https://www.facebook.com/215586492436855/

Pharmadiet, Kos (2025)

25/06/2021

طفلان يتمتعان بصحة جيدة ، يبلغان من العمر ثلاثة أشهر ، وكلاهما يرضع رضاعة طبيعية فقط.

صدقوني ، لا أحد فيهما غير طبيعى.
الطفل على اليسار لا يعاني من السمنة ولا الطفل الموجود على اليمين يعاني من سوء التغذية.
إنها اختلافات في الحياة الطبيعية، وغالبا عندما يبدءان في الزحف ، فإن الطفل الموجود على اليسار سيخسر قليلاً من الحجم و الوزن وسيكتسب الموجود على اليمين كتلة عضلية و يزيد وزنه وحجمه.

لا تقارن طفلك بالأطفال الآخرين، فلكل طفل صفات خاصة فيه تميزه.

11/06/2021

هذه البكتيريا إسمها تيتانوس_الكزاز ( )من صنف ... لا تعرف الرحمة .. توجد هذه البكتيريا في التربة .
هذه البكتيريا تهاجم جسم الإنسان و تجعل كل عضلة من عضلاته تتقلص فتتكسر عظامه... حتى ضوء الشمس و أصوات الأحبة يزيدون المريض ألما... فيكون علاجها بتركه في غرفة مظلمة هادئة... ألم رهيب يحل به... قد يبكي من ألم رهيب تارة و قد يبكي من الوحدة تارة أخرى... و أسوء ما في الأمر أنه يبقى واعياً مدركاً لما يحل به... إلى أن تتقلص عضلات حنجرته... فيغرر غرغرته الأخيرة و يموت

هذه البكتيريا تأتي فقط عند تعرضك ل #جرح بمسمار قديم ( فيه الصدأ ) أو أي أداة في التربة وخصوصا الحقول والمناطق الزراعية لذلك لا تستهين عند تعرضك لجرح عميق بما سبق بالذهاب إلى طوارئ المستشفى و أخذ لقاح الذي لايضرك لكن ينفعك في حالة أصبت بهذه البكتيريا التي تؤدي للموت

20/08/2020

#تكيّس_المبايض
#يوغا 🤸

أثبتت الدراسات أن اليوغا
💧تخفف التوتر
💧تحسن المزاج
💧ترفع حساسية الخلايا للانسولين وبالتالي تخفف من تركيز الانسولين بالدم
💧تضبط تراكيز الهرمونات الذكرية عند الأنثى ، وبالتالي تخفف معظم اعراض التكيّس

من افضل المصادر لتعلم اليوغا
👈 قناة Yoga Journal على اليوتيوب
👈 تطبيق Yoga for Beginners
👈 تطبيق Daily Yoga

15/08/2020

الانسولين 💉 هوي الهرمون الخاص بتحويل الاغذية اللي منستهلكها لشكل من أشكال الطاقة ...
وبيرتبط مع مستقبلات خاصة بالخلايا وبقوم بوظائف كتيرة بالجسم ...

كتير ابحاث اقترحت انو ارتفاع تركيز هادا الهرمون كان السبب الرئيسي اللي أدى لزيادة إفراز الهرمونات الذكرية عند الإناث وإصابتها نتيجة ذلك بمتلازمة تكيّس المبايض 🎗️
لهيك طبيب التغذية 🥗 بالعلاج بقوم بكل الاجراءات اللي بتضمن خفض إفراز الهرمون ، سواء كان إجراء تغذوي أو تغيير بالعادات اليومية

جمعتلكم أهم الإجراءات اللي بيشتغل عليها طبيب التغذية بالخطة العلاجية اللي الهدف منها خفض تركيز الانسولين بالدم

💧⁦اتباع حمية منخفضة السكريات أو حمية الكيتو ، وذلك وفقا لتقبل الجسم واستجابته
💧تناول ملعقتي خل عصير التفاح بعد كل وجبة
💧ضبط عدد السعرات الحرارية في كل وجبة إلى أقل ما يمكن
💧الابتعاد عن كل أشكال السكريات خارج نطاق الطبخ المنزلي
💧اجراء التمارين بانتظام
💧إضافة مسحوق القرفة إلى الأطعمة والمشروبات
💧تجنب الجلوس لفترات طويلة واتباع حياة كثيرة الحركة
💧القيام بحمية الصيام المتقطع بشكل دوري
💧تناول الألياف المنحلة بالماء بكثرة
💧نحت منطقة البطن والخصر
💧الإكثار من الشاي الاخضر
💧الإكثار من الأسماك الدهنية
💧ضبط كمية البروتين ونوعها في كل وجبة

