What are the opening hours?

Monday 10:00 - 18:00 Tuesday 10:00 - 18:00 Wednesday 10:00 - 18:00 Thursday 10:00 - 18:00 Friday 10:00 - 18:00 Saturday 10:00 - 18:00

滙賢醫社

Home
Hong Kong
Aberdeen
滙賢醫社

滙賢醫社作為社區的一分子，積極與社區建立深厚情感及聯繫，我們結合醫?

24/12/2020

【Merry Christmas and Happy New Year】

恭祝大家聖誕快樂、新年進步！慶祝節日之餘，請記得做好防疫措施，一齊健健康康咁迎接2021！

15/12/2020

【激光矯視後注意事項】

接受激光矯視後，傷口一般會喺幾日至幾星期內復原，術後護理相對簡單，主要都係保持雙眼清潔，術後一個月避免浸浴、游水或進行撞擊運動等等。

要注意嘅係，接受激光矯視後，度數要一段時間先會穩定，通常係一個月到幾個月不等，亦可能較容易眼乾，患者應定期覆診，並向醫生反映眼睛變化。

#激光矯視 #改善視力 #激光手術 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

08/12/2020

【激光矯視可預防其他眼疾嗎？】

深近視同深遠視都有機會導致其他眼疾，包括視網膜脫落、青光眼等等。要注意嘅係，激光矯視只能夠改變角膜弧度，雖然度數減低，但無法改善深度數引起嘅眼睛問題。

所以，本身深近視或同深遠視嘅人士，即使矯視後視力清晰，仍要定期接受眼科檢查，觀察其他眼部組織。

#激光矯視 #改善視力 #激光手術 #定期檢查眼睛 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

01/12/2020

【激光矯視會否影響日後治療？】

唔少患者都擔心，曾經接受激光矯視，日後會唔會唔可以做其他眼科手術呢？

一般嚟講，激光矯視並唔會影響日後嘅眼科手術，咁係因為激光矯視只有改變角膜弧度，同其他眼睛組織無關。

不過，患者日後如需要接受其他眼科手術，都要記得話畀醫生知，治療相關嘅量度同計算都會較為準確。

舉個例，隨住年齡增長，眼睛會出現白內障，患者就需要透過手術換走混濁嘅晶體，再換上人工晶體；如果患者曾經接受過激光矯視，醫生術前評估就會根據返呢個特別情況去量度屈光，從而判斷用咩人工晶體。

#激光矯視 #改善視力 #激光手術 #眼科手術 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

24/11/2020

【我適合接受激光矯視嗎？】

一個人係咪適合接受激光矯視手術，要經過醫生評估度數、角膜厚度、眼睛健康等方面先至可以決定，情況因人而異。如果患者屬於以下情況，大多都唔建議做激光矯視：

- 度數不穩：例如患者年紀較細，眼睛仍未發育完成，就建議等度數穩定先做
- 角膜缺陷：例如角膜過薄、角膜有疤痕、患錐形角膜等等
- 患有眼疾：例如青光眼、糖尿眼、白內障等等
- 其他疾病：例如患有類風濕性關節炎、系統性紅斑狼瘡等自體免疫疾病人士

有患者或因為深近視引致視網膜變薄或穿孔，醫生通常會先為呢類患者修補視網膜，等到病情穩定，再考慮可唔可以做激光矯視。

#激光矯視 #改善視力 #激光手術 #激光矯視考慮因素 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

17/11/2020

【兩種方法如何選擇？】

之前提到，激光矯視手術分為「LASIK」同「SMILE」兩種，兩者有咩分別？患者又可以點選擇呢？

LASIK：可矯正近視、遠視、散光同老花，而且準確度較高；傷口相對較大，患者康復時間較耐，術後亦較易眼乾。

SMILE：可矯正近視及散光；傷口相對較小，一般小於4毫米。

至於選擇邊一種方法，要先由醫生評估度數、角膜厚度、眼睛情況、角膜瓣大細等因素，再作考慮。

#激光矯視 #改善視力 #激光手術 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

10/11/2020

【激光矯視踢走眼鏡】

顧名思義，激光矯視利用激光去清除眼睛度數，令患者術後唔需要再戴眼鏡，或者度數大大減低。激光矯視手術分為「LASIK」同「SMILE」兩種。

進行LASIK期間，醫生會利用飛秒激光將角膜瓣割開，再翻開角膜瓣，以準分子激光打磨，及後醫生會合上角膜瓣；SMILE則無須切割角膜瓣，利用飛秒激光切割傷口，再提取出角膜組織，以飛秒激光打磨。角膜經過打磨後，弧度會有所轉變，從而改善屈光同清除度數。

整個手術過程大概為10至15分鐘，患者無須縫合傷口或留院，傷口一般會喺術後數日至數週內康復，視力亦會喺一個月內左右穩定落嚟。

#激光矯視 #改善視力 #激光手術 #眼科專科 #龐朝輝醫生

龐朝輝醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

03/11/2020

【個案分享：視網膜脫落患者提早白內障】

由細到大，張先生（化名）都係深近視一族。成年後，佢雙眼近視超過1,500度。不幸地，深近視損害佢嘅視網膜，到佢30歲嗰年，其中一隻眼亦因此出現視網膜脫落，需要接受修補手術。手術後一年，張先生發現同一隻眼睛再次模糊，求診後發現患白內障。

