Soul.calm

16/09/2025

嚟咗美國差唔多一年，終於都搞掂到自己嘅書枱同工作角落啦 ✨
啲書全部都係我喺香港精挑細選帶過嚟嘅，有精油、有New Age、心靈成長嘅書，仲有天使卡同頌缽水晶 🔮💫

呢個位對我嚟講唔淨係工作間，仲係一個提醒自己嘅地方。擴香 Magnify Your Purpose（紫色嗰支精油）嘅時候，好似再一次拉返我初心，記得自己做緊嘅嘢，背後嘅目的同意義 🌸🕯️

我一向好鍾意睇書同學嘢，學到嘅嘢再用喺自己身上，會令自己身心同情緒都活得更好 🌿💭

就想開心share下呢個小小角落，希望大家都搵到自己嘅空間同養分 🌱✨

#閱讀日常 #書枱日記 #知識就係力量 #心靈成長 #精油生活 #天使卡 #水晶力量 #頌缽
#移美國港媽 #移民生活 #美國生活 #兩孩一喵移美日子 #全職媽媽的日常

24/08/2025

Aroma craft partner 既活動，住大埔北區既朋友仔留返啦！
自己整嘅潤唇膏，真係好正🩷

唔好以為夏天唔駛搽潤唇膏！
其實一年四季都要護膚，護唇！
秋天好快就到，
DIY天然香薰潤唇膏自用同送俾朋友都好正㗎！

大埔運頭塘鄰里社區中心
https://www.facebook.com/share/19VHEhm65j/?mibextid=wwXIfr

#香薰治療師
#香薰潤唇膏

24/08/2025

畫禪繞係冇地域限制，好開心能夠同香港，美國，英國嘅同學仔一齊zentangle ❤️
嚟緊聖誕節會再同大家一齊畫聖誕卡，好期待

#有興趣上堂其他可以留言

18/08/2025

作為媽媽面對小朋友有皮膚問題，或者自己有皮膚問題，一定好困擾

上年啱啱到步美國，唔知係天氣嘅問題定係咩問題，皮膚從來都唔差嘅Ayden，個嘴竟然圍住爛咗幾個月。初初佢唔係好肯搽嘢，用過一啲皮膚嘅藥膏，當然梗係冇用啦。當時Rose ointment冇貨，等佢一有，即刻買

之後要佢起勢咁樣揸Rose ointment，當時係驚訝嘅，其實呢甖野會查到塊面油立立，但係佢竟然肯每日搽，返學前都查，原因好簡單，就係查咗之後真係幫到佢好返幫，到而家呢都有幾個月冇復發過。

而返學呢，就俾支薰衣草潤唇膏佢帶返學校，查喺紅嗰啲位搽，細細支又方便。

果時佢都有查animal scent oimtemnt ，佢呢自己會識得分幾時查呢隻舒服啲，幾時搽Rose 舒服啲😆animal scent 又平又大甖，真係超級抵用。我有陣時呢隻腳好乾都會搽佢。

呢幾日又見佢拎animal scent嚟查，佢話feel到想復發。佢都查得好勤力。當然啦Touchwood係未有復發嘅。

最開心係我覺得Ayden真係成為咗一個精油寶寶，有病有唔舒服，踢波攰，扭親整親，屙嘔暈車浪，佢第一時間都係諗用精油，由細到大接觸精油，我諗佢自己都體會到精油係幫佢處理到好多問題，而係令到佢唔需要食藥。

佢心愛嘅模型櫃前邊竟然長期都擺住呢幾甖嘢。我成日同佢講，你咁樣唔會阻住你啲靚靚模型咩，但係佢都繼續擺到，證明呢幾間嘢對佢嚟講係非常重要，而且係每日必備🤣🤣
#相入邊嘅佢就係啱啱初到美國個嘴爛嘅樣

28/01/2025

其實我人生有幾個旅行嘅Checklist，係同spiritual/ energy spot有關：
1. 秘魯 馬丘比丘
2. 秘魯 Nazca Lines
3. 美國Sedona
4. 埃及
5. 希臘神殿 ✅
6. 日本鞍馬山✅
7. 日本天岩戶神社 天安河源 ✅
8. 日本Miho Museum