11/08/2020

الهدف من كل الإجراءات اللي بيطلبها طبيب التغذية من مريضة #تكيّس_المبايض بكون
💡خفض تركيز الهرمونات الذكرية بالجسم
💡إزالة الضغط الفيزيائي عن المبايض اللي بتقوم فيه الدهون المتراكمة بمنطقة الحوض واللي بأثر سلبا على عمل المبايض

وبتم الأمر بتظافر عدة عوامل ، أهمها
💧الحمية
💧الرياضة
💧⁩العادات اليومية

خطة العلاج 📋 بتعتمد على
⁦✍️⁩ خفض تركيز الانسولين بالدم عن طريق تخفيف وارد السكريات بالطعام وضبط الوزن
⁦✍️⁩ خفض عدد مرات إفراز الانسولين باليوم
⁦✍️⁩ إلغاء بعض الأطعمة اللي ممكن تسبب حساسية وتهيّج بالأمعاء متل الأغذية الحاوية على الغلوتين
⁦✍️⁩ تناول أغذية محددة بتخفف من العوامل الإلتهابية بالجسم واللي بتسبب التهاب مزمن خفيف
⁦✍️⁩ تخفيف الوارد من السعرات الحرارية يومياً حتى نحفز عملية حرق الدهون وبالتالي خسارة الوزن
⁦✍️⁩ القيام يومياً بتمارين رياضة محددة ، الهدف منها نحت منطقتي الخصر والورك وتقوية عضلات الحوض
⁦✍️⁩ تغييرات ببعض العادات اليومية اللي ممكن تسبب توتر أو خلل بالاستقلاب وعمل الغدد الصم.

09/08/2020

زرتي الدكتورة وعرفتي من جديد إنو بتعاني من

هدول أول الخطوات 📋 اللي لازم تعمليها

💡تعلمي عن المرض

لما تقرئي عن الأسباب والاعراض وطرق العلاج حتتيقني بوجود أمل وانو في حدا يساعدك توصلي للشفاء

💡اختاري فريق عمل

بتحتاجي مجموعة تنسيق احترافية بتتكون من طبيبة نسائية أو طبيبة غدد بالإضافة لاختصاصي تغذية عندهم خبرة بهادا المجال وقادرين عالتواصل معك وبين بعضهم بسهولة

💡تَنَاولي غِذاء صحِّي ، وابتعدي عما يؤذي

دائما بتبدا الخطوة الأولى من عندك ، لازم تتخلي عن العادات غير الصحية متل ادمان السكر والتدخين والسهر بالليل ، وتبدي تتناولي غذاء صحي ؛ الإرادة القوية والتدريج هنن السر

💡خطة غذائية

التزمي بحمية طبيب التغذية اللي حتكون المفتاح للشفاء ، حيصممها الطبيب خصيصا الك بما يتناسب مع حاجتك من السعرات الحرارية وضرورة ضبط الهرمونات بجسمك

💡تمرين يومي

التمرين يوميا حيكون عنصر أساسي من الخطة ، حيساعدك لتخفيف الوزن ، وحينهي التوتر بحياتك ، وحيصفّي ذهنك حتى ترتبي الأولويات من اول وجديد وتعيدي التوازن لحياتك

💡التوتر هو ألد أعدائك

مؤكد علمياً إنو التوتر المتواصل هوي عامل خطورة لجميع الامراض تقريبا ، وحيكون سبب لتفاقم اعراض التكيّس ولسرعة ظهور المضاعفات من سكري وضغط وأمراض قلب ... لهيك التزمي بالخطة اللي حتتصمم بالتعاون مع طبيب التغذية حتى تخففي التوتر بحياتك لأدنى درجة

💡احصلي على الدّعم

المحيط والبيئة الداعمة من عائلة وأصدقاء حيكون إلهم أثر كبير بالالتزام بالخطة والوصول للشفاء ، اختاري بعناية اصدقائك واطلبي الدعم من عيلتك