張先生白內障嘅棘手之處，係喺點樣調校人工晶體度數上面。正如之前嘅分享提及，人工晶體可以解決眼睛本來嘅屈光問題，例如可以抵消近視度數。不過，張先生嘅近視比一般人深得多，如果一隻眼調校到無咩度數，但另一隻眼仍然係1,500度近視，就會有「鴛鴦眼」問題，戴普通眼鏡嘅時候，可能會見到重影。

醫生了解過張先生嘅日常習慣後，得知佢平日戴開隱形眼鏡，唔使擔心以上提及嘅問題。另外，由於佢曾經接受視網膜修補手術，視力本身無咁理想，加上黃斑點有退化跡象，醫生預計使用多焦距人工晶體嘅效果未必理想，於是建議使用單焦距人工晶體。

張先生接受白內障手術後，視力好快改善番。佢打算日後另外一隻眼出現白內障時，儘快做埋手術，就可以唔使再戴隱形眼鏡。

#白內障 #晶體混濁 #白內障手術 #個案分享 #視網膜脫落 #視網膜修補手術 #眼科專科 #陳燕晴醫生

陳燕晴醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

27/10/2020

【唔適合做手術白內障點治療？】

白內障手術過程相對簡單，安全度亦頗高，一般患者都適合接受手術。好多時候，被評估為唔適合做手術嘅人士都係因為暫時嘅原因唔做得手術住，例如眼睛發炎，但喺呢啲問題處理好後，患者就可以接受手術。

當然，有一小部分人係完全唔適合做手術嘅，例如有長者患有認知障礙症，唔可以安定咁瞓低接受手術，但同時又因為麻醉風險高，唔可以使用全身麻醉，呢類病人就可能要用其他方法治療白內障，包括調校眼鏡度數、使用無咁反光嘅鏡片等等，但效果就無法同手術相比。

#白內障 #晶體混濁 #白內障手術 #認知障礙症 #眼睛發炎 #眼科專科 #陳燕晴醫生

陳燕晴醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

20/10/2020

【選擇人工晶體嘅考慮因素】

之前講過，人工晶體可以分為單焦距同多焦距，患者點先知道自己適合用咩人工晶體呢？眼科醫生一般會考慮患者嘅眼睛情況、期望同需要去建議。

單焦距人工晶體嘅好處係清晰，但由於只能改善一個距離嘅視力，患者手術後有需要時仍要戴眼鏡，唔適合想踢走眼鏡嘅患者。

相反地，多焦距人工晶體嘅好處就係改善多於一個距離嘅視力，患者手術後或可以完全踢走眼鏡；唔好處就係呢類人工晶體會無咁清晰，因為光線被多個焦距分薄咗。另外，部分患者植入多焦距人工晶體後，夜晚可能會見到光環或者光線散開，所以夜間需要揸車嘅人未必適合使用。

#白內障 #晶體混濁 #白內障手術 #人工晶體 #單焦距人工晶體 #多焦距人工晶體 #眼科專科 #陳燕晴醫生

陳燕晴醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

13/10/2020

【植入人工晶體回復清晰視力】

白內障手術期間，醫生除咗會移除混濁嘅晶體，仲會植入人工晶體取而代之。人工晶體主要有單焦距、散光、多焦距、散光加多焦距四大類，唔少患者都會問，呢幾類人工晶體有咩分別？

顧名思義，單焦距人工晶體只改善一個距離嘅視力，可以選擇睇遠嘢清晰，或者睇近嘢清晰。如果患者選擇咗睇遠嘢清楚，咁佢睇近嘢嘅時候就會模糊，需要眼鏡輔助，反之亦然。

多焦距人工晶體就可以改善多於一個距離嘅視力，視乎產品設計，部分可以改善中距離同遠距離視力，有啲就可以處理遠、中、近距離。

#白內障 #晶體混濁 #白內障手術 #人工晶體 #單焦距人工晶體 #多焦距人工晶體 #眼科專科 #陳燕晴醫生

陳燕晴醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

06/10/2020

【白內障過熟增加治療難度】

隨住年齡增長，眼睛會出現白內障，晶體慢慢混濁、硬化同變厚。雖然呢啲係好正常嘅變化，但如果拖延治療，任由白內障變熟，就可能引起唔同嘅問題。

其中一個問題，就係增加治療難度。之前我哋講過，白內障手術一般都可以用微創方法處理，安全性、復原時間都有優勢；但好可惜，當白內障過熟，晶體就會過硬同過厚，唔適合用微創方法，要用番傳統方法，風險就較高，患者亦要長啲時間康復。

另外，白內障過熟有可能引致急性青光眼。眼睛去水角度較為狹窄嘅人士，本身患急性青光眼嘅風險已經比一般人高，隨住佢哋嘅晶體因為白內障變厚，去水角度就窄上加窄，增加眼壓，導致急性青光眼，甚至致盲。

換言之，白內障應及時處理，唔好等到過熟、視力受損嘅時候，先至後悔莫及。

#白內障 #晶體混濁 #白內障手術 #急性青光眼 #眼科專科 #陳燕晴醫生

陳燕晴醫生提醒：以上內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。

Address

Aberdeen

Opening Hours

Monday	10:00 - 18:00
Tuesday	10:00 - 18:00
Wednesday	10:00 - 18:00
Thursday	10:00 - 18:00
Friday	10:00 - 18:00
Saturday	10:00 - 18:00

Telephone

+85260128606

Website

https://omnicarehealth.org/wordpress/

Alerts

Be the first to know and let us send you an email when 滙賢醫社 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 滙賢醫社:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Aberdeen?