三月尾會去拉斯維加斯睇五月天，順道玩幾日。終於有機會可以去Sedona。「Sedona 位於亞利桑那(Arizona) 州，是一個充滿靈氣和神秘力量的聖地，也是美國傳出最多UFO 目擊個案之地。Sedona 以紅色巨岩知名，這裡同時還被稱為上帝居住的地方，有著強烈的能量磁場！」

我識呢個地方係因為睇卓飛嘅阿美利堅有外星人，最期待去Chapel of the Holy Cross，我唔信天主，但係我信宇宙能量，佢哋話嗰度嘅Energy係好勁。其實亞利桑那州真係好正，如果可以深度遊，又有UFO，又有好多能量嘢，自然風景又有大峽谷，Death Valley，另一邊又有約書亞樹國家公園，呢啲都係我鍾意嘅地方。我相信我日後應該會嚟多次Road trip深度遊。

今次一拖二帶住兩個細路，我又唔識揸車，仲要join day tour，應該都唔會非常spiritual，但都叫可以去感受下，完成多一個check point。

仲見有個團去Area 51同約書亞樹，本身都勁想去埋，可惜兩個團撞左時間。

#美國生活 #移民 #移民美國 #亞利桑那州

19/01/2025

沖涼用咩好？
其實手工皂係絕對好過沖涼液。單睇成份，手工皂嘅成份就一定簡單過你喺街買嘅沖涼液。而你要買到一啲好天然，無添加呢樣、無添加嗰樣嘅沖涼液，亦都係非常之貴。而且佢話冇，你都唔知係咪真係冇。

但係如果自己打手工皂，你就可以用最靚最好嘅材料，成份亦都係自己掌控。所以自從我熄昂識咗整手工皂，我已經好多年冇用沖涼液囉。好多人唔鍾意用手工皂，因為覺得佢冇泡，其實加一個番梘網袋喺出邊，啲泡分分鐘多過你嘅沖涼液。而且佢係物理起泡，而唔係好似沖涼液咁樣化學起泡。

而當你用過靚嘅手工皂，你就知道個感覺真係好矛盾，又滋潤，但又好爽😂😂

#流量密碼
#手工皂 #手工皂課程 #沖涼

16/01/2025

快要過新年，如寶石美美的氨基酸手工皂，應該都可以算是新年禮物嘅選擇之一？你會想要嗎？
🇭🇰 🇬🇧🇺🇸
#流量密碼 #氨基酸手皂 #安基酸皂 #手工皂出售 #手工皂工作坊

13/01/2025

快要過農曆新年了，當然要用碌柚葉手工皂沖涼，去衰氣，添好運。 #流量密碼
#碌柚葉沖涼 #農曆新年 #手工皂 #小班教學 #產品購買
With the Lunar New Year just around the corner, it’s time to cleanse ourselves with a refreshing bath using pomelo leaves! Let‘s wash away the bad vibes and welcome good fortune! 🥳🍊✨

剛移民到美國的香薰治療師，創業需要人氣和支持🙏
分享 香薰精油、身心靈、藝術
IFA香薰治療師、頌缽治療師、禪繞老師、手工皂老師

As a newly immigrated aromatherapist in the US, I need your support to grow my business! 🙏

💥 Let’s support each other on IG! Follow back guaranteed! 🥳

12/01/2025

星期六傍晚開始發燒38 加發冷
開始寧夏放題，搽咗2次rain drop，第二朝退咗燒，但平時36點幾度嘅我，都仲係37點幾，都係有少少偏高。
跟住晏晝同Ayden做停課嘅功課，做咗成日，又開始燒
因為沉醉同佢做功課，日頭冇揸過rain drop，無飲過寧夏紅，傍晚10點到先開始揸，但已經燒過39。
但係難得有機會，可以自己親身試吓Raindrop對自己有冇用，所以堅決唔食退燒藥。
10pm 2am 5am 各揸左一次。2am揸完就開始出汗。跟住就開始慢慢退燒。去到9點幾起身，去到而家下晝4:30都冇再燒過。
今次我嘅經驗係，揸精油同飲寧夏紅，要有期望調節，唔好諗住好似退燒藥咁樣揸完即刻退燒，上次Ayden同埋今次我自己既經驗，真係起碼要查至少3次先至開始會逐步退燒。
我覺得個分別係食退燒藥會即刻退燒，但係藥力過會再燒，因為退燒藥只係單一去幫你退燒，處理唔到引起發燒既原因/病菌，亦都幫唔到你增強免疫力同抵抗力，西藥只會越食越虛。但係就叫做快靚正，即食即退。
但揸精油就要耐啲時間先至會退到燒，但係因為揸嘅精油有好多支，可以處理埋發燒以外嘅病因，例如提升抵抗力，處理肌肉酸痛，殺病毒，幫你提升身體打病毒嘅能力等等，所以係綜合性。退燒時間比退燒藥耐，但係當佢幫你退到燒既時間，亦都同時處理埋其他既不適，所以你就係會完全好返。
就我個人而言，我就一定係傾向用精油。不過如果小朋友真係燒過39度，我都覺得應該考慮用退燒藥，始終太高燒對小朋友有一定危險性。
我覺得未必一定要有成套 raindrop，但好推介要有枝 peppermint，Ravintsara同 lemon係屋企看門口，如果發燒用呢3枝揸腳板底好有幫助。