💡خصصي وقت للرعاية بنفسك

تفريغ وقت معين باليوم للاهتمام بصحتك وتفكيرك وروحك أبداً مو أنانية ، وانتي بحاجة ماسّة لهالشي

#تغذية #علاج #صحة #تخسيس #تنحيف

08/08/2020

احتمال عندي تكيّس بالمبايض!! 🤔
شو لازم يكون اختصاص الدكتورة حتى تشخص مرضي بطريقة صحيحة ؟؟
وكيف بتكون مجريات الأحداث داخل العيادة أثناء الزيارة ؟؟

📌 ممكن نزور دكتورة نسائية او دكتورة غدد
التنين قادرين يقوموا بالتشخيص بطريقة صحيحة

📌 داخل العيادة ، بتعتمد الدكتورة على تلت خطوات رئيسية للوصول لتشخيص صح وعلمي لتكيس المبايض:

👈 التاريخ الطبي 📋
وهون الدكتورة بتسال الصبية الأسئلة التالية
💧شو الأعراض اللي بتعاني منها حالياً؟
💧ايمت بدت هي الاعراض؟ وقبل ما تبدا كيف كانت حالتك الصحية؟
💧هل الوالدة او حدا من اخواتك البنات أو خالاتك او عماتك أو بنات الخالة او بنات العم بيشكوا من نفس الاعراض؟
💧في أدوية معينة بتاخديها حالياً؟
💧في عندك حساسية لأدوية معينة أو أطعمة معينة؟
💧في انقطاع بالدورة؟ هل الدورة منتظمة أو لا برايك؟ وشو السبب اللي بخليكي تشكي انو غير منتظمة؟ كم يوم بتستمر فترة النزف؟ وكم يوم بتكون فترة الطهر؟ هل مجموع الايام للفترتين ثابت بكل شهر او متغير ؟ حكيلي باخر تلت اشهر كم يوم كانت فترة النزف وكم يوم فترة الطهر؟
🐦 الهدف من هي الأسئلة معرفة الأعراض ، وإذا منتشر المرض ضمن العائلة واحتمالية يكون وراثي ، وإذا في مشاكل بالدورة أو لا

👈 الفحص الجسدي 👀
بيتبع الإجراءات التالية
💧قياس الوزن
💧قياس محيط الخصر والورك
💧معاينة علامات الشعر غير المرغوب وحب الشباب والبقع الداكنة
💧فحص عياني لمنطقة الحوض
💧ايكو لمنطقة الحوض ، وهوي إجراء آمن غير مؤلم بيعتمد عالتصوير باستخدام الأمواج الصوتية فقط
🐦 الهدف من الفحص الجسدي نفي الأسباب التانية للاعراض ، ومعاينة اذا في اكياس على أحد المبيضين أو اي مشاكل تانية

بهي المرحلة اذا شافت الدكتورة الاكياس وتبين معها انو في عدم انتظام أو انقطاع بالدورة ، بتحكم عالحالة أنها تكيّس مبايض.
بس لما ما تظهر الاكياس منلجأ للتحاليل المخبرية للدم

👈 التحاليل المخبرية🌡️⁩
بياخد الطبيب المخبري عينة دم 💉 من الوريد باليد اليسرى غالبا ، او اليمنى ، وبقوم بقياس تراكيز الهرمونات التالية:
FSH , LH , Testosterone , Estrogens , SHBG , AMH , Androstenedione , hCG
ممكن تطلب الدكتورة تحاليل مخبرية تانية لتنفي أمراض تانية بتتشابه باعراضها مع تكيّس المبايض ، متل أمراض الغدة الدرقية والاورام وتضخم الاعضاء Hyperplasia
بقراءة الدكتورة لنتيجة التحليل ببين معها ازا في ارتفاع بالهرمونات الذكرية أو لا ، وبهالمرحلة بتكتمل مراحل التشخيص

بعد تاكيد تشخيص الافضل تطلب الدكتورة بعض التحاليل المخبرية بخصوص مضاعفات المرض الخطيرة
متل السكري و الضغط والأمراض القلبية والوعائية ..
اللي بترتفع احتمالية حدوثها بشكل كبير بحالات معينة
هي التحاليل بتتضمن
Lipid profiles , Glucose test , Insulin

06/08/2020

هادا المرض ما الو علاج؟!!! 🤔😱
هي العبارة صحيحة ، بس آنستي هالمرض قابل للعلاج 😉
وقصص الشفاء كتيرة كتير

المعنى💡: لهلا ما في مادة كيميائية محددة بتعالج المرض بشكل كامل
وكل الأدوية اللي بيوصفها الطبيب الهدف منها تخفيف الأعراض
لكن بإتباع خطة غذائية ورياضية ونفسية منوصل للشفاء باذن الله.

