩატარდა გენერალური ასამბლეის პლენარული სხდომები, სადაც განხილულ იქნა, კენჭი ეყარა და მიღებულ იქნა რეზოლუციები სხვადასხვა მნიშვნელოვან საკითხებზე:
•WMA Declaration of Madrid on Professionally-led Regulation(revised)
•WMA Declaration of Reykjavik –Ethical Consideration Regarding the Use of Genetics in Medicine(revised)
•WMA Declaration on Euthanasia and Physician-Assisted Su***de
•WMA Declaration on the Relation of Law and Ethics
•WMA Statement on Access of Women and Children to Health Care(revised)
•WMA Statement on Antimicrobial Resistance(revised)
•WMA Statement on Augmented Intelligence in Medical Care
•WMA Statement on Free Sugar Consumption and Sugar-sweetened Beverages
•WMA Statement on Healthcare Information for All
•WMA Statement on MedicalAge Assessment of Unaccompanied Minor Asylum Seekers
•WMA Statement on Reducing Dietary Sodium Intake(revised)
•WMA Statement on Solitary Confinement(revised)•WMA Statement on Violence and Health(revised)
•WMA Resolution on Climate Emergency
•WMA Resolution on Legislation Against Abortion in Nicaragua(revised)
•WMA Resolution on the Revocation of WHO Guidelines on Opioid Use
26 ოქტომბერს ჩატარდა მსოფლიო ექიმთა ასოციაციის პრეზიდენტის არჩევნები, სადაც, 2020-2021 წწ. პერიოდისთვის არჩეულ იქნა ამერიკის ექიმთა ასოციაციის პრეზიდენტი - ბატონი დევიდ ო ბარბი.
მსოფლიო ექიმთა ასოციაციის გენერალურ ასალმბეას ესწრებიან მხოლოდ წევრი ქვეყნების ექიმთა ასოციაციის დელეგატები, ხოლო პრესა მიწვეულ იქნა საზეიმო მიღებაზე, გახსნის ცერემონიალზე და სამეცნიერო სესიაზე, სხვა დანარჩენი სხდომები იყო დახურული.
გენერალური ასამბლეის ფარგლებში ჩატარდა რამოდენიმე სოციალური პროგრამა, კონცერტი და ექსკურია.
მინდა, პირველ რიგში, მადლობა გადავუხადო, საქართველოს ექიმთა ასოციაციის სამდივნოს (თინათინ სუპატაშვილი, დავით ლობჟანიძე, გვანცა მოდებაძე, ლია კოვზირიძე) და დირექტორთა საბჭოს (გიორგი წილოსანი, მარიამ ჯიშკარიანი, ივანე ჩხაიძე, ომარ სამუშია, გიორგი ასათიანი, ნუგზარ ნარსია, გია დათუაშვილი, ბესარიონ ირემაშვილი), გენერალური ასამბლეის მაღალ დონეზე ორგანიზებისათვის.
აღმოჩენილი დახმარებისა და თანადგომისთვის, ასევე მადლობას ვუხდი საქართველოს პარლამენტის თავმჯდომარეს, ბატონ არჩილ თალაკვაძეს, თავმჯდომარის მოადგილეს, ბატონ ილია ნაკაშიძეს, ჯანდცვისა და სოციალურ საკითხთა კომიტეტის თავმჯდომარეს, ბატონ აკაკი ზოიძეს, თბილისის საკრებულოს თავმჯდომარეს, ბატონ გიორგი ტყემალაძეს, საკრებულოს თავმჯდომარის მრჩეველს, ბატონ ირაკლი ფავლენიშვილს, საკრებულოს აპარატის თანამშრომლებს, თბილისის მერიის ჯანდაცვისა და სოციალურ საკითხთა სამსახურის ხელმძღვანელს, ბატონ გელა ჩივიაშვილს, მის მოადგილეს, ქალბატონ ციალა ჯელაძეს, საქართველოს ეკონომიკისა და მდგრადი განვითარების სამინისტროს ტურიზმის ეროვნული სააგენტოს ხელმძღვანელობას და თანამშრომლებს, საქართველოს საგარეო საქმეთა სამინისტოს საკონსულო დეპარტამენტის ხელმძღვანელობასა და თანამშრომლებს, ივ. ჯავახიშვილის თბილისის სახელმწიფო უნივერსიტეტის რექტორს, ბატონ გიორგი შარვაშიძეს, უნივერსიტეტის კულტურისა და სპორტის დეპარტამენტის ხელმძღვანელს, ბატონ ირაკლი ხარჯავანიძეს, ცენტრის თანამშრომლებს, უნივერსიტეტის კაპელას, ვაჟთა ვოკალურ ანსამბლს „უნივერსიტეტი“, ქორეოგრაფიულ ანსამბლს „უნივერსიტეტი“, საქართველოს პალიატიური მედიცინის ასოციაციის პრეზიდენტს, ბატონ დიმიტრი კორძაიას, „ავერსის“ დამფუძნებელს და ხელმძღვანელს, ბატონ პაატა კურტანიძეს.
როგორც მსოფლიო ექიმთა ასოციაციის ხელმძღვანელობამ არაერთგზის აღნიშნა, თბილისში ჩატარებული გენერალური ასამბლეა არის ერთერთი გამორჩეული, ნაყოფიერი და წარმატებული.
მინდა წარმატება ვუსურვო საქართველოს ექიმთა ასოციაციას სამომავლო სქმიანობაში, როგორც ქვეყნის შიგნით, ისე მის ფარგლებს გარეთ.
საქართველოს ექიმთა ასოციაციის დირექტორთა საბჭოს თავმჯდომარე,
გია ლობჟანიძე
