30/10/2025
今日有機會同一個家長討論小朋友眼神接觸嘅問題。
“無論我點逼佢，佢都唔願意同其他人有任何眼神接觸，一叫佢個名就耷低頭，又唔回應我講嘢” 🥲
小朋友眼神接觸同社交發展其實有好重大既關係。對好多小朋友黎講，眼神接觸可能係一個挑戰，但佢都係建立溝通和社交技能既重要起點。
👀眼神接觸可以令小朋友能更容易感受到來自家長同身邊朋友既關愛與安全感。
學習與他人對視，有助於理解表情和情緒，逐漸融入社交互動。
透過眼神接觸，孩子能更專注於語言和非語言線索，學到更多溝通技巧。
但係強迫小朋友一定要有眼神接觸，可能會令佢哋更加焦慮。更加因為種種嘅負面感覺或者伴隨既責罵而避開眼神接觸。
所以循序漸進嘅訓練其實可以令到小朋友更容易改善眼神接觸既問題，等佢明白到眼神接觸所帶嚟嘅正面意義 💪🏻
其實可以喺日常生活一啲同眼神接觸有關嘅遊戲，訓練小朋友可以多啲眼神接觸
我哋下一個post就會介紹五個可以令小朋友對於眼神接觸減少焦慮嘅遊戲同埋活動。有興趣有記得follow我哋IG!!