كل المواقع الطبية العالمية بتبدأ العلاج بالحديث عن تغيير نمط الحياة ، من غذاء صحي وعادات سليمة وممارسة الرياضة
بعدين بتقول "من الممكن أن يُضيف الطبيب بعض الأدوية للتخفيف من الأعراض" وبتتكلم عن الأدوية بالتفصيل.

هوي ارتفاع بتراكيز الاندروجينات (هرمونات الذكورة) بالدم فوق التركيز الطبيعي ...
ارتفاع هي الهرمونات بسبب كل اعراض المتلازمة التقليدية من
👈 عدم انتظام الدورة أو انقطاعها اللي بسبب انخفاض بالخصوبة وبمراحل متقدمة عقم.
👈 نمو الشعر غير المرغوب
👈 حب الشباب
👈 زيادة الوزن
ومعظم الدراسات والابحاث بتقول انو هادا الارتفاع بالهرمونات الذكرية سببو إما 💧التهاب خفيف مزمن أو 💧ارتفاع بتراكيز الانسولين بالدم أو 💧عامل وراثي

الإلتهاب الخفيف وارتفاع الانسولين بالدم الهم علاقة مباشرة مع
🐦الوزن الزائد 🐦سوء التغذية 🐦عدم ممارسة الرياضة
🐦الإجهاد 🐦التعب النفسي 🐦التدخين 🐦التلوث 🐦عدم نظافة الفم 🐦شرب الكحول

بمعنى آخر💡:
🏅الحياة الصحيّة بتجنبنا المرض قبل ما يحدث
🏅الحياة الصحيّة بتعالج المرض لانو بتسبب انخفاض بتراكيز الهرمونات الذكرية عند الأنثى

ولو كان المرض سببو عامل وراثي
فحيكون في زيادة حتمية بتراكيز الهرمونات الذكرية ضمن حدود معينة
والخيار بكون للصبية
💧يا بتعيش حياة صحيّة وبتتجنّب زيادة اكبر بهي الهرمونات.
💧او حياة غير صحيّة بتسبب ارتفاع الهرمونات اكتر وتدهور بالحالة اكتر واكتر مع الوقت.

05/08/2020

بالحالة الطبيعية 🌸
المفروض لما تصير الطفلة بعمر ال10 تبدأ الوالدة او سيدة واعية مُقرّبة من الطفلة متل عمتها او خالتها بتعليمها عن كل الأفكار العامة المتعلقة بالدورة والحمل والولادة بطريقة تعليمية وتوعوية.

ويكون في حوار صادق وجدي مع الطفلة بأسلوب يناسب عمرها وتفكيرها
بحيث نُغلِق الباب على اي معلومات خاطئة أو هدّامة ممكن تتسرب إلها من صديقاتها أو من الميديا ...
ولازم تفهم الطفلة انو لما تظهر علامة البلوغ فورا تخبر الوالدة
لانو في كتير بنات بيحدث عندهم البلوغ وما بخبروا حدا لفترة طويلة
وللاسف بعيشوا بإنكار أو لا مبالاه حتى تبدأ العلامات الجسدية وهالشي طبعاً غلط ..

الزيارة بتصير بعد البلوغ مباشرة (بعد اسبوعين من بدء الدورة)
وفيها بيحدث حوار بين الطبيبة والصبية
وإجراء ايكو لمنطقة الحوض مع تعليمها كل التفاصيل عن الجهاز التناسلي الأنثوي بحضور الأم وبشكل غير مباشر بطريقة ما تأثر نفسياً عليها.
وبتتكرر الزيارة مرة كل سنة

لاحقا، لو ظهر أي عرض سواء كان شعر على الوجه والدقن أو الجسم ، او حب الشباب ، او عدم انتظام بالدورة وانقطاعها ، او آلام شديدة اثناء الدورة
بتكون زيارة الدكتورة واجبة
وإجراء تحليل للدم وفحص ايكو أمور ضرورية
حتى نكشف باول مراحلها ونسيطر عليها ونتفادى المشاكل الخطيرة اللي بتصير بعدين ..