10/01/2025

終於下雪了
🌨️ snowing ❄️
#下雪 #停課的一天 #全職媽媽的日常

04/01/2025

聖誕假期無野做，就整下bath bomb。美國天氣好乾燥，用香港既配方好難成形，都係散。錯有錯着，咁就加多啲甜杏仁油落去，用嘅時候，超潤，岩晒呢度乾燥既冬天用。

During the Christmas break, kids felt bored at home….um, why not whip up some bath bombs? The weather in the US is so dry that my Hong Kong recipe just wouldn’t hold together—they crumbled everywhere! After a bit of trial and error, I chucked in some extra sweet almond oil, and now they’re mega moisturising! Just what I need for this dry winter vibe!

#沐浴球 #甜杏仁油 #我係香薰治療師

03/01/2025

話說去雪山之前嗰日Ayden 已經開始發燒🤒都去到39度。去咗雪山三日，呢4日都定時食退燒藥，但係都係藥力過左就再燒，食咗四日都冇好轉，keep住都39。

返到屋企決定唔再食藥，因為藥只係治標唔治本，決定用精油加寧夏紅放題。用咗兩日時間，每隔大概3至4小時就Raindrop按摩背脊一次（其實我都係第一次用raindrop），夜晚瞓覺再用薄荷同檸檬精油搽腳板底。

第一次用Raindrops推背，輕輕按摩已經起晒沙，因為raindrop總共有九支油， 按摩晒九支油背脊嘅沙就退晒。用嘅第一日，日頭冇發過燒，夜晚有燒過一次，38.2-3度，比之前嗰幾日39度已經低咗好多。而且我覺得因為幫佢按摩，佢個情緒都會穩定啲，明顯按完瞓覺都瞓得腍啲。

而且好明顯用完Raindrop之後佢瞓覺，係會出晒汗，好似滴水咁樣，將啲毒發晒出嚟。而第二日呢就開始有少少嘔🤢，我覺得係排毒反應。第二日晚燒過一次，38.5。

第一日呢我都有煲紫洋蔥水俾佢飲，要佢食埋啲洋蔥碎，因為洋蔥係好幫助到身體殺菌。
第二日因為開始嘔，佢已經冇乜胃口飲寧夏紅，所以我都冇逼佢，一飲就嘔，太浪費 😂😂
到第三日呢已經完全冇事冇再燒有再嘔。

所以我嘅總結係食咗四日藥都退唔到燒，但係用咗兩日raindrop加寧夏紅加洋蔥🧅水已經可以完全冇事。所以其實免得過都真係唔食藥啦。

Raindrop其實係包含咗9枝油，因為Ayden仲細，所以我用嘅份量都有降低咗，每枝我用兩至三滴。本身我都有諗過用薄荷加檸檬精油🍋幫佢推天河，不過佢唔制。🤷🏻‍♀️推天河係好好嘅小兒推拿方法幫手退燒，之前妹妹發燒我都試過唔食藥幫佢推天河，就退咗燒。

嚟咗美國兩個月，我，妹妹，同Ayden都發過燒，覺得我哋喺度適應緊呢度嘅天氣，適應緊呢度嘅飲食。希望快啲適應晒啦。不過識用精油喺外國真係好好，因為喺外國要睇醫生都唔容易，有精油就叫做自己都有啲救急嘅方法。

Valor® essential oil blend
Oregano essential oil
Thyme essential oil
Basil essential oil
Cypress essential oil
Wintergreen essential oil
Marjoram essential oil
Aroma Siez™
Peppermint essential oil

https://www.youngliving.com/us/en/learn/raindrop-technique