الخلاصة :
💡 زيارة مرة كل سنة بدءاً من سن البلوغ بالحالة الطبيعية وبدون اعراض
💡 اي واحد من الأعراض التالية بيوجب زيارة للعيادة النسائية وإجراء التحاليل
👈 شعر غير مرغوب
👈 حب الشباب
👈 عدم انتظام الدورة أو انقطاعها
👈 آلام شديدة أثناء الدورة

🔭 عدم ظهور الكيسات عالايكو ما بيغني عن إجراء تحليل الدم ومعايرة الهرمونات الذكرية.

05/08/2020

مين ممكن تنصاب ب
ومين خطر الإصابة عندها أكبر؟ 🤔

💡أي أنثى خلال سنوات الإنجاب ممكن تنصاب بالمرض وتبدأ تظهر عندها الأعراض .. يعني خلال أي سنة بعمر ال11 حتى عمرال50 وسطياً.

لحظة اكتشاف المرض عند اغلب المصابات عمتكون بعمر العشرينات أو الثلاثينات لما تلاقي صعوبة بالوصول للحمل أو بعد تجربة الإجهاض.

💡كل الاعراق وكل الإثنيات ؛ شو ما كان اللون أو القومية أو المعتقد ؛ الكل مُعرّض للإصابة
لكن احتمال الإصابة بكون أكبر
👈 لما بتعاني الفتاة أو السيدة من زيادة الوزن.
👈 لما بتكون وحدة من أفراد العيلة مصابة سواءً كانت أم أو أخت أو خالة أو عمة.
👈 لما يكون النمط الغذائي بحفز إفراز الانسولين بشكل كبير مع التقدم بالعمر.

💡طبعا اختلاف البيئة بسبب زيادة عدد الإصابات ، وهالشي لوحظ بمنطقة الشرق الأوسط وشمال أفريقيا بسبب زيادة نسب التلوث واختلاف نمط الحياة.

04/08/2020

قصة السيدة "سماح" ذات الثلاثين ربيعاً
ترويها بعباراتٍ مليئة بالعاطفة والعزيمة ، متأملة أن لا تتكرر قصتها مع أحد
أترككم مع سماح: (تُقرأ بأربع دقائق 😉)

فترة البلوغ اللي منسميها عُمْر الزهور 🌸 تحولت عندي لكابوس ولسنين كئيبة من بداياتها
فجأة انهالت عليي عبارات الاستهزاء والضحك من شعر الشارب بين أفراد أسرتي ورفقاتي اللي هنن أقرب الناس إلي ، لهيك صرت اخجل كتير 😳
واتشكلت عندي صفة الانطواء والعزلة 🙄
هالشي جبرني اصرف مئات الألوف على مدى سنين طويلة للعناية ببشرتي حتى إضمن انو ما اسمع عبارات التنمر تاني مرة ابداً ⛔

واللي زاد الطين بلة بعدين ، حب الشباب والوزن المُتقلِّب خلال سنوات جامعتي
لهيك لاقيت حالي من دون شعور منطوية ومُنعزلة عن رفقاتي أغلب الأوقات رُغم أنها الجامعة والحياة الجامعية اللي كل طالب بيحلم فيها ..
حرفياً كنت إعجن وشي بالمكياج بشكل يومي حتى اخفي آثار الحبوب
وكنت كل ما جوع نص النهار اشرب فنجان القهوة ☕ بدل ما آكل وجبة صحية 🥗 لإنو وزني عطول زايد
كنت عايشة معركة حقيقية حتى صير أجمل وأنحف
لكن دائما تجاربي كانت تزيد المشكلة تعقيد صحِّي ونفسي
عمإفتل بدوامة على طول 😖

نصحني أحد الأطباء اللي ما تكلف يتأكد من تشخيصي بمنظِّم لعلاج حبوب بشرتي لكن للاسف ما في شي نفع
كل حبة كنت آخدها كانت قنبلة موقوتة لأعراض اصعب ومؤلمة اكتر 🤒

بلشت عاني من تقلب مزاج رهيب ، وما كانت مجرد اضطرابات الدورة العابرة كل شهر ، كانت معارك هرمونية عمتحدث جواتي وعمتظهر على شكل تقلب مزاج دائم.
الدورة كانت غير منتظمة ومؤلمة بشكل لا يوصف ، لدرجة كتير احيان كنت حإتقيأ من شدة التشنجات 😭

سنوات وانا مفكرة انو هي الاعراض طبيعية وهية جزء من مرحلة النمو ومن كوني أُنثى 💁
بصراحة استسلمت للموضوع وصار باللاوعي عندي لازم اتحمل هالشي طول حياتي

بعمر ال22 ، اقترحت عليي إحدى الصيدلانيات إنو ممكن يكون عندي مرض اسمو
لكن بكل صراحة 😩 ؛ ما اهتميت لاقتراح الصيدلانية ؛ وهادا كان خطأ كبير بعترف فيه ..
كنت وقتها متخرجة من الجامعة جديد وكل تفكيري مُوجه للحياة ومغامراتها بعد التخرج 😌 ، للاسف ما كان متوفر الوقت ولا المال ولا الرغبة لاتعلم اكتر عن هادا المرض أو اتاكد ازا موجود عندي أو لا

المغامرة الجديدة بحياتي خلال تلت سنوات بعد التخرج
اللي منسميها الحياة العملية ، ما كانت أفضل من الحياة الجامعية من ناحية العلاقات الاجتماعية
كانت طبقات المكياج المتراكمة على وشي لاخفاء الحبوب والبقع الداكنة دائما تعمل عازل بيني وبين الناس ، وحس انو في شي غلط بطريقة التواصل
وكمان إلغاء بعض الوجبات بهدف تخفيف وزني كان مسببلي تعب وإرهاق وموجات فقر دم عطول لانو غذائي سيء وجسمي بحاجة لطاقة ، فما لاقي ملاذ غير بفنجان قهوة حلوة ☕
بالاضافة لتقلب المزاج الرهيب اللي سببلي مشاكل مع المسؤولين عني بالشغل ، واضطريت اترك العمل اكتر من مرة وابحث عن شغل من اول وجديد 😩
بقيت بمعاناه دائمة ومستمرة 😢

حتى بالنهاية صار النصيب بسن ال٢٥ 👫 ، وحصل الأمر المحتوم 👰، واتزوجت بشريك حياتي اللي أعطاني امل جديد بصبروا عليي والحب اللي عشناه سوا 💏..

للاسف سنتين وانا حاول يصير الحمل لكن عبس🚫❌
كل محاولاتنا كانت بلا فائدة ونحنا منتظرين ومندعي رب العالمين يرزقنا الذُرِّيّة 👶
وفجأة بعمر ال27 بصير الحمل ، وبنغمر بسعادة وحنيّة وعواطف ما بحسن أوصفها
عشت ايام ما بنساها طول العمر 😇
وبالاخير بتنتهي هي المشاعر الجميلة بإجهاض مؤلم جدا وغير مُتوقَّع بعد عشرة أسابيع من الحمل 😭😭😭
كنت مُتألمة 🤕
بشعر بالوحدة مع انو زوجي كان عطول يواسيني 😌
مضطربة ومحتارة ومُحبطة 😩
حزن وخسارة ومشاعر فقد ، متل لو انو كان عندي طفل ومات⁦
المشاعر الجميلة اللي عشتها أثناء الحمل زرعت فيي يقين إنو هي التجربة كانت اهم تجربة بحياتي 🔭

قررت اني ححاول مرة تانية وتالتة ورابعة حتى ربنا يكرمني ويتم الأمر💪
بهي اللحظات شي جواتي خلاني اتذكر كلام الصيدلانية
وحدس غريب خبرني انو في مشكلة بهرموناتي هية اللي سببتلي الإجهاض
ما كان بدي قصة الإجهاض تمر هيك من دون ما افهم هل هرموناتي هنن اللي اثروا عليي ولا شو بالضبط 🤔
كل شي كان يُحاك بعقلي والهدف وحيد انو قصة الإجهاض ما تتكرر

لهيك فورا باليوم التاني زرت الصيدلانية وسألتها ونصحتني راجع طبيبة نسائية
ومن دون تردد هالمرة وبكل ثقة اخدت موعد عند دكتورة نصحوني فيها
وبعد ما حكيتلها قصتي فحصتلي المبايض بالايكو ليتم تشخيصي ب .

كل الاعراض من
الشعر المُخجل
لحبوب البشرة
لآلام الدورة القاتلة وعدم انتظامها
غير تقلبات المزاج والقلق واضطرابات الاكل
كلو كان عمنبهني انو في مشكلة لازم واجهها
في خطر عميخنقني ويِضعف همتي ولازم اتجنبو
وانا كل اللي ببالي انو هيك حياة الانثى وشي لا مفر منو 😵
للاسف ما حدا علمني ولا حدا نبهني 😖
ولما عرفت بالمرض للاسف كانت هي الاعراض نوعا ما عمتصير جزء من شخصيتي مع الوقت

للاسف أنا ما عرفت بمرضي الا بعد ما مريت باصعب تجربة اللي كل المصابات بالمرض بخافوا منها
وهية تجربة الإجهاض ⁦☠️⁩
كان من الممكن ما عيش هالحدث القاسي والمؤلم لو اني عرفت بالمرض قبل حملي
وكان من الممكن تكون نتائجي الجامعية مختلفة ومثمرة اكتر وحياتي العملية والاجتماعية كان ممكن تكون ممتعة وناجحة لو عرفت بالمرض ببداياتو بسن البلوغ.

03/08/2020

بشكل مُبسّط ، شو هوي هالمرض؟
👈 هوي حالة اختلال بتراكيز الهرمونات عند الأنثى 🙋
ممكن يسبب مشاكل بالدورة ، وممكن الزوجة المصابة تبقى سنين ما عمتتوفّق بالحمل
وبيترافق عند البعض بتغيرات على شكل الجسم وأبعادو
ولما تبقى الحالة من دون علاج لفترات طويلة ، ممكن تتطور لأمراض خطيرة مهددة للحياة ⁦☠️⁩

عالمياً ، واحدة من كل عشرة سيّدات مصابة بالمرض 😢
بينما النسبة اكبر بالشرق الأوسط
بعض التقارير بتقول إنو كل عشر سيدات بمنطقتنا العربية بينهم أربعة مصابات 😱

من الخطأ حصر المرض بوجود أكياس على المبيض
لإنو ممكن نلاقي الاكياس موجودة وواضحة بصور الإيكو لكن الصبية سليمة 💯%
هالمعلومة بتتوضح اكتر من طريقة التشخيص
وهية عالشكل التالي:

منقول عن الأنثى أنها مصابة ب ازا نفى الطبيب كل الأسباب التانية لعدم انتظام الدورة أو انقطاعها ، وحققت الأنثى شرطين من الشروط التلاتة التالية:

⁦☝️⁩ دورة غير منتظمة أو متقطعة
(مع العلم انو طبيبة النسائية حتقوم بمراجعة مفصلة لتاريخ الإباضة والحيض مع السيدة حتى يتم تأكيد أو نفي عدم الانتظام أو الانقطاع بالدورة)
⁦✌️⁩ تراكيز عالية من هرمونات الذكورة؛ ومنها التستوستيرون؛ في تحليل الدم
(احيانا بينفي الطبيب الأسباب التانية لعدم انتظام الدورة ، وما بكون في ارتفاع بالهرمونات الذكورية والأكياس ما ظهرت على المبيض ، فبيكتفي بعرض جسدي على ارتفاع هرمونات الذكورة كزيادة شعر الوجه والجسم مثلا حتى يُثبت الإصابة بالمرض)
🖖 ظهور أكياس على أحد المبيضين أو كليهما بصورة الإيكو

فائدة: ممكن ببعض الحالات نُثبت وجود المرض نتيجة عدم انتظام في الدورة وشعرانية فقط ...

سؤال مطروح : يا ترى شو في حالات بتأدي لعدم انتظام أو انقطاع بالدورة غير الPCOS 🤔

Pharmadiet

25/06/2021

11/06/2021

20/08/2020

15/08/2020

11/08/2020

09/08/2020

08/08/2020

06/08/2020

05/08/2020

05/08/2020

04/08/2020

03/08/2020

Address

Telephone

Website

Alerts

Shortcuts

Share

Category